1584 Resigno sortis domus D. Zeronski

Continuatio iudicii banniti ordinarii feria sexta proxima post festum Visitationis Beatissimae Virginis Mariae [6 VII] anno Domini 1584. [s. 166]

Resignatio sortis domus domini Zeronski

Coram iudicio bannito ordinario civitatis Calisiensis personaliter comparens nobilis Mathias Pawlowski, tanquam plenipotens authenticus, apud officium et acta castrensia Calisiensia institutus, magnifici Raphaelis a Lieszno castellani Srzemensis, de qua plenipotentia fidem fecit et eam ad inserendum dedit, sanus mente et corpore existens, sponte et palam nomine eiusdem principalis sui in perpetuum resignavit et resignat praesentibus totam et integram sortem domus eiusdem principalis sui, in civitate Calisiensi prope ecclesiam Beatae Mariae Virginis, ex opposito collegii Societatis Jesu et penes plateam ex platea Thorunensi ad vicum quo ad eandem ecclesiam Divae Virginis Mariae itur transversam ex una et aream desertam domini praepositi ecclesiae praefatae in ingressu cemiterii aedis praedictae acialiter sitae, areaeque illius in qua sita est, quae sors domus et areae praefatae principalem suum iure eius concernit hactenusque per eum pacifice tenta et possessa fuit,

nobili Martino Zeronski notario castrensi Calissiensi et eius successoribus dono perpetuo et irrevocabili, cum omni iure, dominio et proprietate, utilitatibus, usibus fructibus emolumentisque universis, ac ita late, longe et circumferentialiter, quemadmodum principalis suus habuit et possedit, nihil iuris, dominii proprietatisque ipsi principali suo et eius successoribus reservando, per eundem Martinum Zeronski ipsam sortem tenendi, habendi, possidendi, donandi, commutandi, alienandi et ad usus suos suorumque successorum beneplacitos libere convertendi, sine cuiusvis hominis impedimento.

Cuius quidem plenipotentiae ex actis castrensibus Calisiensibus depromptae tenor de [s. 167] verbo ad verbum sequitur estque iste:

„Actum in castro Calisiensi feria tertia in crastino festi Visitationis Beatae Mariae Virginis [3 VII] anno Domini millesimo quingentesimo octuagesimo quarto.

Comparens personaliter coram officio et actis praesentibus castrensibus Calisiensibus magnificus Raphael a Lieszno castellanus Srzemensis, a terris, palatinatibus, districtibus iureque suo terrestri in quibus possessionatus est recedendo et se cum infrascriptis bonis suis huic capitaneali castrensi Calisiensi iurisdictioni quo ad actum praesentem submittendo et incorporando, mente corporeque sanus, palam ac manifeste recognovit.

Quia in suum verum et indubitatum plenipotentem ac mandatarium nobilem Mathiam Pawlowski constituit et solenniter ordinavit uti quidem constituit et ordinat praesentibus, idque ad donandam et resignandam in perpetuum sortem suam domus suae in civitate Calisiensi prope ecclesiam Beatae Mariae Virginis ex opposito collegii Societatis Jesu Calisiensis et penes plateam ex platea Thorunensi ad vicum quo ad eandem ecclesiam Divae Mariae itur transversam ex una et aream praepositi ecclesiae eiusdem Divae Mariae iacentis,

nobili Martino Zeronski notario castrensi Calisiensi dono perpetuae et irrevocabilis donationis titulo donat(am), cum omni iure, dominio et proprietate, omnibus utilitatibus, usibus fructibus emolumentisque universis, ita etiam late, longe et circumferentialiter prout sors domus praefatae eiusdem magnifici in suis metis et limitibus ex antiquo consistit, nihil omnino excipiendo neque pro eodem magnifico aut eius successoribus reservando.

Quam resignationem seu donationem idem Mathias Pawlowski eidem Martino Zeronski hinc in primo et proximo iudicio civili advocati bannito proxime et immediate celebrando virtute plenipotentiae praesentis libere et absque omni contradictione expedire poterit. Promittens praefatus magnificus, quod eam resignationem gratam ratamque habebit et successores sui ratam habebunt in perpetuum, non secus atque [s. 168] per ipsum solummet magnificum recognita esset.

Ex actis castrensibus Calisiensibus extractum.”

