1743 Advocatia Dybki

Sub eodem actu. [12 VIII 1743]

Advocatia Dybki.

Ad personalem oblationem generosi Petri Konopka advocatiae in Dybki sub clavi Pultoviensi consistentis possessoris officium praesens infrascripta instrumenta ad ingrossandum suscepit, tenoris sequentis:

*

"Ludovicus in Załuskie Załuski

Dei et Apostolicae Sedis gratia episcopus Plocensis.

Significamus praesentibus literis nostris universis et singulis quorum interest aut quomodolibet interesse poterit. Quia nos grata habentes merita nobilis Pauli Rosinski volentesque eundem ad ulteriora obsequia promptum reddere molendinum desertum Przymy vocitatum cum agris ad idem molendinum spectantibus, eidem nobili Paulo Rosinski et Mariannae coniugibus et Nicolao filio eorundem coniugum dandum et conferendum ac advocatiae in Dybki uniendum et incorporandum esse duximus, uti quidem damus, conferimus, unimus et incorporamus, sub ratihabitione et assensu perillustrium et reverendissimorum praelatorum et canonicorum totiusque venerabilis capituli ecclesiae nostrae cathedralis Plocensis eosdemque nobiles Rosinskie coniuges ac Nicolaum filium ab omnibus oneribus, quae caeteri advocati ex vi privilegiorum suorum praestare tenentur, liberos et immunes ad [s. 153] extrema vitae eorundem coniugum ac Nicolai filii liberos ac immunes declaramus et pronunciamus tempora.

Promittimus autem pro nobis et illustrissimis dominis successoribus nostris episcopis Plocensibus a possessione praedicti molendini et agrorum eosdem nobiles Paulum Rosinski et Mariannam coniuges ac filium Nicolaum non amoturos, nec successores nostri episcopi Plocenses pro tempore existentes amovebunt, juribus nostris nostraeque ecclesiae cathedralis Plocensis salvis in toto manentibus. In quorum fidem praesentes manu nostra subscriptas sigillo communiri iussimus.

<Actum et> datum ad sanctam Lindam die vigesima tertia mensis Aprilis anno Domini millesimo septingentesimo septimo.

(-) Ludovicus episcopus.

(l. s. episcopalis)

(l. s. capitularis)

(-) Stephanus Wierzbowski decanus Plocensis, Gnesnensi, Varsaviensis cantor, canonicus Posnaniensis, officialis Varsaviensis, praesidens venerabilis capituli, mpp."

Secundi tenor sequens:

**

"Ludovicus in Załuskie Załuski

Dei et Apostolicae Sedis gratia episcopus Plocensis.

Significamus praesentibus literis nostris quorum interest, universis et singulis. Cum id semper praedecessorum nostrorum cordi fuisset ut studia de se benemerentium pari munificentiae suae testimonio exornare et gratitudinis munere ampliare potuissent.

Hinc itaque est quia nos grata semper habentes obsequia nobilis Floriani Francisci Łoczynski apostolici et actorum curiae nostrae notarii, quem volentes ad ulteriora benemerendi studia alacriorem et promptiorem reddere, sibi una cum coniuge Catharina Mostecka advocatiam duorum mansorum mensurae Culmensis vulgo Jarnułtowskie dictam cum decem iugeribus alias morgis ex utraque parte stagni seu fluvii dicti Osuchowa, tam pro agro quam pro prato se se protendentibus, in bonis nostris episcopalibus villae Osuchowa sitam, et scultetiam cum molendino deserto ac agris et pratis Pryimy nuncupato, post mortem nobilis olim Pauli Rosinski et Mariannae Limonska coniugum vacantem et ad nos dispositionemque nostram, mediante resignatione et cessione juris per successores dictorum olim Rosinskich coram actis competentibus fact(is) et in personas eorundem nobilium Floriani et Catharinae coniugum recognit(o), dandam et conferendam esse duximus, prout per praesens privilegium damus, donamus et conferimus

