1589 Commenda Posnaniensis Wolski confertur

Commenda Posnaniensis Wolski confertur.

Sigismundus tertius etc. Significamus etc. Quod cum generosum Stanislaum Soboczki commendatorem Posnaniensem nostrumque lectistratorem inopinatus ac idem acerbus ex hac vita casus eripuisset, idque beneficium commendae Posnaniensis ordinis sancti Joannis Equitum Hierosolymitanorum a maioribus nostris praestanti virtute viris constitutum eo defuncto conferendum nobis esset alteri, qui vitae actionumque suarum pulchritudine et dignitate dignum eodem se praestitisset, faciendum nobis esse duximus, ut illud generoso Nicolao Wolski de Podhaycze [k. 651] Regni nostri Poloniae ensifero capitaneoque Krzepicziensi conferremus, ei scilicet viro, qui vetustum familiae splendore [!] virtute propria eximie tueatur summorum in Republica virorum maiorum suorum insistens vestigiis ad Rempublicam quandoque consilio operaque iuvanda praeclare sese comparet multorum iam moribus et institutis cognitis ac in variis et regionibus et aulis, non vulgari percepto prudentiae usu, sitque praeterea instructus eximia magnitudine animi, militari virtute atque, quod ipsa commenda Posnaniensis vetusta poscit, institutio summa in religione catholica, quae a tota ipsius familia perpetuo studio culta fuit constantia, et ita in aula nostra versetur, ut vitae morumque dignitate ac bene de nobis merendi studio nobis sese carum et iucundum efficiat.

Ei itaque commemoratam Posnaniensem commendam pro iure nostro regio praesentibus literis nostris damus et conferimus cum omnibus ad eam spectantibus bonis et possessionibus, eorumque fructibus, commodiis, reditibus, censibus, emolumentis ac utilitatibus universis, nullis exceptis, ab eo tenend(i), habend(i) et possidend(i) toto vitae suae tempore aut donec diversum ab huius beneficii ratione vitae statum ingressus non fuerit.

Quod universis et singulis quorum interest, nominatim porro reverendo in Christo patri domino Lucae a Kosczielecz episcopo Posnaniensi et venerabili capitulo Posnaniensi, praesentibus literis nostris notum facimus mandando, ut ab eo tempore ipsum generosum Nicolaum Wolski pro vero et legitimo commendatore Posnaniensi recipiant, habeant et agnoscant, eique de loco praerogativis ac caeteris rebus omnibus veteri more et instituto commendatori Posnaniensi debitis respondeant et responderi curent ab omnibus quorum interest, pro gratia nostra juribus nostris regalibus et Reipublicae in eiusdem commendae bonis salvis permanentibus. In cuius fidem etc.

Datum Revaliae die undecima mensis [k. 651v] Septembris anno Domini millesimo quingentesimo octuagesimo nono, Regni nostri secundo.

Sigismundus rex.

Or.: Metryka Koronna, Inscriptiones et privilegia sub eodem Sigismundo III..., 1588-1590, AGAD sygn. MK 135, k. 650v-651v.

Opis AGAD: Rewal, 1589.09.11. Król nadaje Mikołajowi Wolskiemu z Podhajec, miecznikowi koronnemu, staroście krzepickiemu prebendę poznańską zakonu św Jana rycerza jerozolimskiego w dożywocie. Do tej pory trzymał ją zmarły Stanisław Sobocki, komendator poznański, łożny królewski. Podaje się do wiadomości biskupa Łukasza z Kościelca, biskupa poznańskiego i kapituły Poznania.

