1556 Divisio prati inter Gregor Kossik et Chodila

Divisio prati inter Gregorium Kossik et Chodila

Coram officio consulari personaliter constituti et ad acta presencia famati domini consules Calissienses manifeste recognoverunt. Quia fecerunt divisionem prati inter Gregorium Kossik ex una et Paulum Chodila molitorem de Szaczino parte ex altera, quam divisionem predicti prati tenere debebunt et tenebuntur ac se presentibus inscribunt et obligant sub vadio decem marcarum peccuniarum per partem non tenentem prefatam divisionem ad solvendum succumbendo. Quam divisionem utraque pars actis connotari peciit, cui denegatum non est. Actum feria sexta ante festum sancti Jacobi Apostoli proxima [24 VII] 1556.

Or.: Kalisz radziecka, Liber pretorialis, 1547-1556, indukta, APP sygn. 7, s. 516.

Rajcy kaliscy składają relację z podziału łąki między Grzegorzem Kosik a Pawłem Chodyła młynarzem z Saczyna (ob. gm. Godziesze Wielkie).

1746 Decretum inter colonos Osuchowa et advocatum in Dybki

Feria tertia post festum Immaculatae Conceptionis B. V. M. proxima [13 XII] 1746.

Decretum inter colonos Osuchowa et advocatum in Dybki.

Ad personalem oblationem honestorum Josephi Pierkowski advocati, Joannis Deptuła, Mathiae Cymek ac aliorum villae Osuchowa inquilinorum officium praesens castrense capitaneale Pultoviense decretum commissoriale inter se efferentes ac alios inquilinos dictae villae Osuchowa in episcopatu Plocensi sitae actores ab una, et generosos Konopkie eadem in villa Osuchowa duorum mansorum dictorum Dybki suo jure possessores citatos {in causa} parte ab altera latum, tanquam illaesum omnique vitio et suspicionis nota carens, manibus infra scriptorum perillustrium commissariorum, quoad hoc interesse ab illustrissimo excellentissimo ac reverendissimo domino Antonio Sebastiano a Dembowa Gora Dembowski feliciter moderno episcopo Plocensi deputatorum, subscriptum sigillisque munitum suscepit et ingrossari fecit.

Cuius tenor ejusmodi:

<< Actum in villa episcopatus Plocensis dicta Osuchowa, feria 4ta post dominicam Cantate proxima [11 V] anno Domini millesimo <septingentesimo> quadragesimo sexto. Coram nobis ab illustrissimo excellentissimo et reverendissimo domino Antonio Sebastiano a Dembowa Gora Dembowski Dei et Apostolicae Sedis gratia episcopo Plocensi commissione praeinserta.

Cujus tenor est talis:

„Antonus Sebastianus a Dembowa Gora Dembowski

Dei et Apostolicae Sedis gratia episcopus Plocensis.

Perillustribus et admodum reverendis Adalberto Synhoiewski et Stephano Bukowski canonicis Pultoviensibus nobis in Christo dilectis salutem in Domino.

Noverint dominationes vestrae delatas nobis esse ratione fundorum controversias inter inquilinos nostros villae Osuchowa sub clavi Brocoviensi consistentis et advocatiam Dybki sub jure advitalitio generosi Petri Konopka sitam, simulque a partibus subplicatum nobis fuisse, quatenus ad praescindendas easdem controversias commissionem expedire dignaremur.

