1754 Idem eidem bona haecce resignat

Sub eodem actu [14 XI 1754].

Idem [sc. generosus Krzywosędzki] eidem [sc. perillustri reverendissimo Morawski] bona haecce resignat.

Generosus Albertus a Krzywosądz Krzywosądzki, olim generosi Lucae Krzywosądzki bonorum villae Budzisław Majus seu Koscielny in palatinatu Calissiensi et [s. 78] districtu Gnesnensi consistentium haeredis cum olim generosa Catharina Poninska matrimonialiter procreatus filius, olim vero generosorum Bartholomaei et Andreae fratrum suorum germanorum Krzywosądzkich uti post abrenuntiationem eorundem bonis paternis dictorum bonorum Budzisław Majus seu Koscielny per eosdem olim generosos fratres suos germanos officiose factam dictorum bonorum Budzisław Majus seu Koscielny unicus haeres, sanus mente corporeque existens, recedendo etc. recognovit.

Quia ipse, insistendo contractui ratione emptionis venditionisque bonorum eorundem inter se recognoscentem ab una et perillustrem reverendissimum Leonem de Chomęcice Morawski ecclesiarum metropolitanae Gnesnensis et cathedralis Posnaniensis canonicum parte ab altera, hic Posnaniae die haesterna [s. 79] actum hodiernum praecedente inito et conscripto actisque praesentibus die hodierna roborato, debebit ac tenebitur in primis et proximis judiciis castrensibus Posnaniensibus totalia et integra bona praefata Budzisław Majus seu Koscielny nuncupata in palatinatu Calissiensi et districtu Gnesnensi jacentia, variis oneribus per eundem olim sui recognoscentis parentem implicata ac processibus judiciariis variis in subselliis [!] per creditores obtentis aggravata, summaeque ruinae ac desolationi ante appraehensam recensiti perillustris reverendissimi Morawski possessionem per anteriores bonorum eorundem possessores creditoresque Krzywosędzcianos seu et ipsummet olim praefatum sui recognoscentis parentem tradita et porrecta, per eundem [s. 80] vero perillustrem reverendissimum Morawski canonicum Gnesnensem et Posnaniensem sumptu suo proprio reparata et ab oneribus eiusdem olim sui recognoscentis parentis eliberata, sua haereditaria post fata toties dicti olim generosi Lucae Krzywosędzki parentis quam et post abrenuntiationem eorundem generosorum Bartholomaei et Andreae fratrum inter se et sui recognoscentis germanorum Krzywosędzkich bonis paternis subsecutam in se recognoscentem jure haereditario devoluta possessionata,

aliasque quasvis haereditates desertas ad eadem bona possessionata nunc et ab antiquo quomodolibet pertinentes et spectantes nomine et vocabulo quocunque vocitatas cum [s. 81] areis, structuris, aedificiis parvis et magnis, curialibus et villanis, conseminatione utraque hyemali et aestivali, pecoribus, pecudibus, ovibus, cmethonibus, hortulanis, inquilinis, colonis, subditis, nativis utriusque sexus, tam in bonis eisdem ad praesens residentibus quam etiam fugitivis et ubivis locorum commorantibus, agris, pratis, campis, sylvis, borris, gajis, nemoribus, rubetis, indaginibus, mericis, virgultis, quercetis, dumetis, stagnis, piscinis, lacubus, fluviis, fluminibus, aquis et earum quibus [!] decursibus et acursibus, molendinis aquaticis et ventilibus, cumque omni ac totali bonorum eorundem jure, dominio [s. 82] et proprietate omnibusque et singulis utilitatibus, usibus fructibus, censibus, reditibus, proventibus, emolumentis, attinentiis, pertinentiis et generaliter obventionibus universis, ita late, longe etc. nec non cum jure patronatus praesentandi parochi ac beneficiorum quorumvis ecclesiasticorum ad ecclesias quasvis conferendorum, nihilomino [!] juris, dominii, proprietatis ac quorumvis usu fructuum ex bonis eisdem pro se recognoscente suisque posteris reservando et excipiendo,

