1655 Hstus Szychowic Fto Jacobo Kodym Molendinum suum resignat

Actum in Schadek coram Officio Advocatiali Feria Sexta post Festum SS. Simonis et Judae Apostolorum proxima, Anno Domini Millesimo Sexcentesimo Quinquagesimo Quinto

Coram Judicio et Actis praesentibus Scabinalibus Schadcoviensibus personaliter comparens Honestus Blasius Szychowic dictus Paluchowic Molitor, sanus mente et corpore existens palam, libere ac benevole recognovit.

Quia Ipse Molendinum suum proprium haereditarium Paternum ab antiquo dictum Zagoda cum eius Area Alodio Pratis Agris nemoribus piscinulis, in Fundo Regali sub civitate Schadek ad Capitaneatum Schadcoviensem pertinentem situm, cum omni Jure eorundem bonorum dominio titulo haereditario proprietate attinentiis pertinentiis adiacentiis proventibus redditibus utilitatibus usibus fructibus universis nil pro se et suis posteris reservando aut excipiendo, sed ita prout solus tenuit habuit possidebat et hoc idem Molendinum dictum Zagoda in latum et longum se ab antiquo in suis metis extendit estque dislimitatum,

Famato Jacobo Kodym et Annae Kawiąnka coniugibus et Civibus Schadcoviensibus ac eorum legitimis successoribus pro summa 500 florenorum pecuniae polonae iam levata, de qua quietat,

Vendidit et judicialiter resignavit resignatque et inscribit perpetuis temporibus, Dans et concedens illis iam ex nunc plenariam facultatem et omnimodam potestatem utendi fruendi possidendi vendendi dandi donandi alienandi resignandi commutandi et pro libitu suo suorumque successorum convertendi,

ac intromissionem realem cum effectiva possessione liberoque usufructu iam ex nunc admittit.

Insuper praedictus Recognoscens se sua cum posteritate inscribit, submittit et obligat de bonis suis omnibus mobilibus et immobilibus eundem (?) et Successores suos onerando, eosdem Coniuges Emptores in possessione (???) dicti Molendini cum suis adiacenciis Venditi semper et ubique ab omnibus generaliter impedimentis Juridicis et extraiuridicis omnium et singularum personarum tueri evincere defendere eliberare pacificare intercedere indemnesque reddere suis propriis sumptibus toties quoties opus fuerit, nullo iuris colore id evadendo.

In quod Molendinum Paluchowski iidem Coniuges Emptores hic in continenti officiose (?) per Famatos Andream Domalez et Andream Czyganski Scabinos, Providum Benedictum Banach Bedellum Juratos Intromissionem realem cum actuali et pacifica possessione apprehenderunt, quam apprehensam idem Bedelus Voce alta in foro publico quater proclamavit, nemine eam impugnante.

Quae resignatio praedicti Molendini et suarum adiacenciarum habere vim et robur perpetuae firmitatis est per sententiam Judicii praesentis in toto confirmata de Juris forma.

Extractum ex Actis Scabinalibus Schadcoviensibus.

Źródło: "Acta Hypothegue des Königliche Südpreussiche Domainen Justiz Amt Męka in betriff der in Stadt Szadek belegenen zum Domainen Amt Męka gehörigen Wasser-Mühle Zagoda genant" (1805-1806), AP Łódź o/Sieradz, zesp. Powiatowa Komisja Sprawiedliwości w Sieradzu, sygn. 41/75/0/752.

Błażej Szychowic alias Paluchowic sprzedaje swój młyn dziedziczny za 500 złp. Jakubowi Kodym i jego małżonce, obywatelom miasta Szadek. Wyciąg z akt ławniczych miasta Szadek.