1575 Resignatio domus Stanislao Mazur per Haedvigim Wyruchalina et Ioannem filium suum

Actum Colo feria sexta ante faesta sacra Paenthecostensia proxima anno quo supra [20 V 1575].

Resignatio domus Stanislao Mazur per Haedvigim Wyruchalina et Ioannem filium suum

Coram offitio dominorum proconsulis, consulum et [s. 86] actis presentibus constituti personaliter honesti Haedvigis Wyruchalina et Joannes Wyruchalka filius eius una cum Dorothea coniuge sua legitima, ipse quidem Joannes per se, coniunx eius per eundem tanquam tutorem supremum suum, Haedvigis per famatum Jacobum Marta tutorem suum ad actum hunc tantum ad sui petitionem ex offitio presenti datum circa eam personaliter stantem {et} ad infrascripta libere consentientem, non compulsi non coacti neque dolo, fraude circumventi, sed palam, libere ac perexpressum recognoverunt.

Quia domum suam propriam hereditariam una cum horto eidem adiacente in fundo advocatiali sittam, penes praedium advocatialem ex una et Mathiam Mlynek partibus ex altera iacentem et constitutam, ita late, longe et circumferentialiter prout soli tenuerunt, habuerunt et possiderunt, cum omnibus utilitatibus, usibus fructibus, censibus, redditibus, proventibus, attinentiis, pertinentiis et obventionibus universis, nihil penitus in eisdem bonis iuris, dominii et proprietatis pro se suisque successoribus reservando seu excipiendo, verum cum omni iure, dominio, proprietate propinquitateque,

honesto Stanislao Mazur sartori eiusque legitimis successoribus in et pro summa viginti sex marcarum pecuniae monetae et numeri Polonicalium, in quamliber [!] seorsive grossos quadraginta octo computando, temporibus perpetuis vendiderunt, inscripserunt et juditialiter actu presenti resignaverunt ad tenendum, habendum, possidendum, inscribendum, vendendum, dandum, donandum, alienandum, obligandum, oppignorandum, refformandum et ad suos usus successorumque dicti Stanislai beneplacitos libere convertendum, intromissione reali cum posessione effectiva iam exnunc illi concessa.

De qua summa pro domo vendita totaliter, realiter et in effectu circa acta presentia per se levata et actepta eundem Stanislaum cum suis successoribus temporibus perpetuis quiettant, absolvunt et liberum mittunt recognoscentes, insuper nihil apud eundem restare ratione cuius inposterum reconvenire possit.

Insuper dicti venditores cum suis successoribus prefatum emptorem et successores eius omnes invicem alter ad alterius partem se se refferendo in omnibus et singulis bonis suis hereditariis et obligatoriis, mobilibus et immobilibus, nunc et inposterum Dei benefitio actedendis [?], habitis et habendis vel in eos iure et modo quocunque devolvendis [s. 87] inscribunt et obligant ab omnibus damnis et impedimentis iuridicis a quibuscumque hominibus status, sexus et conditionis existentibus totiens quotiens opus fuerit tueri, defendere, eliberare, intercedere, evincere et indemnes reddere, ipsumque nec eius successores neque per se neque per alias quascumque submisas [!] vel subordinatas personas in eisdem bonis prepedire et inquiettare debebit vel debebunt, sub vadio simili aliarum viginti sex marcarum pecuniae suprascriptae in casu non tuitionis vel evictionis ad solvendum succumbendo.

Pro quo si se citare permiserint, tenebuntur coram quocumque juditio sive offitio stare, parere et a juditio non recedendo satisfacere ac decretum pati, nullis coloribus, diverticulis, casibus fortuitis, exceptionibus, dilationibus, appellationibus id evadendo, immo eisdem in toto abrenunctiando, nihil penitus sibi in auxilium successoribusque suis contra presentem inscriptionem actipiendo, nulla denique prescriptione obstante.

Quae quidem venditio et resignatio domus prefatae ab offitio presenti in omnibus et singulis punctis, clausulis et articulis confirmata et approbata est habere vim et robur perpetuae firmitatis.

Super quo memoriale ipse Stanislaus Mazur offitio presenti solvit.

Or.: Koło radziecka, 1531-1623, indukta, AGAD sygn. 1, s. 85-87.

Jadwiga Wyruchalina i jej syn Jan Wyruchałka z żoną Dorotą sprzedają Stanisławowi Mazurowi krawcowi dom z ogrodem, stojący w Kole na gruncie wójtowskim między folwarkiem wójtowskim a posiadłością Macieja Młynka, za 26 grzywien.

Uw.: na s. 84 błędna datacja: 1574 zamiast 1575 (por. sformułowanie anno proxime transacto ze s. 89 odnoszące się do zapisu ze s. 79).

1610 Biczek et Bienias contrahunt

Biczek et Bienias contrahunt

Honesti Albertus Byczek venditor ab una et Petrus Bieniasz atque Gertruda consors alias coniuges cives Colenses emptores parte ab altera coram eodem officio consulari Colensi actisque presentibus personaliter comparentes, mente corpore sani existentes, mutuum contractum inter se occasione vendicionis emptionisque domus infrascriptae in hunc qui sequitur modum factum recognoverunt, precipue vero prefatus Byczek venditor recognovit.