Iudicium bannitum ordinarium, quod de veteri et in hac civitate observata consuetudine feria sexta post festum sancti Michaelis Archangeli [5 X] anno praesenti celebrari debebat, propter nondum finita in praetorio Calisiensi iudicia terrestria Calisiensia ea die celebratum non est. Nihilominus iuridice resignationes haereditatum, inscriptiones donationum et omnium obligationum contractuumque ad unius quindenae spacium in iudicium particulare, in eodem robore et vigore per dominos proconsulem et consules, advocatum et scabinos, transpositae sunt, id quoque per bedelli iurati publicam proclamationem omnibus quorum interest publicando et ad notitiam deducendo.

Or.: Kalisz wójtowska, Liber resignationum, reformationum etc., 1578-1619, indukta, APP sygn. 45, s. 165-168.

Rafał z Leszna Leszczyński kasztelan śremski darowuje N. Marcinowi Żerońskiemu pisarzowi grodzkiemu kaliskiemu dział swego domu wraz z częścią jego placu, w Kaliszu przy kościele NMP, naprzeciwko kolegium jezuitów. Dom położony pomiędzy ulicą łączącą ul. Toruńską z uliczką którą idzie się do tegoż kościoła NMP a pustym placem prepozyta tegoż kościoła, przy wejściu na cmentarz tegoż kościoła.

Powzdanie w imieniu kasztelana zeznał N. Maciej Pawłowski, którego plenipotencję w niniejszym zapisie oblatowano.

Pod zapisem powzdania notatka o przełożeniu posiedzenia sądu wójtowskiego. Sąd wielki nie mógł się zebrać w tradycyjnym terminie w piątek po św. Michale (w owym roku 5 października), jako że w ratuszu kaliskim nie zakończono jeszcze obrad sądu ziemskiego. Przeto zeznania transakcji przeniesiono o 2 tygodnie na sąd powiatkowy, co obwieścił woźny.

1583 Poswa, Regina uxor, mutua dnato

Poswa, Regina uxor, mutua donatio

Ibidem personaliter constituti honesti Baltassar Poswa et Regina coniuges cives Calisienses mente ac corpore sani existentes, publice ac per expressum recognoverunt; praefatus quidem Baltassar per se, at dicta uxor eius per famatum Laurentium Suchorski civem Calisiensem tutorem suum ad id specialiter officiose assumptum, consentiente nihilominus praefato marito suo.

Quia bona sua omnia et singula, mobilia et immobilia, haereditaria seu etiam laboribus acquisita, quae scilicet nunc habent posteaque habituri sunt, mutuo ex consensu suo, in vicem sibi, vice alterius ad alterum versa, ad extrema vitae tempora donaverunt, inscripserunt et in perpetuum resignaverunt, ut quidem et praesentibus donant, inscribunt et in perpetuum resignant, omnes amicos suos et affines in gradu quovis sive illo proximiori sive remotiori existentes a praefatis bonis suis habitis et habendis alienando et in perpetuum removendo.

Quod quidem fecerunt faciuntque tali modo, ut si alterum eorum prius quam alterum mori contigerit, ille qui superstes manserit bona praefata omnia in suam posessionem perpetuam accipiat illisque ut voluerit utifruatur, excipiendo tamen id quod utique quisque pro amicis suis propinquioribus relinquat de bonis eisdem marcas duas peccuniae, quas ille, qui superstes extiterit in vita super alterum, amicis demortui numerare dareque tenebitur, et hoc ubi primum ab eis caussa [!] earum requisitus fuerit.

Ac eam mutuam sibi bonorum donationem judicium praesens suscipiens, ad petita [s. 128] eorundem coniugum actis praesentibus commendarunt praefatis coniugibus solidantibus.

Or.: Kalisz wójtowska, Liber resignationum, reformationum etc., 1578-1619, indukta, APP sygn. 45, s. 127-128.

Wzajemna darowizna Baltazara Powszy i jego żony Reginy, mieszczan kaliskich.

1582 Sulimowska Stanisławsk. resgnt

Judicium magnum ordinarium die postera festi sanctorum Apostolorum Simoni et Judae [29 X] simul cum suo particulari judicio ex transpositione ipsius judicii magni de die sua feria sexta post festum sancti Michaelis Archangeli proxima [5 X], in quam de consuetudine loci et civitatis huius deveniebat, idque propter festum Hedvigis sanctae et electae [15 X] in eandem feriam sextam ex correctione calendarii per sanctissimum dominum dominum papam Gregorium XIII facta interveniens bannitum et celebratum per spectabiles viros: Albertum chaldeatorem subdelegatum, Vincentium sartorem, Mathiam Przibelo, Paulum Krupka cives et scabinos juratos Calisienses anni praesentis 1582 officio suo praesidentes. [s. 117]

