Protestacio Lempartii Gomonowicz cum propinquis suis.
In praesentiam famati Gregorii Ranisch advocati personaliter
venientes honesti Lempartius Gomonowicz civis Posnaniensis, nec non
Michael cultrifaber cum coniuge sua legittima Zophia nomine et
Albertus Dąmbrowski itidem cum uxore sua legittima Anna, cives
Grodziscenses, solennem protestacionem fecerunt omnes nominati nomine
suo proprio et aliorum propinquorum suorum in et contra donationis
inscriptionem per famatum Stanislaum Lempasik avunculum suum civem
Grodziscensem honestae Reginae Linkowna coniugi suae legittimae anno
1627 causa mortis officiose factam ac inscriptam non modo in
omnibus suis bonis mobilibus et immobilibus protunc habitis,
verum etiam in omnibus post habendis et tempore suo acquisitis.
Quod factum per praefatum Lempasik ea potissimum de causa libris
advocatialibus inscriptum ac insertum est, quia bona fide praefata
Regina coniux sua legittima pollicebatur ac spondebat maritum suum
nominatum ad extrema usque vitae ipsius tempora omni veneratione
coniugali in omnibus ipsi parendo venerari ac praesto esse omnemque
matrimonialem habitum sine querela exequi amoreque coniugali, fide ac
honestate semper amplecti, nulla in re contrariam se exhibendo.
Quam sponsionis fidem violatam fractamque marito nos animadvertentes
siquidem floccipensione saepius maritus a coniuge sua afficitur,
verbis iniuriosis toties per ipsam calumniatur taliter ut ludibrium
potius, non vero maritus omnis aequitatis ac honestatis studiosus ab
ipsa censeatur aliisque innumerabilibus contumeliis tempore suo
dicendis neutiquam bono viro dignis multoties turbetur.
Qua de causa inscriptionis datum invalidum esse ob fractam
fidem promissi non exequuti cum iniuria maxima mariti, avunculi
vero nostri, nos omnes supra nominati affirmantes iterum atque iterum
protestamur tam de invaliditate donationis quam et de fraudulenta
obtentione ipsius per Reginam Linkowna siquidem in fraudem et
floccipendium maximum omnibus consanguineis insciis et a successione
quodammodo remotis per Stanislaum Lempasik coniugi suae adulatrici
tum temporis est facta ac [s. 674] inscripta; testificando se
de his et aliis subsequentibus tempore certo, quorum de iure venerit
iure acturum.
Super qua protestacione memoriale iuri solutum. Actum die 14 mensis
Octobris anno ut vides.
Źródło: Grodzisk Wlkp., wójtowskie 1627-1641, czystopis,
sygn. 1530, s. 673-674
Lempart Gomonowicz mieszczanin poznański, Michał nożownik z żoną
Zofią oraz Wojciech Dąbrowski z żoną Anną, mieszczanie
grodziscy, składają protestację przeciwko zapisowi, którym ich
wuj Stanisław Lempasik 10 lat wcześniej zapisał dożywocie swojej
żonie, Reginie Linke:
Zwracają oni uwagę, że żona Lempasika złamała przysięgę małżeńską,
często szydząc z męża, potwarząc go, tak iż ma go za przedmiot
drwin, nie zaś za godnego szacunku małżonka. Uskarżają się zatem ("protestują") przed urzędem wójtowskim zarówno na to, że według nich ów dokonany na
rzecz Lempasikowej zapis stracił ważność, jak i że wyłudziła go
od męża podstępem.
Brak komentarzy:
Prześlij komentarz