1755 Juramentum Mci Morawski super Notariatum Castren. Posn.

Actum in castro Posnaniensi sabbatho ante festum sanctae Margarethae Virginis et Martyris proximo [12 VII] anno Domini 1755.

Coram illustri et magnifico Vladislao a Szołdry Szołdrski palatino Junivladislaviensi, Majoris Poloniae generali, Rogosnensi etc. capitaneo, in praesentia generosorum Feliciani Josephi bini nominis Slezanowski vice notarii loci praesentis, Ignatii Urbanowski, Raphaelis Jarochowski, Casimiri Bykowski et aliorum plurimorum juramento huic adstantium.

Juramentum magnifici Morawski super notariatum castrensem Posnaniensem.

Coram officio et actis praesentibus castrensibus Posnaniensibus personaliter [s. 99] comparens magnificus Joannes Morawski, juramentum super officium notariatus castrensis Posnaniensis in tenore tali:

„Ego Joannes juro Deo Omnipotenti in Trinitate Uni, quia in officio notariatus castrensis Posnaniensis mihi per illustrem et magnificum Vladislaum a Szołdry Szołdrski palatinum Junivladislaviensem, Majoris Poloniae generalem, Rogosnensem etc. capitaneum comisso [!] justitiam fideliter administrabo, justeque secundum Deum jus scriptum, aequitatem, partium controversias judicabo, judici consulam, recognitiones ac controversias et decreta in librum actorum officii mei inscribam et inscribi curabo, divitis et pauperis, amici [s. 100] et inimici, civis et peregrini, discrimine sublato et neque favorem, neque odium, neque praemium, neque poenas mihi propositas curabo, sed solum Deum justitiam sanctam prae oculis habebo, in hisque omnibus conscientiae meae judicium sequar et audiam, aliaque negotia officio notariatus loci praesentis incumbentia fideliter et pro posse peragam.

Sic me Deus adjuvet et haec sancta Jesu Christi passio.”

praestitit et explevit.

Ex protocollo castrensi Posnaniensi extractum.

(-) Correxit Ziemięcki.

(-) Legi: Łabiński.

Odp.: Papiery Morawskich. Akta poznańskie 1744-1783, s. 98-100 (Lwów, Biblioteka Naukowa im. W. Stefanyka NAN Ukrainy. Oddział Rękopisów. Zespół 4, dział I, sygn. 1064).

Dworzaczek:

Grodzkie i ziemskie > Poznań > Inskrypcje > XVII/XVIII wiek

6995 (Nr. 1314) 1755

Fabjan Jozef Slezanowski podpisek gr. pozn.; Jan Morawski przysięga na urząd pisarza gr. pozn. (f. 114)

1748 Mcus Morawski a haereditate Brum Budzisławia Recedit

Actum in castro Posnaniensi feria quarta post festum [s. 23] Exaltationis Sanctae Crucis proxima anno Domini millesimo septingentesimo quadragesimo octavo [18 IX 1748].

Magnificus Morawski a haereditate bonorum Budzisławia recedit.

Magnificus Cajetanus de Chomęcice Dziezykray [!] Morawski, olim magnifici Pauli de edem [!] Chomęcice Dziezykray Morawski capitanei Gniewkoviensis cum olim magnifica Ludovica Rostocka matrimonialiter procreatus filius, olim vero generosi Jacobi Morawski bonorum villae Budzisław haeredis steriliter vita functi filiaster germanus, suo et generosi Rochi Morawski, olim generosi Alberti Morawski cum generosa Marianna Brudzyńska matrimonialiter progeniti filii, fratris sui patruelis germani, pro cujus ratihabitione [s. 24] in forma juris plenissima cavet, nomine, sanus mente corporeque existens, recedendo etc. recognovit.

Quia ipse, insistendo anteriori recessui coram actis castrensibus Coninensibus per se recognoscentem facto et recognito, tum eo considerato, quod substantia praelibati olim generosi patrui sui derelicta multis oneribus et anfractibus juris implicata et praeaggravata deducitur, proinde ex rationibus praemissis tum et aliis apud se praehabitis ab eadem substantia successiva haereditateque praedictorum bonorum Budzisław cum attinentiis in se recognoscentem dictumque generosum fratrem ac jure successive spectanti, prout ex ea nihil quidquam participavit [s. 25], nec se cum eodem generoso fratre suo patrueli participaturum sperat, totaliter recessit et renuntiavit, prout quidem recedit et renuntiat actu praesenti et in aevum, hac sua personali recognitione libere ad praemissa accedente.

Ex protocollo castrensi Posnaniensi extractum.

