Quoniam humana memoria non commensuratur expedit igitur ea quae in
humanis fiunt negotiis ad perpetuitatis ratitudinem deducantur
verborum testimonio et litterarum et sigillorum munimento. Nos igitur
Albertus et Nicolaus heredes in Cobylin fratres germani notam facimus
et praesentibus recognoscimus omnibus et singulis notitiam
praesentium habituris, quia ut agit Apostolus omnes stabimus ante
Tribunal Christi accepturi prout in vita egemus sive bonum, sive
malum, necesse est diem messis extremae misericordiae operibus
praevenire et id seminare in terris quod revertente Domino colligere
debemus in coelis, sani mente et corpore existentes non coacti, non
compulsi, nec aliquo errore devio seducti, sed matura deliberatione
praevia et amicorum sufficienti nostrorum usi consilio et praehabito
ad remedium animarum nostrarum et parentum ac consanguineorum
omniumque nostrorum tam praedecessorum quam successorum
donavimus, dedimus et resignavimus, praesentibusque donamus, damus et
resignamus manu conjuncta et indivisa duos hortos penes
hospitale Sancti Spiritus ex una penes viculum et viam, quae vadit et
ducit ad claustrum, partibus ex altera jacentes ante Cobylino ad
petita Reverendorum virorum Dominorum Michaelis Bal Patris Vicarii
protunc provincialis et Patris Anastasii Guardiani loci ante Cobylino
caeterorumque Patrum et fratrum Ordinis Sancti Francisci de
Observantia Fratrum minorum, pro area in qua fundata est stuba et
actu locata et domus ante stubam vel circumquaque locatura Dominabus
viduis et virginibus devotis Deo servientibus aut sororibus Tertiae
Regulae Ordinis Sancti Francisci existentibus, ita late et longe
prout est in longitudine quinquaginta duorum cubitorum, incipiendo ab
eodem stuba eorundem sororum versus claustrum Fratrum minorum
temporibus perpetuis cum omnibus nostris successoribus legitimis,
nihil in iis proprietate aut Dominii et etiam nullum censum, nec
ullum laborem in eisdem praefatis hortis duobus taliter prout
praemittitur per nos resignatis per se et pro nostris legitimis
successoribus reservantes.
Nihilominus tamen Nos praefati Albertus et Nicolaus Cobylinski et cum
Patre Guardiano loci, seu Praelatis Fratrum Minorum de Observantia
pro tempore existentibus pariter cum procuratore ipsorum Fratrum
susceptionem, regimen et gubernium praedictarum Dominarum Virginum et
sororum pro se duntaxat reservamus.
Et ita haec sunt data in Cobylino in domo habitationis prudentis
Mathiae Czech, protunc proconsulis die Dominica in die Assumptionis
Beatae Virginis Mariae Anno Domini Millesimo quadragesimo Nonagesimo
primo, coram his testibus infra scriptis Magnifico Domino Alberto
Gorski castelano Lendensi, Capitaneo Schovensi, haerede in Miłosno,
Generosis et Nobilibus Martino Kosztowski, Petro et Stanislao
haeredibus in Jutrosin, Bernardino et Nicolao haeredibus in
Starkowiec, Georgio Czernikowski, Georgio Przeboński caeteribusque
Nobilibus et coram Venerabilibus viris Dominis Mathia plebano et
Alberto Altarista in Cobylino et coram Providis viris Proconsule
supra scripto et consulibus Michaele Jazgier, Michaele Mrzygłod,
Andrea Czampa et Joanne Wiodziondły et coram aliis pluribus fide
dignis ad hoc specialiter rogatis et vocatis.
Ne autem donationi aut resignationi aliquis valeat sinistra obviare,
sed potius ut roborem habeat nostra sigilla praesentibus sunt appensa
in hujus rei testimonium.
Źródło: Józef Łukaszewicz, „Krótki
historyczno-statystyczny opis miast i wsi w dzisiejszym powiecie
krotoszyńskim od najdawniejszych czasów aż po rok 1794", tom I, Poznań,
Nakładem księgarni Jana Konstantego Żupańskiego, 1869, s. 223
Wojciech i Mikołaj Kobylińscy, bracia rodzeni, dziedzice Kobylina,
darują tercjarkom franciszkańskim dwa ogrody położone między
szpitalem Św. Ducha a wsią i drogą prowadzącą do klasztoru,
spełniając tym samym prośbę wikariusza prowincjalnego bernardynów
(Ordinis Sancti Francisci de Observantia) oraz miejscowego gwardiana.
Na tym terenie, o długości 52 łokci, znajduje się izba (stuba,
zapewne chata składająca się tylko z jednej izby), zostanie też tam zbudowany dom. Tercjarki nie są zobowiązane do żadnego czynszu
czy innych powinności wobec darczyńców.
Przypuszczalne literówki: ut agit Apostolus, Observatia (popr. na
Observantia), Capitano (popr. na Capitaneo).
Brak komentarzy:
Prześlij komentarz