1796 Indulgentia plenaria pro Ecclesia Pogrzyboviensi

Pius VI

Ad perpetuam rei memoriam. Ad augendam fidelium religionem et animarum salutem, coelestibus Ecclesiae thesauris pia haritate [!] intenti, omnibus et singulis utriusque sexus Christi fidelibus vere poenitentibus et confessis ac Sacra Communione refectis, qui ecclesiam sanctae Catharinae Virginis et Martyris loci Pogrzyboviensis Posnaniensis diecesis, die festo sancti Antonii de Padua ac in alio anni die per ordinarium designando a primis Vesperis usque ad occasum solis dierum huiusmodi singulis annis devote visitaverint et ibi pro christianorum principum concordia, haeresum extirpatione ac Sanctae Matris Ecclesiae exaltatione pias ad Deum praeces effuderint, quo die per totum [?] id egerint, plenariam omnium peccatorum suorum indulgentiam et remissionem misericorditer in Domino concedimus. In contrarium faciendo non obstantibus quibuscunque. Praesentibus perpetuis futuris temporibus valituris.

Datum Romae apud S. Petrum sub annullo piscatoris die XII Januarii MDCCXCVI, pontificatus nostri anno vigesimoprimo.

Ludovicus Josephus de Mathy

Thanasiensis episcopus, metropolitanus Gnesnensis et cathedralis canonicus

vicarius in spiritualibus et officialis generalis Posnaniensis

ordinis sancti Stanislai eques

Universis et singulis, quorum interest, intererit aut quomodolibet interesse poterit significamus. Quia nos visas et lectas suprascriptas literas Apostolicas ecclesiae parochiali Pogrzyboviensi pro festo sancti Antonii de Padua et alio die per officium praesens designando gratiose concessas, juxta earundem vim, robur et obloquentiam admisimus, alterumque diem consequendarum ejusmodi indulgentiarum diem 14. mensis Februarii designavimus et ordinavimus, iisque festis Sanctissimum Eucharistiae Sacramentum in monstratorio ad majus altare praefatae ecclesiae sexdecem candelis accensis et aliis luminaribus appositis exponendi ac ejusmodi indulgentiam plenariam aliquo die dominico vel festo coram populo ad divina audienda congregato publicandi facultatem dedimus et concessimus, prout damus et concedimus per presentes. In quorum fidem ac [!] datum in cancellaria consistorii generalis Posnaniensis die 8. mensis Junii anno Domini 1796to.

(-) De Mathy Thanasiensis episcopus, vicarius et officialis generalis Posnaniensis, mp.

Kop.: Parafia Pogrzybów, AAP sygn. PM 223/02, s. 192.

Pius VI nadaje kościołowi św. Katarzyny Aleksandryjskiej w Pogrzybowie odpust zupełny pod zwykłymi warunkami (por. wpis) na święto św. Antoniego z Padwy oraz na inne święto, które wyznaczy ordynariusz diecezji poznańskiej.

Pod odpisem papieskiego brewe widnieje odpis jego zatwierdzenia przez oficjała poznańskiego (zapewne umieszczono je na odwrocie brewe), z wyznaczeniem dnia 14 lutego jako drugiego dnia odpustu oraz zgodą na wystawienie w dni odpustu Najświętszego Sakramentu. Hostia w monstrancji ma być wystawiona na ołtarzu wielkim przy 16 świecach [przy wystawieniu Najświętszego Sakramentu ordynariusz przepisywał liczbę świec większą ponad sześć stosowanych podczas uroczystej mszy, zawsze była to liczba parzysta – por. Antoni Julian Nowowiejski, Wykład liturgji Kościoła katolickiego, tom I, s. 493-495]. Odpust należy wiernym ogłaszać w wybraną niedzielę lub święto.

1635 Privilegium S. R. M. super Advocatiam seu Scultetiam

Actum in Castro Siradiensi Feria Quinta ante Festum Sanctae Mariae Magdalenae proxima, Anno Domini Millesimo Sexcentesimo Trigesimo Quinto.

