1732 Generosus Hol, illustrium magnificorum Jabłonowskich capitaneorum Białocerkieviensium commissarius et plenipotens contra magnificum Kołaczkoski colonellum SRM manifestatur

Actum in Costen, feria sexta ante festum sanctae Margarethae Virginis et Martyris proxima, anno Domini millesimo septingentesimo trigesimo secundo.

<Ex parata copia.>

Ad officium et acta praesentia castrensia Costensia veniens personaliter generosus Joannes Hol, bonorum Majoris Poloniae illustrium et magnificorum in ducatu Ostrogiensi Jabłonowskich Białocerkieviensium, Mederecensium capitaneorum conjugum generalis commissarius et officiose inscriptus plenipotens, solenniter suo et eorundem illustrium principalium nomine in et contra magnificum Adamum Kołaczkowski colonellum exercitus authoramenti Germanici, bonorum Wroniawy in summa sexaginta millium florenorum Polonicalium obligatorium possessorem, manifestatus est idque in eo.

Quia suprafatus magnificus Kołaczkowski, licet quidem optime scierat, quod summam supra specificatam sexaginta millium, variis creditoribus ad illustres et magnifices sui manifestantis principales concurrentibus exolverit bonaque memorata in sui apprehenderit possessionem, attamen in detrimentum fortunae eorundem illustrium et magnificorum Jabłonowskich non modo inventarium per se manifestantem in fundo circa praesentiam magnifici Kołaczkowski correspondentiam proventus a summa memorata remonstran(tem) acceptare voluit, quinimo non conscripto contractu [?] respectu possessionis bonorum Wroniawy in summa per se creditoribus exoluta, in blanca ad id sibi ab illustri et magnifico sui manifestantis [s. 130] principali cum subscriptione manus et appositione sigilli in concredito data, spatium quoque per eundem illustrem et magnificum Jabłonowski in actis praesentibus in ordine inscribendae super summam integram per magnificum Kołaczkowski creditoribus exolutam obligationis factum,

is idem magnificus Kołaczkowski non requisito moderno plenipotente illustrium et magnificorum Jabłonowskich ad inscribendam obligationem spatium memoratum in praejudicium illustris sui manifestantis principalis inscriptione obligationis super summam tantummodo quadraginta millium florenorum Polonicalium sine scitu velle et attendentia partis inscribi procuravit, per quem sui progressum abscessum acsi duorum millium florenorum Polonicalium correspondentiamque proventus a summa sexaginta millium florenorum Polonicalium indigitari fecit.

Proinde obviando integritati fortunae eorundem illustrium et magnificorum principalium suorum, ne per aliquam per inscriptam illegitime transactionem patiantur fortunae jacturam, hanc suam ad acta infert nomine quo supra manifestationem.

Ex actis castrensibus Costensibus extraditum.

Correxit Achler, regens C(ostensis) mpp.

[s. 132 in dorso] Generosus Hol, illustrium magnificorum Jabłonowskich capitaneorum Białocerkieviensium commissarius et plenipotens contra magnificum Kołaczkoski colonellum SRM manifestatur. In Costen, 1732.

Źródło: Akta prawno-majątkowe Stanisława Wincentego i Doroty z Broniszów 1v. Radomickiej Jabłonowskich i ich syna Antoniego Jabłonowskiego, sygn. BK07842, s. 130-132

Manifestacja Jabłonowskich p-ko Adamowi Kołaczkowskiemu, posesorowi zastawnemu dóbr Wroniawy, pułkownikowi wojsk autoramentu niemieckiego o bezprawne umniejszenie sumy zapisu zastawnego.