cum omnibus eorundem aedificiis, areis, hortis, agris, pratis, pascuis, subditis per ipsum locandis, gazis, fructibus et universis pertinentiis generaliter cum utilitatibus singulis quibuscunque nominibus nuncupentur [?] [s. 153v] eo antiquitus spectantibus, mellificiis antiquis et denuo faciendis, prout in anterioribus privilegiis descripta habentur, liberam quoque braxationem cerevisiae pro usu suo et necessitate domestica ac incisionem lignorum tam pro foco quam aedificiis praedictae advocatiae, praefatis nobilibus concedimus

ab omnibus nostris et successorum nostrorum censibus et quibusvis solutionibus ac decima, quae nomine canonis ad mensam nostram episcopalem de eisdem mansis {perti} pendebatur et solvebatur, liberos penitus et exemptos esse volumus ad extrema vitae eorundem coniugum utriusque tempora,

idque sub ratihabitione illustrissimorum et {reverendissimorum} perillustrium et admodum reverendorum praelatorum et canonicorum fratrum nostrorum, totiusque venerabilis capituli ecclesiae nostrae cathedralis Plocensis {ratihabitione il}.

Ratione cuius advocatiae et scultetiae nulla alia onera iidem nobiles coniuges praestabunt praeterquam ea, quae caeteri advocati ex vi privilegiorum suorum praestare tenentur, videlicet quoties necessitas postulaverit granities episcopatus nostri defendendos per famulum armis ornatum ac deputatos venerabilis capituli nostri comitari tenebuntur et erunt adstricti.

Submissionem quoque coram actis castrensibus Ostroviensibus intra duos menses post assecutam possessionem advocatiae et scultetiae praedictae facere debebunt, quod praedicta bona advocatiae et scultetiae non haereditario aut obligatorio jure sed vigore privilegii nostri praesentis possidebunt, et quod jurisdictioni nostrae ac successorum nostrorum episcopali et capitanei Pultoviensis in causa fundi parebunt, juribus nostris et ecclesiae cathedralis Plocensis salvis per omnia manentibus. In quorum fidem praesentes manu nostra subscriptas sigillo communiri iussimus.

Actum et datum Łomzae die vigesima sexta mensis Augusti anno Domini millesimo septingentesimo nono.

Praesentibus perillustribus, illustribus et admodum reverendis: Casimiro Węgrzynowski utriusque juris doctore Pultoviensi in Brok, Casimiro Jagodzinski Pultoviensi in Przytuły, Michaele Latyczewski Varsaviensi Pultoviensi officiali Łomzensi, Balthasaro Jabłecki Pultoviensi canonicis et sanctae Mariae Magdalenae ibidem praepositis, Simone Zapustowicz ecclesiae collegiatae Pultoviensis praebendario, nobilibus Nicolao Kobylinski, Antonio Stamirowski aliisque plurimis aulicis et familiaribus nostris circa praemissa personaliter existentibus.

(-) Ludovicus episcopus.

(l. s. episcopalis)

(l. s. capitularis)

In vim canonis solvat marcam unam pro fabrica ecclesiae.

(-) Stephanus Wierzbowski episcopus Dardamensis [s. 154], suffraganeus Varmiensis, decanus et praesidens venerabilis capituli Plocensis, mpp."

Tertii tenor eiusmodi:

***

"Ludovicus in Załuskie Załuski

Dei et Apostolicae Sedis gratia episcopus Plocensis.

