poniedziałek, 16 czerwca 2014

1637 Fideiussio pro honesto Cypriano Straszygość

Fideiussio pro honesto Cypriano Straszygość

Actum feria quarta post festum s. Luciae anno Domini millesimo sexcentesimo trigesimo septimo.

Coram eodem officio proconsulari oppidi Gostin constituti personaliter famati atque honesti: Paulus Ganczyk, Gregorius Gano et Stanislaus Frasunek cives Gostynenses omnes in simul et quilibet eorum seorsive se inscripserunt, obligaverunt fideque iusserunt ac principaliter posuerunt (omnibus exceptionibus atque conditionibus iuris remediis in favorem fideiussorum aditis praesentem obligationem quocumque modo impedire valentibus per expressum renunciando) pro famato Cypriano Straszygoźdź principali debitore civeque Gostinensi, venerabili patri Paulo Guzdziolcio fraternitatis literatorum Gostynensium altaristae in summa centum florenorum polonicalium peccuniae mutuo acceptorum, quemlibet triginta gr. sigillatim numerando, capitalis (?) peccuniae, quam summam praefatam una cum censu consueto octo florenorum suprascripti fideiussores debent et tenebuntur ad simplicem requisitionem totaliter et ex integro praedicto patri Guzdziolcio solvere hinc pro die et festo s. Thomae Apostoli in anno Domini millesimo sexcentesimo trigesimo octavo, sine ullis tergiversionibus iuridicis.

Et ibidem comparens personaliter famatus Cyprianus Straszygoźdź principalis debitor, cautionem evictionis praestitit in et super bonis omnibus mobilibus et immobilibus habitis et habendis, videlicet in domo vel diversorio in maiori suburbio penes diversorium honesti Mathiae Dalik (?) constituto, praefatis fideiussoribus in summa praefata centum florenorum polonicalium, si eandem pro die et festo s. Thomae Apostoli in anno sequenti 1638 solvere neglexerit, ex tunc debebit et tenebitur dare realem intromissionem et pacificam possessionem in domum suam vel diversorium suprascriptum praedictis fideiussoribus suis, quam domum vel diversorium iidem fideiussores tenebunt, possidebunt et modo obligatorio, cum omni iure, proprietate et dominio, cum omnibus utilitatibus et usufructibus ad praedictam domum vel diversorium quocunque modo spectantibus et pertinentibus usque ad plenariam solutionem summae praefatae. Quae quidem inscriptio et obligatio admissa est et confirmata habere robur firmitatis perpetuae de forma iuris.


Źródło: Gostyń, „Acta proconsule...” 1636-1677, czystopis, sygn. I 22, s. 4

Poręczenie za Straszygościa. Mieszczanie gostyńscy Paweł Gańczyk, Grzegorz Gano i Stanisław Frasunek poręczają za Cypriana Straszygościa, również mieszczanina gostyńskiego, który winien jest ks. Pawłowi Guździołkowi (łac. Guzdziolcius), altaryście bractwa literackiego w Gostyniu 100 zł wraz z czynszem 8 zł. Pożyczka ma być spłacona w przeciągu roku.

Wierzytelność będzie zabezpieczona wobec wierzyciela przez porękę, a wobec poręczycieli – przez zastaw. Straszygość składa więc zobowiązanie do przekazania (cautio evictionis) swojego domu lub karczmy (na Wielkim Przedmieściu, koło karczmy Macieja Dalika) w ręce poręczycieli, jeśli w ciągu roku długu nie ureguluje.

Brak komentarzy:

Prześlij komentarz