1604 Inter Burnowska et Szadkowskiemi

Inter Burnowska et Szadkowskiemi

In causa et actione judiciaria per nobilem Barbaram Grobowska nobilis Lucae Burnowski consortem cum eiusdem mariti sui assistentia actricem nobilibus Bartholomeo et Samueli Sadkowskim [!] fratribus germanis, olim nobilis Andreae Szadkowski filiis, in judicium praesens secundo post poenam contumaciae citatis iudicialiter instituit citatione huiusmodi:

„Sigismundus tertius Dei gratia rex Poloniae etc. vobis nobilibus Bartholomeo et Samueli Sadowskim [!] fratribus germanis, olim nobilis Andreae Sadkowski [!] filiis et successoribus legitimis, de bonis vestris omnibus in vos post praedictum parentem vestrum devolutis mandamus, ut coram judicio nostro terrestri Calissiensi in judiciis nostris terrestribus particularibus Calissiensibus exnunc Calissiae proxime et immediate cellebrandis personaliter et peremptorie compareatis ad instantiam nobilis Barbarae Grobowska nobilis Lucae Burnowski consortis. Quae te [!!] cum assistentia eiusdem mariti sui citat secundo post poenam contumaciae super te [!!] in proxime praeteritis terminis terrestribus particularibus obtentam iuxta suam citationem, qua te [!!] citaverat pro eo.

Quia vos ipsi de bono esse non vultis neque curatis exolvere centum florenos [k. 209] peccuniae, quos eadem actrix praedicto olim parenti vestro in mutuum ad verbalem illius postulationem dedit et quos centum florenos tam vester parens dum in vivis erat quam et vos post decessum illius verbo nobili ac militari multoties reddere promisistis ac in hucusque exolvere non desinitis non tamen exolvere vultis in grave damnum ipsius actricis.

Quod sibi contra vos pensat ad alios centum florenos peccuniae damnique ad totidem vel prout judicium nostrum in praemissis decernet ad haec et ad alia latius vobis in termino futuro declaranda sitis iudicialiter responsuri.

Datum Calissiae, feria secunda ante festa sollenia Sacri Pentecostes proxima [31 V] anno Domini millesimo sexcentesimo quarto.”

Judicium praesens terrestre Calissiense ex iudicialibus partium earundem, actoris personaliter, citatae vero per nobilem Adrianum Radliczki, controversiis in praemissis factis, iis tamen ad acticandum ultra debitum tempus non porrectis, quia id onus etiam in successores derivatur et citati etiam promissi sui arguuntur, ideo reiectis eorum exceptionibus eisdem in causa praesenti ulterius iure mediante procedere decrevit. Quod decretum citati pro iure non susceperunt, verum ab eo generosum Joannem Izdbinski de Rusiecz judicem terrestrem palatinatus Calissiensis per honestum Stanislaum de Srzem ministerialem terrestrem judicio astantem ad judicia ordinaria generalia Tribunalis Regni Petricoviensis terrarum Maioris Poloniae iuxta constitutionem conventus generalis Warsaviensis proxime et immediate Petricoviae cellebranda movit atque illi terminum ad detendendum hoc suum decretum coram praefato iudicio ordinario generali Tribunalis Regni, tunc quando causae et actiones <[...]> [k. 209v] pallatinatus Calissiensis per hoc idem judicium ordinarium Tribunalis Regni Petricoviensis primum et proxime decidentur et iudicabuntur, praefixit et assignavit. Cui motioni praefatus dominus iudex detulit ac eam suscepit.

In eis itaque judiciis ordinariis Tribunalis Regni Petricoviensis, ubi nimirum causae et actiones eadem [?] incident et devenient, partes praefatae cum judice moto habiturae sunt terminum peremptorium ad prosequendam eiusmodi motionem suam, tum ad procedendum [?] ulterius omniaque iuridice agente [?] in causa praesenti iuxta citationem actoris decretum prolatum motionem ab eo interpositam et susceptam, actaque causae huius omnia, salvo iure partium earundem.