suprascripto perillustri reverendissimo Leoni a Chomęcice Morawski Gnesnensi metropolitano [s. 83] et Posnaniensi cathedrali canonico illiusque successoribus, unam quidem dictorum bonorum medietatem in quam jus praefatum patronatus includitur dono perpetuo et irrevocabili, alteram vero medietatem ultra id donum sese extendentem,

in et pro summa viginti quatuor millium florenorum Polonicalium, includendo in eam vadimonium maniculare¹ alias rękawiczne in deportationem onerum paternorum et compensatione reparationis per eundem perillustrem reverendissimum Morawski subsecutae disposita, coram illustri et magnifico Majoris Poloniae generali aut ejus vicesgerente magnifico [s. 84] judice surrogato castrensi Posnaniensi dare, donare, vendere, inscribere et juxta jus ac consuetudinem terrestrem in perpetuum resignare, prout quidem dat, donat, vendit, inscribit et in perpetuum resignat praesentibus,

intromissionem in bona eadem dare et admittere, prout jam ex nunc ac si bona eadem resignata forent dat et in loco bonorum eorundem daturum et admissurum se offert, evictionem generalem ab omnibus generaliter impedimentis, praeter onera paterna ad deportandum disposita, cavere ac pro ea se suosque successores [s. 85] in et super bonis suis generaliter omnibus summisque quibusvis pecuniariis habitis et habendis praelibato perillustri et reverendissimo Morawski et illius successoribus inscribere et obligare, prout inscribit et obligat actu praesenti, idque sub vadio viginti quatuor millium florenorum Polonicalium, citatus hic responsurus peremptorie.

Ex protocollo castrensi Posnaniensi extractum.

(-) Correxit Ziemięcki.

(-) Legi: Łabiński.

Odp.: Papiery Morawskich. Akta poznańskie 1744-1783, s. 77-85 (Lwów, Biblioteka Naukowa im. W. Stefanyka NAN Ukrainy. Oddział Rękopisów. Zespół 4, dział I, sygn. 1064).

G. Wojciech z Krzywosądzy Krzywosądzki, s. ol. G. Łukasza dz-ca dóbr wsi Budzisław Wielki albo Kościelny w pow. gnieźnieńskim i ol. G. Katarzyny Ponińskiej, jako dóbr tych po zrzeczeniu się przez ol. GG. Bartłomieja i Andrzeja braci swych rodzonych jedyny dziedzic, w nawiązaniu do kontraktu dziś przed aktami gr. pozn. roborowanego zobowiązuje się na najbliższych sądach gr. pozn. dobra te sprzedać Leonowi z Chomęcic Morawskiemu kanonikowi metropolitalnemu gnieźnieńskiemu i katedralnemu poznańskiemu za sumę 24.000 złp. (w tym rękawiczne za spłatę długów po Łukaszu Krzywosądzkim i wykonane przez kan. Morawskiego remonty).

¹ Por. vadium manipulare w zapisie sprzedaży na s. 200.

1757 JM. Zakrzewski et G. Morawski contractum inr se roborant

Actum in castro Posnaniensi sabbatho in crastino festi Natalis sancti Joannis Baptistae [25 VI] anno Domini 1757.

Illustris magnificus Zakrzewski et generosus Morawski contractum inter se roborant.

Illustris magnificus <Antonius> Wyssogotta Zakrzewski castellanus Santocensis [ab una] et generosus Franciscus Morawski bonorum Kleparza et Robaszkowa in palatinatu Calissiensi districtu Gnesnensi jacentium haeres parte ab altera, sani mentibus corporibusque [s. 118] existentes, recedendo etc.

