1584 Resigno sortis domus D. Zeronski

Continuatio iudicii banniti ordinarii feria sexta proxima post festum Visitationis Beatissimae Virginis Mariae [6 VII] anno Domini 1584. [s. 166]

Resignatio sortis domus domini Zeronski

Coram iudicio bannito ordinario civitatis Calisiensis personaliter comparens nobilis Mathias Pawlowski, tanquam plenipotens authenticus, apud officium et acta castrensia Calisiensia institutus, magnifici Raphaelis a Lieszno castellani Srzemensis, de qua plenipotentia fidem fecit et eam ad inserendum dedit, sanus mente et corpore existens, sponte et palam nomine eiusdem principalis sui in perpetuum resignavit et resignat praesentibus totam et integram sortem domus eiusdem principalis sui, in civitate Calisiensi prope ecclesiam Beatae Mariae Virginis, ex opposito collegii Societatis Jesu et penes plateam ex platea Thorunensi ad vicum quo ad eandem ecclesiam Divae Virginis Mariae itur transversam ex una et aream desertam domini praepositi ecclesiae praefatae in ingressu cemiterii aedis praedictae acialiter sitae, areaeque illius in qua sita est, quae sors domus et areae praefatae principalem suum iure eius concernit hactenusque per eum pacifice tenta et possessa fuit,

nobili Martino Zeronski notario castrensi Calissiensi et eius successoribus dono perpetuo et irrevocabili, cum omni iure, dominio et proprietate, utilitatibus, usibus fructibus emolumentisque universis, ac ita late, longe et circumferentialiter, quemadmodum principalis suus habuit et possedit, nihil iuris, dominii proprietatisque ipsi principali suo et eius successoribus reservando, per eundem Martinum Zeronski ipsam sortem tenendi, habendi, possidendi, donandi, commutandi, alienandi et ad usus suos suorumque successorum beneplacitos libere convertendi, sine cuiusvis hominis impedimento.

Cuius quidem plenipotentiae ex actis castrensibus Calisiensibus depromptae tenor de [s. 167] verbo ad verbum sequitur estque iste:

„Actum in castro Calisiensi feria tertia in crastino festi Visitationis Beatae Mariae Virginis [3 VII] anno Domini millesimo quingentesimo octuagesimo quarto.

Comparens personaliter coram officio et actis praesentibus castrensibus Calisiensibus magnificus Raphael a Lieszno castellanus Srzemensis, a terris, palatinatibus, districtibus iureque suo terrestri in quibus possessionatus est recedendo et se cum infrascriptis bonis suis huic capitaneali castrensi Calisiensi iurisdictioni quo ad actum praesentem submittendo et incorporando, mente corporeque sanus, palam ac manifeste recognovit.

Quia in suum verum et indubitatum plenipotentem ac mandatarium nobilem Mathiam Pawlowski constituit et solenniter ordinavit uti quidem constituit et ordinat praesentibus, idque ad donandam et resignandam in perpetuum sortem suam domus suae in civitate Calisiensi prope ecclesiam Beatae Mariae Virginis ex opposito collegii Societatis Jesu Calisiensis et penes plateam ex platea Thorunensi ad vicum quo ad eandem ecclesiam Divae Mariae itur transversam ex una et aream praepositi ecclesiae eiusdem Divae Mariae iacentis,

nobili Martino Zeronski notario castrensi Calisiensi dono perpetuae et irrevocabilis donationis titulo donat(am), cum omni iure, dominio et proprietate, omnibus utilitatibus, usibus fructibus emolumentisque universis, ita etiam late, longe et circumferentialiter prout sors domus praefatae eiusdem magnifici in suis metis et limitibus ex antiquo consistit, nihil omnino excipiendo neque pro eodem magnifico aut eius successoribus reservando.

Quam resignationem seu donationem idem Mathias Pawlowski eidem Martino Zeronski hinc in primo et proximo iudicio civili advocati bannito proxime et immediate celebrando virtute plenipotentiae praesentis libere et absque omni contradictione expedire poterit. Promittens praefatus magnificus, quod eam resignationem gratam ratamque habebit et successores sui ratam habebunt in perpetuum, non secus atque [s. 168] per ipsum solummet magnificum recognita esset.

Ex actis castrensibus Calisiensibus extractum.”

Iudicium bannitum ordinarium, quod de veteri et in hac civitate observata consuetudine feria sexta post festum sancti Michaelis Archangeli [5 X] anno praesenti celebrari debebat, propter nondum finita in praetorio Calisiensi iudicia terrestria Calisiensia ea die celebratum non est. Nihilominus iuridice resignationes haereditatum, inscriptiones donationum et omnium obligationum contractuumque ad unius quindenae spacium in iudicium particulare, in eodem robore et vigore per dominos proconsulem et consules, advocatum et scabinos, transpositae sunt, id quoque per bedelli iurati publicam proclamationem omnibus quorum interest publicando et ad notitiam deducendo.