Ad Officium et Acta praesentia Castrensia Siradiensia personaliter veniens Nobilis Paulus Kodymowicz, obtulit eidem officio praesenti ad Acticandum et Actis hisce inscribendum Privilegium Sacrae Regiae Majestatis infrascriptum Sigillo Regni munitum, et manu Sacrae Regiae Majestatis subscriptum, quod petiit a se subscribi et Actis praesentibus ingrossari.

Officium vero praesens Castrense Siradiense Annuendo affectationi ipsius Kodymowicz eundem ab ipso suscepit et in Acta praesenti inscribi procuravit; cujus tenor de verbo ad verbum sequitur et est iste.

„Vladislaus IV. Dei Gratia Rex Poloniae Magnus Dux Lithuaniae Russiae Prussiae Masoviae Samogitiae Livoniaeque nec non Suecorum Gottorum Vandalorumque haereditarius Rex, Significamus praesentibus Literis nostris quorum interest universis et Singulis concessisse Nos et permississe consentireque et permittere praesentibus Literis Nostris Nobili Paulo Kodymowicz militis nostro sub signis Generosi Joannis Losz Rothmagistri nostri stipendio merenti,

Advocatiam sive Scultetiam in Suburbio Oppidi Schadek Podgorze dicto, de manibus quorumvis modernorum nullo jure possessorum eximendi, seu aliqua juris via eximendi aut eliberandi, Quam quidem exemptam et modo praemisso eliberatam, cum omnibus Agris Pratis campis Sylvis piscinis Stagnis Taberna Molendino, Subditis, eorumque laboribus censibus aliisque attinentiis et pertinentiis tenebit, habebit, et possidebit ad extrema vitae suae tempora.

Promittimusque pro nobis et Serenissimis Successoribus nostris, non esse Nos memoratum Nobilem Paulum Kodymowicz ab usu et Possessione dictae Advocatiae seu Scultetiae quo advixerit amoturos aut alienaturos amovendique aut alienandi cuipiam potestatem daturos, Idemque Serenissimi Successores nostri praestabunt. Post decessum vero ipsius non prius Successores dicti Kodymowicz cedere tenebuntur, quam Summa in Literis originalibus expressa vel ex taxa Commmissariorum legitime proveniens (?) ipsis numerata et persoluta fuerit. Juribus nostris Regalibus, Rei Publicae Ecclesiaeque Catholicae ibidem Salvis manentibus. In cujus Rei fidem praesentes manu nostra subscriptas Sigillo Regni communiri jussimus. Datum Varsaviae die XX. Mensis Martii Anno Domini M.D.C.XXXV. Regnorum nostrorum Poloniae et Sueciae III Anno. Vladislaus Rex.”

Cujus Privilegii suprascripti Sacrae Regiae Majestatis praefatus offerens originale ad se recepit, de quo recepto Officium praesens quietat.

Concordanter cum Oryginali [!] in Actis Castrensibus Siradiensibus reperibili extraditum esse attestamur Siradiae 28. Aprilis 1802do.

Königliche Süd preußische Creis Justiz Commission

(-) Kempe

L.S.

(-) v Pstrokoński

Źródło: "Acta Hypothegue des Königliche Südpreussiche Domainen Justiz Amt Męka in betriff der in Stadt Szadek belegenen zum Domainen Amt Męka gehörigen Wasser-Mühle Zagoda genant" (1805-1806), AP Łódź o/Sieradz, zesp. Powiatowa Komisja Sprawiedliwości w Sieradzu, sygn. 41/75/0/752, fol. 44

Przywilej Władysława IV na sołectwo na przedmieściu Podgórze miasta Szadek. Kopia oblaty wykonana w 1802 r.

"Promittimus... non esse Nos... amoturos aut alienaturos, amovendique aut alienandi cuipiam potestatem daturos." - konstrukcja accusativus cum infinitivo.

1725 Indulgentia Plenaria pro visitantibus Ecclesiam Gorcensem conceditur

BENEDICTUS PP. XIII.