1867 Praesentatio AR. Szczygłowski per haeredissam loci

Celsissime Domine!	Wasza Ekscelencjo!
Vacat ad praesens ecclesia parochialis in Skoraszewice, decanatus Crobensis, post mortem admodum reverendi Francisci Xaverii Gołębecki, illius ultimi et immediati possessoris ante praedictam mortem, ad quam quidem ecclesiam ego pro jure suo, quod mihi ex haereditate bonorum competit, admodum reverendum Maximilianum Szczygłowski, apud ecclesiam parochialem in oppido Kobylin vicarium, mihi de vitae integritate, morum probitate ac scientia bene commendatum praesentandum duxi, prout irrevocabiliter praesento per praesentes, pro et cum eo rogando, quatenus Celsissimus et Excellentissimus ac Reverendissimus Dominus hunc praesentatum meum ad praefatam ecclesiam institutere dignetur, curam animarum, administrationem spiritualium et regimen temporalium rerum ipsi plenarie committendo.	Wakuje kościół parafialny w Skoraszewicach w dekanacie krobskim po śmierci przewielebnego Franciszka Ksawerego Gołębeckiego, jego ostatniego aż do śmierci rządcy. Zatem korzystając z prawa przysługującego mi jako dziedziczce dóbr, kandydaturę przewielebnego Maksymiliana Szczygłowskiego, wikariusza przy kościele parafialnym w miasteczku Kobylin, poleconego mi z uwagi na jego nieskazitelne życie, prawość obyczajów i umiejętności, uznałam za właściwe dla tego kościoła przedłożyć, jako i nieodwołalnie prezentuję go niniejszym, prosząc dla niego i wraz z nim, aby Wasza Ekscelencja raczył tegoż przeze mnie prezentowanego ustanowić przy wspomnianym kościele, powierzając mu duszpasterstwo oraz pełną władzę w sprawach duchowych i doczesnych.
In quorum fidem praesentes manu propria subscriptas sigillo meo gentilitio communiri feci.	Co dla wiary ręką własną podpisane, pieczęcią mą rodową rozkazałam opatrzyć.
Dabam in villa Skoraszewice die 22 Julii 1867.	Wydałam we wsi Skoraszewice dnia 22 lipca 1867.
(-) Ludwika z Bojanowskich Węsierska. (-) Antoni Węsierski.	(-) Ludwika z Bojanowskich Węsierska. (-) Antoni Węsierski.

Or.: Parafia Skoraszewice, Akta tyczące się obsadzenia beneficjum..., [1855] 1867-1899, APL sygn. 8, nlb.

Prezenta ks. Maksymiliana Szczygłowskiego (1839-1899), wikariusza kobylińskiego, na beneficjum w Skoraszewicach.

1510 Ex Libro Beneficiorum extractum

Capitulum ecclesiae cathedralis Posnaniensis

Significamus universis et singulis quorum interest vel interesse poterit. Quia nos ad requisitionem partis proventus ecclesiae parochialis in Gorka Lubińska, ex Libro Beneficiorum de anno 1510 dioecesis Posnaniensis in archivo nostro circa ecclesiam cathedralem Posnaniensem asservari solito, transcribi, transsumi et in forma probanti extradi mandavimus. Cujus tenor sequitur estque talis:

„Gorka abbatis Lubinensis ecclesiae [!] tituli sancti Michaelis Archangeli. Habet mansum proprium scultetiae unius cum medio mansi, duodecim mansi possessionati et quinque deserti. In villa Targowisko ejusdem domini abbatis sunt octo mansi possessionati, nulla ibi est decima. Scultetiae tres cum medio mansi divisi inter scultetos, sed unus desertus. Villa Woliszewo haeredis [?] continet quatuor mansos cum una quarta, et quatuor mansi deserti cum quarta, ibi solvunt unam marcam loco decimae suo plebano. In his villis missalia habet plebanus.”

Ex praeallegato Libro Beneficiorum dioecesis Posnaniensis extractum.

(-) Antonius Cudniewicz apostolicus et ejusdem capituli notarius ac prosecretarius.

Kop.: Parafia Górka Duchowna, AAP sygn. PM 091/01, s. 67 (kopia odpisu).

Uw.: Odpis z końca XVIII wieku (brak daty), kopię odpisu wykonał Roman Kamolski, benedyktyn (prob. górecki przed 1794 – 1801).

Odpis z księgi uposażeń diecezji poznańskiej z 1510 roku, obejmujący dochody kościoła w Górce Duchownej. Liber beneficiorum biskupa Lubrańskiego przechowywano wówczas w archiwum kapituły, przy katedrze poznańskiej, dlatego odpis wystawił ks. Antoni Cudniewicz, notariusz i prosekretarz kapituły.

1767 Resignatio parochi Srebrnogorcensis

Anno Domini 1767, die 7 Junii.

Inventarium suppellectilis ecclesiae parochialis in Srebrnegorki in visitatione generali conscriptum.

[lista sprzętów kościelnych w języku polskim] [s. 26]

Suppellex ad altare sancti Bennonis spectans.

[lista sprzętów kościelnych w języku polskim] [s. 27]

Inventarium locale et oeconomicum.

