Donatio Summarum et fundorum certorum post olim Annam Kasprowa
relictorum pro Musicis
Ad Officium Actaque praesentia Consularia Gostinensia protunc
Famatorum Joannis Lokiewicz Proconsulis, Andreae Turkan, Martini
Janyszka, Joannis Rembanski et Martini Gospodarek Consulum,
Magnificus Dominus Andreas Gostinski medietatis Gostin Dominus
haereditarius, donationem irrevocabilem certorum fundorum et summarum
post olim Annam Kasprowa relictarum apud certos Creditores pro
Musicis Gostinensibus in charta manu sua subscripta et Sigillo suo
Gentilicio munitam per Valentinum Kobuszewski tenoris sequentis
obtulit et produxit acticareque eandem voluit quae talis sequitur.
"Andreas a Faltembork Gostinski Haeres in Gostin
Bona omnia post sterilem olim Annae Kasprowa decessum relicta, ut
pote ulesinam in suis dimensionibus antiquitus iacentem, hortum in
Gawrony, summas pecuniales (exceptis Centum florenis ad Hospitale
Gostinensi pertinentibus) apud quosvis Creditores existentes ad
Nosque ob indecentem in statu matrimoniali dictae mortuae vitam, iure
caduco devoluta, cum propriis per Dei gratiam contenti simus Bonis,
dicta superius una cum summis omnibus ut maior Jesu Christi in
Ecclesiis Gostinensibus et Purissimae Matris eius Mariae Honor et
Gloria exhibeatur et promoveatur, pro Musicis varia instrumenta
tangentibus damus, et irrevocabili Dono ex Censu a quolibet Centum
per octo florenorum Polonicalium a morte praefatae Kasprowa
computando donamus, Magistratuique utrique Gostinensi iniugimus serio
ut is Bona praedicta taxet, divendat, Summas a Creditoribus cum
Censibus annuis excipiat et Musicis pro tempore existentibus quolibet
anno persolvat.
Andrzy Gostinski
Locus + Sigilli"
Źródło: Gostyń, „Acta proconsule...” 1636-1677,
czystopis, sygn. I/22, s. 318
Andrzej Gostyński, dziedzic na Gostyniu, przejąwszy prawem kaduka
(iure caduco) dobra po bezpotomnej śmierci Anny Kasprowej,
czyni darowiznę dla muzyków „pobudzających różne instrumenty”
w kościołach: parafialnym oraz NMP (dziś Święta Góra).
Brak komentarzy:
Prześlij komentarz