Universis Christifidelibus praesentes literas inspecturis salutem et Apostolicam benedictionem. Ad augendum fidelium Religionem et animarum salutem Caelestibus Ecclesiae thesauris pia charitate intenti, omnibus utriusque sexus Christifidelibus vere paenitentibus et confessis, ac Sacra Communione refectis, qui Ecclesiam Parochialem S. Michaelis Archangeli, per Monachos Ordinis S. Benedicti regi solitam, loci Gorcensis Posnaniensis Dioecesis, --- cui Ecclesiae eiusque Cappellis et altaribus sive omnibus sive singulis eamque seu eas vel ea seu illarum aut illorum Singulas vel Singula etiam visitantibus nulla alia Indulgentia reperitur concessa, --- Die Festo Dedicationis eiusdem S. Michaelis Archangeli a primis vesperis usque ad Occasum Solis diei huiusmodi Singulis annis devote visitaverint, et ibi pro Christianorum Principum concordia, haeresum extirpatione ac S. Matris Ecclesiae exaltatione pias ad Deum preces effuderint, Plenariam omnium peccatorum suorum Indulgentiam et Remissionem Misericorditer in Domino concedimus, Praesentibus post praesentem annum Jubilaei ad Decennium tantum valituris. Volumus autem ut si alias Christifidelibus in quocumque alio anni die dictam Ecclesiam seu Capellam aut altare in ea situm visitantibus aliqua alia Indulgentia perpetuo vel ad tempus nondum elapsum duratura concessa fuerit, vel Si pro Impetratione Praesentatione admissione seu publicatione praesentium aliquid vel minimum detur, aut Sponte oblatum recipiatur, praesentes nullae sint.

Datum Romae apud S. Mariam Maiorem sub annulo Piscatoris die xxviij Septembris MDCCXXV Pontificatus nostri Anno Secundo.

Gratis pro Deo et Sacra

(-) F. Card. Oliverius

In dorso: zezwolenie oficjała generalnego poznańskiego Karola Łodzia Ponińskiego na publikację brewe.

Oryginał: Górka Duchowna, muzeum przy Sanktuarium Matki Bożej Pocieszenia, gablota po prawej.

Stolica Apostolska udziela kościołowi parafialnemu w Górce Duchownej, podówczas w zarządzie benedyktynów z Lubinia, przywileju odpustu zupełnego dla wszystkich wiernych, którzy w święto Dedykacji (tj. poświęcenia świątyni) św. Michała (29 września), po Spowiedzi i Komunii św. pobożnie nawiedzą ten kościół i wniosą modły:

- za zgodę książąt chrześcijańskich,

- za wykorzenienie herezyj,

- za wywyższenie Świętej Matki Kościoła.

Przywilej ważny przez 10 lat od wydania. Traci ważność, jeśli kościołowi przyznano już inny odpust bądź gdy za wydanie, dostarczenie czy ogłoszenie niniejszego – który, jak głosi informacja umieszczona pod osnową przywileju, jest darmowy – złożono jakąkolwiek opłatę.

Pod brewe podpis kardynała Fabio Olivieri (1658-1738), który od 24 listopada 1700 r. aż do śmierci pełnił funkcję sekretarza w Sekretariacie Brewe do Władców i Listów Łacińskich (Secretaria Brevium ad Principes et Epistolarum Latinarum).

