1746 Decretum inter colonos Osuchowa et advocatum in Dybki

Feria tertia post festum Immaculatae Conceptionis B. V. M. proxima [13 XII] 1746.

Decretum inter colonos Osuchowa et advocatum in Dybki.

Ad personalem oblationem honestorum Josephi Pierkowski advocati, Joannis Deptuła, Mathiae Cymek ac aliorum villae Osuchowa inquilinorum officium praesens castrense capitaneale Pultoviense decretum commissoriale inter se efferentes ac alios inquilinos dictae villae Osuchowa in episcopatu Plocensi sitae actores ab una, et generosos Konopkie eadem in villa Osuchowa duorum mansorum dictorum Dybki suo jure possessores citatos {in causa} parte ab altera latum, tanquam illaesum omnique vitio et suspicionis nota carens, manibus infra scriptorum perillustrium commissariorum, quoad hoc interesse ab illustrissimo excellentissimo ac reverendissimo domino Antonio Sebastiano a Dembowa Gora Dembowski feliciter moderno episcopo Plocensi deputatorum, subscriptum sigillisque munitum suscepit et ingrossari fecit.

Cuius tenor ejusmodi:

<< Actum in villa episcopatus Plocensis dicta Osuchowa, feria 4ta post dominicam Cantate proxima [11 V] anno Domini millesimo <septingentesimo> quadragesimo sexto. Coram nobis ab illustrissimo excellentissimo et reverendissimo domino Antonio Sebastiano a Dembowa Gora Dembowski Dei et Apostolicae Sedis gratia episcopo Plocensi commissione praeinserta.

Cujus tenor est talis:

„Antonus Sebastianus a Dembowa Gora Dembowski

Dei et Apostolicae Sedis gratia episcopus Plocensis.

Perillustribus et admodum reverendis Adalberto Synhoiewski et Stephano Bukowski canonicis Pultoviensibus nobis in Christo dilectis salutem in Domino.

Noverint dominationes vestrae delatas nobis esse ratione fundorum controversias inter inquilinos nostros villae Osuchowa sub clavi Brocoviensi consistentis et advocatiam Dybki sub jure advitalitio generosi Petri Konopka sitam, simulque a partibus subplicatum nobis fuisse, quatenus ad praescindendas easdem controversias commissionem expedire dignaremur.

Nos itaque ejusmodi subplicationi annuentes, eandem commissionem in personas dominationum vestrarum, de quorum in rebus gerendis prudentia confidimus, expediendam esse duximus, prout per praesens instrumentum expedimus. Insinuantes dominibus vestris, quatenus captato opportuno tempore, praevia avisatione partium ad locum loci in personis vestris condescendere, fundos advocatiales in iisdem Dybki (idque non tangendo fundos in Przyimy, quos ab hac commissione excludimus et exclusos esse volumus) revidere, dignoscere et dimensurare, et ex eadem dimensuratione, si quid plus mansorum ultra tenorem privilegii generosum Konopka possedisse patuerit, hoc ad villam Osuchowa applicare et exdividere. Similiter, si quid per inquilinos Osuchowienses ab advocatia avulsum apparuerit, eidem advocat[...] [...]endum censere et partes his in circumstantiis finaliter moderari dignentur. Super quibus plenam dominationibus vestris facultatem dantes, praesentes manu nostra subscriptas sigillo communiri jussimus.

Datum Jabłonnae die 15 mensis Julii anno Domini 1745.

(-) Antonius episcopus mp.

(locus sigilli)”

Assignatis et deputatis commissariis vigore literarum binarum innotescentialium, et quidem:

- primarum de data earundem Pultoviae die vigesima nona Octobris anno eodem elapso millesimo septingentesimo quadragesimo quinto,

- secundarum de data itidem Pultoviae die vigesima secunda mensis Aprilis anno nunc currenti millesimo septingentesimo quadragesimo sexto,

in termino in diem hodiernam incidente partes iisdem specificatae, nimirum generosus Petrus Konopka advocatiae in eadem Osuchowa Dybki dictae possesor, suo et Constantiae Gurska consortis suae nomine [?] personaliter, tum honesti Josephus Pierkowski advocatus, Stanislaus Zysk, Paulus Samsel, Andreas Kulesa, Martinus Szydlik [?], Mathias Kornek [?], Albertus Deptulas, Josephus Kulesze [?], Matheus Zegota, Simon Stanisiewski, Simon Dryarz, Joannes Deptuła, Jacobus Deptuła, Bartholomaeus Perkowski, Casimirus Perkowski, Nicolaus Samsel, Mathias Cymek et Albertus Lis ejusdem villae Osuchowa inquilini personaliter comparuerunt et judicialiter secum controverterunt.

