1556 Divisio prati inter Gregor Kossik et Chodila

Divisio prati inter Gregorium Kossik et Chodila

Coram officio consulari personaliter constituti et ad acta presencia famati domini consules Calissienses manifeste recognoverunt. Quia fecerunt divisionem prati inter Gregorium Kossik ex una et Paulum Chodila molitorem de Szaczino parte ex altera, quam divisionem predicti prati tenere debebunt et tenebuntur ac se presentibus inscribunt et obligant sub vadio decem marcarum peccuniarum per partem non tenentem prefatam divisionem ad solvendum succumbendo. Quam divisionem utraque pars actis connotari peciit, cui denegatum non est. Actum feria sexta ante festum sancti Jacobi Apostoli proxima [24 VII] 1556.

Or.: Kalisz radziecka, Liber pretorialis, 1547-1556, indukta, APP sygn. 7, s. 516.

Rajcy kaliscy składają relację z podziału łąki między Grzegorzem Kosik a Pawłem Chodyła młynarzem z Saczyna (ob. gm. Godziesze Wielkie).

1556 Concordia tubicinator cu Przibilo

Concordia tubicinatoris cum Przibilo

Coram officio et actis presentibus consularibus per dominos proconsulem et consules Calissienses nomine arbitrorum et litium compositorum facta est concordia et amicabilis composicio intra famatos Joannem Przibilo civem Calissiensem ex una et Michaelem tubicinatorem in turre Calissiensi partibus ex altera, occasione wlnerum sibi mutuo inflictorum, pro qua inflictione predictus Michael tubicinator, ex eo quod reus est inventus, paenam sessionis quatuor septimanorum in turre iuxta conventum sancti Stanislai sitte luere debebit: unam septimanam in inferiori parte turris, quam wylk wlgo appellatur, reliquis tribus septimanis in superiori parte turris eiusdem explere tenebitur, sub vadio centum florenorum consuetorum, omnes inimicicias, littes, odia, dissensiones intra eos mortificando et cassando atque [s. 521] in nihilum nunc et in posterum redigendo, sub simili vadio superius dicto.

Pro qua plenaria eiusdem tubicinatoris sessione famatus Stanislaus Qwassny civis Calissiensis fideiussit presentibusque fideiubet eum predictum tubicinatorem superiori inscripcioni satisfacturum, sub vadio simili centum florenorum in casu non satisfactionis premissis ad solvendum succumbendo. Quod pars utraque actis connotari peciit, cui denegatum non est. Actum actu quo supra.

Or.: Kalisz radziecka, Liber pretorialis, 1547-1556, indukta, APP sygn. 7, s. 520-521.

Ugoda między Janem Przybyłą mieszczaninem kaliskim a Michałem trębaczem na wieży kaliskiej w/s ran wzajem sobie wyrządzonych. Michał trębacz, jako uznany za winnego, winien odsiedzieć 4 tygodnie więzienia w wieży przy konwencie św. Stanisława w Kaliszu: 1 tydzień w tzw. „wilku” (niższa część wieży), 3 tygodnie w wyższej części wieży, pod zakładem 100 zł. Za wypełnienie tego warunku ugody ręczy Stanisław Kwaśny (Qwassny) mieszczanin kaliski pod takimże zakładem.

1556 Obligacio debiti aurifabri Jarski

Obligacio debiti aurifabri Jarski

Coram officio consulari personaliter constitutus famatus Joannes aurifaber civis Calissiensis per omnia sanus existens una cum honesta Anna coniuge sua legittima palam et manifeste recognovit

se teneri et debere recti, veri et liquidi debiti marcas viginti pecuniarum monete et numeri in terra currentis nobilibus Foelici Jarsky et Anne coniugibus in Sthaw degentibus, quas viginti marcas praefatas ipse Joannes aurifaber una cum coniuge sua ipsis nobilibus Foelici et Anne coniugibus prefatis inscribit et obligat in et super domo sua in platea Forthsska penes Mathie Roczen ex una et Pauli Lissek parte ex altera, pro festo Circumcisionis Domini proximo dare, solvere in effectuque et realiter reponere, sub vadio simili in casu non persolucionis pro tempore expresso in crastino succumbendo,

nullis iuris remediis, cautellis et quibusvis coloribus exquisitis evadendo, nihilque sibi in subsidium contra premissa accipiendo quoniam si ad omnia premissa libere una cum coniuge sua ipse Joannes submisit. Quam obligacionem prefati nobiles actis connotari pecierunt, quibus denegatum non est et memoriale officio solverunt. Actum actu quo supra.

Or.: Kalisz radziecka, Liber pretorialis, 1547-1556, indukta, APP sygn. 7, s. 514.