Nos itaque ejusmodi subplicationi annuentes, eandem commissionem in personas dominationum vestrarum, de quorum in rebus gerendis prudentia confidimus, expediendam esse duximus, prout per praesens instrumentum expedimus. Insinuantes dominibus vestris, quatenus captato opportuno tempore, praevia avisatione partium ad locum loci in personis vestris condescendere, fundos advocatiales in iisdem Dybki (idque non tangendo fundos in Przyimy, quos ab hac commissione excludimus et exclusos esse volumus) revidere, dignoscere et dimensurare, et ex eadem dimensuratione, si quid plus mansorum ultra tenorem privilegii generosum Konopka possedisse patuerit, hoc ad villam Osuchowa applicare et exdividere. Similiter, si quid per inquilinos Osuchowienses ab advocatia avulsum apparuerit, eidem advocat[...] [...]endum censere et partes his in circumstantiis finaliter moderari dignentur. Super quibus plenam dominationibus vestris facultatem dantes, praesentes manu nostra subscriptas sigillo communiri jussimus.

Datum Jabłonnae die 15 mensis Julii anno Domini 1745.

(-) Antonius episcopus mp.

(locus sigilli)”

Assignatis et deputatis commissariis vigore literarum binarum innotescentialium, et quidem:

- primarum de data earundem Pultoviae die vigesima nona Octobris anno eodem elapso millesimo septingentesimo quadragesimo quinto,

- secundarum de data itidem Pultoviae die vigesima secunda mensis Aprilis anno nunc currenti millesimo septingentesimo quadragesimo sexto,

in termino in diem hodiernam incidente partes iisdem specificatae, nimirum generosus Petrus Konopka advocatiae in eadem Osuchowa Dybki dictae possesor, suo et Constantiae Gurska consortis suae nomine [?] personaliter, tum honesti Josephus Pierkowski advocatus, Stanislaus Zysk, Paulus Samsel, Andreas Kulesa, Martinus Szydlik [?], Mathias Kornek [?], Albertus Deptulas, Josephus Kulesze [?], Matheus Zegota, Simon Stanisiewski, Simon Dryarz, Joannes Deptuła, Jacobus Deptuła, Bartholomaeus Perkowski, Casimirus Perkowski, Nicolaus Samsel, Mathias Cymek et Albertus Lis ejusdem villae Osuchowa inquilini personaliter comparuerunt et judicialiter secum controverterunt.

Quorum controversiis ex utraque parte exauditis, ante omnia tam generosos Konopkie super advocatiam in villa Osuchowa duorum mansorum jura et privilegia suo coram judicio commissoriali reponere mandat, idque in instanti, et quoniam generosus Konopka privilegia:

- primum ab olim illustrissimo et reverendissimo domino Andrea Chrisoxomo [!] Załuski episcopo Plocensi in personas nobilium Pauli Rosinski et Mariannae Limonska conjugum gratiose collatum de data Pultoviae die vigesima mensis Januarii anno Domini millesimo sexcentesimo nonagesimo [s. 185] septimo cum approbatione reverendissimi capituli Plocensis sub tempus capituli generalis pro festo sancti Sigismundi Regis et Martyris anno Domini millesimo sexcentesimo nonagesimo octavo, illaesum et sigillis tam praedicti illustrissimi loci ordinarii quam et [...]m reverendissimi capituli communitum,

- [wyliczone dokumenty nr 2, 3 i 4 z wpisu "Advocatia Dybki" http://actacastrensia.blogspot.com/2014/12/1743-advocatia-dybki.html]

Honesti vero Josephus Pierkowski advocatus aliique in comparitionem intrantes inquilini villae Osuchowa privilegium suum ab illustrissimo excellentissimo et reverendissimo domino Andrea Stanislao Koska [!] in Załuskie Załuski episcopo protunc Plocensi sibi super totam villam Osuchowa gratiose collatum et manu ejusdem illustrissimi cum sigillo majori subscribtum [!] de data ejus in Pultowsk die decima quarta mensis Februarii anno Domini millesimo septingentesimo trigesimo cum sufficienti approbatione reverendissimi capituli Plocensis anno eodem, die nona Maii reposuerunt.