Inscribunt sibi ipsis invicem mutuo et ab utrinque in et super bonis suis generaliter omnibus ac summis quibusvis pecuniariis habitis et habendis [contractum] certum ratione emptionis et venditionis suprascriptorum bonorum Kleparz et Robaszkowo, aliarum certarum rerum et conditionum in eodem contractu expressarum, de actu et data ejus hic Posnaniae die vigesima quinta Junii anno currenti inter se recognoscentes initum, manibus sui recognoscentium propriis subscriptum, vadio sexdecem millium florenorum Polonicalium [s. 119] firmatum, in toto et in parte inque omnibus praefati contractus emptorii et venditorii contentis, punctis, clausulis, ligamentis et generaliter conditionibus universis tenere, complere, exequi et inviolabiliter observare, idque sub vadio sexdecem millium florenorum Polonicalium, citati recognoscentes coram judicio terrestri Calissiensi suis cum successoribus responsuri peremptorie.

Ex protocollo castrensi Posnaniensi extractum.

(-) Correxit Ziemięcki.

(-) Legi: Łabiński.

Odp.: Papiery Morawskich. Akta poznańskie 1744-1783, s. 117-119 (Lwów, Biblioteka Naukowa im. W. Stefanyka NAN Ukrainy. Oddział Rękopisów. Zespół 4, dział I, sygn. 1064).

JM. Antoni Wysogota Zakrzewski kasztelan santocki z I i G. Franciszek Morawski dz-c dóbr Kleparza i Robaszkowa w pow. gnieźnieńskim z II, roborują kontrakt sprzedaży tych dóbr spis. w Poznaniu 25 VI 1757, s. v. 16.000 złp.

1748 Mcus Morawski a haereditate Brum Budzisławia Recedit

Actum in castro Posnaniensi feria quarta post festum [s. 23] Exaltationis Sanctae Crucis proxima anno Domini millesimo septingentesimo quadragesimo octavo [18 IX 1748].

Magnificus Morawski a haereditate bonorum Budzisławia recedit.

Magnificus Cajetanus de Chomęcice Dziezykray [!] Morawski, olim magnifici Pauli de edem [!] Chomęcice Dziezykray Morawski capitanei Gniewkoviensis cum olim magnifica Ludovica Rostocka matrimonialiter procreatus filius, olim vero generosi Jacobi Morawski bonorum villae Budzisław haeredis steriliter vita functi filiaster germanus, suo et generosi Rochi Morawski, olim generosi Alberti Morawski cum generosa Marianna Brudzyńska matrimonialiter progeniti filii, fratris sui patruelis germani, pro cujus ratihabitione [s. 24] in forma juris plenissima cavet, nomine, sanus mente corporeque existens, recedendo etc. recognovit.

Quia ipse, insistendo anteriori recessui coram actis castrensibus Coninensibus per se recognoscentem facto et recognito, tum eo considerato, quod substantia praelibati olim generosi patrui sui derelicta multis oneribus et anfractibus juris implicata et praeaggravata deducitur, proinde ex rationibus praemissis tum et aliis apud se praehabitis ab eadem substantia successiva haereditateque praedictorum bonorum Budzisław cum attinentiis in se recognoscentem dictumque generosum fratrem ac jure successive spectanti, prout ex ea nihil quidquam participavit [s. 25], nec se cum eodem generoso fratre suo patrueli participaturum sperat, totaliter recessit et renuntiavit, prout quidem recedit et renuntiat actu praesenti et in aevum, hac sua personali recognitione libere ad praemissa accedente.

Ex protocollo castrensi Posnaniensi extractum.

(-) Correxit Ziemięcki.

(-) Legi: Łabiński.

Odp.: Papiery Morawskich. Akta poznańskie 1744-1783, s. 22-25 (Lwów, Biblioteka Naukowa im. W. Stefanyka NAN Ukrainy. Oddział Rękopisów. Zespół 4, dział I, sygn. 1064).

