1581 Refformatio Drossewsky in bonis villae Wolia

Refformatio Drossewsky in bonis villae Wolia

Comparens personaliter coram iudicio terminorum terrestrium particularium Calissiensium nobilis Melchior Droszewsky, non compulsus non coactus neque aliquo errore devio seductus, sanus mente et corpore existens sponte, libere manifesteque recognovit.

Quia ipse in et super tota et integra medietate omnium bonorum suorum hereditariorum in villa et hereditate Wolia districtus Calissiensis sitta, tum et in medietate sortis suae molendini in eadem hereditate villae Wolia existentis ac aliorum omnium [k. 578v] bonorum suorum hereditariorum nunc habitorum et in posterum habendorum, acquisitorum et acquirendorum, emptorum et emendorum, devolutorum seu devolvendorum vel successione quavis sibi redendorum, in totis tamen curia, domo, area, allodio, horreo, peccoribus, peccudibus, equirea totaque suppellectili domestica, tamen in medietate agrorum praedialium cultorum et desertorum, qui pro praedio seminantur et arantur, medietateque summarum peccuniariarum habitarum et habendarum, auri, argenti formati et non formati,

mille ducentos florenos, per triginta grossos computatos, peccuniarum Polonicalium ratione dotis et totidem dotalicii, nobili Helizabeth Thurska nobilis Janussii Tursky <filiae> et suae consorti legittimae eiusque successoribus amore coniugali in eam ductus dedit, donavit et iuxta terrae consuetudinem dotalicialiter resignavit, per ipsam Helizabeth consortem suam et ipsius successores legittimos bona eadem suprascripta omnia taliter ut praemissum est sibi refformata,

cum omni eorundem bonorum iure, dominio, proprietate, {pertinentiis} attinentiis, pertinentiis, fructibus, proventibus, redditibus, obventionibus, emolumentis ac utilitatibus generaliter universis inde quomodolibet provenientibus, nullis poenitus exclusis, non minoratis, sed omnibus in genere et singulis in specie comprehensis, tenendi, habendi, utifruendi, possidendi, modo et iure reformationis dotalicialis ac iuxta legem, laudum, modum et observantiam aliarum refformationum dotalicialium nunc et antiquitus in Regno Poloniae et terris eiusdem tentarum et observatarum.

Insuper memoratus Droszewsky fideiussit ac se suosque successores in omnibus bonis suis hereditariis et obligatoriis, mobilibus et immobilibus, habitis et habendis eidem Helizabet Thurska coniugi suae et eius posteris inscribit et obligat ac pro successoribus nobilis olim Agnetis Mieskowska prioris consortis suae cavet et fideiubet, quod videlicet ipsi eandem Helizabet in refformatione praedicta bonorum supranominatorum eorumque possessione et eiusdem Helizabet successores non impedient, immo eam in possessione praedictorum bonorum pacifica conservabunt, refformationique dotaliciali nunc sibi factae non contradicent.

Quod si contradixerint, extunc tenebitur ipse Melchior Droszewski cum suis successoribus eandem Helizabeth et eius posteros ab eiusmodi impedimento iuridico praedictorum successorum nobilis olim Agnetis Mieskowska tum et ab omni alio homine status, sexus et conditionis cuiuscunque ipsam Helizabet et eius posteros in eisdem bonis iure impediente et impedire [k. 579] volente, nec non ab omnibus et singulis inscriptionibus prioribus et posterioribus, resignationibus, refformationibus, dotibus, dotalitiis, advitalitatibus, obligationibus, censibus spiritualibus et secularibus, et generaliter ab omnibus impedimentis iuridicis et extraiuridicis omnium personarum, toties quoties opus fuerit, evincere, eliberare, intercedere et indemnem indemnesque reddere.

Quae praemissa omnia debebit et tenebitur cum successoribus suis ac se, recedendo a terris, palatinatibus et districtibus suis propriis quibusvis competentibus, iurisdictioni huic praesenti terrestri Calissiensi se bonis cum omnibus suis incorporando, inscribit et obligat facere, complere ac exequi, sub vadio mille ducentorum florenorum, per triginta grossos computatorum, peccuniarum Polonicalium, in casu vero non completionis praemissorum omnium et singulorum tam in toto quam in parte ad solvendum, toties quoties opus fuerit, succubendo. Citatusque citatione literali ratione praemissorum praenominatus Melchior Drossewsky aut eius successores per praenominatam Helizabet vel eius posteros in iudicium capitaneale castrense Poznaniense vel ad officium eiusdem castri, quod in duabus septimanis tractari solitum est, quibus se cum omnibus successoribus suis praesentibus incorporat, tum in primo citationis termino tanquam peremptorio debebit successoresque eius tenebuntur toties quoties opus fuerit stare, parere, respondere et tam pro re principali quam vadio praefato a iudicio vel officio praedictis non discedendo satisfacere ac decretum pati, a iure terrestri districtu [?] suis recedendo,

motionibus, apellationibus, dillationibus, exceptionibus, termino pro maiori, verae vel simplici infirmitatibus, bello, conventioni Regni generali sive particulari, literis regalibus, statutis laudatis et in futurum quomodolibet laudandis, aere pestifero, absentia a Regno, legationibus, aquarum inundationibus, viarum quibuscunque impedimentis, poenae trium et novem marcarum dandoque [?] intromissioni [?] et generaliter omnibus et singulis iuris et facti remediis, coloribus et diverticulis de iure et consuetudine fieri solitis, quibus nitti et se deffendere contra praemissa posset aut vellet, renunctiando,

nullosque deffectus vel vitia praesenti inscriptioni ac citationi ex eadem aemanatae obiiciendo, neque ad quietationem alibi praeterquam ad acta castrensia Calissiensia sibi recipiendo, et poenitus nihil iuris remediorum et diverticulorum sibi in auxilium contra praemissa assumendo sub ammissione suae totius causae.

Quibus omnibus praemissis [k. 579v] se benevole praenominatus Melchior Drossewsky submisit et ea omnia in se successores suos et bona sua omnia libere praesentibus assumpsit, nulla in praemissis obstante terrestri praescriptione. Super quo est memoriale iudicio solutum.

Or.: Kalisz Z. 21, rezygnacje/indukta, 1537; 1539; 1542; 1547; 1550; 1552-1555; 1557-1558; 1565; 1571; 1580; 1583-1584; 1586, k. 578-579v.

N. Melchior Droszewski na 1/2 swej wsi Wola w pow. kaliskim i na 1/2 młyna swego tamże oprawia 1.200 złp. żonie swej N. Elżbiecie Turskiej c. N. Janusza Turskiego tytułem posagu i tyleż wiana. Nadto w imieniu sukcesorów swojej pierwszej żony ol. N. Agnieszki Mieszkowskiej składa zobowiązanie, że nie będą wnosić pretensji do tejże oprawy.

1601 Madeiowie vendunt censu Borinii hospitali

Madeiowie vendunt censum Borinii [?] <hospitali>

Ad iudicium actaque praesentia personaliter venientes famati Albertus Madey pellio et Anna Stawireiowna coniuges cives Calissienses, ille quidem per se, haec autem per honestum Adream [!] Kubinski frenificem generum suum civem itidem Calissiensem, tutorem de consensu praesentaneo mariti sui ad acta hunc assumptum et iudicialiter approbatum, personaliter sibi adstantem et ad infrascripta omnia consentientem, sani mente et corpore, ambo insolidum et quisque illorum seiunctim, unus pro altero pro toto confideiubendo pro interesse suo publice benevoleque recognoverunt.