Ideo praedictos inquilinos satisfecisse injunctae repositioni adinvenit, generosum vero Konopka ad sufficientiorum jurium suorum, videlicet cessionis authenticae coram actis quibusvis authenticis per olim nobiles Florianum Franciscum Łączynski et consortem ejus in rem et personas nobilium Piotrowskie conjugum factae, ex post vero per eandem primi voti Piotrowska secundi Mosakowska in rem et personas sui secundum annotationem recognitae, nec non traditionum binarum per officium castrense Pultoviense sive ejus delegatos tam saepe memoratis nobilibus Piotrowskie, quam sibimet cum inventariis in fundo conscriptis et ad acta porrectis reproductionem stringit.

Tandem ad affectationem generosi Konopka dilationem munimentorum et postulantis actum [?] praesentem cum toto effectu ad feriam secundam post octavas Corporis Christi in anno currenti [20 VI 1746] limitat et terminum partibus ad experiendum suo coram judicio Pultoviae assignat, pro quo termino generosus Konopka supra expressa jura et documenta sua comportare tenebitur sub succubitione in causa. Interim vero circa possessionem eorundem mansorum duorum in Osuchowa inquilinos ejusdem villae conservati decreti praesentis vigore. >>

<< Actum in opido [!] Pułtowsk feria quarta ante festum sancti Martini Pontificis et Confessoris proxima [9 XI] anno {anno} Domini millesimo septingentesimo quadragesimo sexto.

In termino itaque hodierno ex limitatione et adcitatione incidenti, partibus scilicet generosis Petro Konopka et Constantia Gurska per eundem maritum, suo et consortis suae nomine personaliter, tum inquilinis villae Osuchowa videlicet Josepho Pierkowski advocato, Matheo Zeńgota et Alberto Deptuła suo et aliorum inquilinorum Osuchoviensium nomine personaliter.

Quorum controversiis suo coram judicio illatis exaud[...] satisfaciant nobiles Konopkie decreto anteriori in ordine reproductionis jurium pro quibus re est, idque in instanti reproduxerunt cessionem authenticam per nobilem Catharinam de Sosnowskie primi voti {Mosakowska} Piotrowska, secundi {Piotrowska} Mosakowska in personas sui sub die Veneris sexta mensis Augusti anno Domini millesimo septingentesimo vigesimo octavo in consistorio Pultoviensi factam, alias vero transactiones, utpote cessionem per olim nobilem Florianum Franciscum Łączynski et consortem ejus in rem et personas nobilium Piotrowskie factam, tum traditiones et inventaria fundos ejusdem advocatiae enucleantia, hi quidem se allegata suis antecedentibus possessoribus non recepisse [?] [s. 185v] imo nec habere posse.

Proinde judicium praesens propiorem hoc in puncto eundem generosum Konopka ad evadendum in eam juramenti rotam adinvenit: prout ipse easdem transactiones a suis antecedaneis possessoribus advocatiae dictae Dybki non recepit nec eas aliquo modo celavit, nec de iis scit et notitiam habere potest, additur ministerialis ad rotisandum [?], praestitit ad immaginem crucifixi Domini, post quod praestitum juramentum ab ulteriori earundem transactionum comportatione eosdem generosos Konopkie conjugies [!] liberos facit et pronuntiat, nihil omnino ad lectionem jurium et privilegiorum suorum judicio reproductorum se contulit, quibus lectis et per omnia trutinatis non posse praetendere eosdem generosos Konopkie duos mansos in villa Osuchova arbitratur, sed eosdem inquilinos Osuchowienses uti ex antiquo ad villam pertinentes applicat et adjudicat.

