In Nomine Domini Amen. Ad perpetuam rei memoriam.
Andreas Dei gratia Episcopus Posnaniensis
Universis tam praesentibus quam futuris quibus expedit tenore
praesentium significamus, quomodo inter alias solicitudines nostras,
id praecipue nostrae opponitur curae pastorali, ut cultum divinum
quantum posse nostro valemus, augeamus, ad quod utique Deo adjuvante
totis nostris excubiis intendimus, non haesitantes nos in eo
singulare et benignum altissimo exhibituros famulatum.
Cum itaque providi Paulus Caliszky Magister et Albertus Buyak senior
fraternitatis pauperum de Gostyn volentes nonnullarum tam saecularium
quam spiritualium personarum testamenta et ultimas voluntates ad
effectum deducere utque pro his qui jam in Domino dormierunt ut a
peccatis solvantur et requiem obtineant sempiternam jugiter altissimo
deprecetur, censum annuum septem cum media marcarum monetae
bonae receptabilis et in Regno Poloniae currentis, numeri quoque
ejusdem quadraginta et octo grossos Marcam in quamlibet computando,
in certis bonis haereditariis in oppido Gostyn foro et titulo
reemptionis emptum et comparatum prout in literis providorum
Praeconsulis et Consulum nec non Advocati et Scabinorum ejusdem
Oppidi Gostyn (...) confectis et ipsorum sigillis sigillatis coram
nobis exhibitis latius continetur pro altare fraternitatis Pauperum
in Ecclesia parochiali sanctae Margarethae (...) in Gostyn de novo
erigendo et fundando, dederunt, donaverunt et assignaverunt, nobis
debita cum instantia suplicando (...) dictum altare erigere,
beneficium Ecclesiasticum nostra auctoritate ordinaria creare
digneremus.
Nos itaque qui in propagatione cultus divini intensis delectamus
desideriis votis dictorum providorum Pauli Caliszki Magistri et
Alberti Buyak senioris fraternitatis pauperum de dicta Gostyn
valubribus justis et rationi consonis benigniter acclinati dictum
altare ad honorem Omnipotentis Dei et sub titulo Visitationis Beatae
Mariae Virginis, sancti Matthaei Apostoli et Mariae Egipciacae in
Ecclesia praefata in Gostyn Christi nomine invocato erigimus et in
beneficium Ecclesiasticum creamus eidemque altari eiusque pro tempore
ministris dictum censum septem cum media marcarum ascribimus,
appropriamus, unimus et incorporamus ac nostra ordinaria auctoritate
confirmamus per praesentes decernentes, ut dicti census et dotatio,
jure, immunitate, et libertate ecclesiasticis subjaceant, ac pro
ipsorum repetitione sicut pro aliis censibus ecclesiasticis ad forum
judicis ecclesiastici per Altaristas habeatur recursus. Sed quia iste
census ut praefertur sub titulo reemptionis existit comparatus,
volumus decernentes, quod quandocunque census ipse in toto vel in
aliqua parte reemptus fuerit, pecunia principalis soluta
in manibus ministri altaris et patronorum pro tempore existentium
reponi debet, et alii census quanto celerius fieri poterit per
eosdem patronos et altaristam in aliis bonis certis comparari
debebunt.
Verum quia beneficium datur propter officium, statuimus quod
minister seu altarista dicti altaris et sui successores pro tempore
existentes unam missam pro defunctis in qualibet septimana die quo ad
id devocionem habuerit per alium legere et complere sint astricti,
hoc tamen specialiter expresso, quod quotienscunque aliquem ex
fraternitate pauperum praedicta mors contigerit extunc minister dicti
altaris pro tempore existens, missam super fratrem defunctum juxta
morem dictae fraternitatis decantabit. Et praeterea volumus et
ordinamus quod dictus minister seu altarista dicti altaris qui pro
tempore fuerit singulis processionibus et thurificationibus, quae in
dicta Ecclesia servari solitae sunt superlicietus (?) cum caeteris
presbyteris honorifice intersit et pro necessitate ingruente,
videlicet sabbato palmorum usque ad sabbatum post festa sanctae
paschae proximum et in diebus pentecostes et Nativitatis Christi
confessiones cum caeteris presbyteris in dicta Ecclesia in Gostyn
audiat irrecuse, rectoremque Ecclesiae praedictae pro tempore
existentem in omnibus licitis et honestis obediat.
Juspatronatus vero dicti altaris quotiens ipsum quocunque modo vacare
contigerit magistro et senioribus praefatae fraternitatis pauperum de
Gostyn pro tempore existentibus perpetuo reservamus et ibidem
discretum Johannem de Czeradz dedicto altare ad praesentationem
providorum Paulo Caliszky magistri, Alberti Buyak, Johannis Fabri et
Johannis Skorupka seniorum fraternitatis pauperum de Gostyn, dicti
altaris verorum et legitimorum patronorum per manus nostras capite
suo in posterum investivimus et instituimus, prout investimus, de
eodem regimen spiritualium et administrationem temporalium sibi in
dicto altari comittentes, mandamus vobis Vicariis Ecclesiae praefatae
in Gostyn quod praefatum discretum Johannem (...) cum ipso ad dictum
Ecclesiam in Gostyn, in qua ipsum altare est erectum personaliter
descendentem ipsum in realem dicti altaris possessionem (...)
Actum et datum in Krobya die veneris vicesima secunda mensis Januarii
Anno Domini millesimo quadringentesimo sexagesimo octavo.
Praesentibus ibidem Venerabilibus et honestis Dominis Johanne de
Łukovo Canonico Ecclesiae posnaniensis et Johanne de Strzałkowo,
rectore Ecclesiae parochialis in Gostyn, testibus ad praemissa.
Źródło: Józef Łukaszewicz, „Krótki opis historyczny
kościołów parochialnych, kościółków, kaplic, klasztorów,
szkółek parochialnych, szpitali i innych zakładów dobroczynnych w
dawnej dyecezyi poznańskiej”, tom I, Poznań, Nakładem księgarni
Jana Konstantego Żupańskiego, 1858, s. XLIV
Opis za SHG:
1468 Andrzej [Bniński] bp pozn. eryguje altarię Nawiedzenia NMP,
ŚŚ. Mateusza Apostoła i Marii Egipcjanki w kościele par. w Gostyniu,
uposażoną czynszem 7 1/2 grz. zapisanym na różnych posiadłościach
w Gostyniu przez Pawła Kaliskiego mistrza i Wojc. Bujaka seniora bractwa
ubogich w Gostyniu; toż bractwo otrzymuje pr. patronatu nad altarią (Zb.
akt kl. XII 4)
Od siebie dodam:
Obowiązki altarysty: raz w tygodniu msza za zmarłych, po śmierci
każdego członka Bractwa Ubogich msza śpiewana za jego duszę,
obecność na wszystkich zwyczajowych procesjach i okadzeniach w tej
parafii, słuchanie spowiedzi w Wielkim Tygodniu i Oktawie
Wielkanocy, na Zielone Świątki i na Boże Narodzenie, posłuszeństwo
rządcom kościoła parafialnego.
Poprawiłem: camputando na computando, praefatae paupertatis pauperum
na pr. fraternitatis paup.
Brak komentarzy:
Prześlij komentarz