Modernus parochus recepit boves quatuor, juvencos duos, vaccas quatuor, equos tres, oves sexdecem, anseres septem, sues septem, galinas tres, currum unum bonum, aratra duo cum jugis, semiaratra quatuor, sed illud non conservat, ob malam administrationem rei oeconomicae.

Decretum reformationis.

Quamvis reverendus parochus assequendo per canonicam institutionem istud beneficium noverit se, non tantum ecclesiam in sartis tectis conservare, ejusque decorem internum procurare, verum etiam rem oeconomicam diligenter administrare, meliori bono aedificiorum plebanalium, ruinisque illorum, si quae essent reparandis prospicere, obligationem contraxisse; ipse tamen omnium immemor, se in promovendo cultu divino et procurando decore ecclesiae conservationeque illius et aedificiorum plebanalium in sartis tectis remissum, in administranda oeconomia per viginti sex annos possessionis suae prorsus negligentem exhibendo, ecclesiae in tectis, parietibus, fundamentis desolationem et eversionem sepimentorum coemeterii causasse, residentiam, stabula, caulas, ovile, hollodia, domunculas duas inquilinorum plebanalium ad tam extremam ruinam et pessimum statum devenire, agros steriliscere permisisse inventus, ut vix vestigia et rudera eorum sint relicta. Ipseque parochus non habeat ubi caput reclinet, nisi pauperes ex hospitali per haeredem aedificato, quod ad praesens inhabitat, expulisset.

Quapropter cum ob tantam ecclesiae, aedificiorum, agrorum et totius status beneficii abominabilem desolationem idem parochus ante aliquot annos, ut praefertur, existat in reverendissimo officio generali Gnesnensi canonice monitus et incorrigibilis hucusque permanet, jure merito amotioni ab hocce beneficio se obnoxium exhibuisse deprehendatur, totum igitur respectu praefatae desolationis totius beneficii et ecclesiae negotium, pro cognitione et decisione ad ipsummet celsissimum reverendissimum dominum loci ordinarium remittitur.

Nihilominus, ne praesens visitatio suo censeatur frustrata effectu, notitia reformando non ad sequentes articulos congesta decernitur:

1mo.

Cum quivis parochus ex officio suo sit jure divino obligatus populum sibi commissum pabulis verbi divini salutaribus pascere, docendo eos, quae omnibus scire necessarium est ad salutem annuntiandoque illis vitia quae eos declinare et virtutes quas sectari oporteat, juxta methodum in litera pastorali Łubieniana sub articulo septimo praescriptam singulis diebus dominicis catechismi, in festis vero doctrinae spirituales praedicentur. Neosponsi in matrimonium non copulentur, donec articulorum fidei [?] [s. 28] tam necessitate medii ad salutem quam necessitate praecepti scitu necessariorum bene gnari per examen inveniantur. Vespera, matutina, missae parochiales diebus dominicis et festis in cantu celebrentur, datur enim beneficium propter officium.

2do.

Sacer apparatus usu attritus restauretur ac suppellex ad ministerium altaris necessaria in debita integritate et munditie conservetur, quia grave absurdum est sordes in sacris negligere quae dedecerent in profanis. Et ne sepulchra fidelium ab animalibus infestentur, parochianos ad sepiendum coemeterium invitet et compellat. Campanile et ecclesia in tectis restaurentur. Beneficiatus quivis jure disponente bona sibi commissa in statu integro conservare obligatur, ad reaedificanda aedificia plebanalia gratia et subsidium, tum a magnifica patrona suae ecclesiae, tum ab aliis dominis parochianis suppliciter implorentur.

Reliqua omnia, quae in litera pastorali de cura animarum officio parochi ex sacris canonibus, concillis, constitutionibus synodalibus compendiose sunt congesta et salubriter praescripta, observentur. Proventus retenti, alienata prata recuperetur. Insuper reverendus modernus parochus, cujus filiastrae ex scrutiniis vitam sexto praecepto contrariam in domo plebanali ducere adinventae totique parochiae scandalum praebere compertae, easdem, antequam beneficium resignabit, ab actu decreti praesentis in spatio trium dierum idque sub poenis ad arbitrium officii irrogandis removeat.