Et hic ministerialis Regni generalis iudicio bene notus providus Adam Zdzarowski de Dzierbyno, sanus existens, publice ac benevole coram eodem iudicio recognovit se citationem literalem hanc ratione praemissorum emanatam feria sexta in crastino festi Ascensionis Domini in Coelum proxime praeterita [28 V] ad villam Dzierbino deportasse eamque in curia citati in mensa, praesente ipsomet citato, posuisse et publicatam reliquisse, quam suam rellationem actis praesentibus inseri petiit.

Or.: Kalisz Z. 114, dekrety/indukta, 1604-1605, k. 208v-209v.

Sprawa między Barbarą Grobowską ż. Łukasza Burnowskiego powódką a Bartłomiejem i Samuelem Szadkowskimi, braćmi rodzonymi, ss. olim Andrzeja, o spłatę 100 złp. ongiś pożyczonych Andrzejowi przez powódkę. Apelacja poprzez naganę sędziego (motio) do Trybunału Koronnego Piotrkowskiego. W zapisie zawarto treść pozwu.

1604 Zbikowski in lucro condtus

Zbikowski in lucro condemnatus

In termino hodierno ex vi limitationis in diem hodiernam legitime incidente et proveniente generosa Barbara de Korzkwy nobilis olim Joannis Skrzipinski primum, ad praesens vero generosi Chrisostomi Bielawski consors legitima, cum assistentia eiusdem mariti sui uti tutoris coniugalis ac supremi, actrix, nobilem Jacobum Zbikowski nobilis olim Joannis Zbikowski filium ad judicium praesens terrestre [k. 217v] Calissiense secundo post poenam contumaciae citatum pro eo. Quia ille florenos triginta, quemlibet per grossos triginta computando, pecuniae Polonicalis consuetae, nomine ipsius apud laboriosum Albertum Jadamczik de Wola effideiussos ipsi ad manus pro necessitate illius traditos multotiesque verbo nobili ac militari per eum solvi promissos eidem actrici ac creditori praedicto Alberto Jadamczik solvere non vult neque curat, pensae ad alios triginta florenos pecuniae Polonicalis damnique totidem, limitatione ipsa de praemissis latius canente.

Per honestum Stanislaum de Srzem ministerialem terrestrem totius Regni judicio astantem quater de iuris forma ad judicium praesens clamato, non tamen per se nec per suum legitimum procuratorem comparentem, imo contumacem existentem, prout hoc ministerialis praefatus ius reddens et restituens coram eodem judicio ita esse recognovit, in lucro eiusdem suae totius et integrae causae suprascriptae admittente judicio eodem iudicialiter condemnavit iurique memoriale solvit.

Or.: Kalisz Z. 114, dekrety/indukta, 1604-1605, k. 217-217v.

W sprawie Barbary de Korzkwy wd. po Janie Skrzypińskim a teraz ż. Chryzostoma Bielawskiego, powódki, p-ko Jakubowi Żbikowskiemu s. olim Jana, o spłatę 30 złp. poręczonych u pracowitego Wojciecha Jadamczyka z Woli – wobec dwukrotnego nie stawienia się na rozprawie wyrok na korzyść powódki.

1604 Przyranski et Gronowski ltant

Przyranski et Gronowski limitant

Termini generaliter omnes omnium et singularum actionum iudiciariarum ex quibuscunque citationibus, concitationibus, adcitationibus, decretis, tam iuramentorum quam aliis terminorum conservationibus et aliis quibusvis gradibus iuris et litis pendentiae [?] ratione quarumcunque rerum et iniuriarum in diem hodiernam et terminos modernos devenientes tales quales hodie fieri debuerunt inter nobiles Joannem Prziranski ab una et Andream Gronowski ex altera partibus subditosque quosvis eorum utrinque actorem et reos infra hinc ad primos et proximos [k. 218v] terminos terrestres particulares Calissienses de consensu partium earundem suo et subditorum suorum nomine coram judicio praesenti comparentium, per hoc idem judicium limitanter prorogantur et in tali vigore et robore prout hodie fieri debuerunt continuantur.