Quo vero spectat advocatiam Dybki nuncupatam, siquidem tot transactionibus veris et legitimis, nec non ultimaria cessione in personas generosorum Konopkie est a villa Osuchowa segregata longoque tractu temporis possessione pacifica firmata, idcirco eosdem generosos Konopkie circa possessionem ejusdem advocatiae ad vitae tempora eorundem conservat et eandem advocatiam dilimitandam a villa Osuchowa esse vult, prout taliter dislimitat, ut praedicta advocatia duorum mansorum in Dybki habeat suos campos cum pratis, sylvis et aliis pertinentiis sex integros mansos mensurae Culmensis in se complectentes, incipiendo a rivulo dicto Nagoszewska et protendendo in latum ad signum in arbore per suum indicium penes viam Dybkowska ex dimensuratione incisum, in longum vero ad graniciem villae Poremba, non tangendo tamen fundos Przyimy nuncupatos, nec eandem praedicti inquilini in Osuchowa taliter dismembratam et dislimitatam interturbent et possesionem impediant, sub poena centum marcarum in judicio castrensi Pultoviensi ad solvendum super partem contravenientem irrogandam sententiat et decernit.

Nihilomninus [!] ratione contraventionis decreto primitivo sui judicii in ordine comparendi pro termino in eodem praefixo utrasque partes punibiles esse censet et sententiat, quatenus eluendo hunc sui {temperariam} temerarium ausum tam generosi Konopkie quam inquilini Osuchowienses solvant poenam quatuordecim marcarum Polonicalium, idque in instanti sub poena banitionis ex regestro poenalium {publicandam} publicanda, decreti praesentis vigore.

(-) Adalbertus Josephus Synhoiewski canonicus Pultoviensis, commissarius, mp.

(l. s.)

(-) Stephanus Stanislaus Kostka Bukowski canonicus et praepositus hospitalis Sancti Spiritus Pultoviensis, commissarius, mp. >>

Post cuius quidem ad acta praesentia instrumenti ingrossationem iidem offerentes originale {a dere} ad se receperunt et de recepto officium praesens ejusque cancellariam quietarunt quietantque praesentibus.

Or.: Pułtuskie gr., Pułtuskie grodzkie jurysdykcji biskupiej, 1727-1759, AGAD, sygn. 5, s. 184v-185v.

Wyrok komisji kanoników pułtuskich powołanej przez biskupa płockiego celem rozwiązania sporu granicznego między gospodarzami ze wsi Osuchowa w kluczu brokowskim a Piotrem Konopką, dożywotnim posesorem wójtostwa w Dybkach.

1697 Divisio horti inter Joannem Krzywinski et Andream Rotyszeski facta

Divisio horti inter Joannem Krzywinski et Andream Rotyszeski facta. [s. 267]	Podział ogrodu przeprowadzony między Janem Krzywińskim i Andrzejem Rotyszewskim.
Actum feria sexta post festum sancti Stanislai Episcopi et Martyris proxima [10 V 1697].	Zdziałano w piątek po święcie św. Stanisława Biskupa i Męczennika [10 V 1697].
Interveniente affectatione famatorum Joannis Krzywinski et Andreae Rotyszeski civium Ponecensium ex commissione officii advocatialis Ponecensis descendentes personaliter famati Joannes Krępic et Andreas Wasker scabini iurati oppidi Poniec tanquam arbitri, maturum iudicium et rerum experientiam habentes, ad videndum et aestimandum hortum cum prato ab honorata Regina Rotyszeska matre sua sibi in perpetuam possessionem et haereditatem benevole traditum, inter hortum honestorum Zarębow et pratum Confraternitatis Literatorum penes viam publicam ad villam Smiełowa tendentem. Qui in praedictum hortum venientes omniaque attingentia eiusdem horti pratique considerantes, matura deliberatione praehabita, iuste et recte in duas partes aequaliter diviserunt, longitudinem ab antiquo existentem praefatorum horti et prati conservando.	Przychylając się prośbie sławetnych Jana Krzywińskiego i Andrzeja Rotyszewskiego mieszczan ponieckich, z polecenia urzędu wójtowskiego ponieckiego zszedłszy się osobiście sławetni Jan Krępic i Andrzej Waskier ławnicy przysiężni miasteczka Poniec jako rozjemcy, dojrzały osąd i znajomość rzeczy mając, celem oględzin i oceny ogrodu z łąką przez sławetną Reginę Rotyszewską jego matkę jemu w wieczyste posiadanie i dziedzictwo przekazanego, [leżącego] między ogrodem uczciwych Zarębów i łąką Bractwa Literatów, przy drodze publicznej wiodącej do wsi Śmiłowo. Którzy wszedłszy na rzeczony ogród i przypatrzywszy się wszelkim tegoż ogrodu i łąki przyległościom, po starannym namyśle, słusznie i sprawiedliwie równo [go] na dwie części podzielili, nie naruszając od dawna zachowywanej długości rzeczonych ogrodu i łąki.
Quam divisionem memorati Joannes Krzywinski et Andreas Rotyszeski firmam et ratam asserentes grato animo susceperunt. Ex quo supradictus famatus Joannes Krzywinski medietatem saepefati horti cum prato a parte Zarębow horti acceptavit cum expresso consensu Andreae Rotyszeski affinis sui. Quae divisio propter maiorem certitudinem valoremque actis praesentibus est inscripta.	Który to podział wspomniani Jan Krzywiński i Andrzej Rotyszewski za prawomocny i ważny uznając, wdzięcznie przyjęli. Z którego wyżej rzeczony sławetny Jan Krzywiński tylukrotnie wzmiankowanego ogrodu z łąką połowę  po stronie ogrodu Zarębów wziął, za wyraźną zgodą Andrzeja Rotyszewskiego powinowatego1 swego. Który to podział dla większej pewności i wartości do akt niniejszych wpisano.