(-) Correxit Ziemięcki.

(-) Legi: Łabiński.

Odp.: Papiery Morawskich. Akta poznańskie 1744-1783, s. 22-25 (Lwów, Biblioteka Naukowa im. W. Stefanyka NAN Ukrainy. Oddział Rękopisów. Zespół 4, dział I, sygn. 1064).

Dworzaczek: Grodzkie i ziemskie > Poznań > Inskrypcje > XVII/XVIII wiek

9435 (Nr. 1292) 1748

Kajetan z Chomęcic Dzierżykraj Morawski, s. ol. Pawła sty gniewkow. z ol. Ludwiki Rostockiej, zaś ol. Jakuba M. dz-a Budzisławia Kościel. bp. +-go bratanek rodz. w im. sw. i Rocha M., s. o. Wojc. M. z Marjanny Brudzyńskiej, brata swego stryj. rodz. zrzeka się spadku po stryju (f. 186)

Uwaga: Przyczyna odstąpienia od spadku (tj. od dziedzictwa Budzisławia z przyległościami) - obciążenie tej „substancji” długami.

1771 Mcorum Morawskich advitalitas mutua

Actum in castro Posnaniensi feria secunda post octavas festi Sacratissimi Corporis Christi Domini anno ejusdem millesimo septingentesimo septuagesimo primo [10 VI 1771]. [s. 252]

Magnificorum [!] Morawskich advitalitas mutua.

Generosi Paulus Morawski burgrabius Pysdrensis, olim magnifici Cajetani Dzierzykray de Chomęcice Morawski capitaneidae Gniewkoviensis cum magnifica Victoria de Kierskie matrimonialiter procreatus filius ab una, et Anna de Brodnickie, olim generosi Thomae Brodnicki cum olim generosa Agnethe de Czarneckie procreata filia parte ab altera, invicem conjuges Morawskie, ipsa quidem generosa consors cum ejusdem generosi mariti sui assistentia, sani mentibus corporibusque existentes, recedendo etc. recognoverunt atque se et suos successores in et super bonis suis generaliter omnibus ac summis quibusvis pecuniariis [s. 253] habitis et habendis sibi ipsis suisque successoribus inscripserunt et obligaverunt, inscribuntque et obligant praesentibus.

Quia ipsi debebunt coram illustri et magnifico Majoris Poloniae generali nunc vacanti sive ejus vicesgerenti magnifico surrogato castrensi Posnaniensi vel alio coram quovis judicio advitalitatem seu usum fructuum omnium et singulorum bonorum suorum haereditariorum, obligatoriorum, mobilium et immobilium, summarumque quarumvis pecuniariarum habitarum et habendarum, inscriptarum et inscribendarum, morte et obitu sui recognoscentium derelinquendarum ad [s. 254] extrema duntaxat vitae suae tempora juxta stylum cancellariae usitatum statutique Regni dispositionem inscribere, his suis recognitionibus ad praemissa benevole accedentibus.

Ex protocollo castrensi Posnaniensi extractum.

(-) Correxit Ziemięcki.

(-) Legi: Łabiński.

Odp.: Papiery Morawskich. Akta poznańskie 1744-1783, s. 251-254 (Lwów, Biblioteka Naukowa im. W. Stefanyka NAN Ukrainy. Oddział Rękopisów. Zespół 4, dział I, sygn. 1064).

Dworzaczek:

Grodzkie i ziemskie > Poznań > Inskrypcje > XVII/XVIII wiek

16499 (Nr. 1348) 1771

Paweł Morawski, burgrabia pyzdr., s. o. Kajetana Z. Chomęcic Mor. ścica gniewk. z Wiktorji Kierskiej z I i Anna Brodnicka, c. o. Tom. Br. z ol. Agn. Czarneckiej z II małż. zobow. dożyw. (f. 107v)

Uwaga: nie jest to zapis dożywocia, lecz zobowiązanie do jego zapisania.

1768 Mgcus Morawski Mcae Będorska submittit se reformare

Sub eodem actu [25 VI 1768].

Magnificus Morawski magnificae Będorska submittit se reformare.

Magnificus Andreas Dzierzykray de Chomęcice Morawski thaesaurarius Posnaniensis sanus existens, recedendo etc. recognovit, atque se et suos successores in et super bonis suis generaliter omnibus ac summis quibusvis habitis et habendis magnificae Elisabethi de Będorskie consorti suae et illius successoribus inscribit et obligat, submittitque.