Quorum controversiis ex utraque parte exauditis, ante omnia tam generosos Konopkie super advocatiam in villa Osuchowa duorum mansorum jura et privilegia suo coram judicio commissoriali reponere mandat, idque in instanti, et quoniam generosus Konopka privilegia:

- primum ab olim illustrissimo et reverendissimo domino Andrea Chrisoxomo [!] Załuski episcopo Plocensi in personas nobilium Pauli Rosinski et Mariannae Limonska conjugum gratiose collatum de data Pultoviae die vigesima mensis Januarii anno Domini millesimo sexcentesimo nonagesimo [s. 185] septimo cum approbatione reverendissimi capituli Plocensis sub tempus capituli generalis pro festo sancti Sigismundi Regis et Martyris anno Domini millesimo sexcentesimo nonagesimo octavo, illaesum et sigillis tam praedicti illustrissimi loci ordinarii quam et [...]m reverendissimi capituli communitum,

- [wyliczone dokumenty nr 2, 3 i 4 z wpisu "Advocatia Dybki" http://actacastrensia.blogspot.com/2014/12/1743-advocatia-dybki.html]

Honesti vero Josephus Pierkowski advocatus aliique in comparitionem intrantes inquilini villae Osuchowa privilegium suum ab illustrissimo excellentissimo et reverendissimo domino Andrea Stanislao Koska [!] in Załuskie Załuski episcopo protunc Plocensi sibi super totam villam Osuchowa gratiose collatum et manu ejusdem illustrissimi cum sigillo majori subscribtum [!] de data ejus in Pultowsk die decima quarta mensis Februarii anno Domini millesimo septingentesimo trigesimo cum sufficienti approbatione reverendissimi capituli Plocensis anno eodem, die nona Maii reposuerunt.

Ideo praedictos inquilinos satisfecisse injunctae repositioni adinvenit, generosum vero Konopka ad sufficientiorum jurium suorum, videlicet cessionis authenticae coram actis quibusvis authenticis per olim nobiles Florianum Franciscum Łączynski et consortem ejus in rem et personas nobilium Piotrowskie conjugum factae, ex post vero per eandem primi voti Piotrowska secundi Mosakowska in rem et personas sui secundum annotationem recognitae, nec non traditionum binarum per officium castrense Pultoviense sive ejus delegatos tam saepe memoratis nobilibus Piotrowskie, quam sibimet cum inventariis in fundo conscriptis et ad acta porrectis reproductionem stringit.

Tandem ad affectationem generosi Konopka dilationem munimentorum et postulantis actum [?] praesentem cum toto effectu ad feriam secundam post octavas Corporis Christi in anno currenti [20 VI 1746] limitat et terminum partibus ad experiendum suo coram judicio Pultoviae assignat, pro quo termino generosus Konopka supra expressa jura et documenta sua comportare tenebitur sub succubitione in causa. Interim vero circa possessionem eorundem mansorum duorum in Osuchowa inquilinos ejusdem villae conservati decreti praesentis vigore. >>

<< Actum in opido [!] Pułtowsk feria quarta ante festum sancti Martini Pontificis et Confessoris proxima [9 XI] anno {anno} Domini millesimo septingentesimo quadragesimo sexto.

In termino itaque hodierno ex limitatione et adcitatione incidenti, partibus scilicet generosis Petro Konopka et Constantia Gurska per eundem maritum, suo et consortis suae nomine personaliter, tum inquilinis villae Osuchowa videlicet Josepho Pierkowski advocato, Matheo Zeńgota et Alberto Deptuła suo et aliorum inquilinorum Osuchoviensium nomine personaliter.

Quorum controversiis suo coram judicio illatis exaud[...] satisfaciant nobiles Konopkie decreto anteriori in ordine reproductionis jurium pro quibus re est, idque in instanti reproduxerunt cessionem authenticam per nobilem Catharinam de Sosnowskie primi voti {Mosakowska} Piotrowska, secundi {Piotrowska} Mosakowska in personas sui sub die Veneris sexta mensis Augusti anno Domini millesimo septingentesimo vigesimo octavo in consistorio Pultoviensi factam, alias vero transactiones, utpote cessionem per olim nobilem Florianum Franciscum Łączynski et consortem ejus in rem et personas nobilium Piotrowskie factam, tum traditiones et inventaria fundos ejusdem advocatiae enucleantia, hi quidem se allegata suis antecedentibus possessoribus non recepisse [?] [s. 185v] imo nec habere posse.