In quibus quidem terminis abhinc Calissiae proximis habiturae sunt praenominatae partes terminos peremptorios tales quales hodie erant habiturae in eisdem causis et actionibus suis praefatis subditorumque suorum omnibus et singulis iuxta citationes, adcitationes, terminorum conservationes gradus, iuris et litis pendentiae praefatos [?] in praemissis existentes actaque causarum omnia latius de praemissis canentia, salvo iure partium earundem.

Or.: Kalisz Z. 114, dekrety/indukta, 1604-1605, k. 218-218v.

Odroczenie terminu rozprawy między Janem Przyrańskim a Andrzejem Gronowskim na najbliższe posiedzenie sądu ziemskiego kaliskiego.

1604 Tarnowski conx

[k. 100] Actum in terminis terrestribus particularibus Calissiensibus feria secunda post festum Sanctissimae et Individuae Trinitatis proxima [14 VI] anno Domini millesimo sexcentesimo quarto Calissiae celebratis. [k. 185]

Tarnowski contumax

Generosus Andreas Złotkowski de Złotkowy actor, nobilem Stanislaum Tarnowski in Mycielin haeredem in judicium praesens literali citatione citatum. Quia ipse in borris et sylvis ipsius actoris propriis villae et haereditatis Lubien et Biala [k. 185v] multis iteratis vicibus veniendo invito et non permittendo eodem actore solitus est retia ad porcos ferinos, dorcas et alias feras capiendas iacire et partim multas feras diversas diversique generis ferarum propellere, partim ipsius venari consuevit, et ita ipsum actorem in usufructu ferarum augmento et usu impedit pensae contra ipsum ad mille florenorum Ungaricalium damnique totidem, citatione ipsa sua cum copia latius id canente, per ministerialem Regni generalem judicio eidem astantem quater de iuris forma clamato, non tamen comparente, in poena contumaciae admittendo judicio praesenti iudicialiter condemnavit iurique memoriale persolvit.

Et hic idem ministerialis Regni generalis judicio bene notus honestus Valentinus Cieszik de Zbiersko coram eodem judicio personaliter stans, sanus corpore publice recognovit se citationem literalem ratione praemissorum emanatam die dominico Sacri Pentecostes proxime praeterito [6 VI] in curia citati villae Mycielino in mensa hipocausti, praesente familia domus, posuisse et eam publicatam reliquisse. Quam suam relationem actis praesentibus inseri petiit.

Or.: Kalisz Z. 114, dekrety/indukta, 1604-1605, k. 185-185v.

W sprawie między Andrzejem Złotkowskim powodem a Stanisławem Tarnowskim dz-cem na Mycielinie pozwanym, o kłusownictwo na dzikach, sarnach i innej zwierzynie, na szkodę 1.000 zł węgierskich, w borach i lasach wsi powoda Lubień i Biała - ogłoszono kontumację (niestawiennictwo pozwanego).

1604 Pro pte Swiezynskiego intronis admissae rello

Actum in castro Calissiensi feria secunda in vigilia festi sancti Thomae Apostoli [20 XII] anno Domini millesimo sexcentesimo quarto. [...]

Pro parte Swiezynskiego intromissionis admissae rellatio

Ad officium et acta praesentia castrensia Calissiensia personaliter veniens providus Adamus Zdzarenski de Dzierbin ministerialis generalis Regni et nobiles Joannes Domaszowski et Albertus Naporczynski mentibus corporibusque sani, palam ac manifeste recognoverunt. Quia feria sexta proxime praeterita [17 XII] iuxta iuris et consuetudinis formam vigoreque inscriptionis ad resignandum infrascriptae intromitebant nobilem Stanislaum Swiezynski nobilis olim Stanislai Swiezynski notarii castrensis Syradiensis filium in totas et integras sortes suas villae et haereditatis Zdzenice in districtu Coninensi consistentes, per nobilem Paulum Roscierski olim nobilis Clementis Roscierski filium eidem Stanislao Swiezynski ad resignandum hic inscriptas. Quam intromissionem ipsemet Paulus Roscierski in bonis eisdem personaliter existens ultronee admisit, eandemque suam rellationem actis praesentibus inseri procuraverunt.

