1604 Inter Burnowska et Szadkowskiemi

Inter Burnowska et Szadkowskiemi

In causa et actione judiciaria per nobilem Barbaram Grobowska nobilis Lucae Burnowski consortem cum eiusdem mariti sui assistentia actricem nobilibus Bartholomeo et Samueli Sadkowskim [!] fratribus germanis, olim nobilis Andreae Szadkowski filiis, in judicium praesens secundo post poenam contumaciae citatis iudicialiter instituit citatione huiusmodi:

„Sigismundus tertius Dei gratia rex Poloniae etc. vobis nobilibus Bartholomeo et Samueli Sadowskim [!] fratribus germanis, olim nobilis Andreae Sadkowski [!] filiis et successoribus legitimis, de bonis vestris omnibus in vos post praedictum parentem vestrum devolutis mandamus, ut coram judicio nostro terrestri Calissiensi in judiciis nostris terrestribus particularibus Calissiensibus exnunc Calissiae proxime et immediate cellebrandis personaliter et peremptorie compareatis ad instantiam nobilis Barbarae Grobowska nobilis Lucae Burnowski consortis. Quae te [!!] cum assistentia eiusdem mariti sui citat secundo post poenam contumaciae super te [!!] in proxime praeteritis terminis terrestribus particularibus obtentam iuxta suam citationem, qua te [!!] citaverat pro eo.

Quia vos ipsi de bono esse non vultis neque curatis exolvere centum florenos [k. 209] peccuniae, quos eadem actrix praedicto olim parenti vestro in mutuum ad verbalem illius postulationem dedit et quos centum florenos tam vester parens dum in vivis erat quam et vos post decessum illius verbo nobili ac militari multoties reddere promisistis ac in hucusque exolvere non desinitis non tamen exolvere vultis in grave damnum ipsius actricis.

Quod sibi contra vos pensat ad alios centum florenos peccuniae damnique ad totidem vel prout judicium nostrum in praemissis decernet ad haec et ad alia latius vobis in termino futuro declaranda sitis iudicialiter responsuri.

Datum Calissiae, feria secunda ante festa sollenia Sacri Pentecostes proxima [31 V] anno Domini millesimo sexcentesimo quarto.”

Judicium praesens terrestre Calissiense ex iudicialibus partium earundem, actoris personaliter, citatae vero per nobilem Adrianum Radliczki, controversiis in praemissis factis, iis tamen ad acticandum ultra debitum tempus non porrectis, quia id onus etiam in successores derivatur et citati etiam promissi sui arguuntur, ideo reiectis eorum exceptionibus eisdem in causa praesenti ulterius iure mediante procedere decrevit. Quod decretum citati pro iure non susceperunt, verum ab eo generosum Joannem Izdbinski de Rusiecz judicem terrestrem palatinatus Calissiensis per honestum Stanislaum de Srzem ministerialem terrestrem judicio astantem ad judicia ordinaria generalia Tribunalis Regni Petricoviensis terrarum Maioris Poloniae iuxta constitutionem conventus generalis Warsaviensis proxime et immediate Petricoviae cellebranda movit atque illi terminum ad detendendum hoc suum decretum coram praefato iudicio ordinario generali Tribunalis Regni, tunc quando causae et actiones <[...]> [k. 209v] pallatinatus Calissiensis per hoc idem judicium ordinarium Tribunalis Regni Petricoviensis primum et proxime decidentur et iudicabuntur, praefixit et assignavit. Cui motioni praefatus dominus iudex detulit ac eam suscepit.

In eis itaque judiciis ordinariis Tribunalis Regni Petricoviensis, ubi nimirum causae et actiones eadem [?] incident et devenient, partes praefatae cum judice moto habiturae sunt terminum peremptorium ad prosequendam eiusmodi motionem suam, tum ad procedendum [?] ulterius omniaque iuridice agente [?] in causa praesenti iuxta citationem actoris decretum prolatum motionem ab eo interpositam et susceptam, actaque causae huius omnia, salvo iure partium earundem.

Et hic ministerialis Regni generalis iudicio bene notus providus Adam Zdzarowski de Dzierbyno, sanus existens, publice ac benevole coram eodem iudicio recognovit se citationem literalem hanc ratione praemissorum emanatam feria sexta in crastino festi Ascensionis Domini in Coelum proxime praeterita [28 V] ad villam Dzierbino deportasse eamque in curia citati in mensa, praesente ipsomet citato, posuisse et publicatam reliquisse, quam suam rellationem actis praesentibus inseri petiit.

Or.: Kalisz Z. 114, dekrety/indukta, 1604-1605, k. 208v-209v.