Proinde judicium praesens propiorem hoc in puncto eundem generosum Konopka ad evadendum in eam juramenti rotam adinvenit: prout ipse easdem transactiones a suis antecedaneis possessoribus advocatiae dictae Dybki non recepit nec eas aliquo modo celavit, nec de iis scit et notitiam habere potest, additur ministerialis ad rotisandum [?], praestitit ad immaginem crucifixi Domini, post quod praestitum juramentum ab ulteriori earundem transactionum comportatione eosdem generosos Konopkie conjugies [!] liberos facit et pronuntiat, nihil omnino ad lectionem jurium et privilegiorum suorum judicio reproductorum se contulit, quibus lectis et per omnia trutinatis non posse praetendere eosdem generosos Konopkie duos mansos in villa Osuchova arbitratur, sed eosdem inquilinos Osuchowienses uti ex antiquo ad villam pertinentes applicat et adjudicat.

Quo vero spectat advocatiam Dybki nuncupatam, siquidem tot transactionibus veris et legitimis, nec non ultimaria cessione in personas generosorum Konopkie est a villa Osuchowa segregata longoque tractu temporis possessione pacifica firmata, idcirco eosdem generosos Konopkie circa possessionem ejusdem advocatiae ad vitae tempora eorundem conservat et eandem advocatiam dilimitandam a villa Osuchowa esse vult, prout taliter dislimitat, ut praedicta advocatia duorum mansorum in Dybki habeat suos campos cum pratis, sylvis et aliis pertinentiis sex integros mansos mensurae Culmensis in se complectentes, incipiendo a rivulo dicto Nagoszewska et protendendo in latum ad signum in arbore per suum indicium penes viam Dybkowska ex dimensuratione incisum, in longum vero ad graniciem villae Poremba, non tangendo tamen fundos Przyimy nuncupatos, nec eandem praedicti inquilini in Osuchowa taliter dismembratam et dislimitatam interturbent et possesionem impediant, sub poena centum marcarum in judicio castrensi Pultoviensi ad solvendum super partem contravenientem irrogandam sententiat et decernit.

Nihilomninus [!] ratione contraventionis decreto primitivo sui judicii in ordine comparendi pro termino in eodem praefixo utrasque partes punibiles esse censet et sententiat, quatenus eluendo hunc sui {temperariam} temerarium ausum tam generosi Konopkie quam inquilini Osuchowienses solvant poenam quatuordecim marcarum Polonicalium, idque in instanti sub poena banitionis ex regestro poenalium {publicandam} publicanda, decreti praesentis vigore.

(-) Adalbertus Josephus Synhoiewski canonicus Pultoviensis, commissarius, mp.

(l. s.)

(-) Stephanus Stanislaus Kostka Bukowski canonicus et praepositus hospitalis Sancti Spiritus Pultoviensis, commissarius, mp. >>

Post cuius quidem ad acta praesentia instrumenti ingrossationem iidem offerentes originale {a dere} ad se receperunt et de recepto officium praesens ejusque cancellariam quietarunt quietantque praesentibus.

Or.: Pułtuskie gr., Pułtuskie grodzkie jurysdykcji biskupiej, 1727-1759, AGAD, sygn. 5, s. 184v-185v.

Wyrok komisji kanoników pułtuskich powołanej przez biskupa płockiego celem rozwiązania sporu granicznego między gospodarzami ze wsi Osuchowa w kluczu brokowskim a Piotrem Konopką, dożywotnim posesorem wójtostwa w Dybkach.

1743 Advocatia Dybki

Sub eodem actu. [12 VIII 1743]

Advocatia Dybki.

Ad personalem oblationem generosi Petri Konopka advocatiae in Dybki sub clavi Pultoviensi consistentis possessoris officium praesens infrascripta instrumenta ad ingrossandum suscepit, tenoris sequentis:

*

"Ludovicus in Załuskie Załuski

Dei et Apostolicae Sedis gratia episcopus Plocensis.