Or.: Kalisz wójtowska, Liber resignationum, reformationum etc., 1578-1619, indukta, APP sygn. 45, s. 165-168.

Rafał z Leszna Leszczyński kasztelan śremski darowuje N. Marcinowi Żerońskiemu pisarzowi grodzkiemu kaliskiemu dział swego domu wraz z częścią jego placu, w Kaliszu przy kościele NMP, naprzeciwko kolegium jezuitów. Dom położony pomiędzy ulicą łączącą ul. Toruńską z uliczką którą idzie się do tegoż kościoła NMP a pustym placem prepozyta tegoż kościoła, przy wejściu na cmentarz tegoż kościoła.

Powzdanie w imieniu kasztelana zeznał N. Maciej Pawłowski, którego plenipotencję w niniejszym zapisie oblatowano.

Pod zapisem powzdania notatka o przełożeniu posiedzenia sądu wójtowskiego. Sąd wielki nie mógł się zebrać w tradycyjnym terminie w piątek po św. Michale (w owym roku 5 października), jako że w ratuszu kaliskim nie zakończono jeszcze obrad sądu ziemskiego. Przeto zeznania transakcji przeniesiono o 2 tygodnie na sąd powiatkowy, co obwieścił woźny.

1736 Generosus Miedzwiecki regens castrensis Posnaniensis contra generosum Dziussa plenipotentem illustrium et magnificorum Jabłonowskich palatinorum Ravensium manifestatur

Actum in castro Calissiensi, feria sexta ipso die festi sanctorum Fabiani et Sebastiani Martyrum [20 I], anno Domini millesimo septingentesimo trigesimo sexto.

Ad officium et acta praesentia castrensia Calissiensia personaliter veniens generosus Casimirus Miedzwiecki regens actorum castrensium Posnaniensium, quam primum ex literis sui vices gerentis ad se properantem Petricoviam directis et die hesterna in oppido Pleszew praeventis, de posita sibi citatione ab illustribus et magnificis Jabłonowskie palatinis Ravensibus, Mederecensibus, Białłocerkieviensibus capitaneis, civerit illico et adstatim a prima ejusdem citationis notitia solenniter coram eodem officio et actis ejus in et contra generosum Joannem sive alterius cujusvis hominis Dziussa, eorundem illustrium et magnificorum palatinorum Ravensium generalem plenipotentem manifestatus est in vim diligentiae in eum sensum [s. 162],

quia ipse sibi manifestanti (acsi manifestans essentialia quaeque ex porrecta sibi copia editae citationis illustribus et magnificis Szołdrskim palatino generali et capitaneis emanatae eliminasset) obiecit et exaravit per idque acta publica acsi denegavit, manifestans autem modernus constitutionem anni millesimi septingentesimi vigesimi sexti prae occulis advertens, tantummodo juxta constitutionem praemissam terminos solummodo (nulla immutata essentia) laesivos et perstrictivos minus negotium evincentes solummodo alteram partem lacessentes mollificavit, pertinentes ex impertinentibus effecit eidemque generoso Dziussa extradidit et authenticavit, nunquam acta denegavit.

Quapropter manifestans in vim suae diligentiae hanc praesentem reiterat manifestationem, salva ejusdem manifestationis pleno in robore reservata.

Ex actis castrensibus Calissiensibus extractum. Karwacki. Legit Chociszewski.

[s. 164 in dorso] Generosus Miedzwiecki regens castrensis Posnaniensis contra generosum Dziussa plenipotentem illustrium et magnificorum Jabłonowskich palatinorum Ravensium manifestatur. 1736. De diligentia per generosum regentem facta.

Źródło: Akta prawno-majątkowe Stanisława Wincentego i Doroty z Broniszów 1v. Radomickiej Jabłonowskich i ich syna Antoniego Jabłonowskiego, sygn. BK07842, s. 161-163

Regent grodzki poznański Kazimierz Miedźwiecki, będąc w drodze do Piotrkowa Trybunalskiego, w Pleszewie otrzymał list od swego zastępcy z informacją o wniesionym przeciwko niemu pozwie Jabłonowskich. Pospieszył więc do najbliższego grodu, do Kalisza, by tam złożyć manifestację przeciwko plenipotentowi tychże Jabłonowskich, niejakiemu urodzonemu Janowi Dziussa.