Jan złotnik, mieszczanin kaliski, z żoną swą Anną zobowiązuje się spłacić dług 20 grzywien NN. Feliksowi Jarskiemu i Annie w Stawie zamieszkałym, który to dług zapisuje im na domu swym przy ul. Forckiej, koło Macieja Roczen i Pawła Lisek.

1547 Nieniewo

Nieniewo

Veniens nobilis Anna Mienyschewska relicta olim nobilis Lucae Nyeniewski, nunc vero consors nobilis Andreae Sarnowski, habens penes se nobilem Casparum Mienyschewski fratrem suum germanum ad infrascripta consentientem, non compulsa etc. totam et integram summam dotis suae videlicet centum et decim florenos per triginita grossos computatos, monete et numeri Polonicalium, quam habet a nobili Luca Nyeniewski marito priori in et super bonis Maius et Minus Nyenievo in districtu Calissiensi omneque jus suum quod ipsi vigore praefatae reformationis quomodolibet competiit in praefatis bonis, dotalicium cum peccoribus, peccudibus et suppellectili domestica pro se reservando, nobili Andreae Sarnowski marito suo legittimo amore coniugali in eam [!] ductus [!!] et spe reformationis sibi ex nunc faciendae dedit, donavit, inscripsit et iuxta terrae consuetudinem inperpetuum resignavit, per ipsum etc.

Or.: Pyzdry Z. 18, rezygnacje/indukta, 1547-1589, k. 4.

Dworzaczek:

Grodzkie i ziemskie > Pyzdry > Część 2

11 (Pyzdry 31) 1547

Nob. Anna Mieniszewska wdowa po zm. Łukaszu Nieniewskim obecnie zaś żona Andrzeja Sarnowskiego w towarzystwie Kacpra Mieniszewskiego brata swojego rodzonego cały posag swój 110 złp. który otrzymała tyt. sprawy od Łukasza Nieniewskiego, pierwszego męża, zapisany na dobrach Większe i Mniejsze Nieniewo pow. Kalisz, rezygnuje na rzecz nob. Andrzeja Sarnowskiego, swojego małżonka (f. 4)

Acta Castrensia:

W regeście literówka: sprawy zamiast oprawy.

1584 Resigno sortis domus D. Zeronski

Continuatio iudicii banniti ordinarii feria sexta proxima post festum Visitationis Beatissimae Virginis Mariae [6 VII] anno Domini 1584. [s. 166]

Resignatio sortis domus domini Zeronski

Coram iudicio bannito ordinario civitatis Calisiensis personaliter comparens nobilis Mathias Pawlowski, tanquam plenipotens authenticus, apud officium et acta castrensia Calisiensia institutus, magnifici Raphaelis a Lieszno castellani Srzemensis, de qua plenipotentia fidem fecit et eam ad inserendum dedit, sanus mente et corpore existens, sponte et palam nomine eiusdem principalis sui in perpetuum resignavit et resignat praesentibus totam et integram sortem domus eiusdem principalis sui, in civitate Calisiensi prope ecclesiam Beatae Mariae Virginis, ex opposito collegii Societatis Jesu et penes plateam ex platea Thorunensi ad vicum quo ad eandem ecclesiam Divae Virginis Mariae itur transversam ex una et aream desertam domini praepositi ecclesiae praefatae in ingressu cemiterii aedis praedictae acialiter sitae, areaeque illius in qua sita est, quae sors domus et areae praefatae principalem suum iure eius concernit hactenusque per eum pacifice tenta et possessa fuit,

nobili Martino Zeronski notario castrensi Calissiensi et eius successoribus dono perpetuo et irrevocabili, cum omni iure, dominio et proprietate, utilitatibus, usibus fructibus emolumentisque universis, ac ita late, longe et circumferentialiter, quemadmodum principalis suus habuit et possedit, nihil iuris, dominii proprietatisque ipsi principali suo et eius successoribus reservando, per eundem Martinum Zeronski ipsam sortem tenendi, habendi, possidendi, donandi, commutandi, alienandi et ad usus suos suorumque successorum beneplacitos libere convertendi, sine cuiusvis hominis impedimento.

Cuius quidem plenipotentiae ex actis castrensibus Calisiensibus depromptae tenor de [s. 167] verbo ad verbum sequitur estque iste:

„Actum in castro Calisiensi feria tertia in crastino festi Visitationis Beatae Mariae Virginis [3 VII] anno Domini millesimo quingentesimo octuagesimo quarto.

Comparens personaliter coram officio et actis praesentibus castrensibus Calisiensibus magnificus Raphael a Lieszno castellanus Srzemensis, a terris, palatinatibus, districtibus iureque suo terrestri in quibus possessionatus est recedendo et se cum infrascriptis bonis suis huic capitaneali castrensi Calisiensi iurisdictioni quo ad actum praesentem submittendo et incorporando, mente corporeque sanus, palam ac manifeste recognovit.