1503 Consensus emendi Censum pro Ecclesia in Cozmin Bartholomaeo Grusczynski

Consensus emendi Censum pro Ecclesia in Cozmin Bartholomaeo Grusczynski

Vilnae, feria quarta in vigilia Ascensionis /: AD 1503 :/

Regia Maiestas permota praecibus quorundam Consiliariorum pro parte Venerabilis Bartholomaei Grusczynski Canonici Gneznensis et Praepositi Ecclesiae Parochialis Cozminensis, consensit praedictae Ecclesiae Cozminensi censum Spiritualem seu Ecclesiasticum pro 400 florenis in bonis haereditariis et secularibus justo redemptionis titulo alias na Wyderkaf pro fundandis certis Officiis in Ecclesia praedicta, emere, uniendo et inviscerando eundem Censum Juri et immunitati Ecclesiasticis, ac inviscerando et uniendo auctoritate ordinaria consenciendo iuxta conditiones infrascriptas. Volentes quod pro illius repeticione ad Jurisdictionem Ecclesiasticam recurratur. Et insuper eundem Censum duntaxat hinc ad decem annorum decursum, ab omni onere, potestate et Jurisdictione seculari ac ab omnibus expeditionibus bellicis Sua Maiestas liberavit, sed post decursum decem annorum, tametsi Census ipse permanserit in Jurisdictione Ecclesiastica non existens exemptus, nihilominus expedicio bellica et alia onera secularia quae de aliis non Ecclesiasticis bonis debentur, de eodem censu debebuntur, etc.

In forma, ab hinc duo sexterni superius Vicariis Posnaniensibus concessi.

Daß vorstehender Extract mit der in Libro Inscriptionum der vormaligen Kron Metric Acten sub No. 20 fol. 63 befindlichen Urschrift, von Wort zu Wort übereinstimmt wird, praevia facta collatione hiemit glaubhaft attestirt. Warschau den 28-ten Julii 1802.

(-) V. Maiewski
Königlich H. L. Archivarius

Odpis: Koźmin, Przywileje 1318-1774 (odpisy), APP Akta miasta Koźmin, sygn. I 28, f. 400

Oryginał: AGAD Metryka Koronna 4-1, sygn. 20, f. 13

Zgoda królewska na zakup 400 złp. czynszu na wyderkaf, na 10 lat, dla proboszcza w Koźminie. Transkrypcja z odpisu.

1827 Dispensatio Romana super I. affinitatis gradu

Datur facultas Admodum Reverendo Bonaventurae Dębiński Ecclesiae Parochialis in Jutrosin Vicario verificandi et exequendi literas apostolicas praesentibus in originali adnexas, sub datum Romae apud S. Petrum sub annulo piscatoris die 16-ta Junii currentis anni emanatas, idque in favorem Dilectorum Josephi N. laici et Apolloniae N. parochiae Jutrosinensi subjectorum, in ordine dispensationis super primo affinitatis gradu, quo se invicem attinent, ac tandem si de veritate narratorum in literis apostolicis exaratorum Eidem constiterit, matrimonium inter eosdem, dummodo nullum aliud iis obstet canonicum impedimentum, de quo sub onere conscientiae quam diligentissime inquirat, praemissis omnibus tribus bannis servataque forma S. Concilii Tridentini, tum dispositione Regiminis in matrimonialibus facta in omni observata, in facie Ecclesiae benedicendi.

Datum Posnaniae die 24-ta Augusti 1827.

Consistorium Generale Administratoriale Posnaniense

(-) Przyłuski

--------------------------------------------------------------------

Dilecto Filio Vicario ? Dilectis et Filiis Capitulo et Canonicis Majoris Ecclesiae Posnaniensis illius sede Archiepiscopali vacante legitime deputato

LEO PP. XII.

Dilecte Fili Salutem et Apostolicam Benedictionem.

Oblata nobis nuper pro parte Dilectorum Filiorum Josephi N. laici et Appolloniae N. mulieris

Posnaniensis Dioecesis petitio continebat

Quod Ipsi qui ut asserunt ex honestis familiis pauperes tamen et miserabiles ac Orthodoxae fidei Cultores vere existunt ac ex suis tantum labore et industria prout etiam sub obedientia Sanctae Romanae Ecclesiae vivunt ex certis peculiaribus rationabilibus causis animos eorum moventibus et presertim ad avertendum perversionis a fide Catholica periculum quod in illis partibus acatholicis mioles? incurrerent, cupiunt invicem matrimonialiter copulari, sed quia alias dicta Appollonia praefati Josephi fratris germani ad praesens defuncti uxor extitit, desiderium eorum hac in parte adimplere non possunt absque Sedis Apostolicae dispensatione.

