1773 Oblata Contractus Inter Honoratos Josephum et Barbaram de Kubowicze Raszkoskich Cives Posnanienses

Actum Grodzisci Feria VI ante Festum S. Bartholomaei Apostoli proxima, die scilicet 20. mensis Augusti AD 1773tio

Oblata Contractus Inter Honoratos Josephum et Barbaram de Kubowicze Raszkoskich Cives Posnanienses et Famatos Ottom Conjugibus Civibus Grodziscenses, Respectu Fundi initi, seu potius Cessionis ejusdem Fundi

Ad Officium et Acta praesentia Advocatialia Civitatis Grodzisk personaliter veniens Famatus Joannes Bartholomaeus bini nominis Otto Funifex Civis Grodziscensis, Obtulit ad acticandum actisque hisce ingrossandum Cessionem Fundi seu Resignationem ejusdem per Honoratos Raczkowskie Conjuges Cives Posnanienses coram Officio actisque Advocatialibus et Scabinalibus Civitatis Sacrae Regiae Majestatis Posnaniensis sub actu infra scripto in Personam sui recognitam manibusque propriis tam Recognoscentium quam et sui offerentis subscriptam ac Sigillo Civitatis Posnaniae communitam et Authorisatam salvam, sanam et illesam omnique vitio ac suspitionis nota carentem. Cujus quidem Cessionis sive Resignationis is est qui sequitur tenor.

„Actum Feria Quarta ante Festum S. Margarethae Virginis et Martiris proxima die scilicet 7ma Mensis Julii Anno Domini 1773tio. Coram Officio Actisque praesentibus Advocatialibus et Scabinalibus Civitatis Sacrae Regiae Majestatis Posnanensis personaliter constituti Honorati Josephus Raszkowski viginti vir Posnanensis et Barbara de Kubowicze conjuges legitimi, mentibus corporibusque sani per omnia existentes, palam sponte libere verbisque expressis ac benevole et quidem suprafatus Honoratus Raszkowski per se, consors vero Illius in et cum suprafati Mariti sui uti Tutoris conjugalis assistentia recognoverunt praesentibusque recognoscunt.

Quia illi totum et integrum Jus suum, quod et qualecunque sibi modernis Recognoscentibus ad Fundum antiquitus Krobski, dein Kubowiczow, post Laktanskich, ad praesens sui proprium et haereditarium in Civitate Grodziscensi inter vicinitates Domus Famati Michaelis Rajewicz Ferrifabri Civis Grodziscensis ex una, et Fossam Civilem parte ab altera in Platea Ptaszkowiensi situm, ---- tam vigore Complanationis, inter Famatos Laktanskie et praelibatos Raszkowskie de actu feria 6ta post Festum Assumptionis in Caelum Beatissimae Virginis Mariae proxima die scilicet 18. mensis Augusti Anno Domini 1769, quam et Officiosae nemine impugnante sub eodem ut supra actu coram actis Advocatialibus et Scabinalibus Grodziscensibus factae et recognitae Intromissionis, ----- serviebat et competebat; servitque et competit,

nihil sibi suisque quibusvis Successoribus juris, dominii, proprietatis titulique haereditarii ad supra expressum Fundum reservando et excipiendo, sed idem jus, dominium, proprietatem titulumque haereditarium

in Personas Famatorum Joannis Bartholomaei Ott Funificis et Mariae Franciscae bini nominis Conjugum legitimorum Civium Grodziscensium transfundendo idque pro Summa 200 fl. pl. currentis in Regno Monetae, de qua sibi modernis Recognoscentibus realiter et in effectu quietant, cesserunt, dederunt, donaverunt, vendiderunt, transtulerunt, transportaverunt ac resignaverunt, prout quidem cedunt, dant, donant, vendunt, transferunt, transponunt ac resignant temporibus perpetuis et in aevum.

Actum per praesentem Intromissionem in praefatum Fundum praedicti Famatis Ottom Conjugibus jam ex nunc paratam? dant et si eandem in loco Bonorum juxta legem et praxim a Judicio Advocatiali et Scabinali Grodziscense iidem Cessionarii affectabunt eam Officiosae Intromissionis collationem etiam in absentia se se permissuros declarant. Evictionem quoque generalem ab omnibus impedimentis respectu ejusmodi fundi ad praesens Cessi et resignati quandocunque exerciendis, in et super omnibus Bonis suis Summisque peccuniariis habitis et habendis praenominati Honorati Raczkowscy Conjuges suis cum Succedaneis toties memoratis Famatis Ottom Conjugibus illorumque Successoribus, cavent, assecurant, ac inscribunt, haec sua personali Recognitione ad praemissa mediante.

Quam ejusmodi Fundi Cessionem et Resignationem modo praemisso factam et recognitam praelibatus Famatus Ott suo Consortisque suae nomine personaliter Comparens, ratam gratamque acceptavit Actisque praesentibus connotandum petiit, Quod prout juris et Styli est obtinuit, obtinetque per praesentes Ubi in continenti super ejusmodi Cessionem et Resignationem Fundi Utraeque Partes in praesentia Testium se se Subscripserunt de tenore tali.

Barbara z Kubowiczow Raszkowska iako Ustępująca Prawa piorem trzymanym x x x

Jozef Raszkowski iako Assystujący y Cedujący mp.

Jan Bartłomiej Ott Swym i Zony moiey Imieniem

Krystyan Kosicki Mieszczanin y Młynarz Grodziski piorem trzymanym x x x

Andrzey Rutkoski J^o K Mci Sekretarz iako Swiadek przy tey Sessyi będący mpp.

Ex Actis Advocatialibus et Scabinalibus Civitalis Sacrae Regiae Majestatis Posnanensibus Extractum.

Adamus Jasienski Sacrae Regiae Majestatis Secretarius Apostolicus et Advocatialis ac Scabinalis Civitatis Posnanensis Actuarius Notarius mpp.

Originale vero ejusdem Cessionis supra scriptus Offerens ad se recepit et de recepta Cancellario? Quietavit.”

Źródło: Grodzisk Wlkp., wójtowska 1770-1778, protokół, sygn. 1524, f. 197

Kontrakt sprzedaży powroźnikowi gruntu w Grodzisku Wlkp. przy ul. Ptaszkowskiej, przy fosie miejskiej. Zawarty w Poznaniu, gdzie sprzedający obecnie mieszkają. Wyliczone dowody własności, oba w księgach wójtowskich grodziskich.