Or.: Akta miasta Poniec, Acta advocatialia Ponecensia, 1667-1706, indukta, sygn. I 44, s. 266-267.

¹ bądź szerzej: krewnego, bliskiego, sąsiada.

1538 Kuklinowa i Wielowsi delimitatio

Constitutus personaliter coram officio Domini Capitanei et actis praesentibus Nobilis Vincentius Czyelmyczki camerarius et vicesgerens Generosi Joannis Iwyeroski de Thomycze Succamerarii calisiensis in praesentia Generosi Alberti Kuklinowski recognovit et publice fassus est

Quia ipse Vincentius vicegerens praefati Domini Succamerarii de consensu et voluntate Reverendissimi in Christo Patris Domini Lucae comitis a Górka Episcopi cujaviensis ex una et ipsius Alberti Kuklinowski ab altera parte

limites, seu granicies inter ejusdem Domini Episcopi villam Kromolycze ex una et villam Kuklinowo ipsius Alberti ab altera parte, incipiens a scopo angulari, qui dividit ipsam villam Kromolycze et Kuklinowo et Wielowieś

feria sexta ante festum Nativitatis gloriosissimae Virginis Mariae proxime praeterita [1538]

viginti quinque scopulos progressive seu pariete recto ad scopulum alterum villas praefatas Cromolycze, Kuklinowo et Wigonowo discernitum intactis scopulis angularibus fecit, renovavit et erexit et signa in arboribus supra ipsos scopulos notis truncis incisa signavit.

Źródło: Józef Łukaszewicz, „Krótki historyczno-statystyczny opis miast i wsi w dzisiejszym powiecie krotoszyńskim od najdawniejszych czasów aż po rok 1794”, Poznań, Nakładem księgarni Jana Konstantego Żupańskiego, 1869, s. 369

Łukasz Górka biskup kujawski, dziedzic Kromolic oraz Ur. Wojciech Kuklinowski, dziedzic Kuklinowa dokonują rozgraniczenia tych wsi. Dotychczas istniały dwa kopce narożne: jeden na granicy wsi Kromolice, Kuklinowo i Wielowieś, drugi na granicy wsi Kromolice, Kuklinowo i Wyganów. Nie naruszając tych kopców, na linie je łączącej usypano 25 kopców wyznaczających granicę między Kromolicami a Kuklinowem oraz wykonano naciosy na drzewach.