Sulimowska Stanisławskiemu resignat

Coram judicio magno bannito personaliter comparens famatus Joannes Chrzan civis Calisiensis tanquam plenipotens nobilium Barbarae Sulimowska et Alberti Sulimowski, nobilis olim Nicolai Sulimowski viduae atque filii relictorum, de cuius plenipotentiae munere ex actis officii advocatialis Calisiensis judicio indubiam fecit fidem, eodemque mandatario nomine sanus per omnia existens sponte in perpetuum resignavit et actu praesenti resignat eorundem principalium suorum domum propriam, iacentem hic Calisiae in platea Thorunensi penes domos Alberti ferrifabri et olim Andreae sutoris haeredum civium Calisiensium per contiguitatem partibus ab utrisque, pro marcis sexaginta quinque numeri et monetae Polonicalis, quamque marcam per grossos quadraginta octo numerando, venditam,

cum omni jure, dominio et proprietate, ita late, longe et circumferentialiter prout in suis metis ab antiquo constitit atque etiamnunc consistit, et quemadmodum eandem ipsi principales sui habuerunt et tenuerunt in posessione sua, nihil juris, dominii et proprietatis pro iisdem principalibus atque eorum successoribus ibidem prorsum reservando et relinquendo,

famato Laurentio Stanisławski civi Calisiensi et praefatae domus emptori, per ipsum atque successores eius omnes legittimos eandem domum in posessionem suam accipiendi, habendi, tenendi, vendendi, donandi et pro libitu suo in usus quosvis vel quocunque modo convertendi.

Recognoscens insuper idem plenipotens dictos principales suos ab eodem emptore domus percepisse marcas triginta peccuniae primae de summa principali rathae, de quibus eundem in contractu de praemissis inter eos inito quietaverunt atque nunc quietant in perpetuum.

Quam resignationem et quietationem praefatus Laurentius Stanisławski pro grato et rato suscepit libroque praesenti conscribi fecit. Actum ut supra.

Or.: Kalisz wójtowska, Liber resignationum, reformationum etc., 1578-1619, indukta, APP sygn. 45, s. 116-117.

Barbara Sulimowska wd. po N. Mikołaju Sulimowskim oraz Wojciech syn tegoż sprzedają dom swój w Kaliszu przy ul. Toruńskiej stojący przy domach Wojciecha kowala i dziedziców Andrzeja szewca, za 65 grzywien, Wawrzyńcowi Stanisławskiemu mieszczaninowi kaliskiemu.

Zapis zawiera wzmiankę o rychłym przyjęciu przez Kalisz kalendarza gregoriańskiego. Sąd miejski sprawowano tu zwyczajowo w piątek po świętym Michale, który w 1582 roku przypadł 5 października (wg starego kalendarza). Ponieważ wskutek reformy kalendarza po 4 października (czwartek) nastąpił od razu piątek 15 października, z uwagi na przypadające tego dnia święto św. Jadwigi przesunięto obrady sądu na dzień po śś. Szymonie i Judzie tj. 29 października.

Jako subdelegat w sądzie zasiadł Wojciech kotlarz (chaldeator).

1601 Madeiowie vendunt censu Borinii hospitali

Madeiowie vendunt censum Borinii [?] <hospitali>

Ad iudicium actaque praesentia personaliter venientes famati Albertus Madey pellio et Anna Stawireiowna coniuges cives Calissienses, ille quidem per se, haec autem per honestum Adream [!] Kubinski frenificem generum suum civem itidem Calissiensem, tutorem de consensu praesentaneo mariti sui ad acta hunc assumptum et iudicialiter approbatum, personaliter sibi adstantem et ad infrascripta omnia consentientem, sani mente et corpore, ambo insolidum et quisque illorum seiunctim, unus pro altero pro toto confideiubendo pro interesse suo publice benevoleque recognoverunt.

Quia vendiderunt, prout actu praesenti vendunt et iudicialiter resignant in vim reemptionis alias na wyderkaw in et pro summa ducentorum florenorum Polonicalium, quemque triginta grossis Polonicalibus computando, ex manibus venerabilis Andreae Rąmczyk Borinius custodis ecclesiae collegiatae Calissiensis Beatae Mariae Virginis et in utraque Dobrcza villis civitatis Calissiensis haereditariis plebani nec non in oppido Borek diecessis [!] Posnaniensis in ecclesia parochiali tituli sancti Stanislai Poloni Martiris altaris in laudem Dei optimi maximi eiusque genitricis Mariae Virginis atque sanctorum Andreae Apostoli et Laurentii Martiris noviter extructi et per eum fundati altaristae realiter et in effectu levatorum,

pauperibus pro sustentatione victus et relevanda inopia ipsorum hospitalis Borcensis penes fundum Martini Rąmczyk nunc et aliis pro tempore [s. 674] in eodem hospitali existentibus, censum annualem quatuordecem florenorum Polonicalium quotannis pro dominica Septuagesimae in manus praefati Andreae Rąmczyk usque ad extrema vitae eius tempora ad manualem ipsius recognitionem, quae eiusdem valoris velut authentica quietatio erit, post eius vero decessum ipsi quem ille in loco suo ordinaverit, persolvere temporibus perpetuis, sub vadio simili interposito irremisibiliter luendo ob ipsius census non persolutionem.