Dworzaczek: Grodzkie i ziemskie > Poznań > Inskrypcje > XVII/XVIII wiek

9435 (Nr. 1292) 1748

Kajetan z Chomęcic Dzierżykraj Morawski, s. ol. Pawła sty gniewkow. z ol. Ludwiki Rostockiej, zaś ol. Jakuba M. dz-a Budzisławia Kościel. bp. +-go bratanek rodz. w im. sw. i Rocha M., s. o. Wojc. M. z Marjanny Brudzyńskiej, brata swego stryj. rodz. zrzeka się spadku po stryju (f. 186)

Uwaga: Przyczyna odstąpienia od spadku (tj. od dziedzictwa Budzisławia z przyległościami) - obciążenie tej „substancji” długami.

1771 Mca Morawska ab advitalitate recedit

Actum in castro Posnaniensi sabbatho ante festum sanctae Hedvigis Viduae Electae proximo anno Domini millesimo septingentesimo septuagesimo primo [12 X 1771].

Magnifica Morawska ab advitalitate recedit.

Magnifica Victoria de Kierskie, olim magnifici Cajetani de Chomęcice Morawski capitaneidae Gniewkoviensis [s. 264] consors relicta vidua, sana mente corporeque existens, recedendo etc. recognovit.

Quia ipsa, ducta amore parentali erga liberos cum praelibato olim magnifico marito procreatos secum recognoscente, ab advitalitate sola mutua et reciproca inter se recognoscentem ac olim magnificum maritum coram actis castrensibus Posnaniensibus feria quarta pridie festi sancti Francisci Confessoris anno Domini millesimo septingentesimo quadragesimo secundo [3 X 1742] recognita totaliter recessit et recedit, illudque plenarie cassat et annihilat, salvis tamen juribus aliis ad substantiam suae recognoscentis regulantibus, tum quietatione de inventario pro re suae recognoscentis per eundem olim [s. 265] magnificum maritum seu mutuo recognito pro re sui reservatis in toto manentibus, hac sua personali recognitione libere ad praemissa accedente.

Ex protocollo castrensi Posnaniensi extractum.

(-) Correxit Ziemięcki.

(-) Legi: Łabiński.

Odp.: Papiery Morawskich. Akta poznańskie 1744-1783, s. 263-265 (Lwów, Biblioteka Naukowa im. W. Stefanyka NAN Ukrainy. Oddział Rękopisów. Zespół 4, dział I, sygn. 1064).

Wiktoria z Kierskich Morawska, wdowa po Kajetanie z Chomęcic Morawskim starościcu gniewkowskim, „wiedziona miłością rodzicielską ku dzieciom swym z tymże spłodzonym” odstępuje od wzajemnego dożywocia z tymże, zeznanego w 1742 r. przed aktami grodzkimi poznańskimi.

1771 Mcorum Morawskich advitalitas mutua

Actum in castro Posnaniensi feria secunda post octavas festi Sacratissimi Corporis Christi Domini anno ejusdem millesimo septingentesimo septuagesimo primo [10 VI 1771]. [s. 252]

Magnificorum [!] Morawskich advitalitas mutua.

Generosi Paulus Morawski burgrabius Pysdrensis, olim magnifici Cajetani Dzierzykray de Chomęcice Morawski capitaneidae Gniewkoviensis cum magnifica Victoria de Kierskie matrimonialiter procreatus filius ab una, et Anna de Brodnickie, olim generosi Thomae Brodnicki cum olim generosa Agnethe de Czarneckie procreata filia parte ab altera, invicem conjuges Morawskie, ipsa quidem generosa consors cum ejusdem generosi mariti sui assistentia, sani mentibus corporibusque existentes, recedendo etc. recognoverunt atque se et suos successores in et super bonis suis generaliter omnibus ac summis quibusvis pecuniariis [s. 253] habitis et habendis sibi ipsis suisque successoribus inscripserunt et obligaverunt, inscribuntque et obligant praesentibus.