Quia vendiderunt, prout actu praesenti vendunt et iudicialiter resignant in vim reemptionis alias na wyderkaw in et pro summa ducentorum florenorum Polonicalium, quemque triginta grossis Polonicalibus computando, ex manibus venerabilis Andreae Rąmczyk Borinius custodis ecclesiae collegiatae Calissiensis Beatae Mariae Virginis et in utraque Dobrcza villis civitatis Calissiensis haereditariis plebani nec non in oppido Borek diecessis [!] Posnaniensis in ecclesia parochiali tituli sancti Stanislai Poloni Martiris altaris in laudem Dei optimi maximi eiusque genitricis Mariae Virginis atque sanctorum Andreae Apostoli et Laurentii Martiris noviter extructi et per eum fundati altaristae realiter et in effectu levatorum,

pauperibus pro sustentatione victus et relevanda inopia ipsorum hospitalis Borcensis penes fundum Martini Rąmczyk nunc et aliis pro tempore [s. 674] in eodem hospitali existentibus, censum annualem quatuordecem florenorum Polonicalium quotannis pro dominica Septuagesimae in manus praefati Andreae Rąmczyk usque ad extrema vitae eius tempora ad manualem ipsius recognitionem, quae eiusdem valoris velut authentica quietatio erit, post eius vero decessum ipsi quem ille in loco suo ordinaverit, persolvere temporibus perpetuis, sub vadio simili interposito irremisibiliter luendo ob ipsius census non persolutionem.

Quam quidem originalem summam suprapraefatam simul cum censu praefato empto et resignato inscribunt et assecurant in lapidea sua propria aciali in circulo Calissiensi penes lapideam famati Bartholomei Łabęcz civis Calissiensis sitta aliisque bonis suis omnibus mobilibus et immobilibus summisque pecuniariis omnibus habitis et habendis, successores suos de eisdem bonis praefatis onerando et obligando in vim reemptionis ut praemissum est, praedictis pauperibus hospitali Borcensis nunc et pro tempore existentibus, in manus eiusdem fundatoris certo soluturos.

Inscribendo se et successores suos onerando de aliis omnibus bonis suis mobilibus et immobilibus in circum circa et extra civitatem Calissiensem consistentibus habitis et habendis, in summa et censu supra praedictis bonis inscriptis et resignatis perpetualiter annuatim persolvendis, praedictos pauperes hospitalis Borcensis ab omnibus impedimentis iuridicis omnium et singularum personarum cuiuscunque status, sexus et conditionis existentium, ab omnibus inscriptionibus prioribus et posterioribus, summisque omnibus spiritualibus et secularibus si que ibidem emerserint, suo proprio sumptu quoties tantum fuerit opus tueri, evincere et eliberare in primo citationis termino tanquam peremptorio, ita quod praefati pauperes nunc et pro tempore existentes posint [!] pacifice et integre quolibet anno censum praefatum quatuordecem florenorum Polonicalium sine quovis impedimento ex manibus eiusdem fundatoris et post decessum illius a suo ordinario curatore vel curatoribus instituendis percipere et sub manuali recognitione levare.

Quae omnia in praesenti inscriptione expraessa [!] iidem recognoscentes et sui successores virtute praesentis obligationis submittunt se cum successoribus suis firmiter manu tenere et adimplere, sub vadio ducentorum florenorum Polonicalium eisdem pauperibus nunc et in posterum existentibus luendo et persolvendo.

Pro quo quidem vadio luito vel inscriptioni praesenti aliqua in parte contraventione ipsi recognoscentes vel ipsis deceden(dis) eorum successores ad judicium advocatiale Calissiense citati in primo citationis termino tanquam peremptorio stare parere debebunt, prout se actu praesenti cum successoribus submittunt facturos ac omnibus eiusdem inscriptionis contentis satisfacere vadioque luito exoluto omnia contenta inscriptionis praesentis complere, nulla re exquisita iudiciaria et extraiudiciaria nullisque dilationibus, protestationibus [?], appellationibus etiam si de iure concessibilibus excogitatis et excogitandis praemissa evadendo vel etiam terminum peremptorium quovis modo et ratione differendo, nullo denique iuris colore et quavis diuturnitate temporis, etiam si longissima, praemissis obstante, sub amissione totius suae causae, immo quidquid contra [s. 675] praesentem inscriptionem et ipsius contenta infringendo vel aliqua ex parte labefactando, sive dictum sive factum fuerit, id totum debet esse irritum et inane.

Cum eo adiuncto, ut si iidem recognoscentes vel ipsorum successores eam summam originalem emundantes bona sua a censu praefato pauperibus vel ipsorum ordinariis curatoribus pro tempore existentibus reponere voluerint, avisationem 12 septimanis ante terminum solutioni incidendo praemittere tenebuntur, ut eidem summae pauperes cum suis ordinariis curatoribus, quibus idem fundator ius patrocinatus eiusdem hospitalis contulerit, alium fundum certum quantitate praecii summam originalem excedentem inveniant et super inscriptionem praemissam in vim reemptionis sub censu simili annuatim persolvendo eam summam comittant.

Quam inscriptionem judicium praesens ita ut in se continetur authoritate sua confirmavit, robur habere perpetuae firmitatis. Super quo memoriale judicio solutum est.

Or.: Kalisz wójtowska, Liber resignationum, reformationum etc., 1578-1619, indukta, APP sygn. 45, s. 673-675.

Wojciech Madej kuśnierz kaliski z żoną Anną Stawirejówną zapisują czynsz roczny 14 złp. od 200 złp. na utrzymanie ubogich szpitala w Borku Wielkopolskim. Sumę wypłaca im Andrzej Romczyk (Rączyk?) Boryński (Borinius), kustosz kolegiaty NMP w Kaliszu, pleban na obu Dobrcach (Dobrzec Wielki, Dobrzec Mały) wsiach dziedzicznych Kalisza oraz altarysta ufundowanego przez siebie ołtarza śś. Andrzeja Apostoła i Wawrzyńca Męczennika w kościele parafialnym pw. św. Stanisława Biskupa i Męczennika w Borku. Szpital przy gruncie niejakiego Marcina Romczyka/Rączyka. Czynsz zapisany (tj. zabezpieczony) na kamienicy Madejów narożnej w rynku kaliskim, przy kamienicy Bartłomieja Łabędzia mieszczanina kaliskiego. Gdyby Madejowie chcieli zwrócić sumę, mają o tym zawiadomić szpital z 12-tygodniowym wyprzedzeniem, tak by opiekunowie szpitala zdążyli znaleźć inny grunt zapewniający mu dochód.

1594 Wawrowskiemu idem Biernacki debet

Wawrowskiemu idem Biernacki debet.

