1773 Spectabilis Joannes Oraczewski consorti suae Marciannae de Czujewiczow alteram medietatem Domus in vim Dotis ac Dotalitii Inscribit

Spectabilis Joannes Oraczewski consorti suae Marciannae de Czujewiczow alteram medietatem Domus in vim Dotis ac Dotalitii Inscribit

Actum Grodzisci Feria Quarta ante Festum Sancti Martini Episcopi proxima die scilicet 10ma mensis 9bris AD 1773

Coram Spectabilibus Andreae Chrząski Advocato, Jozefo Żabicki et Jacobo Slawczynski Scabinis Actisque praesentibus Advocatialibus Grodziscensibus personaliter comparens Spectabilis Joannes Oraczewski Civis Grodziscensis sanus mente corporeque existens, palam sponte libere ac benevole recognovit.

Quia ipse licet si unam medietatem Domus hic Grodzisci in Circulo fori Antiquae Civitatis inter vicinitates Domus Famatae Rosaliae Żabicka ex una et Fundi steriliter iacentis Famati Antoni Lemanski parte ab altera situatae et locatae, piae defunctae Maryae Clarae de Jandry consorti suae in vim dotis ac dotalitii actis praesentibus Feria Tertia post Dominicam Exaudi proxima die scilicet 17ma mensis Maji AD 1768 inscripsit et donavit,

Modo tamen cum sibi in sociam vitae Honestam Marciannam de Czujewicze auxit et associavit, ductus erga illam amore conjugali alteram medietatem praefatae Domus tam in vim amoris conjugalis quam et dotis per illam comportatae dat, donat, inscribit et resignat, hac tamen conditione ut onera omnia sive tacita sive expressa per se aut piae defunctam consortem suam contracta extiterant exsolvat.

Quam quidem inscribcionem suprascripta Marcianna Spectabilis Oraczewski consors personaliter comparens ratam gratamque acceptans petiit ad Acta praesentia suscipi et ingrossari. Quod quoniam Acta nemini de Jure deneganda veniunt obtinuit obtinetque actis praesentibus ubi in continenti suprascriptus recognoscens super eandem Inscribcionem se subscribsit de tenore tali.

(-) Jan Oraczewski mpp.

Grodzisk Wlkp., wójtowska 1770-1778, protokół, sygn. 1524, f. 214

Oraczewski – postać skądinąd popularna na naszym blogu – swej kolejnej żonie Marcjannie, wiedziony miłością małżeńską ku niej oprawia posag na połowie swego domu, z zastrzeżeniem, że będzie ona regulować wszelkie jawne i ukryte obciążenia zaciągnięte przez niego czy przez jego nieboszczkę małżonkę Marię Klarę z Jandrów. Umieszczoną pod zapisem oblatę wyprawy Marcjanny przedstawimy w odrębnym wpisie.