Or.: Kalisz Gr. 245, relacje/indukta, 1604-1606, k. 281v.

Relacja woźnego o wwiązaniu Stanisława Świeżyńskiego s. olim Stanisława pisarza gr. sieradzkiego w dobra Zdzenice w pow. konińskim, zapisane mu aktami gr. kaliskimi przez Pawła Rościerskiego s. olim Klemensa.

1604 Matthias de Pabynowice clericus vulnus

Actum in castro Calissiensi sabbatho ante festum sancti Nicolai Episcopi et Confessoris proximo [4 XII] anno Domini millesimo sexcentesimo quarto.

Matthias de Pabynowice [!] clericus vulneratus

Honestus Matthias de Pabyanowicze in minoribus ordinibus clericus, ad scholam Beatae Mariae Virginis hic in Calisz sitam manens, monstravit officio praesenti castrensi Calissiensi in capite duas cicatrices vulnerum caesorum iam sanatorum, item in cubito manus sinistrae cicatricem vulneris caesi iam sanati. Quae eodem officio protestatus est contra laboriosum Jacobum Piotrkowic de villa Chrostowo nobilis Petri Skudlski subditum, asserens sibi per eum vi et violenter illata et inflicta esse, eandemque suam vulnerum rellationem actis praesentibus inseri procuravit.

Or.: Kalisz Gr. 245, relacje/indukta, 1604-1606, k. 271.

Uczciwy Maciej z Pabianowic (ob. Fabianów gm. Dobrzyca?) kleryk (C. M. O., clericus minorum ordinum – kleryk po święceniach niższych: ostiariatu, lektoratu, egzorcystatu i akolitatu) przy szkole NMP w Kaliszu okazuje blizny po ranach na głowie i łokciu zadanych mu przez pracowitego Jakuba Piotrkowica ze wsi Chrostowo (ob. Chrusty gm. Żelazków, w parafii Borków), poddanego Piotra Skudlskiego.

1472 Inductio in librum terrestrem privilegii Bolestarum clenodii

Termini in Ostrolanka feria tertia post Francisci [6 X] in praesentia Pomstiborii de Tyszki vice judicis, Petri de Czartoria vice subjudicis et aliorum, anno Domini millesimo quadringentesimo septuagesimo secundo.

Inductio in librum terrestrem privilegii Bolestarum clenodii.

Domini in terminis ducalibus proxime praeteritis superius descripti nobilem Jacobum Szmijewski de armis Bolesti circa ipsum privilegium inferius descriptum remanserunt ipsumque jus alias privilegium [s. 5] in librum terrestrem eidem Jacobo Szmijewski inducere decreverunt etc.

„In nomine Domini amen. Cum humana negotia sinunt in tempore, similiter labuntur cum tempore, ad perpetuam igitur rei memoriam scripturae testimonio ac testium annotatione solent perennari, proinde nos Semovitus Dei gratia dux Masoviae princepsque et dominus terrarum Plocensis, Sochaczeviensis, Ravensis, Gostinensis, Plonensis nec non haeres Visnensis significamus tenore praesentium quibus expedit universis, tam praesentibus quam futuris.

Quod consideratis et diligenter inspectis fidelibus ac constantibus servitiis, quibus se nobis nobiles [s. 6] viri nostri fideles de genealogia ac clenodio Bolestarum infrascripti fratres propinqui et clenodiales a multis retroactis temporibus promptiores exhibuerunt et in futurum exhibebunt Deo dante, volentesque infrascriptos nominatim nobiles et eorum successores legitimos speciali dono nostrae ducalis magnificentiae prosequi et favore, ut eo volantius et uberius ad nostra famulamina et nostrorum successorum possint promoveri,