Quandoquidem idem reverendus Byszewski spectata sua decrepita senectute, tum inhabilitate ad administrandam oeconomiam, ex cujus inhabilitatis causa omnia aedificia desolata et solo aequata, agri inculti, steriles et non conseminati jacent, submisit se in praesenti visitatione, praesentibus admodum reverendo Stanislao Zakrzewski, magnifico Josepho Radziminski dapiferida Nurensi, generoso Stanislao Leszczynski oeconomo magnificae Bojanowska testibus, suum beneficium coram actis reverendissimi officii resignaturum, idcirco ex causis praemissis, ne et ecclesiae et beneficii miserabilis status penitus et ex toto desoletur, idem parochus ad parendum intra spatium unius mensis ab actu decreti suae submissioni adstringitur, alias super praemissis citandus prout etc. decreti praesentis robore.

[odręczna notatka wizytatora:]

Contestatur gratitudo religioso Leopoldo patri Ordinis Calceatorum Carmelitarum pro attentione ac procuratione devotionis in hac eclesia [...] cura multa acceperat [?] huic [?] eclesiae et vel maxime ob promotionem cultus et devotionis sancti Benonis, cujus singularis promotor iste pater in actu visitationis adinventus. Quapropter quoadusque in hoc loco existerit, recommendatur ipsi persistere [...] in hoc addictione hujus ecclesiae et ei praestet sua obsequia usque ad ultimum suae residentiae, sperans se in coelis mercedem recepturum.

(-) Antonius Wyczałkowski canonicus metropolitanus Gnesnensis, visitator generalis delegatus [?] [s. 29]

Post liberam resignationem praesentis beneficii Srebrnogorcensis per admodum reverendum Josephum Byszewski, illius ultimum et immediatum possesorem, officiose factam, legitime praesentatus et institutus est ad hocce beneficium admodum reverendus Martinus Małkowski curatus Jaktoroviensis, notarius decanatus Łeknensis, quem cum debitis solemnitatibus ego infrascriptus [in?] praefatam ecclesiam Srebrnogorcensem introduxi. Post introductionem vero descendendo ad descriptionem inventarii tam ecclesiastici quam plebanalis, calculusque [?] invenitur et quidem inventarium suppellectilis ecclesiae repertum est totum, quale est immediate per visitationem generalem descriptum et subscriptum, locale vero sequens reperitur. Boves quatuor, juvenci duo, vaccae duae, equae duae, senex una altera juvenis, anseres septem, sues tres, porcelli quatuor, gallinae duae, aratrum unum cum duobus jugis.

Quae omnia praemissa per nos decanum et vicedecanum Łeknenses infrascriptos tradita et per modernum admodum reverendum Małkowski curatum Srebrnogorcensem fideliter recepta.

Datum in Srebrno Gorki anno Domini 1767, die nona mensis Septembris.

(-) Josephus Kasprowicz decanus Łeknensis, curatus Samoklęscensis, mp.

(-) Stanislaus Zakrzewski vicedecanus, curatus Pangrodzensis, mp.

(-) Martinus Małkowski curatus Srebrnogorcensis, decanatus Łeknensis notarius, mp.

Źródło: Parafia Srebrna Góra, Liber baptizatorum 1756-1781, AAG AP 142 sygn. 1, s. 25, 26, 27-29.

Wizytacja Antoniego Wyczałkowskiego, kanonika metropolitalnego gnieźnieńskiego, zastała kościół i całe beneficjum w Srebrnej Górze w opłakanym stanie. Budynek kościelny zaniedbany, parkan wokół cmentarza przewrócony, plebania, zabudowania gospodarcze, domki dwóch komorników plebańskich, inwentarz – wszystko w ruinie. Role leżą odłogiem. Zarządzający od 26 lat parafią ks. Józef Byszewski, staruszek, mieszka w postawionym przez dziedzica przytułku dla ubogich. Kilka lat temu otrzymał upomnienie od konsystorza, ale się jemu nie podporządkował.

Dalej w dwóch punktach zebrano wskazania duszpasterskie: o potrzebie nauk katechizmowych dla wiernych i egzaminie z katechizmu dla narzeczonych. W niedziele i święta należy śpiewać mszę, jutrznię i nieszpory. Szaty liturgiczne kościoła w Srebrnej Górze są tak postrzępione i brudne, że ubiór w tym stanie nawet na użytek świecki wstyd by było założyć. Środków na naprawę kościoła i budynków plebańskich szukać należy u patronów kościoła i zamożniejszych parafian. Proboszcz ma się dopomnieć o zaległe prowizje od legatów, ma też odzyskać utracone łąki należące do beneficjum. Na plebani mieszkają siostrzenice księdza proboszcza prowadzące życie wbrew szóstemu przykazaniu – należy je stamtąd wydalić.