Quia in suum verum et indubitatum plenipotentem ac mandatarium nobilem Mathiam Pawlowski constituit et solenniter ordinavit uti quidem constituit et ordinat praesentibus, idque ad donandam et resignandam in perpetuum sortem suam domus suae in civitate Calisiensi prope ecclesiam Beatae Mariae Virginis ex opposito collegii Societatis Jesu Calisiensis et penes plateam ex platea Thorunensi ad vicum quo ad eandem ecclesiam Divae Mariae itur transversam ex una et aream praepositi ecclesiae eiusdem Divae Mariae iacentis,

nobili Martino Zeronski notario castrensi Calisiensi dono perpetuae et irrevocabilis donationis titulo donat(am), cum omni iure, dominio et proprietate, omnibus utilitatibus, usibus fructibus emolumentisque universis, ita etiam late, longe et circumferentialiter prout sors domus praefatae eiusdem magnifici in suis metis et limitibus ex antiquo consistit, nihil omnino excipiendo neque pro eodem magnifico aut eius successoribus reservando.

Quam resignationem seu donationem idem Mathias Pawlowski eidem Martino Zeronski hinc in primo et proximo iudicio civili advocati bannito proxime et immediate celebrando virtute plenipotentiae praesentis libere et absque omni contradictione expedire poterit. Promittens praefatus magnificus, quod eam resignationem gratam ratamque habebit et successores sui ratam habebunt in perpetuum, non secus atque [s. 168] per ipsum solummet magnificum recognita esset.

Ex actis castrensibus Calisiensibus extractum.”

Iudicium bannitum ordinarium, quod de veteri et in hac civitate observata consuetudine feria sexta post festum sancti Michaelis Archangeli [5 X] anno praesenti celebrari debebat, propter nondum finita in praetorio Calisiensi iudicia terrestria Calisiensia ea die celebratum non est. Nihilominus iuridice resignationes haereditatum, inscriptiones donationum et omnium obligationum contractuumque ad unius quindenae spacium in iudicium particulare, in eodem robore et vigore per dominos proconsulem et consules, advocatum et scabinos, transpositae sunt, id quoque per bedelli iurati publicam proclamationem omnibus quorum interest publicando et ad notitiam deducendo.

Or.: Kalisz wójtowska, Liber resignationum, reformationum etc., 1578-1619, indukta, APP sygn. 45, s. 165-168.

Rafał z Leszna Leszczyński kasztelan śremski darowuje N. Marcinowi Żerońskiemu pisarzowi grodzkiemu kaliskiemu dział swego domu wraz z częścią jego placu, w Kaliszu przy kościele NMP, naprzeciwko kolegium jezuitów. Dom położony pomiędzy ulicą łączącą ul. Toruńską z uliczką którą idzie się do tegoż kościoła NMP a pustym placem prepozyta tegoż kościoła, przy wejściu na cmentarz tegoż kościoła.

Powzdanie w imieniu kasztelana zeznał N. Maciej Pawłowski, którego plenipotencję w niniejszym zapisie oblatowano.

Pod zapisem powzdania notatka o przełożeniu posiedzenia sądu wójtowskiego. Sąd wielki nie mógł się zebrać w tradycyjnym terminie w piątek po św. Michale (w owym roku 5 października), jako że w ratuszu kaliskim nie zakończono jeszcze obrad sądu ziemskiego. Przeto zeznania transakcji przeniesiono o 2 tygodnie na sąd powiatkowy, co obwieścił woźny.

1583 Poswa, Regina uxor, mutua dnato

Poswa, Regina uxor, mutua donatio

Ibidem personaliter constituti honesti Baltassar Poswa et Regina coniuges cives Calisienses mente ac corpore sani existentes, publice ac per expressum recognoverunt; praefatus quidem Baltassar per se, at dicta uxor eius per famatum Laurentium Suchorski civem Calisiensem tutorem suum ad id specialiter officiose assumptum, consentiente nihilominus praefato marito suo.

Quia bona sua omnia et singula, mobilia et immobilia, haereditaria seu etiam laboribus acquisita, quae scilicet nunc habent posteaque habituri sunt, mutuo ex consensu suo, in vicem sibi, vice alterius ad alterum versa, ad extrema vitae tempora donaverunt, inscripserunt et in perpetuum resignaverunt, ut quidem et praesentibus donant, inscribunt et in perpetuum resignant, omnes amicos suos et affines in gradu quovis sive illo proximiori sive remotiori existentes a praefatis bonis suis habitis et habendis alienando et in perpetuum removendo.