universos et singulos omnes nobiles infrascriptos praenominatos, tum et clenodii Bolesti ac quemlibet ipsorum et eorum successores legitimos conjunctim et divisim istos, qui huic scripturae inseruntur, ut puta: Bolestam castellanum Wischegrodiensem, Nadborium vexilliferum, [s. 7] Pomscziborium fratrem ejus, Petrum et Gogorno fratres et haeredes de Kampa, Jacusium cum fratribus de Psari, Petrum Kruglicza de Czeszewo, Swantobrium patrem ipsius, Stiborium, Albertum fratrem ejus, Bolestham haeredes de ibidem, Bartholomaeum, Swanthoslaum, Bogusch et Albertum de Leschewo, Boguslaum et Cristinum de Czeszewo, Mroczslaum haeredem de Recz, Nicolaum de Koszlowo, Wawrzentham, Paulum, Albertum etiam de Koszlowo, Petrum cum fratre suo Wscheborio de ibidem, Joannem de Koszlowo, alium Joannem, Petrum, Florianum, Stanislaum Szegothae de ibidem, Sandek de Nagorka, Cristinum de ibidem, Albertum, Joannem, Mathiam de ibidem, Albertum de [s. 8] Mankowa, Trojanum de Grampo, Jaszkonem de Grampo, Stiborium de ibidem, Mscislaum de ibidem, Petrum de Lukowiecz, Mroczkonem fratrem ipsius, Dobeslaum, Mroczek, Withkonem cum fratre ipsius haeredes de ibidem, Niewrzydium de Chełsthowo, Borzislaum de ibidem, Nicolaum de Chelsthowo, Joannem de ibidem, Nicolaum de ibidem, Nicolaum de Liszakowo, Stanislaum, Joannem de Zaleszicze, Nicolaum de ibidem, Bolestham de Bandzyslaw, Nicolaum, Rathiborium, Mathiam haeredes de Bandzysław, Szeczecz de Szoman, Nicolaum, Stanislaum, Withkonem, Mroczslaum etiam de Szoman, Mathiam de Jeszewo, Joannem fratrem ipsius [s. 9] et filios Leonardi haeredes de ibidem, Stanislaum de Somowo, Paulum fratrem ejus, Zdzislaum, Wscheborium, Andream haeredes de Szimowo, Joannem de Milewo, Petrum de Milewo, Naszil, Swanthoslaum, Albertum, Paulum, Joannem alium etiam haeredes de Milewo, Stanislaum de Niedrosz, Joannem, Frankonem, Albertum, Mroczslaum, Vitum, Paulum, Joannem germanos, Martinum haeredes de ibidem, Falantham cum fratre Simone de Rudkowo, Rathiborium etiam de Rutkowo, Frankonem de Dzirwanowo, Albertum, Cristinum, Stanislaum de Dzewannowo, Petrum de Withoslawicze, Mieczk, Cristinum, Msczislaum, alium Msczislaum, Joannem, Nicolaum de Withoslawicze, [s. 10] Mikiel de Ossiek, Andream, Michaelem, Wilislaum, Stiborium fratrem ejus, etiam haeredes de Ossiek, Nicolaum de Banthi, Cristhkonem filium ejus, Derslaum, Albertum, Mathiam, Andream, Laurentium, Swanthoslaum, Petrum, Smislaum, Albertum fratrem ejus, haeredes etiam de Banthi, Cristkonem de Kuchary, Bartholomaeum et fratrem ejus Paulum de Koszebrodi, Paulum de Krassowo, Zdzeslaum, Albertum, Rathiborium, Cristinum, Stanislaum etiam de Krassowo, Weleborium de Miszino, Albertum fratrem ejus de ibidem, Nicolaum de Belkowo, Petrum de Drochowo, Szemian de Jankowo, Alexium de Malewo, Petrum de ibidem, Joannem [s. 11] de Przethpelcz, Paulum, Mieczkonem, Wloscziborium, Petrum, Miloy etiam haeredes de Przethpelcz, Szmiszkonem de Moykowo, Stiborium de ibidem, uxoris, Stanislaum cum filiis de Mankowicze, Stanislaum de Gloczino, Nicolaum de Tlubicza, Msczislaum de ibidem, Albertum de Chorzewo, Boguslaum de Dzangulewo, Swanthoslaum de ibidem, Laurentium de ibidem, Nicolaum de Konary, Frankonem, Paulum, Michaelem de ibidem, Laurentium et alium Laurentium, Joannem de Bobrowo, Cristinum de Przeracz, Trojanum de Szawicz, Mancz, Martinum, Bolestham, Albertum, Kmola de Rzestkowo, Jacussium de Szerzenicze, [s. 12] Michaelem et Andream filiastrum ejus de Szandzino, Albertum de Dzebakowo,

