1495 Obligatio molendini in Stolecz

[s. 73] Acta Siradie feria {secunda} sexta post dominicam Invocavit proxima [13 III] anno Domini millesimo quadringentesimo nonagesimo quinto coram generoso domino Mathia de Glowaczewycze tribuno maiori et capitaneo Siradiensi, presentibus ibidem generosis et nobilibus dominis Martino Aaron de Maiori Woyczycze judice commissario castri Siradiensis, Johanne Sczepanowsky burgrabio, Johanne Rowyensky de Woynczycze, Alberto Pstrokonysky.

[s. 78] Obligatio molendini in Stolecz

Constitutus personaliter nobilis Andreas de Moyaczevycze non compulsus etc. coram judicio publice recognovit. Quia suum molendinum in Stolecz, in quo sedet laboriosus Martinus molendinator, et duos mansos [s. 79] possessionatos, in quibus resident hii kmethones: Martinus in manso et Jacobus in manso, cum omni jure ac dominio, campis, agris, pratis, silvis, borris, gaiis, indaginibus, aquis, fluviis, fluminibus, piscinis, piscinulis, molendinis et eorum emolumentis, censibus, redditibus, honoribus, et generaliter cum omnibus et singulis utilitatibus quomodolibet ad prefatum molendinum et duos mansos spectantibus, nullis exclusis sive minoratis pro se aut suis successoribus legittimis, sed cum eo jure, dominio et proprietate, prout solus tenuit et habuit, nobili Nicolao Brodnyczsky de terra Vyelunensi in quinquaginta¹ marcis latorum medientium, quadraginta octo grossos marcam in quamlibet computando, et hoc racione dotis post nobilem Elenam filiam dicti {Andree} nobilis Andree, consortem vero nobilis Nicolai Brodnyczsky prefati modo et nomine obligatorio obligavit a festo Nativitate Domini ad aliud festum Nativitatis Domini <tenere et habere> usque ad plenam exolucionem prefate summe triginta marcarum juxta cursum et jus terrestre.

Et solus tanquam actor fideiussit pro varunk et elliberacione prefati molendini et duorum mansuum [!] a qualibet persona ipsum impediente, prout quelibet persona habet prescripcionem terrestrem. Et quia si aliquod damnum prefatus nobilis Nicolaus ex hoc habuerit, hoc damnum erit et debet prefati nobilis Andree {sine juramento co} ad simplicem ipsius nobilis Nicolai prefati assercionem sine juramento corporali. Et hic circa acta submisit se respondere ad primum terminum stare et quo terminum protrahet, eodem perdere debet.

Or.: Sieradz grodzkie, Acta castrensia Siradiensia, 1495-1497, pierwopis, AGAD sygn. 28, s. 78-79.

N. Andrzej z Mojaczewic [par. Burzenin] młyn swój w miejscowości Stolec, na którym siedzi młynarz Marcin, oraz dwa łany obsadzone, na których siedzą kmiecie Marcin i Jakub (po łanie), N. Mikołajowi Brodnickiemu z ziemi wieluńskiej w 50 (pierwotnie wpisano 30?) grzywien szerokich półgroszy tytułem posagu po N. Helenie córce swojej a żonie tegoż Mikołaja na rok zastawił.

¹ Wydrapano (?) triginta (patrz: formuła kończąca zdanie) i wpisano quinquaginta.

1529 Obligacio in Krczonowicze

Obligacio in Krczonowicze

Constitutus personaliter nobilis Joannes Krczonowski ac uxor sua nobilis Anna, ambo manu coniuncta et indivisa, spontanee, sani existentes recognoverunt. Quia suam sortem molendini alias totalem medietatem molendini sui in villa Krczonowicze, cum omni iure, dominio, cum omnibus emolumentis, nullis exceptis, nobili Laurencio Osmolski de Osmolyno in quindecim marcis peccuniarum bonarum monete et numeri Polonicalium, quadraginta octo grossos marcam in quamlibet computando, modo obligatorio a festo Nativitatis Cristi ad aliud inscripsit et obligavit, per ipsum Laurencium tenendi, possidendi ad omnimodam [?] exemcionem juxta cursum terrestrem, dando et admittendo sibi iam exnunc hic circa acta intromissionem realem et effectualem per ministerialem quemcumque Siradiensem ipsis presentibus de jure additum, solusque prefatus Joannes cum uxore sua, ambo manu coniuncta et indivisa pro [...]one ac emctione [?] nominato Laurencio, sub vadio quindecem marcarum de bonis suis fideiubet, subiciendo se ipsum tueri, defendere et pro omnibus damnis et impedimentis intercedere, tocies quocies opus fuerit, ab omnibus et quibusvis personis sexus, status et condicionis cuiusvis ipsum impedientibus et impedire volentibus, ad omnimodam [?] usque exemcionem, nullis modis ewadendo. Et citati prefati Joannes cum uxore, hic circa acta stare et respondere se subiciunt in termino primo tanquam peremtorio, terminum ipsum primum nullis dilacionibus de jure concessis differrendo. Et quo terminum primum differre vellet, illo [?] causam suam amittere debet. Ad quod juri memoriale solutum est.

Or.: Sieradz grodzkie, Libri inscriptionum, 1529-1530, indukta, AGAD sygn. 9, s. 371.

N. Jan Krczonowski z ż. Anną cały swój dział młyna czyli połowę młyna we wsi Krczonowice (parafia Błaszki) N. Wawrzyńcowi Osmólskiemu z Osmolina w 15 grzywnach zastawiają na rok od Narodzenia Pańskiego 1529 roku.