1767 Spectabiles Herman et Zimmerman consules civitatis Lesnensis suis et totius magistratus Lesnensis nominibus magnifico Casimiro Sokolnicki scripta bina roborant

Actum in castro Wschovensi, feria sexta pridie festi sancti Petri in Vinculis, anno Domini millesimo septingentesimo sexagesimo septimo.

Spectabiles Samuel Ephraim bini nominis Herman et Joannes Samuel, itidem duorum nominum Zimmerman consules civitatis Lesnensis, uti et tanquam a toto magistratu et reliquis ordinibus ac universa communitate ejusdem civitatis Lesnensis specialiter ad actum praesentem delegati, suis et eorundem magistratus, ordinum et totius communitatis Lesnensis (pro quorum omnium ratihabitione et praesentis inscriptionis roboratoriae in toto acceptatione et approbatione in forma juris plenissima et vadio infra scripto cavent) nominibus, sani mentibus corporibusque existentes, recedendo etc. recognoverunt

atque se et praefatos magistratum, reliquos ordines dictamque communitatem civitatis Lesnensis suosque et eorum successores in et super bonis suis et quorum supra generaliter omnibus ac summis quibusvis pecuniariis habitis et habendis, magnifico Casimiro Sokolnicki et ejus successoribus inscripserunt et obligaverunt inscribuntque et obligant praesentibus.

Quia ipsi debebunt suaque cum posteritate tenebuntur scripta bina manualia et quidem primum in civitate Lesna, die decima Septembris, anno millesimo septingentesimo sexagesimo tertio, ratione summae triginta duorum millium ducentorum quinquaginta florenorum Polonicalium, alterum vero ibidem, in dicta civitate Lesna, die decima sexta Junii anno ad praesens currenti, respectu summae quadringentorum [s. 3] septuaginta novem aureorum Hungaricalium aliarumque rerum et conditionum ibidem expressorum confecta, manibus proconsulis, consulum, advocatorum, scabinorum et seniorum communitatis supratactae civitatis Lesnensis, in eisdem scriptis expressorum propriis subscripta, sigillis officiorum binis, videlicet consularis et scabinalis utraque communita, praelibato magnifico Casimiro Sokolnicki exhibita,

in toto et in parte, inque omnibus et singulis scriptorum eorundem contentis, punctis, clausulis, articulis, nexibus et ligamentis conditionibusque generaliter universis, tenere, complere, exequi ac inviolabiliter observare, idque sub vadio summis supra expressis, scriptis praeassertis comprehensis, correspondentibus.

Citati recognoscentes cum suo magistratu et reliquis ordinibus, totaque communitate civitatis Lesnensis hic coram officio praesenti sive judicio terrestri Wschovensi respondebunt peremptorie.

Ex protocollo castrensi Wschovensi extraditum. Szymanski mp. Lectum per Tarczynski.

[s. 6, in dorso] Spectabiles Herman et Zimmerman consules civitatis Lesnensis suis et totius magistratus Lesnensis nominibus magnifico Casimiro Sokolnicki scripta bina roborant. 1767.

Źródło: APP Akta miasta Leszno, sygn. I/269, s. 2-3 i 6

Roboracja (inscriptio roboratoria) w grodzie wschowskim dwóch zapisów (scripta manualia) dłużnych magistratu leszczyńskiego na rzecz wielmożnego Kazimierza Sokolnickiego: z 1763 roku na kwotę 32.250 zł polskich i z 1767 roku na kwotę 479 złotych węgierskich.

1680 Infanticidium

Den 27 Febr.

Actum in Leszno die vigesima Septima Februarii Ao. 1680

Coram Officio Proconsulari Civitatis Leszno in Majori Polonia ad requisitionem Magnifici Domini sui Domini Hieronymi Poninski Pocillatoris Wschovensis, cujus nomine ad hunc actum se expresse missum esse asserebat, personaliter comparens Nobilis Dominus Malinowski ejusdem Magnifici servitor, Officio Supranominato ad decidendum sequentem proposuit casum:

Ante septimanas praeter propter sex, et quod excurrit contigisse, ut in villa quadam Magnifico suo subdita foemina quaedam clandestine pareret, postque partum editum, eundem in certo hypocausti post fornacem loco occultaret: qui deinceps vita quidem privatus a familiaribus repertus sit, in cranio tamen signa violentae compressionis habens: unde quaestio oriatur, utrum haec foemina de infanticidio suspecta sit nec ne?

Quibus omnibus praesertim concurrentibus circumstantiis bene perpensis eandem foeminam de Infanticidio omnino et maxime suspectam esse Officium praesens asserit, cujus rationes quae sequuntur:

quarum:

1| quia partum studio sola enixa, cum si voluisset, alias e familiaribus foeminas adstantes potuisset habere, rectae suae conscientiae testes,

2| quia eundem partum in loco remotiori, qui post fornacem, occultavit,

3| partus denique a familiaribus repertus inanimus vitaque naturali carens,

et

4| in capite cranium incurvatum tanquam violentae consussionis vel compressionis infallibile signum exhibens.

Ex quibus rationibus Viri Consulares pro ratione Officii, quo pollent, et a Suprafato Magnifico Domino requiruntur, adducti, captivam foeminam non tantum de commisso infanti homicidio prout supra assertum vere suspectam, verum etiam si veritas vel spontanea confessio ab eadem aliter eliceri non possit, eandem Torturae per duos gradus subjiciendam esse judicant: ut scilicet sub primo gradu carnifex juncturas manuum hujus foeminae funiculis subtilioribus arctissime usque ad ossa constringat, forcipemque digitorum vulgo die Daumszrauben applicet: sub secundo vero foemellam scalae injiciat et violenta quadam expansione seu extensione omnium membrorum eorundem articulos distinguat atque dilaceret, cruribusque forcipes vulgo die Spanisze Stieffel addat: Qua tortura semel et pro una vice in eam statuenda, nisi forte nova sub eadem oriantur indicia: Quod praefatum in vim Decreti informatorii de Jure Magnifico Domino Requirenti respondendum idque Sub Officii Sigillo extradi permittendum duximus: Actum ut supra.

Leszno, radziecka, APP Akta miasta Leszno, sygn. I/102, f. 9

Służący u Ponińskiego przedkłada do rozstrzygnięcia sprawę znalezienia przez domowników martwego noworodka ze śladami uderzeń czy duszenia. Sąd radziecki uznaje matkę dziecka (poddaną z jakiejś wsi Ponińskiego) za podejrzaną o dzieciobójstwo, a w celu wydobycia zeznań przepisuje dwustopniowe tortury szczegółowo w akcie opisane.