hos omnes nobiles in his nominatim descriptos et quemlibet ipsorum communiter et divisim ac pueros, haeredes ac successores legitimos de genealogia, proclamatione et clenodio Bolesti ortos, progressos et progrediendos ab hac vice aeviternis temporibus liberamus penitus et absolvimus ab omni potestate et jurisdictione, et ab omnibus vexationibus et judiciis nostri ducatus palatinorum, castellanorum, judicum, subjudicum et quorumvis officialium et ministerialium eorundem, ut peramplius coram ipsis vel aliquo ipsorum in omnibus causis [s. 13] tam magnis quam parvis, omnibus de se quaerulantibus, et cuipiam suorum adversariorum citati non tenebuntur respondere, poena eos et ipsorum quemvis nulla sequente nisi coram persona nostra ducali vel nostrorum successorum, tempore vero eo, quo in ducatu seu in terra nostra non fuerimus constituti, coram judice nostro terrestri generali.

Dum tamen per literam nostrae majestatis et in absentia nostri in terra nostra, ut est praemissum, capitanei nostri aut sui vicesgerentis annulo seu sigillo sigillatam citati fuerint seu evocati, ipsorum nobili jure respondebunt. Et si in aliquibus poenis magnis vel parvis in ipso nostro judicio manserint seu fuerint [s. 14] judicialiter condemnati, nulli eas de numero dominorum nostrorum honoratorum vulgariter czesthnikom vel eorum zupariis solvere tenebuntur, nisi ad solvendum judici quatuor, subjudici duos grossos pro poena quinquagenali temporibus perpetuis sint astricti, poenis tamen nostris et nostrorum successorum in omnibus salvis.

Et ut praesentes literae nostrae ac hujusmodi nostrae jurisdictiones robur perpetuae firmitatis obtineant, easdem nostras literas et donationes nostri majestatis sigillo munimine jussimus communire.

Acta sunt haec et dicta in Ploczko, ipso die sanctae Luciae [13 XII] anno Domini millesimo quadringentesimo octavo, praesentibus viris nostris assessoribus et dominis: Andrea de Golczewo castellano, Paulo de Redzonowo vexillifero, Gothardo judice Plocensibus, Sasino Gamba succamerario, Paulo castellano Gostinensibus, Adam Swinka de Zelona, Joanne de Choynowo, Joanne de Czwikyno, Michaele vicecancellario nostro et Przeczslao notario curiae nostrae, et aliis quam plurimis fide dignis.”

Ex actis terrestribus Ostrołęcensibus in archivo actorum Łomzensium depositis [s. 16] existentibus ac reperibilibus rescriptum, depromptum et extraditum atque sigillo terrestri Łomzensi communitum.

(-) Podbielski mp.

(-) Legit Jabłonowski.

Kop.: Ostrołęka ziemskie, Zbiór Zygmunta Glogera, Odpisy dokumentów z ksiąg sądowych ziemskich ostrołęckich, ANK sygn. 51, s. 4-16.

URL: http://szukajwarchiwach.pl/29/678/0/1/51

Oblata przywileju Siemowita IV z 1408 r. wyjmującego wyliczonych Boleściców (herb Jastrzębiec) z Mazowsza, z Bolestą kasztelanem wyszogrodzkim, Nadborem chorążym wyszogrodzkim i jego bratem Pomściborem na czele, spod władzy wojewodów, kasztelanów i sędziów. Mogą być sądzeni wyłącznie przed księciem lub starostą. Odpis z akt ziemskich ostrołęckich złożonych w archiwum akt łomżyńskich, poświadczony pieczęcią ziemską łomżyńską.