Coram officio actisque praesentibus castrensibus Calissiensibus personaliter comparens nobilis Matthias Biernacki sive Gorzicki, a districtu tum et jure terrestri suis propriis in quibus possessionatus est recedendo et se cum bonis omnibus ac successoribus suis huic praesenti capitaneali castrensi Calissiensi iurisdictioni actus praesentis ratione submittendo et incorporando, mente corporeque sanus existens palam, libere verbisque expressis recognovit.

Se in bonis suis omnibus teneri debitumque esse veri, certi et in mutuum accepti debiti centum florenorum, quemlibet grossis triginta computando, pecuniae Polonicalis consuetae nobili [s. 734] Matthiae Wawrowski. Quam pecuniae summam praefatus Matthias Biernacki eidem Matthiae Wawrowski ac eius successoribus debebit et sui successores tenebuntur dare, solvere atque hic circa acta praesentia castrensia Calissiensia in parata pecunia reponere a crastino festi sancti Joannis Baptistae proxime venturi recte in anno, sub aequali vadio aliorum centum florenorum pecuniae similis, per eum in se bona quaevis sua et successoribus suis libere praesentibus assumpto et in casu non solutionis debiti eiusdem pro tempore assignato ad solvendum succumbendo.

Pro quo quidem vadio ac ipso debito principali citatus dictus Matthias Biernacki aut illius successores per praefatum Matthiam Wawrowski vel illius successores literali citatione huc in judicium sive officium praesens capitaneale castrense Calissiense, quibus se praesentibus cum bonis omnibus ac successoribus suis submittit et incorporat, tum in primo citationis termino tanquam peremptorio debebit et sui successores tenebuntur stare, parere, respondere et pro citatis omnibus a judicio vel officio, dum causae officii iudicabuntur, non recedendo, toties quoties opus fuerit satisfacere, ac decretum judicii sive officii totumque iuris progressum usque ad finalem exequutionem pati;

terminum ipsum primum peremptorium et omnia praemissa nullis diffugiis, dilationibus, exceptionibus tam contra ipsam inscriptionem quam et processum, quasi male obtentus esset, inferendo; appellationibus, motionibus ad prosequend(as) easdem, adcitationibus, inhibitionibus, evasionibus, actione pro maiori, conventione generali aut particulari, bello seu alio quovis servitio militari laudato et laudando, litteris regalibus, vera vel simplici infirmitate, successorum minorennitate, statutis laudatis et in futurum laudandis, diverticulis et coloribus iuris quibusvis quaesitis, excogitatis et excogitandis, poenisque de iure et consuetudine decerni solitis evadendo, neque sibi ad quietationem de omnibus praemissis dilationem ulteriorem tantummodo ad proxima causarum officii iudicia accipiendo, nihilque penitus sibi in auxilium contra praesentem inscriptionem et ex ea emanatam citationem totumque processum assumendo, sub suae totius causae amissione.

Quibus omnibus praemissis se benevole suprascriptus Matthias Biernacki submisit ac ea omnia in se bona quaevis sua ac successores suos libere praesentibus assumpsit, nulla terrestri praescriptione praemissis obstante.

Or.: Kalisz Gr. 81, inskrypcje/indukta, s. 733-734.

N. Maciej Biernacki czyli Gorzycki pożyczył od N. Macieja Wawrowskiego 100 złp., które zobowiązuje się spłacić w rok od zajutrka po najbliższym św. Janie Chrzcicielu.

1770 Spectabilis Paulus Porawski proeconsul civitatis Magnae Cozmin

Spectabilis Paulus Porawski proeconsul [!] civitatis Magnae Cozmin omne jus suum ad substantiam Viovianam venerabili conventui patrum Minorum de Observantia sancti patris Francisci donat et transfundit.

Actum in civitate Magna Cozmin feria quarta ante festum sancti Michaelis [26 IX] proxima anno Domini millesimo septingentesimo septuagesimo.

Spectabilis Paulus Porawski ad praesens proeconsul civitatis Magnae Cozmin, olim spectabilis Simonis Porawski consulis Cosminensis cum spectabili Catharina Faudrowska legitime procreatus filius, olim vero spectabilis Joannis Porawski incolae Opalenicensis nepos, coram officio actisque praesentibus advocatialibus civitatis Magnae Cozmin personaliter comparens, recedendo a quovis foro suo palam, libere ac per expressum recognovit suisque cum successoribus recognoscit.

Quia ipse omne jus suum ad substantiam Viovianam, vigore successionis post olim famatum Franciscum Via civem de Opalenica, eum spectans, decreto illustrissimi et excellentissimi domini domini Adalberti comitis de Bnin Opalenski palatini Siradiensis, capitanei Boleslaviensis, bonorum Minsko, Grodzisko, Opalenica ac aliorum heredis, in arce Opalenicensi die decima octava mensis Martii anno immediate elapso millesimo septingentesimo sexagesimo nono confecto, adjudicatae,

venerabili conventui sancti patris Francisci ordinis Minorum de Observantia in civitate Grodzisko existenti, praesenti transactione coram actis authenticis dat, donat, transfundit ac ejusdem conventui spectabili syndico omnimodam concedendo facultatem ac potestatem summas quasvis, una cum provisione in ejusdem conventus commodum, animae vero olim praelibati Francisci Via pro suffragiis, recipiendi ac realiter enumeratis quietandi, nihil sibi juris, dominii ac suis succedaneis reservando et relinquendo, et quidquid jus poposcerit, praecomittendo hac sua personali recognitione mediante ad praemissa.

(-) Paulus Porawski proeconsul Kozminensis, mpp.

Źródło: Koźmin, Księgi wieczne sądowi woytowskiemu kozminskiemu przygotowane..., 1743-1771, Muzeum Ziemi Koźmińskiej sygn. 33, s. nlb. (pod rokiem 1770)

Zacnie sławetny Paweł Porawski burmistrz Koźmina, syn niegdy Szymona rajcy koźmińskiego i Katarzyny Faudrowskiej, wnuk (nepos) zacnie sławetnego Jana Porawskiego mieszkańca Opalenicy zeznał przed urzędem wójtowskim miasta Koźmina, iż wszelkie swe prawa do spadku po Franciszku Via mieszczaninie opalenickim, przysądzonego mu dekretem Wojciecha z Bnina Opalińskiego wojewody sieradzkiego, starosty bolesławskiego, dziedzica dóbr Mińsk, Grodzisk, Opalenica i innych (dekret wydany na zamku w Opalenicy 18 III 1769), daruje bernardynom w Grodzisku Wielkopolskim: „konwentowi na pożytek, duszy zaś śp. Franciszka Via na zyskanie łask.”

1579 Inter GG. Kaczkowscy fratres roboratio contractus

Actum in Pysdri feria sexta ante dominicam Quadragesimalem Oculi proxima, anno Domini millesimo quingentesimo septuagesimo nono.