Quia ipse in recompensam summae decem millium florenorum Polonicalium eandem sui recognoscentis consortem, mediante decreto terrestri Vschovensi respiciente [?] a magnifico Francisco de Rogaczewo Skaławski succamerario Sacrae Regiae [s. 240] Majestatis ad transfusionem die hodierna coram actis praesentibus per se in personam ejus recognitam levatae et perceptae, debebit ac suis cum successoribus tenebitur infra hinc in primis et proximis officii sui judiciis coram illustri magnifico Majoris Poloniae generali, sive ejus vicesregente magnifico judice surrogato castrensi Posnaniensi,

in et super tota et integra medietate omnium et singulorum bonorum suorum haereditariorum, obligatoriorum, mobilium et immobilium, quae nunc habet et in post habuerit, emerit, aquisiverit aut aliqua successione super eum devoluta fuerint, in totis tamen curia, domo, allodio, praedio, agris, praediolibus, pecoribus, pecudibus, ovibus, auro, argento formato et non formato, clenodiis, [s. 241] margarethis, lapidibus praetiosis, tota denique et integra suppellectili domestica, integrisque summis suis pecuniariis tam paratis quam in bonis quibusvis sibi per quascunque personas tam per inscriptiones, obligationes, resignationes, contractus inscriptis et inscribendis, recognitis et recognoscendis, habitis et in futurum habendis, inque omni ac totali bonorum eorundem jure, dominio, omnibus utilitatibus, usibus fructibus etc., ita late etc., prout etc., nihil juris, dominii, proprietatis ac quorumvis usu fructuum ex bonis eisdem sibi suisque successoribus reservando et excipiendo,

supradictae magnificae Elisabethi Będorska, magnifici Laurentii de Będorzyno Będorski pocillatoris [s. 242] Łomzensis cum magnifica Catharina Mankowska procreatae filiae, magnifici olim Alberti Mankowski nepti, sui vero recognoscentis consorti legitimae ac ipsius successoribus summam praenominatam decem millium florenorum Polonicalium die hodierna levatam ratione dotis et totidem ratione dotalitii dare, donare, inscribere et dotalitialiter reformare atque se et suos successores in bonis suis generaliter omnibus ac summis quibusvis pecuniariis habitis et habendis pro sufficienti ab omnibus generaliter impedimentis omnium personarum tuitione et evictione dictae magnificae Elisabethi de Będorskie conjugi suae ac illius successoribus inscribere et obligare [s. 243], prout inscribit et obligat praesentibus facturus praemissa recognoscens, idque sub vadio decem millium florenorum Polonicalium, citatus hic responsurus peremptorie.

Ex protocollo castrensi Posnaniensi extractum.

(-) Correxit Ziemięcki¹.

(-) Legi: Łabiński.

Odp.: Papiery Morawskich. Akta poznańskie 1744-1783, s. 239-243 (Lwów, Biblioteka Naukowa im. W. Stefanyka NAN Ukrainy. Oddział Rękopisów. Zespół 4, dział I, sygn. 1064).

Wielmożny Andrzej Dzierżykraj z Chomęcic Morawski skarbnik poznański zobowiązuje się żonie swej wielmożnej Elżbiecie z Będorskich oprawić sumę 10.000 złp. 

Dworzaczek:

Grodzkie i ziemskie > Poznań > Inskrypcje > XVII/XVIII wiek

16355 (Nr. 1345) 1768

Andrzej Dierżykraj [!] z Chomęcic Morawski skarbnik poznański, mąż Elżb. Będorskiej c. Wawrzyńca z Będorzyna B. podczaszego łomżyń. z Kat. Mańkowskiej, nepotki ol. Wojciecha Mankowskiego (f. 132)

¹ Jan Ziemięcki, susceptant i podpisek grodzki poznański (wzmianki 1766-1783).

1782 G Stobinski a privilegiis suis recedit summasque nonnullas Szołdrskiemu retransfundit

Actum in castro posnaniensi feria quarta post festum natalis sancti Joannis Baptistae proxima die scilicet 26 mensis junii AD 1782

Generosus Stanislaus Stobinski sanus mente corporeque existens recedendo etc. recognovit.

