czwartek, 26 czerwca 2014

1672 Commutatio agri plebanalis Gostinensis cum agro donato Congregationi ad villam Pozegowo existente

Albertus Dobrzelewski, praepositus infulatus Lascensis, archidiaconus Posnaniensis, scholasticus Vladislaviensis, Gnesnensis Lanciciensis canonicus, Sacrae Regiae Maiestatis secretarius, vicarius in spiritualibus, et officialis Posnaniensis generalis.

Significamus hisce praesentibus litteris nostris, quorum interest, universis et singulis, q[...] pro parte et ad instantiam Congregationis Oratorii sancti Philippi Nerii, in ecclesia tituli Immaculatissimae Conceptionis Beatissimae Mariae Virginis extra oppidum Gostin, in Sacro Monte sita, noviter fundati, coram nobis fuit comparitum, et nomine eiusdem humiliter supplicatum,

quatenus super commutationem agri plebanalis Gostinensis, ad praefatam ecclesiam Beatissimae Mariae Virginis siti, cum agro Oratorii seu pessula vulgo płoską, per generosum Stanislaum de Bnin Radzewski bonorum villae Pozegowo districtus Costensis haeredem, ad acta in judiciis castrensibus Posn(aniensibus) causarum officii, feria secunda post festum Omnium Sanctorum proxima, anno millesimo sexcentesimo septuagesimo primo, in castro Posnaniensi celebratis, dato, donato et inscripto, antiquitus ad villam et hereditatem praedictam Pozegowo pertinente, penes agros praediales ex una, et versus montana ad praedictam villam Pozegowo spectantem, ad semitam quae tendit ad villam Dusina sese extendente, propter certas et rationabiles causas, inter eandem Congregationem, et admodum reverendum Paulum Czapulewicz praepositum Gostinensem, stante consensu illius factam, authoritate nostra qua hac in parte fungimur, consensum et assensum dare, nec non talem commutationem confirmare, approbare et ratificare dignaremur. Qua in re nolentes quidquid praecipitanter agere, et cupientes [?] de narratis eisdem plenius informari, commiss[...] [s. 62] in personas perillustris ac admodum reverendorum Francisci Gostynski canonici Po[snaniensis] fratris nostri observandissimi, Matthaei Ogromnicz praepositi Krobensis, Jacobi Rogoziecki [?] parochi Dolscensis, et aliorum authentico commissionis specificatorum decrevimus, et extradere mandavimus in forma solita, prout f[...] extradita.

Qu[...]rum quidem dominorum commissariorum acta inquisitionis, per admodum reverendum Albertum Laktanski, cathedralis poenitentiarium, B. M. V. in Summo custodem, et sancti Nicolai ecclesiarum collegiatarum praepositum, admodum reverendi domini M. Stanislai Grudowicz, philosophiae doctoris, suprascriptae Congregationis praepositi procuratorem reproducto, ad cuius insertionem hic minime tenemur, viso et lecto, quoniam ex eodem clare et evidenter constat, per praedictam commutationem, ecclesiam parochialem Gostinensem, eiusque admodum reverendum praepositum non laedi, imo in meliorem eorum vergere conditionem, siquidem ager plebanalis sit trium stadiorum in longum, quorum unum est arenosum, et latum sulcorum viginti quatuor, Congregationis vero sit stadiorum trium et medii arenosi, sulcorum vero triginta sex maioris quantitatis et bonitatis, ac propinquitatis ad evehendum fimum:

ideo super eadem commutatione consensum et assensum nostrum authoritate praefata dandum et concedendum esse duximus, uti quidem damus et concedimus, eandemque approbamus, confirmamus et ratificamus, perpetuo ac in aevum, roburque firmitatis perpetuae eidem commutationi, ac in ea contentis tanquam in evidentem ecclesiae parochialis Gostynensis eiusque praepositi utilitatem factis adiicimus [?], omnesque tam juris quam facti defectus, si qui in praemissis forsan [?] intervenerunt, eadem authoritate nostra supplemus.

In quorum [s. 63] manu propria perillustris ac admodum [...]tis nostri subscriptae, et sigillo officii nostri commun[...] decima octava mensis Maii anno Domini [millesimo sexcentesimo] septuagesimo secundo.

(-) Nicolaus Zalaszowski UJD, canonicus [?] Posnaniensis uti locum tenens mpp.

[in dorso:] Commutatio agri plebanalis Gostinensis cum agro donato Congregationi ad villam Pozegowo existente 1672



Źródło: Święta Góra, „Dokumenta Starożytne Kongregacyi Xięży Filippinów pod Gostyniem”, sygn. A/5, s. 61-64

Zgoda oficjała poznańskiego na zamianę roli plebana gostyńskiego z rolą Kongregacji św. Filipa Neri na Świętej Górze.

Kongregacja otrzymała rolę w Pożegowie w darowiźnie od Stanisława z Bnina Radzewskiego, dziedzica dóbr tej wsi, 2 listopada 1671 r. (zapis w aktach grodzkich poznańskich). Przytoczę uzasadnienie dla jej zamiany z rolą plebańską, jakie przedstawił oficjałowi ks. Wojciech Laktański, reprezentujący ks. Stanisława Grudowicza, założyciela i przełożonego kongregacji świętogórskiej:
„... jasno bowiem widać, że w wyniku tej zamiany, kościół parafialny w Gostyniu, jak i jego przewielebny proboszcz straty nie poniosą, a nawet na korzyść im to wyjdzie. Choć bowiem rola plebańska długa jest na trzy stajania, w tym jedno piaszczyste, szeroka zaś na 24 zagony, to rola kongregacji ma 3 stajania i pół piaszczystego, zagonów zaś 36 większych i lepszych, bliżej też do wywozu nieczystości.”

Uwaga:
Pozegowo – w całym dokumencie błędnie: Pogozewo

Brak komentarzy:

Prześlij komentarz