1604 Obligatio bonorum per Spectabilem ac Famatum Cristophorum Siemsicki

Obligatio bonorum per Spectabilem ac Famatum Cristophorum Siemsicki civem Posnaniensem Spectabili D. Alberto Fricio civi Posnaniensi occasione sexcentorum florenorum debiti officiose facta

Actum Grodiscii ante foestum Nativitatis Dni Nri Iesu Christi anno 160quarto.

Coram Judicio Bannito (per Famatum Martinum Lipinski advocatum Grodiscensem, Bartholomaeum Dzwig, Stanislaum Paiączek, Albertum Wąchała, Joannem Slatałka, Heliam Czichosz, Lucam ferrifabrum, scabinos iuratos) causa necessitatis exposito atque empto, personaliter comparens Famatus Cristophorus Siemsicki civis Posnaniensis, cum coniuge sua legittima Elisabetha sani mente ac corpore existentes, non compulsi non coacti, neque aliqo devio errore seducti, publice ac per expressum recognoverunt se teneri ac debere veri certi et liquidi in communemque usum mutuati debiti sexcentos florenos numeri Polonicalis in quemlibet 30 gr. computando ac numerando, Spectabili Dno Alberto Fricio civi Posnaniensi suisque successoribus.

Quam quidem sumam sexcentorum florenorum praefatus Cristophorus Siemsicki cum coniuge sua Elisabethe ipsemet per se, coniunx autem per tutorem ad hoc cum consensu mariti sui specialiter assumptum ac de iure Advocatiali roboratum, Spectabilem ac Famatum Dnm Stephanum Pharmacopolam civem ac proconsulem Grodiscensem, praesentibus obligant ac inscribunt in bonis suis, nominatim vero in domo sua lapidea inter lapideas Joannis Szynk ab una, atque Bartolomei sagittarii partibus ab altera magnae plateae Posnaniensi (?) situata, se sine ulla contradictione iurisque strepitu pro dominica Septuagesimae proxime ventura in anno sequenti 1605 totaliter ac realiter soluturos.

Casu vero quo non solverint aut solvere neglexerint, ex tunc in crastino id est feria 2da post dominicam Septuagesimae proxime ventura debebunt tenebuntur praesentibusque se obligant dare realem intromissionem pacificamque posessionem praedicto suo creditori in praefatam domum suam lapideam per Dnum Advocatum et Scabinos Civitatis Posnaniensis, cum omni iure, dominio, proprietate, nec non cum omnibus dictorum bonorum utilitatibus, et usu fructibus, ex eadem domo provenientibus, nihil excipiendo, ex summaque praefata in usu fructu nil defalcando, ita late longe et circumferentialiter prout dictorum bonorum haereditas se ab antiquo extendit,

renunciando in hoc omnibus subterfugiis, dilationibus, motionibus, apellationibus, evasionibus, legalibus impedimentis, litteris (?) regalibus, absentiae, verae ac simplici infirmitati, diverticulis, et coloribus iuris, quaesitis exquirendis excogitatis ac excogitandis, nullosque defectus praesenti inscriptioni obiiciendo, et penitus nil iuris remediorum et diverticulorum in auxilium sibi contra praemissa assumendo, imo data sibi intromissione et pacifica posessione,

debebunt ac tenebuntur praefatum Dnum Albertum Fricium Pharmacopolam eiusque successores, occasione huiusce domus, eiusque pacificam posessionem, tam a se ipso, quam ab omni alio homine cuiuscunque status et conditionis in praedictis bonis iure impedimentibus, aut impedire quomodolibet volentibus, nec non ab omnibus et singulis iuribus, inscriptionibus prioribus et posterioribus, reformationibus, dotibus, et dotaliciis, advitalitatibus, debitis, obligationibus, citationibus, concitationibus, lucris perlucris et terminis quibusvis, et generaliter ab omnibus et singulis damnis impedimentisque iuridicis, omnium personarum, tueri, defendere evincere, eliberare, toties quoties sibi opus fuerit, nulla re exquisita ipsum evadendo,

ita quod praefatam domum lapideam ab omni impeticione iuridica quarumcunque personarum tenebit possidebit et habebit modo obligatorio in praefatis sexcentis florenis a praefato die dominico Septuagesimae usque ad decursum unius anni, id est ad dominicam Septuagesimae in anno 1606, et sic annis continue se sequentibus, usque ad totalem et plenariam solutionem praedictorum sexcentorum florenorum.

Quam summam cum praedictus Cristophorus aurifaber, praefato Alberto Fricio reponere voluerit ante (?) exemptionem praefatae domus, eum prius duodecim hebdomadis per se vel per alios concives suos certiorem facere debet. Quod si non fecerit aut facere neglexerit, iterum ad annum sequentem vigore obligationis idem Dnus Albertus Fricius ea bona in posessione pacifica iuxta praemissa habere debet.

In quae omnia praemissa se benevole praedictus Cristophorus Siemsicki aurifaber cum coniuge sua Elisabethe submissit. Quam obligationem D. Albertus Fricius actis nostris praesentibus ingrossari petiit quod de iure obtinuit. Super quo Judicio memoriale solutum est.

Źródło: Grodzisk Wlkp., Liber Actionum Scabinalium 1594-1609, sygn. 1529, s. 441

Krzysztof Siemsicki, złotnik z Poznania (wzmiankowany w artykule o rodzinie Schwartzów: http://oxfordindex.oup.com/view/10.1093/gao/9781884446054.article.T076912) winny jest 600 zł Wojciechowi Fryczowi (Fricius), aptekarzowi poznańskiemu. Sumę tę zapisuje na swojej kamienicy (domus lapidea) przy ulicy Wielkiej (platea magna) w Poznaniu, stojącej między kamienicami Jana Szynka i Bartłomieja strzelca, zobowiązując się spłacić dług do najbliższej Siedemdziesiątnicy (Dominica Septuagesimae, Niedziela Starozapustna, pierwsza niedziela Przedpościa tj. na 3 tygodnie przed I niedzielą Wielkiego Postu) czyli do 6 lutego 1605 roku – a więc w 6 tygodni od złożenia zobowiązania.

Jeśli Siemsicki nie spłaci długu w terminie, Wojciech Frycz wchodzi w użytkowanie kamienicy na okres roku; podobnie w kolejnych latach. O planowanym wykupie zastawu Siemsicki musi uprzedzić Frycza 12 tygodni wcześniej.

Obie strony stawiły się przed urzędem osobiście. Niestety zapis nie wyjaśnia, dlaczego sporządzono przed go w urzędzie miejskim w Grodzisku, a nie w Poznaniu.

Uwaga: pozbawione abrewiacji quomolibet wydłużyłem do quomodolibet.