1767 Relatio citationis castrensis Posnaniensis ex parte honorati Thlan contra illustrissimum Sułkowski et civitatem Leszno

Actum in Costen feria tertia post dominicam Conductus Paschae [28 IV] proxima anno Domini millesimo septingentesimo sexagesimo septimo.

Ad officium et acta praesentia castrensia Costensia personaliter veniens honestus Samuel Hartnik Vschova ministerialis Regni generalis authenticus, sanus existens, palam recognovit se citationem literalem castrensem Posnaniensem authenticam infrascriptam tenoris talis:

„Georgius Vandalinus comes in Magna Konczyce Mniszech, curiae Regni mareschalcus, Majoris Poloniae generalis, Ustensis, Pilensis, Lubaczoviensis, Białoczerkoviensis etc. capitaneus, Vobis illustrissimo Antonio duci in Bielsk Sułkowski capitaneo Sokolnicensi, bonorum civitatis Leszno haeredi et possessori, tum spectabilibus proconsuli, consulibus, totique magistratui ejusdem civitatis Leszno, de personis bonisque vestris generaliter omnibus, vigore Regio et nostra capitaneali qua hac in parte fungimur authoritate mandamus.

Ut in judiciis nostris castrensibus Posnaniensibus causarum officii et quaerularum primis et proximis in castro Posnaniensi celebrandis personaliter peremptorie ac legitime compareatis ad instantiam instigatoris judicii nostri ejusque delatoris honorati Samuelis Fabiani Thlan in ante civis Lesnensis, ad praesens autem Węgroviensis incolae actoris.

Qui Vos cum debita cui competit assistentia inhaerendo manifestationibus suis citat ad videndum et audiendum, attenta lege, justitia et aequitate tum authentice [?] attestato aliisque judicialiter inferendis deductionibus actorem bonaque ejus a quavis Vestri impetitione libera pronuntiari, nihilominus ratione indebitae per editas ex parte Vestri proconsulis, consulum ac magistratus ad Vestri judicium quasi citationes, bonae famae actoris circumscriptionis laesionis, criminis cujusdam objectionis, taliterque contra legem et justitiam processuationis ac temerae vexae paenis ad mentem legis Vos affici, nihilominus tam inusitatas citationes quam si et inquantum subsecutos inde processus cassari, nihilque bonae famae, actoris nocere debere adinveniri, imo eosdem [s. 3] eliminandos statui, caeteraque pro causae istius legis et justitiae exigentia concludi, in damnis et litis expensis condemnari. Citamini itaque sitis parituri, terminum attenturi et judicialiter responsuri.

Datum in castro Posnaniensi feria sexta Magna [17 IV] anno Domini millesimo septingentesimo sexagesimo septimo.”

in civitate Leszno domoque proconsulis ibidem situata super mensa hippocausti, praesente bedello feria sexta post festa solennia Sacri Paschatis proxima anno praesenti posuisse et reliquisse.

Ex actis castrensibus Costensibus extractum.

(-) Dobrosławski viceregens castrensis Costensis, manu propria.

Lectum cum actis.

[in dorso] Relatio citationis castrensis Posnaniensis ex parte honorati Thlan contra illustrissimum Sułkowski et civitatem Leszno. In Costen 1767.

Źródło: Leszno, APP Akta miasta Leszno, sygn. I 722, s. 2-3

Opis archiwalny dokumentu: „Ekstrakt z ksiąg grodzkich kościańskich zeznania o złożeniu i doręczeniu pozwu sądu grodzkiego poznańskiego z 1767. 17. IV w sprawie wytoczonej przez sławetnego Thlana Antoniemu Sułkowskiemu, staroście sokolnickiemu i miastu Lesznu."