1811 Conventui PP. Reformatorum facultas peragendi Munia Parochialia conceditur

JMJ

Copia Instrumenti

Concessa ab Illustrissimo Officio Conventui Ravicensi Patrum Reformatorum

administrandi Sacramenta, juxta Decretum, Plebi Ravicensi

Timotheus Comes Nałęcz a Gorzeń Gorzeński

Dei et Apostolica Sedis Gratia Episcopus Posnaniensis

Ordinum Aquilae Albae et Sancti Stanislai Eques

Universis et Singulis, quorum interest, aut quomodolibet interesse poterit Significamus.

Quia nos Cohaerentes ad Complanationem inter Admodum Reverendum Carolum Golemowski Curatum Łaszczynensem et Conventum Ravicensem Ordinis Sancti Francisci Strictioris Observantiae ac Communitatem Orthodoxae Fidei Romano-Catholicae Civitatis Ravicensis, sub die Vigesima Quinta Mensis Junii, Anno Currenti initam, ac per nos die Vigesima Mensis Augusti approbatam, et ad Acta Officii Curiae Nostrae Episcopalis Posnaniensis, Vigesima tertia Mensis itidem Augusti per Oblatam porrectam, ad peragenda Munia Parochialia, administranda Sacramenta et alios actus Eadem Complanatione Comprehensos, Admodum Reverendum et Religiosum Valerianum Przybylski, ejusdem Conventus Gvardianum, ac Succedaneos Ejusdem Conventus Gvardianos, per Superiores Ordinis itidem praedestinatos, authorizandam esse duximus, prout /: dantes Eidem Gvardiano protempore existenti ad peragenda eadem Munia et Officia Parochialia, alium idoneum Sui Ordinis Praesbyterum, Sive Praesbyteros facultatem substituendi :/ authorisamus, praesentibus Literis ad Arbitrium Nostrum, sive Officii Nostri Generalis Posnaniensis Valituris. In quorum fidem etc.

Datum in Cancellaria Curiae Episcopalis Posnaniensis, die Septima Mensis Septembris, Anno Domini Millesimo Octingentesimo Undecimo.

(-) F. Borgia Kawiecki Canonicus Cathedrialis Posnaniensis, Judex Surrogatus mpp.

L.S.

Casimirus Stefański Cancellariae Curiae Episcopalis Posnaniensis Regens mpp.

Źródło: Parafia Rawicz, "Liber Copulatorum, Baptisatorum et Sepultorum In Conventu Ravicensi Patrum Reformatorum Strictioris Observantiae Compillatus.", AAP PM 248/5, f. 3

Kuria poznańska zatwierdza (authorisamus) ugodę, zawartą pomiędzy plebanem łaszczyńskim a konwentem OO. Reformatów z Rawicza. Ugodą tą, wcześniej już oblatowaną w aktach kurii biskupiej i zatwierdzoną przez biskupa Gorzeńskiego, zezwolono temuż konwentowi na 7 lat przed jego kasatą na sprawowanie czynności parafialnych wobec mieszkańców Rawicza.