Significamus praesentibus literis nostris universis et singulis quorum interest aut quomodolibet interesse poterit. Quia nos grata habentes merita nobilis Pauli Rosinski volentesque eundem ad ulteriora obsequia promptum reddere molendinum desertum Przymy vocitatum cum agris ad idem molendinum spectantibus, eidem nobili Paulo Rosinski et Mariannae coniugibus et Nicolao filio eorundem coniugum dandum et conferendum ac advocatiae in Dybki uniendum et incorporandum esse duximus, uti quidem damus, conferimus, unimus et incorporamus, sub ratihabitione et assensu perillustrium et reverendissimorum praelatorum et canonicorum totiusque venerabilis capituli ecclesiae nostrae cathedralis Plocensis eosdemque nobiles Rosinskie coniuges ac Nicolaum filium ab omnibus oneribus, quae caeteri advocati ex vi privilegiorum suorum praestare tenentur, liberos et immunes ad [s. 153] extrema vitae eorundem coniugum ac Nicolai filii liberos ac immunes declaramus et pronunciamus tempora.

Promittimus autem pro nobis et illustrissimis dominis successoribus nostris episcopis Plocensibus a possessione praedicti molendini et agrorum eosdem nobiles Paulum Rosinski et Mariannam coniuges ac filium Nicolaum non amoturos, nec successores nostri episcopi Plocenses pro tempore existentes amovebunt, juribus nostris nostraeque ecclesiae cathedralis Plocensis salvis in toto manentibus. In quorum fidem praesentes manu nostra subscriptas sigillo communiri iussimus.

<Actum et> datum ad sanctam Lindam die vigesima tertia mensis Aprilis anno Domini millesimo septingentesimo septimo.

(-) Ludovicus episcopus.

(l. s. episcopalis)

(l. s. capitularis)

(-) Stephanus Wierzbowski decanus Plocensis, Gnesnensi, Varsaviensis cantor, canonicus Posnaniensis, officialis Varsaviensis, praesidens venerabilis capituli, mpp."

Secundi tenor sequens:

**

"Ludovicus in Załuskie Załuski

Dei et Apostolicae Sedis gratia episcopus Plocensis.

Significamus praesentibus literis nostris quorum interest, universis et singulis. Cum id semper praedecessorum nostrorum cordi fuisset ut studia de se benemerentium pari munificentiae suae testimonio exornare et gratitudinis munere ampliare potuissent.

Hinc itaque est quia nos grata semper habentes obsequia nobilis Floriani Francisci Łoczynski apostolici et actorum curiae nostrae notarii, quem volentes ad ulteriora benemerendi studia alacriorem et promptiorem reddere, sibi una cum coniuge Catharina Mostecka advocatiam duorum mansorum mensurae Culmensis vulgo Jarnułtowskie dictam cum decem iugeribus alias morgis ex utraque parte stagni seu fluvii dicti Osuchowa, tam pro agro quam pro prato se se protendentibus, in bonis nostris episcopalibus villae Osuchowa sitam, et scultetiam cum molendino deserto ac agris et pratis Pryimy nuncupato, post mortem nobilis olim Pauli Rosinski et Mariannae Limonska coniugum vacantem et ad nos dispositionemque nostram, mediante resignatione et cessione juris per successores dictorum olim Rosinskich coram actis competentibus fact(is) et in personas eorundem nobilium Floriani et Catharinae coniugum recognit(o), dandam et conferendam esse duximus, prout per praesens privilegium damus, donamus et conferimus

cum omnibus eorundem aedificiis, areis, hortis, agris, pratis, pascuis, subditis per ipsum locandis, gazis, fructibus et universis pertinentiis generaliter cum utilitatibus singulis quibuscunque nominibus nuncupentur [?] [s. 153v] eo antiquitus spectantibus, mellificiis antiquis et denuo faciendis, prout in anterioribus privilegiis descripta habentur, liberam quoque braxationem cerevisiae pro usu suo et necessitate domestica ac incisionem lignorum tam pro foco quam aedificiis praedictae advocatiae, praefatis nobilibus concedimus

ab omnibus nostris et successorum nostrorum censibus et quibusvis solutionibus ac decima, quae nomine canonis ad mensam nostram episcopalem de eisdem mansis {perti} pendebatur et solvebatur, liberos penitus et exemptos esse volumus ad extrema vitae eorundem coniugum utriusque tempora,

idque sub ratihabitione illustrissimorum et {reverendissimorum} perillustrium et admodum reverendorum praelatorum et canonicorum fratrum nostrorum, totiusque venerabilis capituli ecclesiae nostrae cathedralis Plocensis {ratihabitione il}.

Ratione cuius advocatiae et scultetiae nulla alia onera iidem nobiles coniuges praestabunt praeterquam ea, quae caeteri advocati ex vi privilegiorum suorum praestare tenentur, videlicet quoties necessitas postulaverit granities episcopatus nostri defendendos per famulum armis ornatum ac deputatos venerabilis capituli nostri comitari tenebuntur et erunt adstricti.