Constituti personaliter coram officio et actis praesentibus domini capitanei Maioris Poloniae generalis districtus Pysdrensis, generosi Caspar ex una, et Andreas Kaczkowsczy partibus ex altera fratres germani, a iure terrestri et districtu suis propriis in quibus ipsi et bona eorum consistunt recedendo, et se cum omnibus bonis successoribusque suis, iudicio sive officio capitaneali castrensi Posnaniensi quoad actum praesentem submittendo et incorporando, sani mente pariter et corpore existentes, sponte, libere, publice et per expressum recognoverunt, ac se et suos successores sibiipsis invicem mutuo et respective in omnibus bonis suis haereditariis, obligatoriis mobilibus et immobilibus, nunc habitis et in posterum quocunque iuris titullo habendis, inscribunt et obligant,

contractum seu intercisam certam de actu in villa Wszeborz feria sexta in crastino festi sancti Gregorii anni praesentis inter se mutuo conscriptam sigillisque ac manibus suis propriis obsignatam et subscriptam, aliter prout in eodem ipso contractu seu intercisa latius extat descriptum, tam in parte quam in toto tenere, complere et inviolabiliter observare,

sub vadio trium millium florenorum per triginta grossos computatorum [?] peccuniae Polonicalis in casu non completionis praemissorum omnium et singulorum in praefato contractu seu intercisa descriptorum per aliquam partem aut eius successores, alterae parti ipsum contractum seu intercisam in toto ac in parte complendo seu observando, ad solvendum toties quoties opus fuerit succumbendo [?], cittataque aliqua partium praefatum contractum seu intercisam in toto vel in parte non tenens aut non observando vel eius successores per partem alteram eundem contractum seu intercisam in toto et in parte tenendo seu observando aut eius posteros citatione literali in praedictum iuditium sive officium capitaneale castrense Posnaniense, quibus se et successores suos bonaque sua omnia ambae partes praefatae praesentibus incorporaverunt,

tum in primo citationis termino tanquam peremptorio talis pars cittata debebit suique successores debebunt toties quoties opus fuerit stare, parere, respondere et a iudicio vel officio non recedendo, soluto ante omnia vadio nihilominus inscriptioni praesenti in toto ac in parte toties quoties opus fuerit satisfacere ac decretum totumque iuris progressum, tum et exequutionem rei iudicatae in quovis iudicio vel officio usque ad finalem determinationem causae, iuxta suam praesentem submissionem pati,

renunciando in hac parte omnibus exceptionibus, motionibus, appellationibus ad prosequendum [?] easdem adcitationibus, inhibitionibus, decretis quibusvis in simili prolatis, nec differendo eundem terminum ordine iuris in talibus observato, actione pro maiori conventione Regni generali sive particulari, bello, litteris Regalibus, absentia a Regno interregno, servitiis Regiis et Reipublicae, vera vel simplici infirmitate, successorum minorennitate, statutis laudatis et in futurum quomodolibet laudandis, poena trium et ter trium marcarum peccuniae, diverticulis et coloribus iuris quibusvis quaesitis, exquirendis, excogitatis [s. 5] et excogitandis, ac aliis omnibus iuris remediis de iure et consuetudine fieri ac decerni solitis in quocunque gradu existentibus, ac penitus nihil quo evadat praemissa in auxilium sibi assumendo, dilationibus ullis etiam de iure concessis non laborando, intempestiva citationis aut alterius districtus ministerialis terrestris positione praemissa non evadendo, nullosque deffectus praesenti inscriptioni et citationi ex eadem emanati [?], tum et relationi subsequutae obiiciendo sub amissione suae totius et integrae causae.

Quibus omnibus praemissis se benivole ipsae ambae partes submiserunt et ea in se bona quaevis sua et successores suos libere praesentibus assumpserunt, nulla in praemissis praescriptione terrestri obstante. Super quo memoriale officio ambae partes praefatae solverunt.

Ex actis capitanealibus castrensibus districtus Pysdrensis extractum.

Źródło: Trybunał Koronny Lubelski, Ekstrakty z akt sądów grodzkich pyzdrskich, sygn. 1558, s. 4-5

Kasper i Andrzej Kaczkowscy, bracia rodzeni, roborują kontrakt zawarty między sobą we Wszeborzu pod zakładem 3.000 złp. Zapis przed sądem grodzkim pyzdrskim, lecz przedmiot kontraktu pod jurysdykcją sądu grodzkiego poznańskiego. Obfita liczba klauzul w drugiej części dokumentu charakterystyczna dla okresu od połowy XVI do połowy XVII wieku.

1677 Inter M. Przyiemski vexilliferum Calissiensem ab una et GG. Goniebickie coniuges roboratio contractus

Actum in judiciis castrensibus Posnaniensibus causarum officii, feria secunda post festum Visitationis Beatissimae Mariae Virginis [5 VII] proxima anno Domini millesimo sexcentesimo septuagesimo septimo in castro Posnaniensi celebratis.

Coram officio et actis praesentibus castrensibus Posnaniensibus personaliter comparentes magnificus Andreas a Przyima Przyiemski vexillifer Calissiensis ab una et generosi Albertus Goniebicki et Sophia Przedzynska coniuges, ipsa quidem coniunx cum eiusdem mariti sui assistentia, parte ab altera, a districtu jureque terrestri et jurisdictione suis propriis sibi ex quacunque causa, modo et ratione competenti recedendo et secum bonis omnibus ac successoribus suis huic praesenti capitaneali castrensi Posnaniensi jurisdictioni actus praesentis ratione submittendo et incorporando, mente corporeque sani existentes libere ac manifeste recognoverunt.

Quia ipsi intercisam sive contractum certum inter se recognoscentes abutrinque ratione certarum rerum et [s. 30 (27)] conditionum in eodem contractu expressarum de actu et data diei hodiernae hic Posnaniae initum et confectum, manibus suis propriis subscriptum, in toto et in parte inque omnibus eiusdem contractus contentis, punctis, clausulis, articulis et generaliter conditionibus universis tenere, complere, exequi ac inviolabiliter observare se sibi ipsis invicem mutuo et abutrinque de et super bonis suis generaliter omnibus ac summis quibusvis pecuniariis habitis et habendis sua cum posteritate inscripserunt et obligaverunt prout quidem inscribunt et obligant praesentibus, idque sub vadio quatuor millium florenorum Polonicalium in se bona omnia ac successores suos libere praesentibus assumpto et imposito.

Quod quoties praemissis omnibus et singulis aliqua pars ex recognoscentibus tam in toto quam in parte contravenerit aut eius successores parti tenenti vel illius posteris ad solvendum succumbet, nulla poena statuti ac nec aliqua re judiciali vel exquisita praemissa evadendo.

Pro quibus quidem praemissis omnibus et singulis non completis attamen complendis vadioque persolvendo quoties se una [s. 30 (28)] pars alteri videlicet praemissis contraveniens aut eius successores parti tenenti vel illius posteris citare permiserit, toties foro suo proprio ut supra omisso coram judicio sive officio praesenti capitaneali castrensi Posnaniensi semper peremptorie comparere, respondere inscriptionique praesenti aut eius contentis tum et rei principali in toto satisfacere ac omne decretum pati debebit, omnibus controversiis, exceptionibus, protestationibus, evasionibus, motionibus earumque prosecutionibus, infirmitatibus, bello tum dilationibus in genere omnibus et impedimentis legalibus quibusvis procul repulsis,

Nullos deffectus inscriptioni praesenti ac nec toti eam subsequenti processui judiciario objiciendo [s. 31] sub suae suorumque successorum totius et integrae causae amissione, nulla terrestri praescriptione in praemissis omnibus minime obstante.