Podczas wizytacji, w obecności ks. Stanisława Zakrzewskiego wicedziekana łekneńskiego, Józefa Radzimińskiego stolnikowicza nurskiego oraz Stanisława Leszczyńskiego ekonoma wielmożnej pani Bojanowskiej, proboszcz zobowiązał się do ustąpienia z beneficjum.

Wizytator składa podziękowanie ojcu Leopoldowi, karmelicie trzewiczkowemu (zapewne kapelanowi dworskiemu), za prowadzenie nabożeństw, szczególnie ku czci św. Benona. Poleca mu dalszą troskę o kościół.

Po rezygnacji księdza Byszewskiego, beneficjum otrzymał ks. Marcin Małkowski, dotychczas proboszcz w Jaktorowie i notariusz dekanatu łekneńskiego. Po uroczystym wprowadzeniu nowego proboszcza przystąpiono do spisania inwentarza w obecności ks. Józefa Kasprowicza dziekana łekneńskiego, proboszcza w Samoklęskach oraz wspomnianego wyżej ks. Stanisława Zakrzewskiego.

1462 Collegium Mansionariorum in Kozmin instituitur

Anno D. 1462. Die Mercurii decima Mensis Martii, hora tertiarum vel quasi in Oppido Dolsko Posnaniensis Diaecesis in curia episcopali in stuba alba majori in eadem curia sita

Reverendissimus in Christo pater et Dominus Dominus Andreas Dei gratia Episcopus

ad instantes petitiones Magnifici Domini Hincza de Rogow Castellani sandomiriensis pro augmento Divini cultus Collegium Mansionariorum in Ecclesia parochiali sancti Laurentii in Kosmin in honorem omnipotentis Dei et assumptionis Beatae Mariae Virginis gloriosae et sancti Laurentii creavit, errexit et fundavit, unumque praepositum in proventibus omnibus et singulis dictae Ecclesiae quos Plebani a fundatione ipsius Ecclesiae recipiebant et sex mansionarios, quemlibet in sex marcis mediorum grossorum census annui instituit et creavit. Curam animarum et administrationem spiritualium et temporalium ipsius Ecclesiae Praeposito duntaxat committens. Ita tamen quod ipse praepositus cum dictis sex missionariis, horas beatae Mariae et missam de assumptione Beatae Mariae Virginis singulis diebus, die vero Dominico missam de sancta Trinitate, pro missa Beatae Virginis de mane cum eisdem horis Beatae Mariae annis singulis. Quilibet etiam ipsorum tam praepositus quam mansionarii praefati, duas missas in qualibet septimana, unam feria secunda pro peccatis, et aliam feria quarta pro defunctis Christi fidelibus legere debebit. Ad quod eos Dominus memoratus Episcopus reddidit obligatos conscientiam eorum in eo onerando, hoc etiam specialiter expresso, quod ipsi praepositus cum dictis mansionariis ad Ecclesiam praefatam semper superpeliciati incedunt et singulis processionibus intersint, eorumque alter cum communione ad infirmos, vel cum oleo sacro visitare sit adstrictus, residentiamque circa dictam Ecclesiam facere debeat personalem, et non nisi per se dictas missas et horas decantare teneantur, ipsamque praeposituram et dictas mansionarias pro monucularibus beneficiis instituit et ordinat. Juspatronatus vero dictarum praepositerae et mansionariorum memorato Domino Hincze de Rogowo et suis legitimis successoribus in Kozmin haeredibus duntaxat reservatur. Praesentibus ibidem Stanislao de Młyny Canonico Posnaniensi et Nicolao Plebano in Niegowo officialis Curzeleviensis, testibus circa praemissa vocatis et rogatis.