Sprawa między Barbarą Grobowską ż. Łukasza Burnowskiego powódką a Bartłomiejem i Samuelem Szadkowskimi, braćmi rodzonymi, ss. olim Andrzeja, o spłatę 100 złp. ongiś pożyczonych Andrzejowi przez powódkę. Apelacja poprzez naganę sędziego (motio) do Trybunału Koronnego Piotrkowskiego. W zapisie zawarto treść pozwu.

1729 Inter magnificum Rydzynski castellanidam Landensem et generosos Chwaliszewskie

[19 IX 1729] 

Inter magnificum Rydzynski castellanidam Landensem et generosos Chwaliszewskie.

Super citationem literalem terrestrem Costensem authenticam, qua ex parte et ad instantiam magnifici Joannis Rydzynski castellanidae Landensis actoris, generosi Stanislaus Chwaliszewski et Catharina Ostrowska, invicem conjuges [s. 180v], bonorum villae Koszkowo haeredes, de bonis suis generaliter omnibus summisque quibusvis peccuniariis habitis et habendis in judicium praesens terrestre Posnaniense in Costen literali citatione authentica citati, et quidem maritata cum generosi mariti sui authoritate et assistentia, pro eo.

Quatenus ipsi laboriosos Casimirum, Thomam, Franciscum atque Zophiam, Hedvigim, Dorotheam, Reginam et Theressiam laboriosorum Bartholomaei et Barbarae coniugum legitimorum liberos de bonis Pudliszki magnifici actoris haereditariis subditos nativos ad bona ipsa [?] Koszkowo profugos et ibidem commorantes, qui uti officioso aresto ita et praesenti citatione apud ipsos et in bonis ipsis arestantur, eidem magnifico actori extradant et restituant. Sin secus extradere renuerint, sciant se ad instantaneam eorundem subditorum extraditionem decreto judicii nostri stringi et compelli, citantur citatione ipsa sua cum copia in se de praemissis latiori existente.

Judicium praesens terrestre Posnaniense in Costen judicialibus partium praefatarum, actoreae quidem magnifici Rydzynski castellanidae Landensis, citatae vero generosorum Chwaliszewskie conjugum per generosum Chwaliszewski maritum itidem personaliter, coram se comparentium in praemissis factis beneque exauditis partibus controversiis, decidendo terminum partis actoreae extraditionis laboriosorum Casimiri, Thomae, Francisci, Sophiae, Hedvigis, Dorotheae, Reginae et Theressiae sororum ac si de bonis Pudliszki subditorum, ad judicium suum institutum et intentatum teneri partem actoream docere de contentis citationis suae adinvenit.

Et quoniam literas ex libris metrices parochialis ecclesiae Krobensis per admodum reverendum Franciscum Paszynski praepositum ecclesiae Krobensis die vigesima quarta Martii anno millesimo septingentesimo vigesimo nono depromptas reproducit, ideo in parte satisfecisse in docendo de contentis citationis suae partem actoream sententiat.

Nihilominus, adhaerendo decreto feria secunda post dominicam Cantate anno praesenti et in loco praesenti inter magnificum Jaraczewski et generosos Chwaliszewskie lato, mediante quo laboriosus Bartholomaeus laboriosorum Casimiri, Thomae, Francisci filiorum, Sophiae, Hedvigis, Dorotheae, Reginae et Theressiae filiarum parens, de bonis Pudliszki subditus ad bona Koszkowo advena ad laboriosam Barbaram [s. 181r] Gabski Barąn cmethonis de Koszkowo subditi unicam filiam condescendisse et in actualem possessionem agri cmethonalis successisse prolemque eandem in ibidem procreasse per inquisitionem juratoriam probatur eidemque fundo Koszkoviensi adjudicatam prolem fuisse expresse patet.

Ideo magnificum actorem eosdem subditos de bonis eisdem Koszkowo non posse praetendere declaravit declaratque praesentibus, partem citatam a causa praesenti liberam fecit et pronunciavit facitque et pronunciat decreti praesentis vigore.

A quo decreto taliter prolato, licet quidem pars actorea motionem suam juridicam magnifici Adalberti Skarbek Malczewski judicis terrestris Posnaniensis per honestum Petrum Migdalczyk de villa Lubonia ministerialem Regni generalem, judicii sui apparitorem, ad judicia ordinaria generalia Tribunalis Regni Petricoviensis ex tunc proxime et immediate Petricoviae celebranda interposuerit eidemque motioni suae deferri expetierit ei tamen motioni per magnificum judicem delatum non est, eadem parte actorea de non admissa attamen prosequenda eadem motione sua solenniter in ibidem protestante, exportatae vero citationis et positae feria tertia ante festum Nativitatis Gloriosissimae Virginis Mariae proxime praeterita proxima in curia [?] villae Koszkowo sedilique ante curiam situato, praesente consorte citati, per providum Joannem Zgorski [?] de villa Gora ministerialem Regni generalem coram actis praesentibus est recognita relatio.