Ex actis castrensibus Posnaniensibus extractum.

(-) Pawłowski

(-) Gaspar Modlibowski dapifer et judex surrogatus castrensis Posnaniensis, mpp.

Lectum [...]

[in dorso] Inter magnificum Przyiemski vexilliferum Calissiensem ab una et generosos Goniebickie coniuges roboratio contractus.

Źródło: Trybunał Koronny Lubelski, Ekstrakty z akt sądów grodzkich poznańskich, sygn. 1550, s. 29-31

Andrzej z Przyjmy Przyjemski chorąży kaliski z jednej i Wojciech Goniębicki wraz z żoną Zofią z drugiej strony roborują „intercyzę czyli kontrakt” zawarty 5 lipca 1677 r. w Poznaniu, pod zakładem (łac. sub vadio) 4.000 zł.

Akt obszerny, ale – jak zwykle przy roboracjach – ani słowa o zawartości kontraktu.

Formularz wpisów do ksiąg grodzkich bydgoskich (XVIII w.)

Formularz wpisów do ksiąg grodzkich bydgoskich, XVIII w.¹

 1  1r Assignatio tutorum <cum approbatione testamenti>

 2  1v Cessio de bonis cum ratihabitione {cautione} pro alio fratre

 3  2r Abdicatio succollectoratui

 4  2r Cassatio jurium

 5  2r Inscriptio debiti per Judaeos

 6  3r Advitalitas pro uno

 7  3r Arenda cum inequitatione

 8  3v Approbatio protestationis

 9  3v Approbatio variorum actuum

10  3v Approbatio inscriptionis obligatoriae

11  4r Abrenunciatio de bonis tantum paternis

12  4r Advitalitas mutua

13  4v Assignatio dotis filiabus

14  4v Alia assignatio

15  5r Abrenunciatio bonorum paternorum et maternorum

16  5r Similis

17  5v Abrenunciatio filii

18  5v Abrenunciatio similis

19  6r Adductio coniugum in contractu commutatorio

20  6v Assignatio dotis per parentem

21  7r Adductio aliquarum personarum

22  7r Approbatio testamenti

23  7v Approbatio {exportae citationis} <relationis ad cassandum>

24  7v Administratio bonorum

25  8r Approbatio resignationis perpetuae per uxorem

26  8v Approbatio actus granicialis

27  9r Compromissi inscriptio

28  9v Cassatio jurium consortis (tekst)

29  9v Cassatio advitalitatis vel reformationis

30  9v Consensus uxoris super resignationem reemptionalem

31 10r Cassatio jurium (tekst)

32 10r Census submissio

33 10v Census per Judaeos submissio

34 11r Contutoris substitutio seu coassumptitio

35 11v Coassumptio summae obligationis bonorum

36 11v Census inscriptio

37 12v Cessio juris advitalitii super advocatia

38 12v Cessio de scultetia

39 13r Donatio rerum mobilium

40 13r Donatio bonorum immobilium

41 14r Donatio subditi

42 14r Donatio subditi profugi (tekst)

43 14v Donatio subditorum cum evictione

44 15r Deportatio summae evictionalis in alia bona

45 15v Deportatio summae censualis in alia bona cum approbatione ejusdem translationis

46 16v Divisio inter fratres

47 17v Inscriptio summae pro visionibus ad fata

48 17v Debiti inscriptio cum vadio ad certum tempus

49 18r Inscriptio debitorea ex provisione

50 18v Debitum cum consensu liberae inaequitationis

51 18v Donatio sortis maternae et paternae

52 19r Cessio causarum ratione decimarum

53 19v Effidejussio cum cautione

54 19v Exsolutio quartae ex bonis regalibus et visio desolati[...]

55 20r Prolongatio contractus

56 20r Praesentatio homicidae et ejus incarceratio

57 20v Praesentatio equorum cum lucru et effidejussio

58 20v Relevatio aresti

59 20v Praesentatio, taxatio et effidejussio

60 21r Inscriptio debiti per 2 fratres facta cum adductione

61 21r Submissio inscriptionis in fixa et libera bona summae collocand(ae)

62 21v Inscriptio sculteti

63 21v Melioratio seu restauratio quietationis

64 21v Oblata contractus cum roboratione

Źródło: Poznań grodzkie Gr. 1826 (dawne sygn.: Zb. 50; 114 Mrs E 5)

¹ Tytuł formularza i datacja pochodzą najprawdopodobniej od Janiny Bieleckiej.

Numeracja formularzy - moja.

1598 Kiliani Zaborski donatio

Kiliani Zaborski donatio

Comparens personaliter coram officio et actis presentibus castrensibus regalibus Biecensibus generosus Christopherus Sobek de Sulieiow bonorum Sobkowo aliorumque eo pertinentium heres, recedendo a terris et districtibus foro iure iurisdictioneque sua quavis propria et competenti seque et suos successores ac bona sua omnia iurisdictioni presenti castrensi Biecensi quoad hunc actum u[...]que et effectum presentis inscriptionis spectat et pertinet totaliter incorporando et subjiciendo palam libere publicae et per expressum recognovit.

Quia generoso Kiliano Zaborski de Zaborze filio generosi Joannis Zaborski de eadem Zaborze et eius legitimis successoribus bona sua hereditaria videlicet oppidum Sobkow cum fortalicio nec non totas integras villas cum prediis ad bona predicta oppidi Sobkow pertinentibus videlicet villam Staniswicze cum predio Nida Ryterska, Sokolowy Gorne et Dolne cum predio et villa Wierzbicza cum totali earumque villarum hereditate et cum omni jure dominio et proprietate tituloque hereditario bona cum iure patronatus iuxta ritum Ecclesiae Romane ac quorumvis aliorum beneficiorum eiusdem [?] bonis adiacentium nec non cum omnibus et singulis dictorum bonorum utilitatibus fructibus proventibus redditibus et obventionibus emolumentisque universis quomodolibet ad eadem bona antiquitus spectantibus et pertinentibus, nec non cum omnibus molendinis stagnis piscinis silvis gaiis nemoribus ad bona predicta antiquitus spectantibus et pertinentibus, nihil iuris dominii proprietatis ac quorumvis usufructuum et utilitatum [s. 139] pro se et suis successoribus vel quopiam alio in eisdem bonis suprascriptis reservando sive excipiendo, sed omnibus in genere et singulis in specie comprehensis, generalitatem specialitati in nullo derogando sed ita late longe circumferentialiterque prout prefatorum bonorum hereditas se in suis metis et limitibus circumferentiisque extendit et protrahit prout eadem bona oppidi Sobkow villarumque eo pertinentium predictus generosus Christopherus Sobek recognoscens ab antecessoribus suis tenuit habuit et possedit tenereque habere possidere ac utifrui deberet in totum et per omnia nihil ut premissum est excipiendo, dedit donavit inscripsit et resignavit prout presentibus dat donat modoque donatorio inscribit et resignat perpetue et in aevum