Źródło: Józef Łukaszewicz, „Krótki opis historyczny kościołów parochialnych, kościółków, kaplic, klasztorów, szkółek parochialnych, szpitali i innych zakładów dobroczynnych w dawnej dyecezyi poznańskiej”, tom II, Poznań, Nakładem księgarni Jana Konstantego Żupańskiego, 1859, s. 120

Na prośbę Hińczy z Rogowa, kasztelana sandomierskiego, ówczesnego dziedzica Koźmina biskup eryguje kolegium mansjonarzy. Każdy z sześciu mansjonarzy uposażony czynszem rocznym 6 grzywien półgroszy. Obowiązki: prepozyt wraz z mansjonarzami mają śpiewać codziennie oficjum o NMP i mszę o Wniebowzięciu NMP, w niedzielę zaś mszę o Trójcy Świętej. Ponadto każdy z księży ma odprawiać po 2 msze czytane tygodniowo: jedną w poniedziałek za grzechy, drugą w środę za zmarłych chrześcijan. Do tego odpowiedni ubiór w kościele (superpeliciati - w komży?), obecność na procesjach, rozdzielanie Komunii chorym i Ostatniego Namaszczenia. Nie mogą się wyręczać innymi kapłanami. Prawo patronatu zastrzega się dziedzicom miasta.

Jak zwykle u Łukaszewicza, wątpliwe lekcje: missionariis, praepositerae.

1811 Resignatio Beneficii Curati in villa Gora Decanatu Neomestensi

Copia Resignationis factae

Resignatio Beneficii Curati in villa Gora Decanatu Neomestensi, expedita Anno ab Incarnatione Christi Domini Millessimo Octingentesimo Undecimo, Coronatione vero Sanctissimi Domini nostri, feliciter moderni Pii VII Pontificis Maximi Decimo, Indictione Romana XIV, Die Octava mensis Julii.

Ad Officium et Acta praesentia Tabellionatus Publici Apostolici personaliter veniens AR Laurentius Kozierowski Ecclesiae Parochialis in villa Gora, Decanatu Neomestensi Curatus, mente et corpore sanus existens, produxit Literas ex Cancellaria Officii Generalis Curiae Episcopalis Posnaniensis, de data Poznan, die secunda mensis et anni currentium, ad Illustrem Magnificum Victorem Comitem Szołdrski Bonorum Gora cum attinentiis Haeredem, et Ecclesiae ibidem Patronum et Collatorem directas et expeditas, vigore quarum Literarum, dum et quando facultatem Resignandi suam Parochialem Ecclesiam, quam hucusque in dicta villa Gora regit et possidet, sibi datam coram me infrascripto notario, suo effectus mandandam debite et sufficienter probaverit, ad executionem earundem Literarum in termino hodierno procedi, cum eo, quo par est instantia postulavit. In Praesentia A:R: Matthaei Bomblewski Ecclesiarum Parochialium in Noskowo Curati, in Rusko Comendarii, tum Generosi Adalberti Szymanowski Bonorum praefatorum villae Gora Aeconomi, et aliorum bene multorum.

Et ego Adalbertus Suchowski Publicus Sacra Authoritate Apostolica Notarius, Pempoviensis Praepositus, visis et lectis ejusmodi Literis, habito etiam Partium consensu, nulla vero ex adverso contraventione audita, ante omnia ad perpendenda motiva et rationes sputandas, tum ad expediendum Resignationis actum me conferre proposui, uti etiam me contuli. Et protinus is idem A:R: Laurentius Kozierowski Curatus, procedendo ulterius, ad effectuandum, nempe praesens negotium, imprimis, tam prae senio quo atteritur, quam debilitate virium, cui evidenter subjacet, non amplius ad Regimen Ecclesiae et Beneficii, quibus hucusque praeerat, idoneum se, et habilem esse fassus et testatus est, eamque ob causam, praedictam Ecclesiam et Beneficium sponte, libere, simpliciter, pure, absque ullo pacto seu conditione, non in favorem tertii, sed directe in manus Illustris Patroni et Collatoris Supramemorati resignare. Iisdemque tum omnibus et singulis Redditibus, Censibus, Proventibus, Privilegiis, Titulis, Gratiis, oneribus ac Officiis Administrationem Spiritualium et regimen temporalium rerum concernentibus, nunc et in perpetuum, nullo sibi ad eandem Ecclesiam et Beneficium regressu vel ingressu servato, renuntiare intendit, et se plenarie determinat uti etiam Resignat, et irrevocabiliter renuntiat per Praesentes.