Quam quidem originalem summam suprapraefatam simul cum censu praefato empto et resignato inscribunt et assecurant in lapidea sua propria aciali in circulo Calissiensi penes lapideam famati Bartholomei Łabęcz civis Calissiensis sitta aliisque bonis suis omnibus mobilibus et immobilibus summisque pecuniariis omnibus habitis et habendis, successores suos de eisdem bonis praefatis onerando et obligando in vim reemptionis ut praemissum est, praedictis pauperibus hospitali Borcensis nunc et pro tempore existentibus, in manus eiusdem fundatoris certo soluturos.

Inscribendo se et successores suos onerando de aliis omnibus bonis suis mobilibus et immobilibus in circum circa et extra civitatem Calissiensem consistentibus habitis et habendis, in summa et censu supra praedictis bonis inscriptis et resignatis perpetualiter annuatim persolvendis, praedictos pauperes hospitalis Borcensis ab omnibus impedimentis iuridicis omnium et singularum personarum cuiuscunque status, sexus et conditionis existentium, ab omnibus inscriptionibus prioribus et posterioribus, summisque omnibus spiritualibus et secularibus si que ibidem emerserint, suo proprio sumptu quoties tantum fuerit opus tueri, evincere et eliberare in primo citationis termino tanquam peremptorio, ita quod praefati pauperes nunc et pro tempore existentes posint [!] pacifice et integre quolibet anno censum praefatum quatuordecem florenorum Polonicalium sine quovis impedimento ex manibus eiusdem fundatoris et post decessum illius a suo ordinario curatore vel curatoribus instituendis percipere et sub manuali recognitione levare.

Quae omnia in praesenti inscriptione expraessa [!] iidem recognoscentes et sui successores virtute praesentis obligationis submittunt se cum successoribus suis firmiter manu tenere et adimplere, sub vadio ducentorum florenorum Polonicalium eisdem pauperibus nunc et in posterum existentibus luendo et persolvendo.

Pro quo quidem vadio luito vel inscriptioni praesenti aliqua in parte contraventione ipsi recognoscentes vel ipsis deceden(dis) eorum successores ad judicium advocatiale Calissiense citati in primo citationis termino tanquam peremptorio stare parere debebunt, prout se actu praesenti cum successoribus submittunt facturos ac omnibus eiusdem inscriptionis contentis satisfacere vadioque luito exoluto omnia contenta inscriptionis praesentis complere, nulla re exquisita iudiciaria et extraiudiciaria nullisque dilationibus, protestationibus [?], appellationibus etiam si de iure concessibilibus excogitatis et excogitandis praemissa evadendo vel etiam terminum peremptorium quovis modo et ratione differendo, nullo denique iuris colore et quavis diuturnitate temporis, etiam si longissima, praemissis obstante, sub amissione totius suae causae, immo quidquid contra [s. 675] praesentem inscriptionem et ipsius contenta infringendo vel aliqua ex parte labefactando, sive dictum sive factum fuerit, id totum debet esse irritum et inane.

Cum eo adiuncto, ut si iidem recognoscentes vel ipsorum successores eam summam originalem emundantes bona sua a censu praefato pauperibus vel ipsorum ordinariis curatoribus pro tempore existentibus reponere voluerint, avisationem 12 septimanis ante terminum solutioni incidendo praemittere tenebuntur, ut eidem summae pauperes cum suis ordinariis curatoribus, quibus idem fundator ius patrocinatus eiusdem hospitalis contulerit, alium fundum certum quantitate praecii summam originalem excedentem inveniant et super inscriptionem praemissam in vim reemptionis sub censu simili annuatim persolvendo eam summam comittant.

Quam inscriptionem judicium praesens ita ut in se continetur authoritate sua confirmavit, robur habere perpetuae firmitatis. Super quo memoriale judicio solutum est.

Or.: Kalisz wójtowska, Liber resignationum, reformationum etc., 1578-1619, indukta, APP sygn. 45, s. 673-675.