Quia ipse a jure suo, videlicet privilegiis binis,

- primo quidem de data ejus in Trzciel die sexta mensis februarii anno 1748 per olim Illustrissimum Vladislaum Szołdrski Majoris Poloniae generalem, capitaneum Rogosnensem, Famatis Martino et Annae Echostom conjugibus super tabernam Rudensem fundosque eidem adjacentes,

- altero vero per magnificum Jacobum Szołdrski itidem capitaneum Rogosnensem in Gosciejew die 6 novembris 1772do Famato Sigismundo Echost super fundos Superatne dictos tabernae Rudensi adjacentes datis et collatis, sibique Recognoscenti mente decreti intermedialis capitanealis Rogosnensis inter creditores ad substantiam Famati Echost tabernae dictae Rudensis privilegiati possessoris eundemque Famatum Echost in judiciis intermedialibus Rogosnensibus feria 2da post Dominicam Septuagesimae de scilicet 31 mensis januarii anno 1774 in arce Gosciejeviensi celebratis collocationis creditorum in substantia dicti Famati Echost jurifalcidii subjecta prolati uti dictos creditores pacificanti cessis et transfusis ad manusque sui Recognoscentis traditis

- nec non seorsivo privilegio per eundem Magnificum Jacobum Szołdrski capitaneum Rogosnensem de data ejus in Gosciejew die 8va junii anno 1774 super commutationem pratorum itidem dato,

omnibus his manibus Illustrissimorum propriis subscriptis et in cera rubra sigillatis,

ob praestitam sibi per Magnificum Jacobum Szołdrski capitaneum Rogosnensem plenariam satisfactionem recessit resiliit prout quidem recedit actu praesenti;

summasque vigore memorati decreti sibi Recognoscenti transfusas ut pote:

- primam simul junctam 1034 fl.pl. per Famatum Sigismundum Echost coram actis advocatialibus Rogosnensibus die 22 mensis aprilis anno 1780,

- alteram 148 fl.pl. per Infidelem Tumches Ikel judaeum Rogosnensem coram actis proconsularibus Rogosnensibus die 3 februarii anno 1776,

- tertiam simul junctam 287 fl. gr. 23 solidi unius polonicalis per Famatum Christophorum Echost uti Famatorum Puwałowskich Martini Joannis et Justinae Echostow actis proconsularibus Kłecensibus feria quinta post festum sanctae Margarethae virginis et Martyris anno 1774 inscriptum plenipotentem coram itidem proconsularibus Rogosnensibus die 9 julii anno 1774,

- quartam 474 fl. gr. 12 solidorum duorum per Honestum Martinum Winiecki die 26 aprilis anno 1774 in Gosciejewo,

- quintam 347 fl. gr. 12 polonicales per Honestum Martinum Łukowski die 12 aprilis anno eodem,

- sextam 1252 fl. pl. per Honestum Thomam Wodpol in Gosciejewo die 6 junii eodem anno,

- septimam 234 fl. gr. 5 polonicales per Generosum Adamum Zabłocki die 6 februarii anno 1774,

- octavam 269 fl. pl. per Magnificum Josephum Moszczenski die 22 aprilis anno 1780,

- nonam 47 fl. gr. 6 solidi unius pol. per Famatum Mathiam Fuga civem Rogosnensem,

- ad extremum decimum 18 fl. gr. 20 solidorum duorum polon. per Infidelem Musiek judaeum Czarnkoviensem,

omnes has summas per se Recognoscentem dictis creditoribus exolutas sibique transfusas, ob praestitam itaque per Magnificum Jacobum Szołdrski capitaneum Rogosnensem plenariam satisfactionem cum parata possessione una cum summa in reparationem ac conseminationes per se Recognoscentem erogata, nihil pro se suisque successoribus reservando in personam dicti Magnifici capitanei Rogosnensis retransfundit liberaeque ejusdem voluntati sive dispositioni vendendi, donandi et in quam optimum sui commodum convertendi reddit et committit, privilegiaque praemissa et quiettationes ad manus ejusdem Magnifici capitanei Rogosnensis tradit et restituit.

Hac sua personali recognitione praemissa omnia firmante.

(-) Stanislaus Stobinski mp.

Poznań, grodzka Gr. 628, inskrypcje i rezygnacje / protokół, k. 88 (dawna)

(transkrypcja z odpisu wydanego przez APP w 1926 r.)

Stobiński mocą dekretu starościńskiego przejął w 1774 r. od Echostów (Echaust) karczmę rudzką wraz z jej gruntami. Przedkłada teraz (1782 r.) przywileje starościńskie dla Echostów na tąż karczmę, zrzekając się praw do niej na rzecz Szołdrskiego. Odstępuje mu też sumy uzyskane od wierzycieli (?) dóbr Echostów.

Por.: „Ruda w powiecie rogoźnieńskim, scedowana Jakubowi Szołdrskiemu 1782. 26/VI za sumę 8.000 przez Stanisława Stobinskiego." (Dworzaczek 171 (Nr. Rel. C. Posn. T. 1124.) 1789 k. 585/591)