1742 Zapis 1500 złotych na Żytowiecku

Zapis 1500 złotych na Żytowiecku

Actum in Costen Feria Tertia post Festum Sancti Lucae Evangelistae proxima, Anno Domini Millesimo Septingentesimo Quadragesimo Secundo.

Illustris et Magnificus Mathias a Mycielno Mycielski Castellanus Posnaniensis Bonorum Villae Żytowiecko in Palatinatu Posnaniensi, Districtu vero praesenti Costensi jacentium Haeres, sanus mente corporeque existens, recedendo etc. recognovit.

Quia ipse tulit et in effectu levavit de manibus Celsissimae et Illustrissimae Theophilae de Leszno Ducissae Wiśniowiecka Castellanae Cracoviensis, relictae Viduae primi olim Magnifici Philippi Konarzewski Capitanei Coninensis, Bonorum Oppidi Gostin, ac Villarum Chocieszewice, Tuliszkowo ac aliorum eo pertinentium, Haeredis, Secundi expost Voti Celsissimi et Illustrissimi Janussii in Wisniowiec, Zbaraż, Ducis Korybuth Wiśniowiecki Consortis, relictae Viduae, et ab utroque Marito Dominae Reformatoriae et Advitalitialis, Summam Mille Quingentorum Florenorum Polonicalium, currentis in Regno Monetae, olim Generosae Catharinae Blaszanka Virginis Adultae propriam, super Scriptum manuale per ipsam, Eidem Celsissimae Ducissae concreditam, Testamento expost seu ultimae Voluntatis Dispositione, ejusdem olim Generosae Blaszanka de actu ejus in Bonis Villae Szkaradowo, die duodecima Mensis Novembris in Anno Millesimo Septingentesimo Trigesimo Primo concreditam, nunc ejusdem Testatricis propria subscriptione pro Bursa Musicos Venerabilis Congregationis Oratorii Sancti Philippi Nerii in claro Monte Gostinensi existentis, in honorem Beatissimae MARIAE Virginis locatam et dispositam, dieque hodierna per praetactam Congregationem Gostinensem officiosa Quietatione in rem ejusdem Celsissimae Ducissae Wiśniowiecka facta, et coram Actis praesentibus recognita, acquietatam.

Quapropter et ex causa realis levationis Summae ejusdem, hanc ipsam Summam Mille Quingentorum Florenorum Polonicalium in et super Bonis suis Villae Żytowiecko cum attinentiis suprafatis praedictae Venerabili Congregationi Oratorii Sancti Philippi Nerii in Sacro Monte Gostinensi et ejusdem Congregationis Bursae Musicorum nunc et in futurum pro tempore existenti, ipsorumque Succedaneis inscripsit assecuravit et demonstravit; Bonaque sua praefata Villae Żytowiecko Summa eadem originali inoneravit, eique obnoxia reddidit ac modo Reemptitio alias na Wyderkauff invadiavit, prout quidem etc. etc.

A qua quidem Summa modo praemisso inscripta, Idem Illustris Magnificus Recognoscens debebit ac sua cum posteritate tenebitur Provisionem annuam seu Censum Ecclesiasticum solvi provenientem a quolibet Centum per Septem Florenos Polonicales ad manus, manualemque officiosae aequiparandam, sive etiam officiosam praedictae Congregationis Gostinensis, Illustrium et Admodum Reverendorum Praepositorum, aut Deputatorum, nunc et in futurum pro tempore existentium, dare, pendere et persolvere. Eam dicti Census annui Ecclesiastici praedictam Bursam Musicos concernentis solutionem a proximo praeterita crastina die Festi Natalis Sancti Joannis Baptistae incipiendo, et eam singulis annis et Crastinis Festi praetacti diebus, usque ad realem et effectivam Summae Originalis supradictae exsolutionem, et in alia Bona de Consensu et Voluntate supradictae Venerabilis Congregationis Oratorii Sancti Philippi Nerii Gostinensis pro tempore existentis, transportationem, continuando et explendo. Idque sub Vadio seu Vadiis, tam Summae Originali quam et Censui annuo Ecclesiastico seu Bursali pro aliquo anno retento, correspondentibus. Citatus Illustris et Magnificus Recognoscens suis cum Successoribus in Castro Posnaniensi respondebit peremptorie.

L. S.

Ex Protocollo Castrensi Costensi Extractum.

(-) Kozierowski mpp.

Źródło: Święta Góra, „Dopisy Do Rękopisma Zbiór Wiadomości o Świętéj Górze pod Gostyniem”, sygn. A/11, s. 80, wpis LXXXXVII

Maciej z Mycielna Mycielski, kasztelan poznański, dziedzic Żytowiecka, odbiera z rąk księżnej Teofili z Leszna Wiśniowieckiej pożyczkę 1500 złp. Rocznie będzie płacił 7% odsetek z przeznaczeniem na utrzymanie (bursę) muzyków Kongregacji Oratorium św. Filipa Neri na Świętej Górze w Gostyniu, a zabezpieczeniem tego wyderkafu są dobra wsi Żytowiecko. Szerzej - w „Zbiorze wiadomości o Świętej Górze pod Gostyniem” na stronie 133 (http://wbc1.wbc.poznan.pl/dlibra/docmetadata?id=252836).

Odpis zawarty w kopiariuszu, wykonany w 1836 r. z wyciągu z protokołu grodzkiego. „Domonstravit” poprawiłem na „demonstravit”.