Submissionem quoque coram actis castrensibus Ostroviensibus intra duos menses post assecutam possessionem advocatiae et scultetiae praedictae facere debebunt, quod praedicta bona advocatiae et scultetiae non haereditario aut obligatorio jure sed vigore privilegii nostri praesentis possidebunt, et quod jurisdictioni nostrae ac successorum nostrorum episcopali et capitanei Pultoviensis in causa fundi parebunt, juribus nostris et ecclesiae cathedralis Plocensis salvis per omnia manentibus. In quorum fidem praesentes manu nostra subscriptas sigillo communiri iussimus.

Actum et datum Łomzae die vigesima sexta mensis Augusti anno Domini millesimo septingentesimo nono.

Praesentibus perillustribus, illustribus et admodum reverendis: Casimiro Węgrzynowski utriusque juris doctore Pultoviensi in Brok, Casimiro Jagodzinski Pultoviensi in Przytuły, Michaele Latyczewski Varsaviensi Pultoviensi officiali Łomzensi, Balthasaro Jabłecki Pultoviensi canonicis et sanctae Mariae Magdalenae ibidem praepositis, Simone Zapustowicz ecclesiae collegiatae Pultoviensis praebendario, nobilibus Nicolao Kobylinski, Antonio Stamirowski aliisque plurimis aulicis et familiaribus nostris circa praemissa personaliter existentibus.

(-) Ludovicus episcopus.

(l. s. episcopalis)

(l. s. capitularis)

In vim canonis solvat marcam unam pro fabrica ecclesiae.

(-) Stephanus Wierzbowski episcopus Dardamensis [s. 154], suffraganeus Varmiensis, decanus et praesidens venerabilis capituli Plocensis, mpp."

Tertii tenor eiusmodi:

***

"Ludovicus in Załuskie Załuski

Dei et Apostolicae Sedis gratia episcopus Plocensis.

Significamus praesentibus literis nostris quorum interest, universis et singulis. Consensisse nos et permisisse, consentireque et pertinere [!] per praesentes nobili Francisco Floriano Łoczynski apostolico et actorum curiae nostrae notario advocatiae duorum mansorum mensurae Culmensis vulgo Jarnułtowskie dictae cum decem iugeribus alias morgis ex utraque parte stagni seu fluvii dicti Osuchowa, tam pro agro quam pro prato se se protendentibus, in bonis nostris episcopalibus villae Osuchowa sitae et scultetiae cum molendino deserto Przyimy nuncupato possessori, ut possit et valeat de omni et integro jure suo advitali, quod ipsi super praedicta advocatiae et scultetia sub praefectura Pultoviensi consistentibus, ita prout in anterioribus privilegiis praedecessorum nostrorum invenitur expressum competebat cedere et condescendere, illudque in personas nobilium Joannis et Catharinae Piotrowskich coniugum transfundere et resignare.

Quae quidem cessio et juris resignatio postea quam suum sortita fuerit effectum et coram actis aliquibus authenticis recognita, extunc nos dictam advocatiam et scultetiam praemissis nobilibus Joanni et Catharinae coniugibus dandam, donandam et conferendam esse duximus, uti quidem sub ratihabitione tamen et assensu illustrissimorum et reverendissimorum, perillustrium et admodum reverendorum dominorum praelatorum et canonicorum fratrum nostrorum totiusque venerabilis capituli ecclesiae nostrae cathedralis Plocensis, cum omnibus eiusdem advocatiae et scultetiae aedificiis, agris, pratis, mansis, pascuis, rubetis, mellificiis ab antiquo existentibus et de novo faciendis, aliisque universis et singulis eorundem bonorum attinentiis et pertinentiis, libera incisione lignorum pro foco et aedificiis, coctione cerevisiae pro usu domestico, nullis penitus exceptis, alias prout eandem advocatiam et scultetiam praeinsertus nobilis Florianus Franciscus Łoczynski tenebat et possidebat memorati donatarii nostri tenebunt, habebunt et possidebunt.

Ratione quorum bonorum et juris sui praefati iidem nobiles donatarii nostri ea onera praestare tenebuntur quae caeteri nobiles advocati ex vi privilegiorum suorum praestare tenentur, videlicet ad limites episcopatus Plocensis faciendos et defendendos nos successoresque nostros vel deputatos venerabilis capituli per se vel per alium equitem bene armatum comitari.