Quia ipsi debebunt coram illustri et magnifico Majoris Poloniae generali nunc vacanti sive ejus vicesgerenti magnifico surrogato castrensi Posnaniensi vel alio coram quovis judicio advitalitatem seu usum fructuum omnium et singulorum bonorum suorum haereditariorum, obligatoriorum, mobilium et immobilium, summarumque quarumvis pecuniariarum habitarum et habendarum, inscriptarum et inscribendarum, morte et obitu sui recognoscentium derelinquendarum ad [s. 254] extrema duntaxat vitae suae tempora juxta stylum cancellariae usitatum statutique Regni dispositionem inscribere, his suis recognitionibus ad praemissa benevole accedentibus.

Ex protocollo castrensi Posnaniensi extractum.

(-) Correxit Ziemięcki.

(-) Legi: Łabiński.

Odp.: Papiery Morawskich. Akta poznańskie 1744-1783, s. 251-254 (Lwów, Biblioteka Naukowa im. W. Stefanyka NAN Ukrainy. Oddział Rękopisów. Zespół 4, dział I, sygn. 1064).

Dworzaczek:

Grodzkie i ziemskie > Poznań > Inskrypcje > XVII/XVIII wiek

16499 (Nr. 1348) 1771

Paweł Morawski, burgrabia pyzdr., s. o. Kajetana Z. Chomęcic Mor. ścica gniewk. z Wiktorji Kierskiej z I i Anna Brodnicka, c. o. Tom. Br. z ol. Agn. Czarneckiej z II małż. zobow. dożyw. (f. 107v)

Uwaga: nie jest to zapis dożywocia, lecz zobowiązanie do jego zapisania.

1780 Mcus Morawski Mco Szczaniecki evictionem cavet

Actum in castro Posnaniensi feria secunda in crastino festi Natalis sancti Joannis Baptistae, die scilicet vigesima sexta mensis Junii anno Domini millesimo septingentesimo octuagesimo.

Magnificus Morawski magnifico Szczaniecki evictionem cavet.

Magnificus Adalbertus Dzierzykray de Chomęcice Morawski judex terrestris Vschovensis, bonorum Belęcina in palatinatu praesenti, districtu vero Costensi consistentium obligatorius possessor, [s. 392] sanus mente corporeque existens, recedendo etc. inscribit se in bonis suprascriptis aliisque suis generaliter omnibus summisque quibusvis pecuniariis habitis et habendis magnifico Michaeli Szczaniecki illiusque successoribus.

Quia idem magnificus Szczaniecki [!¹] ullum unquam impedimentum intuitu summae quadraginta millium florenorum Polonicalium per eundem magnificum Szczaniecki actis castrensibus Costensibus feria quinta post festum sanctae Margarethae Virginis et Martyris anno millesimo septingentesimo septuagesimo nono [15 VII 1779] magnificae Sophiae de Szczanieckie filiae suae protunc virgini, ad praesens magnifici Alberti Morawski consorti in vim dotis de bonis paternis et maternis inscriptae actuque [s. 393] hodierno eidem magnifico Morawski ad cautam sui recognoscentis evictionem persolutae habebit, quod si habuerit, extunc recognoscens debebit suisque cum successoribus tenebitur dictum magnificum Szczaniecki illiusque successores in omni judicio et officio Regni majoris minorisve subsellii, toties quoties opus fuerit, tueri, defendere, evincere, expedire, eliberare et intercedere, recognitione hac sua praemissa omnia firmante.

Ex protocollo castrensi Posnaniensi extractum.

(-) Correxit Ziemięcki.

(-) Legi: Łabiński.

Odp.: Papiery Morawskich. Akta poznańskie 1744-1783, s. 391-393 (Lwów, Biblioteka Naukowa im. W. Stefanyka NAN Ukrainy. Oddział Rękopisów. Zespół 4, dział I, sygn. 1064).

Wojciech Dzierżykraj z Chomęcic Morawski sędzia ziemski wschowski, dóbr Belęcin zastawny posesor, zapisuje Michałowi Szczanieckiemu, iż nie będzie wnosił pretensji ("czynił przeszkód", ullum impedimentum habebit) co do sumy 40.000 złp. przez tego Szczanieckiego aktami grodzkimi kościańskimi w 1779 r. zapisanej tytułem posagu córce swej Zofii (wtedy pannie, a teraz żonie tegoż Morawskiego), którą to sumę dziś [26 VI 1780] wypłacono Morawskiemu po tym, jak złożył poręczenie ("dał ewikcję", evictionem cavit).