Et ego qui supra Notarius Apostolicus, determinationi ejusmodi insistendo, tam Resignationem praedictae Ecclesiae ac Beneficii, quam Renuntiationem eisdem acceptavi, Fidemque publicam facio, et ex Officio meo praesentibus declaro Ecclesiam Parochialem ac Beneficium in saepe dictis Bonis villae Gora situatum, hucusque per praelibatum A:R: Laurentium Kozierowski possessum, a termino hodierno in manus Illustris Collatoris, Comitis Szołdrski cum data? eidem venia et facultate alium pro jure suo ad eandem Ecclesiam nominandi Presbyterum, per toties dictum A:R: Kozierowski sponte, libere, simpliciter, et in perpetuum resignatum esse et existere, salva nihilominus de anno gratiae sibi Resignanti, pro hac sola vice et ultimario, competenti sorte, quam sibi Ille, actus praesentis vigore praecustoditam haberi intendit, et a qua recedere nequit.

Qui quidem Resignationis actus modo praemisso completus, Praesentibusque, quorum intererat perlectus, manibus eorum propriis subscriptus est, ut sequitur.

Laurentius Kozierowski mpp.

Matthaeus Bąblewski, Curatus in Noskowo, Commendarius in Rusko ut testis mpp.

Adalbertus Szymanowski, Aeconomus Generalis Bonorum Gora et aliorum ut testis manu propria

Adalbertus Suchowski, Notarius Apostolicus, Praepositus Pempoviensis mpp.

Tandem ego qui supra Notarius actus ejusdem extractum, in forma probanti confici et ad Illustrissimum Officium Generale Curiae Episcopalis Posnaniensis, intuitu ulterioris de taliter Resignato Beneficio obtinendae, cum eo quo par est Reverentia remitti feci anno, die, mense et in loco, quibus supra.

(-) A. Suchowski mpp.

LS

Ex Protocollo Notariatus Publici extractum et Sigillo ejusdem communitum testor.

(-) Adalbertus Suchowski, qui supra mpp.

Góra dek. Nowe Miasto, "Liber Baptisatorum" 1805-1835, AAP sygn. PM 090/05, f. 203

Rezygnacja plebana Góry z urzędu i beneficjum wobec notariusza apostolskiego spisana.

sputandas - ?

1725 Copia Provisionis inscribendae Vicario Parochialis Ecclesiae

Copia Provisionis inscribendae Vicario Parochialis Ecclesiae

Anno Domini 1725 Die Jovis septima mensis etc.

Coram Officio Actisque Praesentibus Consistorii Posnaniensis personaliter comparens Admodum Reverendus N. Parochus Ecclesiae N. Principalis palam sponte libereque verbisque disertis ac per expressum recognovit.

Quia ipse Venerabili N. Minorum Ordinum Clerico jam ex nunc de victu et amictu competenti ad Sacros Majores Ordines aspiranti ad extrema vitae ipsius tempora sive ad assecutionem pinguioris beneficii Ecclesiastici providit ipsique Vicariatum penes Ecclesiam N. inscripsit ac intuitu onerum in eadem Ecclesia sustinendorum Centum florenos Polonicales medietatem accidentium mensam quotidianam in vim solarii quotidianis se soluturum submisit et obligavit.

Qui Adm Rdus N. tenebitur? intuitu solarii et victus qualibet hebdomada absolvere duas obligationes ad int? Reverendi Provisoris. Matutinum Vesperas diebus Dominicis vel Festis Missas Conventuales cantare. Cathehismum et Conciones praedicare populo, infirmos visitare etc. etc. Quae omnia praesens suprascriptus Provisus suam hujusmodi Provisionem pro rato et grato acceptavit et omnibus obligationibus et oneribus ut supra parere? assecuravit.

Qui quod munus Vicariatus circa praedictam Ecclesiam N fideliter et diligenter obibit nec eandem Ecclesiam sine scitu et consensu Illustrissimi et Reverendissimi Domini Domini Loci Ordinarii Dioecesis Posnaniensis nunc et pro tempore existentis nisi post assecutionem alterius Beneficii Ecclesiastici deseret, Juramento corporali ad Sancta Dei Evangelia in forma juris praestito se obstrinxit et obligavit. Praesente N. et aliis Cancellariae scribis.

Ex Protocollo Actorum Perillustris et Admodum Reverendi Domini N. extractum sigilloque ejus communitum.

Źródło: Pogorzela, "Księga chrztów, ślubów i pogrzebów" 1674-1729, AAP sygn. PM 222/01, f. 275

Prowizja na wikariusza.