Nomine item canonis pro cera ad ecclesiam cathedralem marcam unam pro festo sancti Martini Episcopi [s. 154v] solvere, jurisdictioni quoque nostrae et capitanei Pultoviensi in causis fundi parere atque abhinc infra decursum duorum mensium coram actis castrensibus Ostroviensibus, quod praefata bona non haereditario seu quovis jure alio, sed duntaxat praesentis privilegii nostri vigore tenebunt et possidebunt personaliter recognoscere et se se submittere tenebuntur, et erunt adstricti.

Promittimus autem pro nobis et illustrissimis dominis successoribus nostris, quod praedictos superius expressos donatarios nostros ab usu et pacifica possessione dictae advocatiae et scultetiae non amovebimus, nec successores nostri amovebunt, juribus nostris et ecclesiae nostrae cathedralis Plocensis salvis per omnia manentibus. In quorum fidem praesentes manu nostra subscriptas sigillo communiri iussimus.

Actum et datum Pultoviae die septima mensis Januarii anno Domini 1712-mo.

(-) B. Ludovicus episcopus.

(l. s. episcopalis)

(l. s. capitularis)

(-) Adalbertus Ignatius Bardzewski episcopus Sareptensis, archidiaconus et praesidens Plocensis, Vladislaviensis, Cuiaviensis suffraganeus.

Salvis juribus ecclesiae et capituli, tum canone unius marcae solvendae.

(A tergo earundem:) Sub actu sabbathi post festum Sacratissimi Corporis Christi Domini 1728 in curia regia Ostroviensi. Privilegium introcontentum ad personalem oblationem generosi Alberti Mosakowski advocatiae Dybkoviensis possessoris susceptum.”

Quarti tenor talis:

****

"Andreas Stanislaus Kostka in Załuskie Załuski

Dei et Apostolicae Sedis gratia episcopus Plocensis.

Significamus praesentibus literis nostris universis et singulis quorum interest aut interesse poterit. Consensisse nos et permisisse, consentireque et permittere praesentibus literis nobili Catharinae primi voti Piotrowska, ad praesens Mosakowska, advocatiae in Dybki bonis nostris episcopalibus possestrici, ut possit et valeat de omni et integro jure suo advitali, quod ipsi super eadem advocatia in Dybki sub praefectura Pultoviensi consistenti competit, cedere et condescendere illudque in personas nobilium Petri Konopka et Constantiae Gurska coniugum transfundere et coram actis curiae nostrae episcopalis aut castrensibus Pultoviensibus in assistentia mariti sui resignare, juribus nostris et ecclesiae nostrae cathedralis ibidem salvis per omnia manentibus. In quorum praemissorum fidem praesentes manu nostra subscriptas sigillo communiri iussimus.

Datum Pultoviae die secunda mensis Augusti anno Domini millesimo septingentesimo vigesimo octavo.

(-) Andreas episcopus.

(l. s. episcopalis)”

Or.: Pułtuskie gr., Pułtuskie grodzkie jurysdykcji biskupiej, 1727-1759, AGAD, sygn. 5, s. 152v-154v.

Oblata 4 pism dotyczących wójtostwa w Dybkach w kluczu pułtuskim:

1) Święta Lipka, 23 IV 1707. Biskup płocki nadaje szlachetnemu Pawłowi Rosińskiemu, jego żonie Mariannie i synowi Mikołajowi młyn opustoszały Przyjmy i przyłącza go do wójtostwa w Dybkach, uwalniając ich dożywotnio z wszelkich obciążeń obowiązujących wójtów.

2) Łomża, 26 VIII 1709. Biskup płocki nadaje Florianowi Franciszkowi Łoczyńskiemu i jego żonie Katarzynie Mosteckiej wójtostwo Jarnułtowskie w dobrach biskupich wsi Osuchowa oraz sołectwo z młynem opustoszałym Przyjmy, wakujące po śmierci Rosińskich.

3) Pułtusk, 7 I 1712. Biskup płocki udziela zgody Łoczyńskiemu na przelanie praw do wójtostwa i sołectwa z młynem na osoby szlachetnych Jana i Katarzyny Piotrowskich (dokument oblatowany przez Wojciecha Mosakowskiego 29 V 1728).

4) Pułtusk, 2 VIII 1728. Biskup płocki udziela Katarzynie 1-mo voto Piotrowskiej, obecnie Mosakowskiej, zgody na przelanie praw do wójtostwa w Dybkach na osoby szlachetnych Piotra Konopki i Konstancji Gurskiej małżonków.