Significamus praesentibus literis nostris quorum interest, universis et singulis. Consensisse nos et permisisse, consentireque et pertinere [!] per praesentes nobili Francisco Floriano Łoczynski apostolico et actorum curiae nostrae notario advocatiae duorum mansorum mensurae Culmensis vulgo Jarnułtowskie dictae cum decem iugeribus alias morgis ex utraque parte stagni seu fluvii dicti Osuchowa, tam pro agro quam pro prato se se protendentibus, in bonis nostris episcopalibus villae Osuchowa sitae et scultetiae cum molendino deserto Przyimy nuncupato possessori, ut possit et valeat de omni et integro jure suo advitali, quod ipsi super praedicta advocatiae et scultetia sub praefectura Pultoviensi consistentibus, ita prout in anterioribus privilegiis praedecessorum nostrorum invenitur expressum competebat cedere et condescendere, illudque in personas nobilium Joannis et Catharinae Piotrowskich coniugum transfundere et resignare.

Quae quidem cessio et juris resignatio postea quam suum sortita fuerit effectum et coram actis aliquibus authenticis recognita, extunc nos dictam advocatiam et scultetiam praemissis nobilibus Joanni et Catharinae coniugibus dandam, donandam et conferendam esse duximus, uti quidem sub ratihabitione tamen et assensu illustrissimorum et reverendissimorum, perillustrium et admodum reverendorum dominorum praelatorum et canonicorum fratrum nostrorum totiusque venerabilis capituli ecclesiae nostrae cathedralis Plocensis, cum omnibus eiusdem advocatiae et scultetiae aedificiis, agris, pratis, mansis, pascuis, rubetis, mellificiis ab antiquo existentibus et de novo faciendis, aliisque universis et singulis eorundem bonorum attinentiis et pertinentiis, libera incisione lignorum pro foco et aedificiis, coctione cerevisiae pro usu domestico, nullis penitus exceptis, alias prout eandem advocatiam et scultetiam praeinsertus nobilis Florianus Franciscus Łoczynski tenebat et possidebat memorati donatarii nostri tenebunt, habebunt et possidebunt.

Ratione quorum bonorum et juris sui praefati iidem nobiles donatarii nostri ea onera praestare tenebuntur quae caeteri nobiles advocati ex vi privilegiorum suorum praestare tenentur, videlicet ad limites episcopatus Plocensis faciendos et defendendos nos successoresque nostros vel deputatos venerabilis capituli per se vel per alium equitem bene armatum comitari.

Nomine item canonis pro cera ad ecclesiam cathedralem marcam unam pro festo sancti Martini Episcopi [s. 154v] solvere, jurisdictioni quoque nostrae et capitanei Pultoviensi in causis fundi parere atque abhinc infra decursum duorum mensium coram actis castrensibus Ostroviensibus, quod praefata bona non haereditario seu quovis jure alio, sed duntaxat praesentis privilegii nostri vigore tenebunt et possidebunt personaliter recognoscere et se se submittere tenebuntur, et erunt adstricti.

Promittimus autem pro nobis et illustrissimis dominis successoribus nostris, quod praedictos superius expressos donatarios nostros ab usu et pacifica possessione dictae advocatiae et scultetiae non amovebimus, nec successores nostri amovebunt, juribus nostris et ecclesiae nostrae cathedralis Plocensis salvis per omnia manentibus. In quorum fidem praesentes manu nostra subscriptas sigillo communiri iussimus.

Actum et datum Pultoviae die septima mensis Januarii anno Domini 1712-mo.

(-) B. Ludovicus episcopus.

(l. s. episcopalis)

(l. s. capitularis)

(-) Adalbertus Ignatius Bardzewski episcopus Sareptensis, archidiaconus et praesidens Plocensis, Vladislaviensis, Cuiaviensis suffraganeus.

Salvis juribus ecclesiae et capituli, tum canone unius marcae solvendae.

(A tergo earundem:) Sub actu sabbathi post festum Sacratissimi Corporis Christi Domini 1728 in curia regia Ostroviensi. Privilegium introcontentum ad personalem oblationem generosi Alberti Mosakowski advocatiae Dybkoviensis possessoris susceptum.”

Quarti tenor talis:

****

"Andreas Stanislaus Kostka in Załuskie Załuski

Dei et Apostolicae Sedis gratia episcopus Plocensis.

