1535 Ex libro veteri in nowum regestrata, resignacio taberne

Judicium banitum minus proclamatum et celebratum in oppido Grzegorzow, in domo advocati Benedicti Dica nucupati, feria sexta post dominicam Invocavit [19 II] anno Domini 1535 i[...] in presencia generosi Andree Zakrzewski prefecti et exactoris clavis Grzegorzoviensis advocatique suprascripti et scabinorum juratorum infra scriptorum Petri Zignak, Joanni [?] Skoyek, Stanislai Wlyazek, Stanislai Yanyk, Nicolai Mauczka, Martini Dwornyk, Nicolai Myszgala judicio presidencium.

Ex libro veteri in nowum regestrata, resignacio taberne

Anno Domini 1518 feria sexta ante festum sancti Joannis Baptiste [18 VI] coram nobis venerabili domino Mathia capitaneo et exactore Grzegorzoviensi et coram nobili domino Nicolao Canynski protunc factore et coram circumspectis dominis Mathia Yaroszek advocato ac providis viris scabinis Petro Zygnak, Petro Lauthka, Simone Pysdak, Nicolao Nauka, Nicolao fabro, Jacobo Odoy, Petro Sochal.

Significamus tenore presencium quibus expedit, universis et singulis, quomodo in nostra presencia venerabili domino Mathia capitaneo et exactore Grzegorzoviensi et coram nobili domino Nicolao Canynski et aliorum suprascriptorum veniens providus Stanislaus Maruska cum provido Nicolao Dvornyk recognovit sponte, sana mente et corpore existens. Quia vendidit prefatus Stanislaus Maruska tabernam et pratum attinentem ad prefatam tabernam, ita late et longe ut inter vicinos est et vadit, honesto et circumspecto Nicolao Dwornyk, et debet tenere libere et pacifice cum suis posteris et postea vendere si opus sibi esset, et quomodo melius videbitur facere cum dominio suo, et solvit pro hereditate ista in summa quatuor marcas in domo domini advocati dicti Jarossek provido Stanislao Maruska, sub testibus supradictis.

Et insuper prefatus Stanislaus Maruska debet evincere prefatum Nicolaum Dwornyk si opus fuerit aut si habuerit aliqua impedimenta, sub prefatis testibus.

Or.: Grzegorzew wójtowska, 1533-1577, indukta, AGAD sygn. 1, s. 10.

Przezorny Stanisław Maruska sprzedaje karczmę z łąką uczciwemu i rozważnemu Mikołajowi Dwornik, za 4 grzywny. Zapis ze starej księgi wójtowskiej miasta Grzegorzew, wciągnięty do nowo założonej księgi.

Paleografia: W zapisie użyto dwóch form wielkiej litery „N”: jedna pochylona w prawo (np. w imieniu Mikołaja Kanińskiego), druga w lewo.

1534 Tabernarum seu ortorum cum areis et domibus in eisdem tabernis constructis mutua resignacio

Judicium banitum minus proclamatum et celebratum feria sexta ante dominicam Palmarum [27 III] anno Domini millesimo quingentesimo trigesimo quarto in domo advocati Benedicti Dica {Jo} et scabinorum juratorum {Joannis Lathka} Petri Lathka, Joannis Stoyek, Stanislai Wlazek, Stanislai [?] Janik, Nicolai Maczka, Marci dicti Marek, Nicolai Mysgala et in presentia generosi Andree Zakrzewsky prefecti et exactoris clavis Gregorzeviensis.

Tabernarum seu ortorum cum areis et domibus in eisdem tabernis constructis mutua resignacio

Eodem die coram quibus supra constituti personaliter Nicolaus Mysgala ex una et Iacobus Derka ab altera partibus talem inter se fecerunt contractum et comutacionem modo infra scripto. Quia prefatus Nicolaus Mysgala dedit per commutacionem medietatem taberne sue proprie hereditarie cum domo et orto ac resignavit presentibus, dat et resignat {provido} Iacobo Derka terram pro terra, aream pro area, domum pro domo, tam late, longe prout solus tenuit et habuit sicut ex antiquo medietas dicte taberne est distincta et limitata. Exadverso Jacobus Derka supranominato Nicolao Mysgala [s. 5] more comutacionis et contractus inter ipsos facti similiter resignat medietatem taberne sue hereditarie supradicto Nicolao Mysgala cum area, domo et orto, tam late, longe prout solus tenuit et habuit, nihil juris et proprietatis pro suis posteris reservando, per prefatum Nicolaum Mysgala et suos successores legittimos tenendum, habendum, uti fruendum et pacifice possidendum, dandum, comotandum, vendendum, alienendum et in usus suos beneplacitos convertendum, prout sibi et suis successoribus melius et utilius videbitur.

Et super hoc uterque illorum memoriale judicio solverunt.

Or.: Grzegorzew wójtowska, 1533-1577, indukta, AGAD sygn. 1, s. 4-5.

Mikołaj Mizgała i Jakub Derka zamieniają się z sobą, każdy połową swej dziedzicznej karczmy z domem, placem i ogrodem.

1548 Resignacio medii mansus Alexio Pluthka a Jacobo Wlasek atque a fratre eius Alberto advocato e Barlogy

Resignacio medii mansus Alexio Pluthka a Jacobo Wlasek atque a fratre eius Alberto advocato e Barlogy anno Domini 1548.

Acta sunt haec post octavam Corporis Christi in domo advocati Grzegorzeviensis nomine Benedicti in presencia generosi domini Johannis Borowsky vicecapitanei opidi Grzegorzeviensis, venerabilis domini Dominici Kamyenysky canonici Wladislaviensis capitanei Grzegorzeviensis et etc. [!], coram advocato et scabinis eiusdem civitatis: Nicolao Misgala, Mathia Luczka, Paulo Dworznyk et aliis fide dignis.

Constitutus personaliter coram nostro banito iudicio praedictus Jacobus Vlasek civis Grzegorzeviensis una cum fratre suo Alberto advocato e Barlogy, sana mente uterque existens atque corpore, non compulsi nec coacti atque utens salubri consilio suorum amicorum, his predictus Jacobus civis Grzegorzeviensis pariter cum fratre suo Alberto advocato e Barlogy fassus est et essencialiter recognovit, quod propter melius suum commodum vendidit medietatem lanei decem marcis numeri Polonicalis Alexio Pluthka, tam longe et late prout his predictus Jacobus cum fratre suo Alberto advocato e Barlogy habuit et tenuit et prout hoc laneum in se dimensum est, nihil sibi propinquitatis remanendo pro ipso laneo et suis successoribus quibuscumque nominibus vocitentur, presentibus, futuris, eoquidem pacto vendendo hoc medium lanei quod prefatus {Andreas} Alexius Plutha circa predictam [s. 97] resignacionem ex integro summam posuit, quam rem illi uterque fratres in banytho iudicio opidi Grzegorzeviensis recognoverunt, hoc autem medium lanei predictus Alexius Pluthka uti legitimus heres pariter cum uxore sua legittima Anna potest vendere, commutare, donare et ad suos usus convertere, prout sibi melius cum uxore sua legittima ac suis successoribus melius videbitur, ad quod iuri memoriale solutum est.

Or.: Grzegorzew wójtowska, 1533-1577, indukta, AGAD sygn. 1, s. 96-97.

Jakub Wlazek mieszczanin z Grzegorzewa wraz z bratem swym Wojciechem wójtem ze wsi Barłogi sprzedaje 1/2 łana Aleksemu Plutka za 10 grzywien, z których go kwituje.