1691 Rndus Olszakowicz communitatem oppidi Quietat

Anno Domini Millesimo Sexcentesimo Nonagesimo primo, die vero Jovis Vigesima Nona, mensis Martii, Calissii

Coram Officio et Actis praesentibus Consistorii Calissiensis personaliter comparens Reverendus Bartholomaeus Olszakowicz Praepositus Sancti Spiritus et Altarista ac Promotor Confraternitatis Sanctorum Angelorum Custodum in Ecclesia Parochiali Kobylinensi fundatae, sanus mente et corpore existens non compulsus non coactus, sed palam, sponte, libereque recognovit

Quia ipse Famatos Nicolaum Nyklewicz Praeconsulem, Famatum Franciscum Jedynak, Albertum Lubranski, Joannem Rybczynski, Joachimum Szweryn Consules, Matthiam Płachew [?] Advocatum, Petrum Daiewski, Lucam Sebestianowicz, Casimirum Zielinski et Martinum Wichrowicz Scabinos, Archimagistros omnium Contuberniorum totamque Communitatem Oppidi Kobylin

de summa 1000 florenorum polonicalium originali per eosdem Famatos Praeconsulem, Consules, Advocatum, Scabinos, Archimagistros, totamque Communitatem eiusdem oppidi Kobylin coram Judicio Magno Bannito et Actis Advocatialibus Cobelinensibus, de actu feria quinta post Festum Nativitatis Beatae Virginis Mariae, proxima in Anno Domini 1667, ad Altare Confraternitatis Sanctorum Angelorum Custodum ex censu annuo florenorum 70 quotannis solvendo inscripta, et in bonis illorum omnibus assecurata,

tum de censu annuo sibi integre et plenarie ab eadem Summa persoluto,

ex causa levationis eiusdem Summae originalis totalis et integrae Mille florenorum polonicalium,

quam in aliis bonis mundis et liberis, videlicet:

- Summam 500 florenorum polonicalium apud Generosum Petrum Kaminski in bonis villarum Cykowo et Cykowko

- reliquum vero Summae 100 florenorum in agris et in omnibus bonis Famati Andreae Grzemiętowicz,

- alteram Summam 100 florenorum polonicalium in bonis omnibus, et praecipue quarta parte agri Famati Vincentii Klimek

- tertiam Summam 100 florenorum polonicalium in bonis omnibus Famati Alberti Lubrzanski

- quartam Summam 100 florenorum polonicalium in bonis omnibus Famati Henrici Reyman,

- quintam denique Summam itidem 100 florenorum polonicalium in bonis omnibus Famati Thomae Szkaradowski

oppidanorum Kobylinensium dispartitum locavit,

ob cuius levationem Summae originalis 1000 florenorum polonicalium de manibus praefatorum Famatorum Praeconsulis, Consulum, Advocati, Scabinorum, totiusque Communitatis oppidi Kobylin et modo quo supra eiusdem Locationem, quietat et liberos mittit perpetuo et in aevum.

Inscriptionem praefatam originalem super Summam praedictam servientem, et in Erectione Specificatam, ac officiose approbatam cum omnibus illius conditionibus, vadio, foro, ligamentis cassat, tollit, mortificat et annihilat. Recognoscendo nihil sibi, suisque succedaneis, Altaristis et Promotoribus Confraternitati Sanctorum Angelorum Custodum nunc et in futurum existentibus, totique eidem Confraternitati restare ac superesse, pro quo ratione eiusdem summae 1000 fl.pl. et censuum Praeconsulem, Consules totamque Communitatem oppidi Kobylin jure aut alio quovis modo molestare et inquietare possit et valeat. Hac sua personali Recognitione ad praemissa mediante. Praesentibus Famatis Augustino Cięszki scabino et Alberto Kwiatecki Civibus Calissiensibus Testibus et me Infrascripto Notario.

Ex Prothocollo Actorum Consistorii Calissiensis Sub Sigillo Perillustris et Admodum Reverendi Domini Alexandri de Nowawies Nowowieyski, Ecclesiae Cathedralis Camenecensis Podoliae et Calissiensis Canonici ac Officialis Extractum.

(-) Joannes Stanislaus Markiewicz Publicus Sacra Authoritate Apostolica et Actorum Consistorii Calissiensis Notarius mpp.

[in dorso] Famati praeconsul, consules, advocatus, scabini, archimagistri totaque communitas oppidi Kobylin per reverendum Olszakowicz praepositum Sancti Spiritus et altaristam sanctorum Angelorum Custodum de summa 1000 florenorum Polonicalium quietantur.

Źródło: Kobylin, Protocollon Consulare 1698-1701, APP Akta miasta Kobylina, sygn. I-22, s. 4-8.

Ks. Bartłomiej Olszakowicz, prepozyt Św. Ducha i promotor bractwa ŚŚ. Aniołów Stróżów w Kobylinie kwituje miasto z zapisanej w 1667 r. sumy 1000 złp. oraz z czynszu rocznego.