1734 Inter successores olim spectabilis Gerchold et magnificos Jabłonowskie ac successores Radomicciano solutionis et extraditionis decretum.

Actum in judiciis castrensibus Posnaniensibus causarum officii expulsionum et recentium criminum, feria secunda ante festum sanctae Catharinae Virginis et Martyris proxima, anno Domini millesimo septingentesimo trigesimo quarto, ex nova acclamatione incidentibus, in castro Posnaniensi celebratis.

Inter successores olim spectabilis Gerchold civis Gedenensis actores per generosum Stephanum Janowski et magnificos Stanislaum Jabłonowski et Dorotheam de Bronisze invicem conjuges, capitaneos Białocerkievienses ac successores olim illustris et magnifici Joannis de Radomicko Radomicki palatini Junivladislaviensis, Majoris Poloniae generalis, per generosum Mathiam Gądkowski, judicium partium controversiis exauditis, decidendo adcitationem ad paratum decretum ad judicium suum editam, decernit judicium.

Quatenus magnifici Jabłonowscy conjuges et successores olim illustris magnifici Joannis Radomicki palatini Junivladislaviensis, Majoris Poloniae generalis, satis faciendo decreto terrestri Posnaniensi feria secunda post festum Omnium Sanctorum proxima anno Domini millesimo septingentesimo trigesimo secundo inter partes ad praesens comparentes lato, summas: primam quadringentorum florenorum Prussicorum, secundam mille quadringentorum sexaginta florenorum, tertiam viginti duorum florenorum decreto memorato adjudicatas, successoribus olim spectabilis Gerchold in crastino festi Natalis sancti Joannis Baptistae coram [s. 154] officio castrensi Posnaniensi, salvis quietationibus in termino solutionis producendis, solvant et enumerent,

successores vero spectabilis Gerchodl [!] pignus in eodem decreto specificatum pro termino solutionis comportent et praevia sibi satisfactione parti citatae extradant.

Facturae partes utraeque praemissa sub poena bannitionis in ibidem circa manifestationem publicanda. Luita per partem citatam poena quatuordecem marcarum Polonicalium parti, judicio suo per medium solvenda, sub poena bannitionis inter terminos tactos publicanda.

Ex protocollo decretarum castrensium Posnaniensium extractum.

(-) Linkowski mpp.

(-) Lectum per Trefankowski.

[s. 155, in dorso] Inter successores olim spectabilis Gerchold et magnificos Jabłonowskie ac successores Radomicciano [?] solutionis et extraditionis decretum. 1734 feria 2 ante s. Catharinae in judiciis castrensibus Posnaniensibus.

Źródło: Akta prawno-majątkowe Stanisława Wincentego i Doroty z Broniszów 1v. Radomickiej Jabłonowskich i ich syna Antoniego Jabłonowskiego, sygn. BK07842, s. 153-155

Dekret sądu grodzkiego poznańskiego w sprawie między spadkobiercami mieszczanina gdańskiego Gercholda i Jabłonowskimi jako spadkobiercami Jana Radomickiego wojewody inowrocławskiego i starosty generalnego Wielkopolski.