1738 Relaxatio Interdicti ab Administratore

Josephus Thaddaeus de Kiekrz Kierski,

Dei et Apostolicae Sedis Gratia Episcopus Bolinensis

Suffraganeus Praepositus Cathedralis

Sede vacante Episcopatus Posnaniensis in spiritualibus et temporalibus

Administrator Generalis

Universis et singulis quorum interesse interierit aut quomodolibet interesse poterit, signantes tantum (?) Illustribus et admodum Reverendis Religiosis Praepositis Parochis Commendariis Vicariis, Ecclesiarum Parochialium Regularium vero in Decanatu Vschovensi Rectoribus Guardianis Superioribus totique Clero tam Seculari quam Regulari per et intra eundem Decanatum consistenti ac Populo universo nobis in Christo dilecto Salutem in Domino.

Nuper mense immediate elapso Novembri ob crimen Presbytericidii in persona Religiosi et admodum Reverendi Kryger Societatis Jesu Residentiae Vschovensis Scholarum Praefecti patratum, interdictum ecclesiasticum super Ecclesiis ejusdem Decanatus Vschovensis imposuimus, extendimus et publicari mandavimus. Quod hujus modi atrocitatem et enormitatem delicti recogitantes a simili crimine gravitate poenae deterreantur, licet quidem diuturniori tempore conservari deberet, Nos nihilominus ad supplicationem Cleri et Populi ejusdem Decanatus ob imminenda Festa Nativitatis Christi Domini ne Christi fideles, ob longiorem protensionem hujusmodi Interdicti Ecclesiastici solita devotione destituantur, Authoritate ordinaria hocce interdictum ex benignitate nostra relaxandum revocandumque esse duximus uti quidem relaxamus revocamus per praesentes, mandantes Vobis omnibus suprascriptis quatenus in Ecclesiis vestris tam Secularibus quam Regularibus incipiendo ab imminenti Dominica quae erit dies 21-ma mensis et anni currentis apertis januis, pulsatis Campanis et Universis Christi fidelibus admissis Sacrum Missae Sacrificium et alia divina officia more solito reassumatis et peragatis, Sacramenta Ecclesiastica populo administretis, Corpora mortuorum in Ecclesiis seu Coemeteriis, dummodo aliud non obstet Canonicum impedimentum, ad sepeliendum admittetis caeteraque de jure et consuetudine solita peragatis tenore praesentium relaxato interdicto facultatem damus. Inhibitionem quoque super Fana Lutheranorum et Calvinianorum emanatam relaxamus.

Quam hujus modi relaxationem ut omnibus innotescat via Cursoria per Decanatum transmittendam et publicandam esse volumus. In quorum Fidem. Datum in Cancellaria Officii Administratorialis Posnaniensis, Die 17 mensis Decembris anno Domini 1738.

(-) Josephus Episcopus Bolinensis, Suffraganeus Praepositus Cathedralis Administrator Generalis Posnaniensis

Suprascriptum punctum de Mandato Illustrissimi Administratoris Generalis ita testo:

(-) M Medkowski actuarius Notarius

(-) Michael Antonius Medkowski Apostolicus et Officii Administratorialis Posnaniensis Actuarius Notarius mpp.

Źródło: Odpisy i ekstrakty protestacji dysydentów w sprawach spornych z władzami kościoła katolickiego z lat 1741-1748, APP "Akta Braci Czeskich", sygn. 2017, f. 77

Biskup Józef z Kiekrza Kierski, administrator diecezji poznańskiej, znosi interdykt nałożony 23 listopada tegoż roku. Uzasadnienie: na prośbę kleru i ludu, z powodu zbliżających się świąt Bożego Narodzenia, aby wiernych chrześcijan nie pozbawiać nabożeństw, do których są przyzwyczajeni. Tak więc, od najbliższej niedzieli, tj. 21 grudnia, wraca Msza i sakramenta święte w progi kościołów dekanatu wschowskiego. Znosi się również zakaz sprawowania nabożeństw w zborach luterańskich i kalwińskich.

W przeciwieństwie do odpisu dokumentu wprowadzającego interdykt, w tym liczne abrewiacje. Zaskoczyły mnie skróty: ee od "esse" i inre od "interesse". Z literówek, które popełniono przy sporządzaniu odpisu, warto wspomnieć "ab immanenti Dominica".