Proconsul et consules civitatis Gostinensis Maioris Poloniae
districtus Costensis.
Universis et singulis cuiuscunque status, dignitatis, praeeminentiae
ac conditionis fuerint, ad quos praesentes pervenerint, praemissa
studiorum et officiorum nostrorum diligenti et accurata
commendatione, pro cuiuscunque exigentia notum testatumque facimus.
Quod coram plenaria nostra residentia consulari personaliter
comparentes famati Joannes Opaczeski et Simon Solan, cives nostri
Gostinenses tanquam testes ad perhibendum veritatis testimonium pro
parte ingenui adolescentis Joannis Giella, exhibitoris praesentium,
iudicialiter inducti et de forma juris interrogati, sani mente et
corpore existentes, elevatis sursum (ut juris ac moris est) dextrae
manus duobus digitis, palam, sponte, libere per expressumque
recognoverunt et quilibet illorum recognovit certo et evidenter sibi
constare ac probe se scire.
Quia praefatus Joannes Giella ex honestis vitaeque inculpatae
parentibus, ut pote famatis Andrea Giella gallerifice et honesta
Hedvigi coniugibus, civibus Gostinensibus, legitimo matrimonii
vinculo copulatis in hanc lucem editus et ab ineunte aetate bonis
moribus rectisque disciplinis ab iisdem parentibus institutus
probeque educatus sit. Patrinos vero circa baptismum de anno
millesimo sexcentesimo octuagesimo primo famatum Joannem Salsza
compatrem, commatrem vero honestam Agnethem Kuczerska vulgo Kopina
cives Gostinenses praesto habuit.
Quod cum ita se et non aliter habere ex testimonio praefatorum fide
dignorum virorum intellexerimus, pro inde hunc memoratum Joannem
Giella, patriotam nostrum Gostinensem, omnibus et singulis
commendandum esse duximus prout quidem per praesentes commendamus,
pro et cunes [?] petentes, ut honesti illius ortus ac legitimi aequam
rationem habeant omnibusque humanitatis ac benevolentiae studiis,
prout par et aequum est, prosequi et ad honesta licitaque munia
aspirantem ope, consilio favoreque suis non dedignentur. Id vero
officii et humanitatis genus nos vicissim pari studio ac benevolentia
referre adnitemur.
In cuius rei fidem praesentes notarii nostri manu subscriptas,
sigillo civitatis nostrae Gostinensis communiri mandavimus. Actum et
datum in residentia nostra Gostinensia, die vigesima nona mensis
Octobris anno Domini millesimo sexcentesimo nonagesimo octavo.
Ad mandatum spectabilis magistratus Gostinensis legitime extradidit
praesentes Dominicus Stanislaus Smuglewicz utriusque officii
Gostinensis juratus notarius et civis, mppa.
Źródło: Władze miejskie w Gostyniu na podstawie zeznań
dwu świadków potwierdzają prawe urodzenie Jana Giella, syna
Andrzeja i Jadwigi Giellów, APP Akta miasta Leszno, sygn. I/34
Świadectwo prawego urodzenia wystawione przez magistrat gostyński dla 17-letniego syna czapkarza (lub
perukarza: łac. gallerifex).
Brak komentarzy:
Prześlij komentarz