Ideo Nobis humiliter supplicari fecerunt Exponentes praedicti ut eis in praemissis de opportune dispensationis gratia providere de benignitate Apostolica dignaremur. Nos igitur eosdem Exponentes specialis gratia favore prosequi volentes, nec non eorum quemlibet a quibusvis excommunicationis et interdicti aliisque Ecclesiasticis sententiis censuris et poenis a jure vel ab homine quavis occasione vel causa latis, si quibus quomodolibet innodati existunt, ad effectum praesentium tantum consequendum, harum serie absolventes et absolutos fore censentes, certam tamen de praemissis notitiam non habentes, hujusmodi supplicationibus inclinati, Discretioni tuae, de qua plenam in Domino fiduciam habemus, per praesentes committimus et mandamus,

quatenus deposita per te omni spe cujuscumque muneris aut praemii etiam sponte oblati, a quo te omnino abstinere debeas, de praemissis te diligenter informes et constito tibi prius ex peculiaribus dictorum Exponentium circumstantiis quas circumspecte pensare et librare debebis [1] de asserto praesenti periculo aposthasiae dictorum Exponentium a fide Catholica, si per informationem exactam a personis fide dignis rite ac recte examinatis canonice habitam easdem preces veritate realiter ac omni mendacii et fraudis suspicione prorsus remota niti compereris, super quo tua conscientia graviter onerata remaneat.

Cum eisdem Exponentibus, dummodo dicta Apollonia propter hoc rapta non fuerit ipsique Exponentes pauperes et miserabiles ac Orthodoxae fidei cultores vere existant ac ex suis tantum labore et industria, prout etiam sub obedientia Sanctae Romanae Ecclesiae vivant ut praedicitur quod Impedimento Primi ex praemissis provenientis Affinitatis gradus hujusmodi ac constitutionibus et ordinationibus Apostolicis caeterisque contrariis quibuscumque non obstantibus, Matrimonium inter se publice, servata forma Concilii Tridentini contrahere illudque in facie Ecclesiae solennizare et in eo postmodum remanere, libere ac licite valeant auctoritate nostra dispensamus? Prolem suscipiendo exinde legitimam nunciando,

volumus autem quod si tu spreta monitione nostra hujusmodi aliquid muneris aut praemii occasione dispensationis praefatae exigere vel oblatum recipere presumpseris, excommunicationis sententia tamdiu innodatus existas donec a Sede praedicta absolutionis beneficium per satisfactionem condignam merueris obtinere et nihilominus dispensatio a te faciendae praedictae nullius sit roboris vel momenti.

Datum Romae apud Sanctum Petrus sub annulo Piscatoris, die xvj Junii 1827, Pontificatus nostri anno quarto.

Pro Magistro Brevium

(-) A. Willaume Officialis Deputatus

Pieczęć: "Regia Legazione di Prussia (in Roma)" i in.

Źródło: Jutrosin, A/II/1, Akta tyczące się dyspensow 1827-46, s. 1-2

[1] formuła tylko w dyspensach super primo affinitatis gradu 
 

huoi – hujusmodi
serta – servata

Tridni – Tridentini
excnis – excommunicationis
pta – praedicta
absnis – absolutionis
obnere – obtinere 

Literatura:
1. "Pyrrhi Corradii... Praxis Dispensationum Apostolicarum...", Venetiis 1699, Apud Paulum Balleonium http://books.google.pl/books?id=XttFAAAAcAAJ&printsec=frontcover&hl=pl

2. ASS 34 [1901-1902] p. 46: Ex S. Dataria Apostolica, formula XI Corosopiten. (affinitas – ex matrimonio – in primo gradu – ob religionem et honestatem – per simplicem signaturam)

3. "De Dispensationibus Matrimonialibus Vincentio de Justis..." http://books.google.pl/books?id=rPn_pez38ooC&printsec=frontcover&hl=pl

4. Petrus Dens, "Theologia ad usum seminariorum, et sacræ theologiæ alumnorum", Tomus VII http://books.google.pl/books?id=YZpQAAAAcAAJ&printsec=frontcover&hl=pl