per prefatum [?] generosum Kilianum Zaborski de Zaborze et eius legitimam posteritatem bona superexpressa omnia sibi ut premissum est donata et resignata tenendi habendi possidendi et utifruendi dandi donandi comutandi alienandi in ususque suos et suorum successorum beneplacitos quos meliores et utiliores noverit vel noverint libere convertendi Jamque prefatus generosus Christopherus Sobek eidem generoso Kiliano Zaborski et eius legitimo posteritati in bona superexpressa omnia sibi ut premissum est donata et resignata ex nunc et de facto coram officio presenti castrensi Biecensi dat concedit et libere admitit realem intromissionem et actualem pacificamque possessionem per ministerialem terrestrem quemcunqe sibi ellegerit eiusque successores ellegerint ad intromittendum illi et illis [?] de officio presenti ex nunc ad id additum

debetque et tenebitur predictus generosus Christopherus Sobek seque et suos successores super et de bonis suis omnibus mobilibus et immobilibus hereditariis et obligatoriis ac summis peccuniariis ubivis locorum habitis et habendis obligat et obstringit eundem generosum Kilianum Zaborski eiusque successores in bonis preinsertis [?] omnibus ac occasione eorundem bonorum omnium parteque illorum quavis minima ut premissum est eidem Kiliano Zaborski donatorum ab omnibus et singulis oneribus debitis vinculis nec non ab omnibus iuribus et inscriptionibus prioribus et posterioribus debitorum censuum reemptionalium dotum et dotaliciorum atque advitalitatum mutuarum [?] seu seorsivarum et aliis quibuscunque met super eisdem bonis cuicunque personarum factis vel faciendis tum etiam omnibus et singulis citationibus conventionalibus et cum citationibus terrestribus castrensibus et alterius cuiusvis tribunalis in eadem bona importatis et importandis super eisdem processibus lucris perlucris continuatis et continuandis atque ab omnibus damnis et iniuriis per quempiam hominum in eisdem bonis seu parte illesis et inferendis [?] et generaliter ab omni et singula iuridica atque extraiuridica impeticione omnium et singularum personarum [s. 140] status sexus et conditionis cuiusvis existentium tueri evincere elliberare defendere et intercedere in [...]emque et [...] bonaque premissa omnia seu quamvis partem illorum munda libera et immunia a premissis omnibus semper et i[...]que per omnia reddere ita ut idem generosus Kilianus Zaborski cum suis posteris eadem bona omnia perpetue et in evum quiete et pacifice sine quovis impedimento tenere possidere ac eisdem cum posteris suis legitimis utifrui possit sub damnis terrestribus ad simplicem verbi assertionem pre[...] Kiliani Zaborski et suorum successorum sine corporali iuramento taxatis [?] ad solvendum iremissibiliter toties quoties opus fuerit sucumbendo.

Pro quibus quidem damnis terrestribus ut premissum est ad simplicem verbi assertionem taxatis occasione omnium premissorum non exequutorum sucubit[...] si se idem generosus Christopherus Sobek recognoscens ad instantiam prenominati generosi Kiliani Zaborski et eius successorum ad judicium seu officium castrense capitaneale Checzinense vel etiam castrense capitaneale Cracoviense citare permisserit vel illius successores permiserint [?] [...] recedendo ut premissum est a terris, districtibus, foro, iurisdictione juribusque suis quibusvis propriis et competentibus, illi vero iurisdictioni castrensi ad quam ex premissis citabitur seu citabuntur totaliter incorporando et ad respondendum subjiciendo in primo citationis termino ut in peremptorio stare parere et respondere [?] iurisdictionem cum adiudicatis pati pro damnisque prefatis terrestribus a judicio seu officio illo cum quorum ex premissis citaretur [?] non recedendo satisfacere ac nihiloque omnia contenta inscriptionis presentis complere et exequi cum suis successoribus debebit et tenebitur eundem terminum primum peremptorium et alios consequentes causae terminos vera vel simplici infirmitatibus actione pro maiori non differendo monitiones appellationes controversias et protestationes in vim exceptionis fori et iudicis allegando dilationesque nullas a judicio seu officio ad quod ex premissis atractus fuerit faciendo nec easdem per adcitationes prosequendo,

sed in decreto et decretis illius judicii seu officii ubi causa et actio pro premissis agitata fuerit cum successoribus suis semper acquiescendo terminum, bello, colloquio, conventione generali vel particulari, literis regalibus, legalibus quibusvis impedimentis, statutis, denique et consuetudinibus Regni novis et antiquis laudatis et laudandis decretisque regiis aut tribunalibus in [...]m non obstantibus literis testiumm servitio militari et Reipublicae atque Suae Regiae Maiestatis, absentia a Regno tempore interregni [...] Reipub[...] evocatione de terra et districtu, minorennitate successorum, defectu [?] [s. 141] tutorum illorum, prescriptione terrestri, fataliis iuris, evasionibus causae et terminorum, absentia ministerialis et illius autentici malo et eroneo defectuosoque progressu iuris usque ad finalem exequutionem et determinationem causae prefate paena trium marcarum in conditione [?] a quorum non evadendo nullis aliis modis viis colloribus diffugiis exquisitis et exquirendis premissorum omnium satisfactionem subterfugiendo nilque iuridicum et extraiuridicum omni loco et tempore eosque ad finalem causae prefatae determinationem neque ad quietationem et mortificationem premissorum omnium [...] sibi recipiendo [?], quibus omnibus in universum aliisque iuris et facti remediis se cum suis successoribus personaliter [?] uti abrenunciando [?] sub amissione suae et suorum successorum totius causae toties quoties opus et necesse fuerit. Nulla prescriptione diuturnitate taciturnitateque quevis temporis in premissis obstante.

Źródło: Biecz, grodzkie, Inscriptiones et relationes, 1598-1599, indukta, ANK sygn. Castr. Biec. 33, s. 138-141

Darowizna miasta Sobków z fortalicją oraz wsiami i folwarkami należącymi do dóbr tego miasta.

1649 Akt kupna części Bodzewka przez Wojciecha Konarzewskiego

Akt kupna części Bodzewka przez Wojciecha Konarzewskiego

Actum in Judiciis Castrensibus Posnaniensibus Causarum Officii, Feria Secunda post Festum Visitationis Beatissimae Virginis Mariae proxima, Anno Domini Millesimo Sexcentesimo Quadragesimo Nono, In Castro Posnaniensi celebratis.

Coram Generoso Sigismundo de Skrzypno Twardowski Judice Surrogato Castrensi et Vicecapitaneo Posnaniensi, Praesentibus Generosis et Nobilibus Gasparo Cielecki, Vladislao Strykowski, Procopio Kołaczkowski, Nicolao Hersztopski, Mathia Jerzykowski, Alexandro Przybysławski, Felice Rowiński, et aliis fide dignis,

Sortium villae Bodzewka per G. Andraeam Daleszyński Notarium Terrestrem Wschowensem Generoso Alberto Konarzewski Resignatio,

Coram Officio et Actis praesentibus Castrensibus Posnaniensibus personaliter comparens Generosus Andraeas de Radomicko Daleszyński Notarius Terrestris Wschovensis a Districtu juroque terrestri et jurisdictione suis propriis sibi ex quacumque causa modo et ratione competentibus recedendo, et se cum bonis omnibus infrascriptis, Summisque quibusvis pecuniariis habitis et habendis ac Successoribus suis, huic praesenti Capitaneali Castrensi Posnaniensi jurisdictioni quoad legalitatem vimque et effectum actus praesentis omniumque et singulorum illius contentorum ratione submittendi et incorporandi, non compulsus, non coactus, neque alio devio vel quopiam sinistro errore circumventus, imo vero mente corporeque sanus existens, Amicorumque suorum salubri usus consilio, ac matura intra se deliberatione praehabita, sponte, libere, manifeste, verbisque expressis recognovit.

