1654 Bernardinorum Costensium iuriscessio

Bernardinorum Costensium iuriscessio.

Actum ipso die dominico ante festum sancti Matthiae Apostoli [22 II] anno quo supra [sc. 1654].

Coram spectabili domino Stanislao Cichosz advocato et Joanne Rybczynsky notario jurato civitatis Grodziscensis in domum honesti Stanislai pistoris incolae Grodziscensis ad affectationem honesti Alberti de Bydgoszcz artis sartorum socii, olim Thomae Kawle alias Bachowskiego sartoris civis Bydgostiensis filii et successoris legittimi descendentibus ibidemque residentibus, comparens personaliter iisidem [!] Albertus, corpore quamvis aeger mentis tamen ac rationis optime compos existens, palam ac benevole verbisque expraessis recognovit.

Quia [s. 245] illa matura secum deliberatione praehabita sanoque suo ac suorum amicorum usus consilio, totum ac integrum jus suum quodcunque sibi super summam florenorum trecentorum Polonicalium, in quemlibet grossos triginta Polonicales numerando, sibi recognoscenti per honestum olim Jacobum Zagaczyk molitorem patruum suum charissimum de molendino Wierzbak ditionis Posnaniensis cessorum et donatorum (alias prout actus cessionis seu donationis eiusdem sive coram actis civitatis Posnaniensis sive etiam Bydgostiensis eo nomine nuperime inscriptus latius de praemissis obloquitur) spectabat et competebat spectatque adhuc et competit,

in rem et necessitatem religiosorum Fratrum Minorum de Observantia conventus Costiensis pro salutari remedio animae suae proximorumque consanguineorum suorum perpetuo ac irrevocabilis cessionis titulo cessit, transfudit et transportavit, prout cedit, transfundit, donat et transportat perpetue,

nihil iam ab hinc de praefata summa sibi suisque successoribus reservando relinquendoque, dans et concedens eidem venerabili conventui sive eiusdem promotoribus ac sendicis [!] suprascriptam summam a quibusvis detentoribus et possessoribus <Wierzbaka> sive amicabili modo sive jure mediante adeundi, tollendi, levandi, de levata ac percepta quietandi, juramenta deferendi, referendi, sententias in rem suam latas acceptandi, a non susceptis ad judicum maiorum subsellia appellandi appellationesque prosequendi et continuandi, generaliter vero omnia et singula causae eidem servientia, quae licet hic expraessa non sunt, pro expraessis tamen haberi debent dicendi, faciendi et exequendi in forma commissi mandati amplissima, firmissima generalissimaque. Quod ut firmius sit, actis hisce connotatum est.

Źródło: Grodzisk Wlkp., Acta Spectabilis Advocatialis Officii..., 1651-1661, indukta, sygn. 1503, s. 244-245

Darowizna na rzecz bernardynów kościańskich.

W domu piekarza Stanisława w Grodzisku zachorował czeladnik krawiecki Wojciech z Bydgoszczy. Na żądanie chorego schodzą się tam wójt i pisarz przysiężny, by spisać akt urzędowy. Aktem tym Wojciech sumę 300 złp., zapisaną mu ongiś przez nieżyjącego stryja Jakuba Zagaczyka na młynie Wierzbak pod Poznaniem (zapis cesji w aktach miejskich poznańskich i bydgoskich), daruje konwentowi bernardynów (Fratres Minores de Observantia) w Kościanie „na zbawienie duszy swojej i najbliższych krewnych”. Ojciec Wojciecha - Tomasz Kawle alias Bachowski, krawiec bydgoski.