Źródło: Kościan Z. 142, 1729-1731, decreta/inducta, s. 180r-181r

Sprawa z pozwu Jana Rydzyńskiego kasztelanica lądzkiego przeciwko urodzonym Stanisławowi i Katarzynie z Ostrowskich Chwaliszewskim, dziedzicom dóbr wsi Koszkowo.

Rydzyński żąda, by Chwaliszewscy wydali mu jego poddanych, tj. ośmioro dzieci pracowitych Bartłomieja i Barbary z dóbr Pudliszki, zbiegłych do dóbr Koszkowo. O tym wszystkim traktuje pozew. Strona powodowa przedłożyła stosowne odpisy z ksiąg metrykalnych parafii Krobia. Niemniej, dekretem w sprawie między Jaraczewskim a Chwaliszewskimi, zapisanym na s. 26v-29r tej samej księgi, orzeczono na podstawie zeznań pod przysięgą, iż pracowity Bartłomiej, poddany z dóbr Pudliszki, pojął za żonę pracowitą Barbarę, jedyną córkę kmiecia Gabskiego Barana z Koszkowa, wszedł w posiadanie roli kmiecej i tamże spłodził wspomnianych ośmioro dzieci, które ów dekret przysądził dobrom koszkowskim. Sąd zatem oddala roszczenia powoda, pozwanych zaś uwalnia od zarzutów.

Przeciw temu dekretowi strona powodowa podniosła zarzut, stosując tzw. naganę sędziego (motio) Wojciecha Skarbka Malczewskiego. Pozwanie tego sędziego ziemskiego poznańskiego wykonał woźny Piotr Migdalczyk z Luboni. Pozew został odrzucony, przeciwko czemu strona powodowa składa protestację.

1746 Relatio Tribunalis Regni contra sorores Mankowskie

Actum Gnesnae feria quarta post festum Inventionis S. Crucis proxima anno Domini 1746to.

Ad officium actaque praesentia advocatialia civitatis Suae Regiae Majestatis personaliter veniens honestus Casimirus Wroblewski de villa Rzeczyka ministerialis Regni generalis authenticus et juratus sanus mente corporeque existens, libere ac manifeste recognovit se citationem literalem pro judiciis condescensorialibus ex decreto tribunalitio Regni Petricoviensis in fundo bonorum Krzekotowo in [...] specta[...] suprascripta actorea in et contra inferius nominandam partem citatam editam tenoris sequentis.

„Augustus Tertius Dei gratia rex Poloniae, magnus dux Lithuaniae, Russiae, Prussiae, Masoviae, Samogitiae, Volchiniae, Podoliae, Podlachiae, Samogitiae, Livoniae, Smolinsciae, Severiae, Czerniaechoviaeque, nec non haereditarius dux Saxoniae, princeps et elector,

Vobis generosis Barbarae idque in assistentia generosi mariti tui Josephi Chełmicki bonorum Karczewa possessoris, et Annae atque Mariannae de Mankowskie sororibus inter se germanis uti et tanquam olim generosi Francisci Mankowski fratris vestri germani et successoribus de bonis vestris generaliter omnibus, summisque quibusvis pecuniariis habitis et habendis,

ut coram nobis judiciisque nostris condescensorialibus, seu potius officiis per decretum tribunalis generalis Regni Petricoviensis in fundum bonorum Krzekotowo assignatis et in pro tempore in eodem decreto expresso videlicet in et pro feria 2da post dominicam Cantate anno praesenti ad eadem bona Krzekotowo condescensuris personaliter ac peremptorie compareatis ad instantiam totius regiminis pedestris illustris ducis campestris [sc. Branickiego] ejusque plenipotentium actorum, qui vos citant seu potius ad terminum ejusdem condescensionis in bonis praefatis Krzekotowo assignatae die suprascripta feria secunda post dominicam Cantate celebrandae adcitant, pro eo quatenus vos calculum aut testimonium de proventibus certis bonorum Krzekotowo per olim supra scriptum Franciscum Mankowski, fratrem vestrum germanum et vexilliferum supra dicti exercitus campestris pedestris (?) illo tempore dictorum bonorum Krzekotowo possessoris, perceptis, et in rem ejusdem regiminis pro processu in retenta contributione per illum recepta (?) stante illius exactione percepta (?) et per successionem vestram ejus substantiae, et omnium regestrorum et documentorum in causa ejusmodi post fata illius acceptorum et interceptorum et ad vim (?) et evictionem ab impedimento generosi Wolski eorundem bonorum possessoris, coram eodem judicio condescensoriali necessario, comportandi (?) et juramento comprobandi (?) eadem documenta reddatis si[...] calculum praestatis, quod si neglexeritis sciatis vos sententia judiciique nostri stringi et compelli sitis parituri et judicialiter responsuri.