Significamus praesentibus literis nostris universis et singulis quorum interest aut interesse poterit. Consensisse nos et permisisse, consentireque et permittere praesentibus literis nobili Catharinae primi voti Piotrowska, ad praesens Mosakowska, advocatiae in Dybki bonis nostris episcopalibus possestrici, ut possit et valeat de omni et integro jure suo advitali, quod ipsi super eadem advocatia in Dybki sub praefectura Pultoviensi consistenti competit, cedere et condescendere illudque in personas nobilium Petri Konopka et Constantiae Gurska coniugum transfundere et coram actis curiae nostrae episcopalis aut castrensibus Pultoviensibus in assistentia mariti sui resignare, juribus nostris et ecclesiae nostrae cathedralis ibidem salvis per omnia manentibus. In quorum praemissorum fidem praesentes manu nostra subscriptas sigillo communiri iussimus.

Datum Pultoviae die secunda mensis Augusti anno Domini millesimo septingentesimo vigesimo octavo.

(-) Andreas episcopus.

(l. s. episcopalis)”

Or.: Pułtuskie gr., Pułtuskie grodzkie jurysdykcji biskupiej, 1727-1759, AGAD, sygn. 5, s. 152v-154v.

Oblata 4 pism dotyczących wójtostwa w Dybkach w kluczu pułtuskim:

1) Święta Lipka, 23 IV 1707. Biskup płocki nadaje szlachetnemu Pawłowi Rosińskiemu, jego żonie Mariannie i synowi Mikołajowi młyn opustoszały Przyjmy i przyłącza go do wójtostwa w Dybkach, uwalniając ich dożywotnio z wszelkich obciążeń obowiązujących wójtów.

2) Łomża, 26 VIII 1709. Biskup płocki nadaje Florianowi Franciszkowi Łoczyńskiemu i jego żonie Katarzynie Mosteckiej wójtostwo Jarnułtowskie w dobrach biskupich wsi Osuchowa oraz sołectwo z młynem opustoszałym Przyjmy, wakujące po śmierci Rosińskich.

3) Pułtusk, 7 I 1712. Biskup płocki udziela zgody Łoczyńskiemu na przelanie praw do wójtostwa i sołectwa z młynem na osoby szlachetnych Jana i Katarzyny Piotrowskich (dokument oblatowany przez Wojciecha Mosakowskiego 29 V 1728).

4) Pułtusk, 2 VIII 1728. Biskup płocki udziela Katarzynie 1-mo voto Piotrowskiej, obecnie Mosakowskiej, zgody na przelanie praw do wójtostwa w Dybkach na osoby szlachetnych Piotra Konopki i Konstancji Gurskiej małżonków.

1754 Illustris magnifica Jabłonowska palatina Ravensis de juribus introcontentis illustri magnifico Jabłonowski filio suo cedit

Actum in Costen, feria secunda post festum sancti Lucae Evangelistae proxima [21 X], anno Domini millesimo septingentesimo quinquagesimo quarto.

Illustris magnifica Dorothea de Bronisze Jabłonowska palatina Ravensis, primi olim illustris magnifici Joannis a Radomicko Radomicki palatini Junivladislaviensis, Majoris Poloniae generalis, Mederecensis, Osiecnensis¹ [!] etc. capitanei, secundi ex post voti illustris et magnifici Stanislai Vincentii duorum nominum comitis in ducatu Ostrogiensi Prus Jablonowski capitanei Białocerkieviensis, Mederecensis nuper vita functi consor [!] derelicta vidua, in personali assistentia magnificorum Josephi de Paradyż² Bronisz et Laurentii Pierzchlinski proximorum amicorum suorum, sana mente corporeque existens, recedendo etc. recognovit.

