1726 Illustris et magnificus palatinus Calissiensis generoso Pomorski scriptum ratione summae 22000 florenorum Polonicalium roborat

Actum in castro Wschovensi feria quinta post festum Immaculatae Conceptionis Beatissimae Mariae Virginis [12 XII] proxima anno Domini millesimo septingentesimo vigesimo sexto.

Illustris et magnificus Ludovicus de Szołdry Szołdrski palatinus Calissiensis, sanus mente corporeque existens recedendo etc. recognovit atque se et suos successores in et super bonis suis generaliter omnibus summisque quibusvis pecuniariis habitis et habendis generoso Petro Pomorski et illius successoribus inscripsit et obligavit, inscribitque et obligat praesentibus.

Quia ipse debebit ac sua cum posteritate tenebitur scriptum certum manuale ratione summae viginti duorum millium florenorum Polonicalium aliarumque certorum rerum et conditionum in eodem scripto expressarum de actu et data diei hodierna hic Wschowae initum et confectum, manu sui recognoscentis propria subscriptum et eidem generoso Petro Pomorski ad manus traditum, ipsique serviens, in toto et in parte, inque omnibus ejusdem scripti contentis, punctis, clausulis, articulis, nexibus, vadio et ligamentis, conditionibusque generaliter universis, tenere, complere, [s. 111] exequi ac inviolabiliter suis cum successoribus observare, idque sub vadio similis summae viginti duorum millium florenorum Polonicalium, citatus hic responsurus peremptorie.

Ex protocollo castrensi Wschovensi extractum. Correxit Nagłowski, regens castrensis Wschovensis, mpp.

[in dorso] Illustris et magnificus palatinus Calissiensis generoso Pomorski scriptum ratione summae 22000 florenorum Polonicalium roborat. 1726. In castro Wschovensi.

Źródło: Papiery Ludwika Szołdrskiego, sygn. BK07896, s. 110-111

Ludwik Szołdrski wojewoda kaliski roboruje (zatwierdza urzędowo) skrypt Piotrowi Pomorskiemu pod zakładem 22.000 zł, sporządzony tego samego dnia co roboracja, we Wschowie.

Pół wieku później w innej roboracji w grodzie wschowskim użyto tych samych formuł: http://actacastrensia.blogspot.com/2014/07/1767-spectabiles-herman-et-zimmerman.html