¹ Winno być: Morawski.

1773 P. Rmus Olrych suo et Illmi Capli Cath. P. in personam M. Morawski retransfundit

Actum in castro Posnaniensi feria secunda post festum Circumcisionis Christi Domini, scilicet die quarta mensis Januarii anno Domini millesimo septingentesimo septuagesimo tertio.

Perillustris reverendissimus Olrych suo et illustrissimi capituli cathedrali Posnaniensi [nomine] in personam magnifici Morawski retransfundit.

Perillustres reverendissimi Josephus Olrych causarum illustrissimi et reverendissimi capituli cathedralis Posnaniensis [s. 319] generalis procurator et Antonius Uminski canonici cathedrales Posnanienses, suis et totius ejusdem illustrissimi et reverendissimi capituli sui, pro quo cavent, nominibus uti et tamquam ad infrascriptum recognoscendum actum per decretum in capitulo ecclesiae cathedralis sub actu hodierno latum specialiter deputati, sani mentibus corporibusque existentes, recedendo etc. recognoverunt.

Quia ipsi totam et integram summam duorum millium florenorum Polonicalium originalem per Judaeos seniores totamque synagogam Krotoszynensem actis castrensibus Gnesnensibus feria quinta post festum sanctae Luciae Virginis et Martyris anno millesimo septingentesimo sexagesimo tertio [15 XII 1763] perillustri et reverendissimo Leoni de Chomęcice Morawski metropolitano et Posnaniensi archidiacono, officiali generali Gnesnensi, ex provisione pendenda inscriptam et assecuratam, et per hunc illustrem reverendissimum officialem actis eisdem castrensibus Gnesnensibus [s. 320] feria tertia post dominicam Sexagesimae anno subsequenti millesimo septingentesimo sexagesimo quarto [28 II 1764] cessam et transfusam, una cum provisionibus a summa eadem retentis pleno, totali et integro jure suo, nihil ex praemissa summa originali ac provisionibus ab ea pro illustrissimo capitulo cathedrali Posnaniensi reservando et excipiendo,

in personam altius dicti perillustris reverendissimi Morawski metropolitani et Posnaniensis archidiaconi, officialis generalis Gnesnensis, uti similem summam duorum millium florenorum Polonicalium cum provisionibus in parato peculio die hodierna actu contenta illustrissimo capitulo suo persolventis, illiusque successorum retrocesserunt, retrotulerunt et retransfuderunt, prout quidem retrocedunt, retroconferunt et retransfundunt praesentibus dantes et concedentes, his suis personalibus recognitionibus ad id benevole accedentibus.

Ex protocollo castrensi Posnaniensi extractum.

(-) Correxit Ziemięcki.

(-) Legi: Łabiński.

Odp.: Papiery Morawskich. Akta poznańskie 1744-1783, s. 318-320 (Lwów, Biblioteka Naukowa im. W. Stefanyka NAN Ukrainy. Oddział Rękopisów. Zespół 4, dział I, sygn. 1064).

Kan. Józef Olrych, prokurator generalny kapituły katedralnej poznańskiej oraz ks. Antoni Umiński, kanonik katedry poznańskiej, w swym i całej kapituły swej imieniu, jako delegowani do wykonania zarządzenia kapituły, sumę 2.000 złp. zapisaną w 1763 r. przez synagogę w Krotoszynie archidiakonowi metropolitalnemu i poznańskiemu, oficjałowi generalnemu gnieźnieńskiemu Leonowi z Chomęcic Morawskiemu, a w roku kolejnym przez niego wraz z odsetkami przelaną kapitule, teraz - w związku z wypłaceniem dziś [4 I 1773] przez niego innych 2.000 złp. kapitule - z powrotem na tegoż Morawskiego przelewają.