Quia ipsa ex rationibus animum suum permoventibus de recognita coram terminis terrestribus particularibus Costensibus, feria secunda post dominicam Cantate proxima in anno millesimo septingentesimo vigesimo nono, hic in Costen celebratis inter se illustrem recognoscentem et praefatum eundem³ olim illustrem Jabłonowski maritum suum, de toto et integro inventario et rerum mobilium, utpote auro, argento formato et non formato, in quavis forma et specie existent(e), clenodiis, margarethis, lapidibus preciosis summisque⁴ pecuniariis in parata pecunia existentibus, nec non aere, cupro, stanno, orichalco, vestibus, vestimentis, peristromatibus, tapetibus, equis, equireis, ovibus, peccoribus, peccudibus, frumentis trituratis et non trituratis totaque et integra supellectili domestica et quid sub inventarium cadere⁵ potest, mutua quietatione et coram actis castrensibus Włodzimiriensibus⁶, eodem anno et die septima mensis Julii oblatuata,

nec non similiter coram eisdem terminis terrestribus Costensibus sub eodem actu quo quietatio, inter praefatum olim illustrem Jabłonowski maritum suum ac se comparentem a mutua advitalitate et usufructu omnium et singulorum bonorum suorum haereditariorum et obligatoriorum, mobilium et immobilium summarumque quarumvis pecuniariarum subsecuta, ac⁷ coram eisdem actis castrensibus [s. 180] Włodzimiriensibus eadem die ut supra per oblatam porrecta atque per eundem olim illustrem Jablonowski maritum suum coram praefatis actis castrensibus Włodzimiriensibus in anno millesimo septingentesimo trigesimo septimo, die decima tertia mensis Septembris cum specificatione bonorum confirmata,

tum quoque⁸ de scripto certo manuali, ratione certarum rerum et conditionum in eo specificatarum et expraessarum⁹, de actu et data ejus diei vigesimae quintae¹⁰ mensis Martii in anno millesimo septingentesimo vigesimo nono in bonis Konarzewo inito et conscripto manuque ejusdem illustris olim magnifici mariti sui subscripto, vadioque trecentorum millium florenorum Polonicalium firmato, in rem suae recognoscentis qua Deo dante futurae consorti per eundem olim illustrem maritum dato, actisque castrensibus Wschovensibus sabbatho post dominicam Oculi Quadragesimalem proximo in anno quo supra millesimo septingentesimo vigesimo nono per ipsummet illustrem Jabłonowski roborato,

denique a summis in genere omnibus ubique locorum per eundem olim illustrem¹¹ maritum sibi inscriptis, tum et aliis summis modo quovis in bona omnia sui haereditaria palatinatus Posnaniensis per praefatum olim maritum suum, tam vi reparationis bonorum quam deportationis onerum importatis et haerentibus recessit receditque per praesentes.

Et eadem ipsa omnia jura sua, nihil pro se suisque successoribus ex primo thoro procedentibus reservando et excipiendo, tam videlicet quietationem mutuam de inventario et advitalitatem reciprocam¹² quam roboratoriam inscriptionem supra de actu expraessas, per praefatum olim illustrem Jabłonowski maritum suum secum¹³ recognoscente et in rem sui recognitas et post fata ejusdem mariti sibi servient(es), cassando et annihilando

in persona¹⁴ illustris magnifici Antonii¹⁵ Prus Jabłonowski palatinidae Ravensis secum et cum praefato illustri Jabłonowski in secundo matrimonii voto procreati filii et illius successorum [s. 181] pleno, totali integroque sibi illustri recognoscenti servienti jure cessit, contulit, transposuit, transtulit et transfudit, uti quidem cedit, confert, transponit, transfert et transfundit actum per praesentem, dans et concedens etc.

Ex protocollo castrensi Costensi extractum. Correxit Pruski, viceregens castrensis Costensis.

Legit Szomański.

[in dorso] Illustris magnifica Jabłonowska palatina Ravensis de juribus introcontentis illustri magnifico Jabłonowski filio suo cedit.