Datum Petricoviae feria secunda post dominicam Conductus Paschae proxima anno Domini 1746.”

ad bona Karczewo feria quarta post festum Inventionis Sanctae Crucis anno praesenti extulisse eandemque in mensa hyppocausti curiae praesente citati generosi consorte posuisse et reliquisse, de quo silentibus actis ad praesens proprii districtus hic fecit relationem.

Źródło: Gniezno wójtowskie, 1663-1749, protokół, APP sygn. I 88, s. 612

Relacja z doręczenia pozwu, złożona - jako że urząd grodzki właściwego powiatu jest nieczynny - w urzędzie wójtowskim w Gnieźnie.

1746 Relatio Tribunalis Regni Petricoviensis

Anno Domini 1746 die 2da mensis Maii personaliter veniens generosus Michael Chodkowski regiminis pedestris clavi minoris praefectus, idque ad praesens vacantibus actis castrensibus Majoris Poloniae porrexit ad acticandum et ingrossandum cujusmodi tenor sequitur talis.

„Actum in castro Callissiensi feria [...] post festum Exaltationis Sanctae Crucis proxima anno Domini millesimo septingentesimo quadragesimo quarto.

Ad officium actaque praesentia castrensia Callissiensia personaliter veniens ministerialis Regni generalis providus Albertus Chaładgidi de oppido Pleszew sanus per omnia existens, recognovit se citationem literalem authenticam tribunalis Regni Petricoviensis pro judiciis ordinariis generalibus tribunalis Regni Petricoviensis spectantem ad cassandam editam tenoris talis:

<< Augustus Tertius Dei gratia rex Poloniae, magnus dux Lithuaniae, Russiae, Prussiae, Masoviae, Samogitiae, Livoniae, Kijoviae, Volchiniae, Podoliae, Podlachiae, Smolinsciae, Severiae, Czerniaechoviaeque, nec non haereditarius dux Saxoniae, princeps et elector,

Vobis instigatori judicii nostrii tribunalis Regni Petricoviensis tum generoso Stanislao a Dobrachow Wolski ejusdem instigatoris parti adhaerenti, atque generosis Carolo et Antonio Bielickim de officio bonis vestris generaliter omnibus, summisque pecuniariis habitis et habendis mandamus, ut coram nobis in judiciis nostris ordinariis generalibus tribunalis Regni Petricoviensis, a data seu posita praesentis citationis recte in quatuor septimanis proximis, seu tum dum et quando causa praesens in regestro publico ad judicium vocata inciderit, personaliter ac peremptorie compareatis ad instantiam alterius instigatoris ejusdem judicii nostri ejusque delatorum totius regiminis pedestri illustrissimi et magnifici Branicki ducis campestris Regni ejusdem generalis plenipotentis actorum cassandae, qui (?) vos quam primum de quadam condemnatione ex importuna tui generose instigator instantia tua vero pars adhaerens sinistra delatione in judiciis nostris generalibus tribunalis Regni Petricoviensis in causa ratione, ac si indebite occupationis bonorum Krzekotowo de eisdemque facto de perceptis proventibus calculo condescensionis super se actoribus cassandae nulliter indebite praecipitanter erronee non servatis juris gradibus non deducta actoribus ad notitiam citatione tum et aliis condemnationibus alibi obtentis, publicatis resciverint, illico et ad statim citando (?), ad videndum et audiendum easdem condemnationes optentas, et publicatas cum earum publicationibus totoque antecedenti, et subsequenti earum processu per sententiam judicii nostri tolli, cassari et annihilari, nullitatisque vitio subjici actores pristino honoris gradui restitui et redintegrari, te vero partem adhaerentem ratione malae obtentae condemnationis temerae vexae, et jus evocationis paenis condignis puniri et id quod juris erit exigentia causae poposcerit statui, decerni, et sententiari praesentibus citamini sitis parituri et judicialiter responsuri.

Datum Petricoviae feria secunda in vigilia festi Nativitatis Beatissimae Virginis Mariae anno Domini millesimo septingentesimo quadragesimo quarto. >>

ad bona Borucin die hesterna actum praesentem (?) praecedenti detulisse eamque ibidem in mensa hyppocausti curiae praesente generoso Wolski citato posuisse et reliquisse, de quo praesens relatio.

Hic in continenti personaliter comparens generosus Henricus Tabbell regiminis ejusdem capitaneus, suo totiusque regiminis nomine praefatam citationem ad cassandam editam cum praesenti relatione approbat confirmat et ratificat uti cum scitu et consensu his editam praesentibus (?) hac sua personali recognitione ad praemissa mediante.

Ex actis castrensibus Callissiensibus extractum.

(-) Czyzewski

L S”

Quod quidem originale idem offerens denuo ad se recepit et cancellariam nostram quietavit.

Źródło: Gniezno wójtowskie, 1663-1749, protokół, APP sygn. I 88, s. 611