Quia ipse totas et integras sortes suas Villae et haereditatis Bodzewko in Districtu Costensi existentis, nec non omnes et singulas haereditates desertas ad easdem possessionatas cum Conseminationibus utrisque, pecoribus, pecudibus, Curiis, structuris aedificiis, Cmethonibus Hortulanis, Subditis nativis utriusque sexus, tam in bonis eisdem residentibus, quam etiam fugitivis et ubivis locorum commorantibus, hortis, pratis campis, sylvis, borris, gaiis, nemoribus, Stagnis, piscinis lacubus, fluviis, fluminibus, aquis et aquarum decursibus, molendinis aquaticis et ventilibus, poscuis, servitutibus, liberis scissuris lignorum, cumque Jure Patronatus praesentandorum Parochorum, et conferendorum beneficiorum ecclesiasticorum ad Ecclesias quasvis spectantium, inquantum praemissa eisdem bonis serviunt et competunt, cumque omni ac totali bonorum eorundem jure dominio et proprietate, omnibusque et singulis utilitatibus, usibusfructibus, censibus, reditibus, proventibus emolumentis, attinentiis, pertinentiis et generaliter obventionibus universis ad bona eadem quomodolibet pertinentibus et spectantibus, nullis penitus exceptis;

ita etiam late longe et circumferentialiter, prout bona praedicta in suis metis et limitibus nunc et ab antiquo distincta et dislimitata continentur, et prout ea solus tenuit, habuit et possedit, nihil omnino juris, dominii et proprietatis ac quorumvis usufructuum ex bonis eisdem sibi suisque Successoribus reservando et excipiendo,

Generoso Alberto Konarzewski olim Generosi Joannis Konarzewski filio et ipsius Posteris, unam quidem dictorum bonorum medietatem, in quam jus praefatum Patronatus includitur dono perpetuo et irrevocabili, alteram vero ultra id donum se se extendentem pro Summa Quatuordecem Millium Florenorum Polonicalium jam integre et plenarie ab eodem Generoso Konarzewski levata et percepta, de qua per eundem Generosum Notarium Wschovensem recognoscentem quietatus est, quietaturque praesentibus, dedit, donavit, vendidit inscripsit et juxta jus ac consuetudinem terrestrem in perpetuum resignavit, prout quidem dat, donat, vendit, inscribit et in perpetuum resignat Actu praesenti.

In quae quidem bona modo praemisso in perpetuum resignata praenominatus Generosus Daleszyński Recognoscens eidem Generoso Konarzewski et illius Posteris, jam ex nunc in Facie Officii praesentis, dedit et admisit, datque et admittit praesentibus, ac in loco bonorum eorundem daturum et admissurum se ultro ac benevole submittit, Idem quoque oneris Successoribus suis imponendo, Intromissionem realem et actualem tenutam, possessionemque pacificam per Ministerialem Terrestrem competentem et duos Nobiles illi jam ex nunc de jure ab Officio praesenti additum, quoscumque habere poterit juxta juris ac moris normam, virtutoque resignationis praesentis capiendo et apprehendendo per eundem Generosum Konarzewski ac ejus Posteros, bona praefata omnia et singula resignationi praesenti subjecta, tenenda, habenda, possidenda, illisque quiete et pacifice utifruendo, nec non dando, donando, vendendo, alienando, commutando, obligando, resignando, inscribendo, et in suos suorumque Successorum quosvis beneplacitos usus pro natura et proprietate juris perpetui, et directi Dominii libere convertendo.

Pro quorum quidem bonorum resignationis istius securitate, indemnitate, ac evictione praenominatus Generosus Andraeas Daleszyński Notarius Terrestris Wschovensis eidem Generoso Alberto Konarzewski ac illius Posteris mediante suo suprascripto Recessu cavet et fidejubet se et Successores suos in et super bonis suis omnibus haereditariis, obligatoriis, mobilibus, Summisque quibusvis pecuniariis habitis et habendis inscribendo et obligando ipsum Generosum Konarzewski ac ejus Posteros, in libero, pacifico, realique ac plenario bonorum praefatorum usufructu conservare, ac cum ipsius eum posteritate bonorum eorundem ratione, ac non minus ipsa bona resignationi praesenti subjecta in toto et in parte, tam a se ipso, quam ab omni alio quovis homine status sexus et conditionis cujusvis existenti, ipsum Generosum Konarzewski ac ejus Posteros in bonis jure impediente ac impedire volente, nec non ab omnibus et singulis inscriptionibus, obligationibus, reformationibus, dotibus, dotalitiis, advitalitatibus, resignationibus perpetuis et reemptionalibus, citationibus, adcitationibus, concitationibus, innotescentiis, lucris, perlucris, juris processibus, debitis et oneribus, quibusvis censibus spiritualibus et secularibus omnibus, iis prioribus et posterioribus, generaliter autem ab omnibus et singulis impedimentis juridicis,

/: excepta Summa certa Capitali ex Censu Ecclesiastico ad Ecclesiam Sanctae Mariae Magdalenae hic Posnaniae intra moenia Civitatis praesentis situatam, modo quovis inscripta tum et ex Censu per quatuor florenos quotannis solvi provenientes, a qua Summa capitali et Censu ab ea proveniente ab Actu Possessionis suae se ipsum evincere, et bona praefata emundare tenebitur. Super quam exceptam praedictus Generosus Konarzewski hic personaliter stans /libere ac benevole consensit/ jurisdictione sua quavis sibi et bonis suis quomodolibet competenti, omissa hac autem praesenti Capitaneali Castrensis Posnaniensis Actus ejus respectu sibi suisque Successoribus ultro imposita mente corporeque sanus existens ultro et benevole consensit consentitque praesenti :/

omnium personarum tum et terminis quibusvis, quorumcumque hominum status sexus et conditionis cujusvis existentium, nullis penitus exceptis, toties quoties opus fuerit, tueri, defendere, evincere, expedire, eliberare, intercedere, ac per omnia indemnia ipsum Generosum Konarzewski indemnem, Successoresque ejus indemnes reddere et efficere, ita ut bona omnia et singula resignationi praesenti subjecta in toto et in parte tenere, habere, possidere, illisque quiete et pacifice absque omni impedimento juridico pro natura et proprietate juris perpetui et directi Dominii uti frui possit et valeat temporibus perpetuis.

Quae quidem omnia et singula praemissa tam in toto, quam in parte praenominatus Generosus Daleszyński Notarius Terrestris Wschovensis Recognoscens eidem Generoso Konarzewski et illius posteris facere et complere ac exequi debebit, illiusque Successores tenebuntur, idque sub vadio Quatuordecem Millium Florenorum Polonicalium in se, bona omnia quaevis praefata, Summas pecuniarias habitas et habendas ac Successores suos libere praesentibus assumpto et imposito in casu contraventionis praemissorum omnium et singulorum in toto et in parte, ad solvendum, succumbendum nulla poena statuti, ac nec aliqua re judiciali vel exquisita praemissa evadendi.

