1565 Cautio matrimonii ex utraque parte videlicet Jacobi Jezewski una cum uxore sua legittima Gertrude anno Domini 1565. Resignatio bonorum mutua

Cautio matrimonii ex utraque parte videlicet Jacobi Jezewski una cum uxore sua legittima Gertrude anno Domini 1565. Resignatio bonorum mutua.

Veniens personaliter ad nostrum bannitum iuditium providus Jacobus Jezewski una cum sua legittima uxore Gertrude me praesidente viceadvocato Alberto Naroszni atque coram scabinis videlicet Joanne Zarasza, Ioanne Poludniowski, Andrea Poliaczek, Stanislao Gnoymiesz, Stanislao Grąthka, Nicolao Jezewsky ceterisque fide dignis.

Veniens non coacta nec compulsa sed animo deliberato et spontanea voluntate honesta Gertrudes Jezewska una cum marito suo Jacobo Jezewski se unanimi voto inscripsisse consenserunt modum in hunc qui sequitur.

Quod Gertrudes uxor famati Jacobi Jezewski inscribit dimidiam partem huius propinquitatis empte a Andrea Pyskorek, dimidiam partem omnium proventuum ad eandem domum spectantem. Simili modo praenominatus Jacobus Jezewski maritus eiusdem suae uxoris Gertrudis se subdidit inscripsisse dimidiam partem eiusdem propinquitatis ad mortem eorundem. Si qui fuerint liberi, non in amicos neque propinquos sed ad eosdem habendum consenserunt utriusque partis in hoc consentientes satisfecerunt de forma juris.

Si Deus omnipotens permiserit mortem super hanc honestam Gertrudem Jezewska suam medietatem super hunc Jacobus Jezewski inscribit et suos liberos. Eodem etiam modo Jacobus Jezewski inscribit si Deus omnipotens permiserit mortem super eundem Gertrudi uxori suae legittime et suos liberos, ambo consenserunt, prout de forma iuris.

Or.: Dobra wójtowska, 1564-1587, indukta, AGAD sygn. 1, k. 6v.

Wzajemny zapis dożywotni dóbr Jakuba Jeżewskiego i jego żony Gertrudy. Dobra kupione od Andrzeja Piskorka.

1564 Resignacio et inscripcio hereditatis per discretum Johannem filium olim honeste Anne dicte Plocienniczka Chroma Paulo de Rzektha suo fratri

Resignacio et inscripcio hereditatis per discretum Johannem filium olim honeste Anne dicte Plocienniczka Chroma Paulo de Rzektha suo fratri

Anno Domini 1564 coram nostro bannito iudicio viceadvocaciali me protunc regnante viceadvocato Alberto Narozny et eiusdem schabinis Johanne Zaraza, Johanne Poldnyowski, Andrea Polaczek, Stanislao Gnoymyes, Stanislao Graudka, Nicolao Yezewski penes eum residentibus.

Constitutus discretus Joannes filius olim honeste Anne Plociennyczka Chroma nullo modo sinistro seductus sed spontanea voluntate fassus est se vendidisse et resignasse suam proprietatem devolutam per matrem suam prenominatam Annam Plocyenyczka Chroma in perpetuum et in ewm, ita late et longe prout ex antiquo est elimitata eadem propinquitas [!!], hoc est aream inter areas seu domos Johannis Bednarz ex una et inter Czeczelynski parte ex altera, et cum omnibus adiacenciis hoc est cum horto spectante ad eandem proprietatem, suo fratri Paulo de Rzekta dicto Gil, pro marcis tribus peccuniarum monete et numeri Regni Polonicalis, nullis penitus pro se et pro suis propinquis exclusis, dans eidem suo emptori predicte propinquitatis [!!] omnimodam facultatem tenendi, fruendi, possidendi et in suos usus quo melius illi videbitur convertendi, subiciens se eundem suum emptorem tuere, defendere ab personis omnibus status utriusque status [!!] tociens quociens opus fuerit.

Super quam resignacionem proclamacio per nuncium civilem semel, bis, ter et ultra ius quater facta est, cui proclamacioni nemo contradixit. Qui prenominatus emptor Palus [!] firmans hanc suam proprietatem tote nostre residencie atque nostro notario sattis fecit de forma juris.

Or.: Dobra wójtowska, 1564-1587, indukta, AGAD sygn. 1, k. 4v.

Mądry (discretus) Jan s. olim Anny Płócienniczki Chromej sprzedaje swoje dziedzictwo spadłe nań po matce tj. plac między domami Jana Bendarza i Ciecielińskiego, wraz z ogrodem, bratu swemu Pawłowi z Rzekty zwanemu Gil, za 3 grzywny. Zeznanie przed sądem podwójtowskim miasta Dobra. Powzdanie obwieścił woźny miejski trzykrotnie (zgodnie z nakazem prawa) i po raz czwarty (jak było w zwyczaju).