Wojciech Madej kuśnierz kaliski z żoną Anną Stawirejówną zapisują czynsz roczny 14 złp. od 200 złp. na utrzymanie ubogich szpitala w Borku Wielkopolskim. Sumę wypłaca im Andrzej Romczyk (Rączyk?) Boryński (Borinius), kustosz kolegiaty NMP w Kaliszu, pleban na obu Dobrcach (Dobrzec Wielki, Dobrzec Mały) wsiach dziedzicznych Kalisza oraz altarysta ufundowanego przez siebie ołtarza śś. Andrzeja Apostoła i Wawrzyńca Męczennika w kościele parafialnym pw. św. Stanisława Biskupa i Męczennika w Borku. Szpital przy gruncie niejakiego Marcina Romczyka/Rączyka. Czynsz zapisany (tj. zabezpieczony) na kamienicy Madejów narożnej w rynku kaliskim, przy kamienicy Bartłomieja Łabędzia mieszczanina kaliskiego. Gdyby Madejowie chcieli zwrócić sumę, mają o tym zawiadomić szpital z 12-tygodniowym wyprzedzeniem, tak by opiekunowie szpitala zdążyli znaleźć inny grunt zapewniający mu dochód.

1579 Dom9 Mąndremu resignat2

Iudicium particulare bannitum ordinarium feria sexta ante festum sanctae Margarethae proxima [10 VII] anno Domini millesimo quingentesimo septuagesimo nono celebratum. [s. 26]

Domus Mąndremu resignatur

Coram judicio particulari bannito ordinario civitatis Calissiensis constitutus personaliter famatus Laurentius Suchorsky aurifaber civis Calissiensis tanquam plenipotens mandatarius honorabilis Simonis mansionarii Sochaczewiensis et honesti Jacobi fabriferrarii de Strikow famati olim Joannis Gretha civis Calissiensis fratrum germanorum et successorum legittimorum, nec non honesti Stanislai Fistek de Strikow, honestae Catherinae supranominatorum fratrum sororis germanae, uxoris vero suae legittimae, nomine agentibus, de quorum mandato sufficienti ex actis advocatialibus Calissiensibus deprompto judicio praesenti indubiam fecit fidem, eodemque munere mandatario sanus ac liber per omnia existens non compulsus, nec coactus, sed sponte et libere, vigore contractus per eosdem venditores et emptorem inferius nominatum ad acta advocatialia Calissiensia producti et inscripti,

resignavit domum eorundem principalium suorum in Judaica platea, inter Lasky pellionis et perfidi Isaac Szieradzky domos vicinaliter sitam, cum omni jure, dominio et proprietate, ita late, longe et circumferentialiter prout in metis limitibusque suis ab antiquo consistit et quemadmodum ad eos iure naturalis successionis post obitum olim praefatum Joannem Greta fratrem eorum germanum devoluta est, nihil iuris, dominii et proprietatis eisdem principalibus suis vel eorum successoribus ibidem penitus reservando,

provido Blasio Mądry suburbano civitatis Calissiensis et eius legittimis successoribus, per eundem et eius successores in perpetuum habendi, tenendi, possidendi, utifruendi, vendendi, commutandi, dandi, donandi, alienandi et secundum arbitrium suum libere convertendi.

De cuius quidem domus plenaria et sufficienti persolutione dictus plenipotens nomine quo supra principalium suorum praefatorum eundem Blasium Mądry et eius successores quietavit quietatque actu praesenti in perpetuum.

Quae omnia praemissa idem Blasius Mądry pro rato et grato suscipiens, actis praesentibus inscribi petiit et obtinuit. Actum Calissiae ut supra.

Or.: Kalisz wójtowska, Liber resignationum, reformationum etc., 1578-1619, indukta, APP sygn. 45, s. 25-26.

Wawrzyniec Suchorski złotnik kaliski jako plenipotent sprzedaje dom spadły po śmierci Jana Grety mieszczanina kaliskiego na rodzeństwo tegoż Grety, tj.: x. Szymona mansjonarza sochaczewskiego, Jakuba kowala ze Strykowa oraz Katarzyny żony Stanisława Fistek ze Strykowa, Błażejowi Mądremu podmieszczaninowi kaliskiemu. Sam zapis kontraktu kupna-sprzedaży został uprzednio wciągnięty do akt wójtowskich kaliskich i – stosownie do ówczesnej praktyki – w akcie powzdania (przeniesienia własności, łac. resignatio), który stanowi niniejszy zapis, nie wzmiankowano postanowień kontraktu, w tym nawet ceny. Dom usytuowany w Kaliszu przy ulicy Żydowskiej, pomiędzy domami kuśnierza Laski i żyda Izaaka Sieradzkiego.