Quod quidem fecerunt faciuntque tali modo, ut si alterum eorum prius quam alterum mori contigerit, ille qui superstes manserit bona praefata omnia in suam posessionem perpetuam accipiat illisque ut voluerit utifruatur, excipiendo tamen id quod utique quisque pro amicis suis propinquioribus relinquat de bonis eisdem marcas duas peccuniae, quas ille, qui superstes extiterit in vita super alterum, amicis demortui numerare dareque tenebitur, et hoc ubi primum ab eis caussa [!] earum requisitus fuerit.

Ac eam mutuam sibi bonorum donationem judicium praesens suscipiens, ad petita [s. 128] eorundem coniugum actis praesentibus commendarunt praefatis coniugibus solidantibus.

Or.: Kalisz wójtowska, Liber resignationum, reformationum etc., 1578-1619, indukta, APP sygn. 45, s. 127-128.

Wzajemna darowizna Baltazara Powszy i jego żony Reginy, mieszczan kaliskich.

1582 Sulimowska Stanisławsk. resgnt

Judicium magnum ordinarium die postera festi sanctorum Apostolorum Simoni et Judae [29 X] simul cum suo particulari judicio ex transpositione ipsius judicii magni de die sua feria sexta post festum sancti Michaelis Archangeli proxima [5 X], in quam de consuetudine loci et civitatis huius deveniebat, idque propter festum Hedvigis sanctae et electae [15 X] in eandem feriam sextam ex correctione calendarii per sanctissimum dominum dominum papam Gregorium XIII facta interveniens bannitum et celebratum per spectabiles viros: Albertum chaldeatorem subdelegatum, Vincentium sartorem, Mathiam Przibelo, Paulum Krupka cives et scabinos juratos Calisienses anni praesentis 1582 officio suo praesidentes. [s. 117]

Sulimowska Stanisławskiemu resignat

Coram judicio magno bannito personaliter comparens famatus Joannes Chrzan civis Calisiensis tanquam plenipotens nobilium Barbarae Sulimowska et Alberti Sulimowski, nobilis olim Nicolai Sulimowski viduae atque filii relictorum, de cuius plenipotentiae munere ex actis officii advocatialis Calisiensis judicio indubiam fecit fidem, eodemque mandatario nomine sanus per omnia existens sponte in perpetuum resignavit et actu praesenti resignat eorundem principalium suorum domum propriam, iacentem hic Calisiae in platea Thorunensi penes domos Alberti ferrifabri et olim Andreae sutoris haeredum civium Calisiensium per contiguitatem partibus ab utrisque, pro marcis sexaginta quinque numeri et monetae Polonicalis, quamque marcam per grossos quadraginta octo numerando, venditam,

cum omni jure, dominio et proprietate, ita late, longe et circumferentialiter prout in suis metis ab antiquo constitit atque etiamnunc consistit, et quemadmodum eandem ipsi principales sui habuerunt et tenuerunt in posessione sua, nihil juris, dominii et proprietatis pro iisdem principalibus atque eorum successoribus ibidem prorsum reservando et relinquendo,

famato Laurentio Stanisławski civi Calisiensi et praefatae domus emptori, per ipsum atque successores eius omnes legittimos eandem domum in posessionem suam accipiendi, habendi, tenendi, vendendi, donandi et pro libitu suo in usus quosvis vel quocunque modo convertendi.

Recognoscens insuper idem plenipotens dictos principales suos ab eodem emptore domus percepisse marcas triginta peccuniae primae de summa principali rathae, de quibus eundem in contractu de praemissis inter eos inito quietaverunt atque nunc quietant in perpetuum.

Quam resignationem et quietationem praefatus Laurentius Stanisławski pro grato et rato suscepit libroque praesenti conscribi fecit. Actum ut supra.

Or.: Kalisz wójtowska, Liber resignationum, reformationum etc., 1578-1619, indukta, APP sygn. 45, s. 116-117.

Barbara Sulimowska wd. po N. Mikołaju Sulimowskim oraz Wojciech syn tegoż sprzedają dom swój w Kaliszu przy ul. Toruńskiej stojący przy domach Wojciecha kowala i dziedziców Andrzeja szewca, za 65 grzywien, Wawrzyńcowi Stanisławskiemu mieszczaninowi kaliskiemu.

Zapis zawiera wzmiankę o rychłym przyjęciu przez Kalisz kalendarza gregoriańskiego. Sąd miejski sprawowano tu zwyczajowo w piątek po świętym Michale, który w 1582 roku przypadł 5 października (wg starego kalendarza). Ponieważ wskutek reformy kalendarza po 4 października (czwartek) nastąpił od razu piątek 15 października, z uwagi na przypadające tego dnia święto św. Jadwigi przesunięto obrady sądu na dzień po śś. Szymonie i Judzie tj. 29 października.

Jako subdelegat w sądzie zasiadł Wojciech kotlarz (chaldeator).