Ów Dziussa zarzucił mu odmowę przyjęcia wpisu do akt, a dokładniej: pominięcie istotnej treści wręczonego mu pozwu przeciwko Szołdrskim (zapewne w związku z manifestacją z 24 XI 1735: http://actacastrensia.blogspot.com/2014/07/1735-generosus-hol-comissarius.html).

Regent replikuje, iż „bacząc na konstytucję 1726 r. [sejmu grodzieńskiego VL VI s. 224 n. 91?], jedynie podług tej konstytucji same – bez zmiany istoty – terminy obraźliwe i napastliwe, nie stanowiące argumentów, lecz tylko drażniące drugę stronę złagodził, z niestosownych (impertinentibus) na stosowne przerobił i temuż urodzonemu Dziussa wydał i uwierzytelnił, nigdy nie odmawiając [przyjęcia do] akt”.

1746 Relatio Tribunalis Regni Petricoviensis

Anno Domini 1746 die 2da mensis Maii personaliter veniens generosus Michael Chodkowski regiminis pedestris clavi minoris praefectus, idque ad praesens vacantibus actis castrensibus Majoris Poloniae porrexit ad acticandum et ingrossandum cujusmodi tenor sequitur talis.

„Actum in castro Callissiensi feria [...] post festum Exaltationis Sanctae Crucis proxima anno Domini millesimo septingentesimo quadragesimo quarto.

Ad officium actaque praesentia castrensia Callissiensia personaliter veniens ministerialis Regni generalis providus Albertus Chaładgidi de oppido Pleszew sanus per omnia existens, recognovit se citationem literalem authenticam tribunalis Regni Petricoviensis pro judiciis ordinariis generalibus tribunalis Regni Petricoviensis spectantem ad cassandam editam tenoris talis:

<< Augustus Tertius Dei gratia rex Poloniae, magnus dux Lithuaniae, Russiae, Prussiae, Masoviae, Samogitiae, Livoniae, Kijoviae, Volchiniae, Podoliae, Podlachiae, Smolinsciae, Severiae, Czerniaechoviaeque, nec non haereditarius dux Saxoniae, princeps et elector,

Vobis instigatori judicii nostrii tribunalis Regni Petricoviensis tum generoso Stanislao a Dobrachow Wolski ejusdem instigatoris parti adhaerenti, atque generosis Carolo et Antonio Bielickim de officio bonis vestris generaliter omnibus, summisque pecuniariis habitis et habendis mandamus, ut coram nobis in judiciis nostris ordinariis generalibus tribunalis Regni Petricoviensis, a data seu posita praesentis citationis recte in quatuor septimanis proximis, seu tum dum et quando causa praesens in regestro publico ad judicium vocata inciderit, personaliter ac peremptorie compareatis ad instantiam alterius instigatoris ejusdem judicii nostri ejusque delatorum totius regiminis pedestri illustrissimi et magnifici Branicki ducis campestris Regni ejusdem generalis plenipotentis actorum cassandae, qui (?) vos quam primum de quadam condemnatione ex importuna tui generose instigator instantia tua vero pars adhaerens sinistra delatione in judiciis nostris generalibus tribunalis Regni Petricoviensis in causa ratione, ac si indebite occupationis bonorum Krzekotowo de eisdemque facto de perceptis proventibus calculo condescensionis super se actoribus cassandae nulliter indebite praecipitanter erronee non servatis juris gradibus non deducta actoribus ad notitiam citatione tum et aliis condemnationibus alibi obtentis, publicatis resciverint, illico et ad statim citando (?), ad videndum et audiendum easdem condemnationes optentas, et publicatas cum earum publicationibus totoque antecedenti, et subsequenti earum processu per sententiam judicii nostri tolli, cassari et annihilari, nullitatisque vitio subjici actores pristino honoris gradui restitui et redintegrari, te vero partem adhaerentem ratione malae obtentae condemnationis temerae vexae, et jus evocationis paenis condignis puniri et id quod juris erit exigentia causae poposcerit statui, decerni, et sententiari praesentibus citamini sitis parituri et judicialiter responsuri.

Datum Petricoviae feria secunda in vigilia festi Nativitatis Beatissimae Virginis Mariae anno Domini millesimo septingentesimo quadragesimo quarto. >>

ad bona Borucin die hesterna actum praesentem (?) praecedenti detulisse eamque ibidem in mensa hyppocausti curiae praesente generoso Wolski citato posuisse et reliquisse, de quo praesens relatio.

Hic in continenti personaliter comparens generosus Henricus Tabbell regiminis ejusdem capitaneus, suo totiusque regiminis nomine praefatam citationem ad cassandam editam cum praesenti relatione approbat confirmat et ratificat uti cum scitu et consensu his editam praesentibus (?) hac sua personali recognitione ad praemissa mediante.