Źródło: Akta prawno-majątkowe Stanisława Wincentego i Doroty z Broniszów 1v. Radomickiej Jabłonowskich i ich syna Antoniego Jabłonowskiego, sygn. BK07842, s. 179-182

Dokument powyższy, będący wyciągiem z ksiąg grodzkich kościańskich (dalej: odp. B), przywołuje trzy zapisy Stanisława Jabłonowskiego na rzecz jego żony, Doroty z Broniszów.

Były to:

a) wzajemna kwitacja z inwentarza i ruchomości,

b) wzajemne dożywocie,

c) roboracja skryptu pod zastawem 300.000 zł (odnotowana u Dworzaczka - patrz link, u dołu),

wszystkie z początku 1729 roku.

Teraz tj. 21 października 1754 roku, w trzy tygodnie po śmierci męża, Dorota Jabłonowska wojewodzina rawska, prawa uzyskane wspomnianymi trzema zapisami ceduje na swego syna z drugiego małżeństwa, Antoniego Prus Jabłonowskiego wojewodzica rawskiego.

Inny sporządzony w kancelarii grodzkiej odpis tego dokumentu (dalej: odp. A) znajdujemy na s. 175-178. Jest pozbawiony znaków kontroli zgodności z oryginałem (correxit, legit), posiada też inną niż odp. B notę dorsalną (Illustris magnifica Dorothaea de Bronisze, primo Radomicka, ultimo Jabłonowska, in personam magnifici Jabłonowski filii sui summas universales transfundit). Znalazłem kilkanaście różnic w treści obu odpisów – podaję je w przypisach, wyjąwszy najdrobniejsze.

¹ Odp. A prawidłowo: Osiecensis. ² Odp. A: Paradisz. ³ Odp. A: brak. ⁴ Odp. A dodaje zwyczajowe: quibusvis. ⁵ W odp. B poprawione z niedokończonego capere. ⁶ Odp. A: Vlodzimiriensibus. ⁷ Odp. A dodaje: etiam. ⁸ tum quoque - brak w odp. A. ⁹ Odp. A: expressarum. ¹⁰ Odp. A: die vigesima quinta. ¹¹ Odp. A zmienia szyk: illustrem olim eundem. ¹² W odp. A ogólniej: recognitam. ¹³ Brak w odp. A. ¹⁴ Odp. A: personam. ¹⁵ Odp. A: brak imienia!