Quia domum suam propriam in se iure naturalis successionis post sterilem decessum honesti olim Pauli fratris sui germani devolutam in loco dicto Zawodzie inter domos Chebda ex una et Stanislai Wolowiecz parte ab altera iacentem et sitam, cum omni iure suo, dominio, proprietate tituloque haereditario et cum omnibus eiusdem domus attinentiis, pertinentiis, fructibus, proventibus generaliter universis, quibuscunque nuncupentur nominibus, nihil excipiendo neque reservando, eodem prefato Petro et Gertrudae consorti alias coniugibus ambobus in solidum et illorum successoribus legitimis in et pro summa octodecem marcarum peccuniae Polonicalis vendidit et inscripsit.

Adrationem cuius summae prefati emptores marcas duodecim peccuniae Polonicalis iam exnunc in facie eiusdem officii predicto emptori reposuerunt, de qua quietantur temporibus perpetuis. Restantem vero summam scilicet marcas sex iidem emptores prefato venditori aut illius successoribus pro futuris iudiciis bannitis proxime celebrandis soluturos se sub vadio similis summae submittunt. Circa cuius summae restantem repositionem tenebitur idem venditor inscriptionem resignatoriam cum tuicione iuxta cursum iuris Maydeburgensis facere. Intromissionem vero cum pacifica posessione iidem [!] venditor dedit et in bonis, dum famati Gregorius Thokarz et Matheus funifex scabini una cum provido Stanislao bedello advocatiali jurato presentes fuerunt, libere admisit, qui rursus adhoc idem officium redeun(tes) per neminem denegatam fuisse retulerunt.

Quem contractum vendicionis emptionisque domus suprascriptae partes tam in parte quam in toto tenere et inviolabiliter observare sub vadio similis summae submiserunt, cui presentes aderant famati Adamus Kawalek viceadvocatus, Gregorius Thokarz, Caspar chirurgus, Joannes aurifaber, Paulus molitor, Mathias sartor Gielda et alii fide digni cives Colenses.

 

Or.: Koło radziecka, 1531-1623, indukta, AGAD sygn. 1, s. 152.

Wojciech Biczek (Byczek) sprzedaje dom, spadły nań po bezpotomnej śmierci brata jego rodzonego Pawła, Pawłowi Bieniaszowi i Gertrudzie małżonkom, mieszczanom kolskim. Dom na Zawodziu, między domami Chebdy i Stanisława Wołowca. Cena 18 grzywien: 12 grz. wypłacono teraz przed urzędem radzieckim przy zeznaniu kontraktu kupna-sprzedaży, 6 grz. płatne na najbliższym sądzie gajonym, wtedy też ma zostać sporządzony zapis powzdania (inscriptio resignatoria) wraz z tzw. warunkiem (tuitio, zabezpieczenie praw nabywcy) podług prawa magdeburskiego.

Przy przekazaniu nieruchomości obecni ławnicy Grzegorz Tokarz i Mateusz powroźnik z woźnym Stanisławem. Przy zawarciu kontraktu: Adam Kawalek podwójci (landwójt), Grzegorz Tokarz, Kasper cyrulik, Jan złotnik, Paweł młynarz, Maciej Giełda krawiec i inni mieszczanie kolscy.

1612 Advitalitatem Cziolkowa marito facit

Advitalitatem Cziolkowa marito facit [s. 186]

Feria sexta ante festum sancti Martini Pontificis proxima [9 XI] anno Domini 1612.

Honesta Agnes Zachwieianka olim famati Valentini Cziolek primi, nunc vero honesti Mathiae itidem Cziolek nuncupatis secundi matrimonii consors legitima, coram officio eodem consulari Colensi actisque presentibus personaliter comparens, mente et corpore sana existens, cum consensu et personali asistentia famati Gregorii Thokarz civis Colensis pro tutore sibi ad actum presentem assumpti et decreto officii approbati publice benevoleque recognovit.

Quia humanitate et benevolentia coniugali prefati Mathiae Cziolek mariti sui moderni convicta existens praemissaque ipsi modo quocunque impendere volens, proinde omnium et singulorum bonorum suorum haereditariorum seu quovis alio iure ipsam concernentium, stantium et iacentium, mobilium et immobilium, nunc habitarum et in post Dei gratia habendarum, tum peccorum, peccudum ac tocius suppellectilis domesticae in fundo civili Colensi consistentium, nullis exceptis nec minoratis, eidem praefato marito suo advitalitatem eorundem bonorum facit et inscribit duntaxat ad extrema vitae ipsius tempora. Post cuius subsecutam mortem rursus bona prefata eadem inscriptione advitalitatis onerata in successores eiusdem Agnetis tam cum priori marito quam et moderno matrimonialiter susceptos ad aequalem divisionem ipsorum redundari et converti debent.

Quae quidem inscriptio advitalitatis per officium presens est suscepta et in omnibus punctis, condicionibus et articulis approbata vim et robur eiusmodi inscriptionis firmitatis obtinere debere.

Or.: Koło radziecka, 1531-1623, indukta, AGAD sygn. 1, s. 185-186.

Agnieszka Zachwiejanka I voto wdowa po Walentym Ciołku a teraz II voto żona Macieja Ciołka, w asyście Grzegorza Tokarza obywatela kolskiego jako opiekuna, zapisuje mężowi dożywotnio swoje dobra. Po jej śmierci spaść one mają na jej sukcesorów z obu małżeństw w równym podziale.