Ex actis castrensibus Callissiensibus extractum.

(-) Czyzewski

L S”

Quod quidem originale idem offerens denuo ad se recepit et cancellariam nostram quietavit.

Źródło: Gniezno wójtowskie, 1663-1749, protokół, APP sygn. I 88, s. 611

1742 Manifestatio Praepositi contra successores Mfci Olewinski

Actum in Castro Calissiensi Feria II post Festum Sanctorum Omnium proxima Anno Domini 1742

Ad Officium et Acta praesentia Castrensia Calissiensia personaliter veniens Perillustris et Reverendissimus Vladislaus Walknowski Canonicus Cathedralis Posnanensis Praepositus Pogorzelensis, solennem coram eodem Officio et Actis praesentibus

in et contra

- M Mariannam de Grudzinskie primi olim Mgfci Thomae Olewinski, secundi ad praesens voti M Rochi Zbijewski subjudicidae Terrestris Posnanensis consortem seu invicem conjuges, Bonorum Pogorzela Olewinscianorum cum attinentiis quovis Juris titulo Possessores

- tum Christinam Olewinska olim MM Stanislai Olewinski et Annae Modlibowska conjugum filiam, M vero Michaelis Zielonacki vexiliferi Bielscensis consortem legitimam

- Generosas Constantiam de Dobrzyckie Gnosi Joannis Mankowski, Franciscam olim Gnosi Francisci Cielecki consortem derelictam viduam, Ludovicam Gnosi Szczytnicki consortes, sorores inter ipsas germanas Dobrzyckie, olim Gnosi Dobrzycki cum olim Gnosa Catharina Olewinska procreatas filias

- Magnificum Vladislaum pocillatorem Junivladislaviensem parentem, Antonium et Franciscam cum olim Mgfca Apolinaria (?) Olewinska procreatos filium et filiam Kolczynskie

- Generosos Michaelem Bielinski olim Gnosi Antonii Bielinski cum Gnosa Sophia Olewinska procreatum filium

- atque Sophiam Łęska olim Gnosi Josephi Łęski cum olim Gnosa Marianna Zakrzewska procreatam filiam, Gnosi vero Stanislai Korytowski consortem,

post sterili fata olim Mgfci Thomae Olewinski successores legitimos

infert manifestationem manifestatque? praesentibus idque ex eo.

Quia ipsi scientes peroptime quod census annui a summis infrascriptis binis.

- Prima quidem duorum millium fl. pol. per M olim N. actis Castrensibus Posnanensibus in Judiciis Castrensibus Posnanensibus causam Officii Feria II ... AD 1647,

- altera vero octingentorum fl. pol. per olim Generosum N. videlicet per anteriores Bonorum oppidi Pogorzela et aliorum eo pertinentium Haeredes Ecclesiae in oppido eodem Pogorzela situatae sive Xenodochio ejus ex censu annuae Inscriptionis

- tum quoque summa trecentorum plus vel minus fl. pol. Testamento per Magnificum olim N. condito eidem Ecclesiae legata et assignata ac in reparationem Ecclesiae ejusdem disposita, Praepositos ejusdem Ecclesiae tam antecedaneos quam et se modernum quotannis concernere debeant,

attamen census eidem? tum et summam superscriptam testamento legatam tam olim Adm Rndo Russocki antecedaneo quam et sibi Manifestanti moderno Ecclesiae ejusdem Praeposito persolvere non curarunt, per quod Ecclesiae eidem sive Xenodochio ejus pensionem annualem detinuerunt.

Quapropter Manifestans de renitentia ipsorum persolutionis? subscriptorum censuum ac summae Testamento legatae sui vero Manifestantis in levandis censibus eisdem ab ultima quietatione retentis tum et summae praefatae testamento legatae una cum Provisionibus debitis? diligentia et promptitudine idque prout quotannis praemissa levare paratus erat ita et omni tempore levaturum se offert de quo iterum atque solenniter Manifestatur.

Ex actis Castrensibus Calissiensibus extractum.

(-) Paruszewski manu propria

Parafia Pogorzela, "Księga chrztów, ślubów i pogrzebów" 1674-1729, AAP sygn. PM 222/01, f. 253

Ks. Walknowski, proboszcz pogorzelski, manifestuje się przeciwko sukcesorom Wielm. Tomasza Olewińskiego o zaległe czynsze od dwóch sum, jak również o sumę „plus minus” 300 złp. na remont kościoła zapisaną przez Olewińskiego w testamencie.