1668 Transfusio juris patronatus in personam rndi Grudowicz per g Gostynski

Actum in castro Posnaniensi feria quinta post dominicam Jubilate proxima, anno Domini millesimo sexcentesimo sexagesimo octavo. Generosus Andraeas Borek Gostyński, medietatis oppidi Gostin haeres, recedendo etc. recognovit. Quia ipse totum et integrum ius suum collationis constituendorum presbiterorum oratorii Congregationis sancti Philippi Nerii in ecclesia sanctae Margarethae in oppido Srzodka extra civitatem Posnaniensem sita, existentis, se recognoscentem ad ecclesiam Immaculatae Conceptionis Beatissimae Mariae Virginis extra oppidum praefatum Gostin existentem, concernens, cum omni jure, dominio et proprietate, omnibusque ejusdem juris praerogativis et immunitatibus, nihil sibi et suis successoribus ex eodem jure collationis reservando et excipiendo,	Działo się w grodzie poznańskim w czwartek po niedzieli „Jubilate”, roku Pańskiego 1668. Urodzony Andrzej Borek Gostyński, dziedzic połowy miasta Gostyń, odstępując [od prawa i jurysdykcji swojego powiatu itd.] zeznał. Iż on całe i zupełne swoje prawo obsadzania (kollacji) wyznaczonych księży oratorium Kongregacji św. Filipa Neri istniejącego przy kościele św. Małgorzaty położonym w mieście Śródka za miastem Poznań, dotyczące siebie, zeznającego, co do kościoła Niepokalanego Poczęcia NMP za wspomnianym miastem Gostyń, wraz z całym prawem, władzą i własnością oraz wszystkimi tegoż prawa przywilejami i zwolnieniami, niczego sobie ani swoim następcom z tegoż prawa obsadzania zastrzegając czy wyłączając,
in personam admodum reverendi Stanislai Grudowicz praepositi oratorii praefati Congregationis sancti Philippi Nerii in ecclesia eadem sanctae Margarethae in oppido Srzodka sita moderni et in futurum existentium praepositorum oratorii eiusdem idque intuitu et respectu oratorii similis Congregationis sancti Philippi Nerii in ecclesia eadem Gostinensi Immaculatae Conceptionis Beatissimae Mariae Virginis fundandi, cessit, contulit, transposuit et transfudit, prout quidem cedit, confert, transfert et transfundit praesentibus.	na osobę przewielebnego Stanisława Grudowicza obecnego przełożonego oratorium wspomnianej Kongregacji św. Filipa Neri w tymże kościele św. Małgorzaty położonym w mieście Śródka, jak i na przyszłych przełożonych tegoż oratorium, a to w związku z planowanym założeniem oratorium podobnej Kongregacji św. Filipa Neri w tymże kościele Niepokalanego Poczęcia NMP w Gostyniu, odstępuje, przekazuje, przenosi i zlewa, jak też odstąpił, przekazał, przeniósł i zlał niniejszym.
Dans et concedens eidem admodum reverendo praeposito moderno et in futurum pro tempore existenti plenariam facultatem et omnimodam potestatem, presbiteros ad ecclesiam praefatam constituendi, ea tamen conditione huic transfusioni adiecta quod si et in quantum hoc idem oratorium in ecclesia praefata Gostinensi Beatissimae Mariae Virginis ad suum esse non devenerit, ex tunc hoc idem jus collationis ad se recognoscentem vel suo[s] successores denuo rediret. Recognitione praesenti ad praemissa mediante.	Dając i udzielając temuż przewielebnemu obecnemu przełożonemu, jak i pełniącym tę funkcję w przyszłości, pełnej zdolności i wszelkiej władzy wyznaczania księży do wspomnianego kościoła, pod tym wszakże warunkiem dołączonym do tego przelania prawa, że jeśli i o ile toż oratorium we wspomnianym kościele NMP w Gostyniu nie doczeka się swego założenia, odtąd to prawo obsadzania powtórnie przejdzie na zeznającego lub na jego następców, za pośrednictwem niniejszego zeznania co do powyższych [?].
L. S. (-) Andraeas Radoliński judex surrogatus castrensis Posnaniensis. Ex protocollo castrensi Posnaniensi extractum. (-) Rudolski	Pieczęć. (-) Andrzej Radoliński sędzia surogat grodzki poznański. Wyciąg z protokołu grodzkiego poznańskiego. (-) Rudolski
[in dorso: Transfusio juris patronatus in personam rndi Grudowicz per G Gostynski]	[in dorso: Przelanie prawa patronatu na osobę wielebnego Grudowicza przez urodzonego Gostyńskiego]

Wyciąg: Święta Góra, „Dokumenta Starożytne Kongregacyi Xięży Filippinów pod Gostyniem”, sygn. A/5, s. 23

Odpis z wyciągu: Święta Góra, „Dopisy Do Rękopisma Zbiór Wiadomości o Świętéj Górze pod Gostyniem”, sygn. A/11, s. 12, wpis VII

Andrzej Borek Gostyński przelewa prawo patronatu (kollacji, prawo do obsadzania urzędów kościelnych) w gostyńskiej kongregacji księży filipinów na ks. Grudowicza. Statuty Kongregacji św. Filipa Neri wymagały bowiem, jak czytamy w „Zbiorze wiadomości o Świętej Górze pod Gostyniem” (s. 28-29), by proboszcz wybierany był przez głosowanie wśród samych członków kongregacji, a nie narzucany przez fundatora.