Pro quibus quidem praemissis omnibus et singulis in toto vel in parte non completis attamen complendis, ac vadio persolvendo quoties se praenominatus Generosus Notarius Terrestris Wschovensis suis cum Successoribus per memoratum Generosum Konarzewski aut ejus Posteros huc ad Judicium sive Officium praesens Capitaneale Castrense Posnaniense, quibus se submittit citare permiserit, toties ibidem semper peremptorie comparere, inscriptionique praesenti et ejus contentiis in toto satisfacere, ac omne Decretum pati debebit, Controversiis, Exceptionibus protestationibus evasionibus, motionibus, earumque prosecutionibus, infirmitatibus, bello tum dilationibus in genere omnibus, ac impedimentis legalibus quibusvis procul repulsis.

Nullos demum defectus, inscriptioni praesenti, ac nec toti eam subsequenti processui judiciali objiciendo sub suo suorumque Successorum totius et integrae causae amissione, Nulla terrestri praescriptione in praemissis obstante.

Ex Libro Resignationum olim Illustris et Magnifici Boguslai in Leszno Leszczyński Supremi Regni Thesaurarii Majoris Poloniae Generalis, Samboriensis, Mederecensis etc. Capitanei Extraditum.

Sigillo vero Illustris et Magnifici Matthiae a Radomicko Radomicki Palatini Junivladislaviensis Majoris Poloniae Generalis Mederecensis etc. Capitanei communitum et obsignatum.

(-) Łobiński R. T. P. mp.

(-) Legit Rakowski

Źródło: Święta Góra, „Dopisy Do Rękopisma Zbiór Wiadomości o Świętéj Górze pod Gostyniem”, sygn. A/11, s. 54, wpis LVII (odpis z odpisu)

Andrzej z Radomicka Daleszyński, pisarz ziemski wschowski sprzedaje Wojciechowi Konarzewskiemu połowę wsi Bodzewko.

Kopiariuszowi ks. Dominikowskiego naprawdę trudno cokolwiek zarzucić, starannością przewyższa znane mi kopiariusze przywilejów miejskich. Niemniej przy pracy nad tak długim dokumentem widać zmęczenie piszącego, szczególnie wtedy gdy zapomina jedną poprzeczną kreską wykończyć sąsiadujących ze sobą liter „t”: strona 55 (oryg. 106) pośrodku – medietalem zamiast medietatem, 2-ga linia od dołu – stalus zamiast status; strona 55 (oryg. 107) pośrodku i na samym dole – tolies zamiast toties; strona 56 (oryg. 108) w 1-szej linii tolo zamiast toto.

W „Zbiorze wiadomości o Świętej Górze pod Gostyniem” transakcja wspomniana na s. 70 (oryg. 139).

Teki Dworzaczka

Poznań rezygnacje

67 (Nr. 1424 [= Gr. 47]) 1649

And. z Radomicka Daleszyński, pisarz zs. wschowski, części Bodzewka w p. kość. Wojciechowi Konarzewskiemu, s. o. Jana K. za 14. 000 złp. sprzed. (f. 135)

1606 Inscriptio oblata a Nobili Joannis Jorkowsky Margarethae Brzoska

Inscriptio oblata a Nobili Joannis Jorkowsky Margarethae Brzoska

Ad Juditium praesens Actaque praesentia Nobilis Joannes Jurkowsky obtulit Inscriptionem Castrensem Districtus Costensis a Nobili Margaretha Swyniarska Viduae vero relictae olim Nobilis Laurentii Brzosky Actisque praesentibus inscribi petiit cuius petitioni annuentes praesentem Inscriptionem ingrossari concessimus et admissimus Cuius tenor a Verbo ad Verbum sequitur talis.

Actum in Costen feria quarta post Dominicam Cantate proxima Anno Domini Millesimo Quingentesimo Octagesimo Quarto

Constituta personaliter coram officio Domini Capitanei Maioris Poloniae Generalis et Actis praesentibus districtus Costensis Nobilis Margaretha Swiniarska olim Nobilis Mathiae Swiniarsky filia Nobilis vero olim Laurentii Brzosky consors derelicta Recedendo a iure terrestri et districtibus (?) suis propriis in quibus ipsa et bona eius consistunt Et si cum omnibus bonis ac successoribus suis quo ad Actum praesentem Jurisdictioni Capitaneali Castrensi Posnaniensi incorporando et subiciendo sana mente et corpore existens sponte libere ac manifeste recognovit

Quia ipsa ob suficientem et plenariam satisfactionem sibi per Nobilem Joannem Jorkowsky praedicti olim Mariti sui sororinum ac successorem legitimum pro infrascriptis (?) praestitam, eundem Nobilem Joannem Jorkowsky de tota et integra reformatione suo dotaliciali (?) ac Summa Ducentorum Quinquaginta florenorum peccuniae Dotis et totidem Dotalitii et per praedictum olim Laurentium Maritum suum in bonis quibusvis ac summis peccuniiariis coram officio Capitaneali Castrensi Posnaniensi facta (?) inscripsit et reformavit ut de hoc reformatio Dotalitii latius disponit, Quietat absolvit et liberum temporibus perpetuis mittit, Tum et eandem Reformationem eidem Margarethae per praefatum olim Laurentium Brzosky coram Actis praefatis Castrensibus Posnaniensibus modo praemisso factis intoto cassat Porro advitalitatem mutuam cum eodem suo marito Laurentio Brosky sibi factam quo ad bona et possessiones bonorum quorumvis sibi a dicto olim Laurentio suo marito servientium (?) tum et bona omnia mobilia ipsam exui eiusdem advitalitatis competentia (?) summasque peccuniariis excepit (?) quibus ex iure suo advitalitiali (?) ipsa Margaretha eidem Joanni Jorkowsky iam ex nunc cedit in omni et pleno robore sibi reservat ad quam quidem reservationem advitalitatis praedictae is idem Joannes Jorkowsky personaliter coram officio stans sua personali recognitione libera interveniendo (?) consensit consentitque per presentes super quo is idem Joannes Jorkowsky memoriale officio solvit.

Locus Sigilli

Ex libro Capitaneali Districtus Costensis Extractum

(-) Andreas Porczinsky Actorum eorundem (?) Notarius

Źródło: Grodzisk Wlkp., Liber Actionum Scabinalium 1594-1609, sygn. 1529, s. 596

Szlachetny Jan Jurkowski oblatuje w urzędzie wójtowskim w Grodzisku inskrypcję z 1584 r. z ksiąg grodzkich kościańskich, której opis niżej za Dworzaczkiem.

Oryginał: Kościan grodzkie Gr. 38, inskrypcje i relacje / indukta, f. 174v

Teki Dworzaczka nr 3305
1584 Małgorzata Szwinarska, c. o. Macieja Szw., wd. po ol. Wawrzyńcu Brzoska, kwit. Jana Jurkowskiego ol. męża siostrzeńca i spadkob. z opr. swej 250 złp.

Paleografia: peccuniiariis – zapisano “peccunijarijs”