1730 Illustres et magnifici Sapiechy ex parte magnificorum Radomickich contumaces

Actum in judiciis castrensibus Posnaniensibus causarum officii et exemptionum ex limitatione immediata incidentibus, feria secunda post festum sancti Bartholomaei Apostoli proxima, anno Domini millesimo septingentesimo trigesimo in castro Posnaniensi celebratis.

Super citationem literalem castrensem Posnaniensem authenticam, qua ex parte et ad instantiam illustrium et magnificorum Dorotheae de Bronisze primi olim illustris magnifici Joannis Radomicki palatini Junivladislaviensis, Majoris Poloniae generalis, secundi ad praesens voti illustris et magnifici Stanislai Jabłonowski capitanei Białłocerkieviensis consortis legitimae matris atque succestricum cum olim illustri magnifico palatino Junivladislaviensi in primo matrimonii thoro procreatarum actricum,

illustres et magnifici Georgius Sapiecha capitaneus Wilkoviensis pater, atque successores cum olim illustri magnifica Radomicka, olim illustris magnifici Mathiae Radomicki palatini Posnaniensi filia, secum progeniti liberi de bonis ipsorum generaliter omnibus summisque quibusvis pecuniariis habitis et habendis et quidem minorennes cum competenti assistentia matris, ipsi quoque cum patris authoritate et assistentia, citati pro eo.

Quatenus ipsi summam restantem sexaginta millium florenorum Polonicalium in arendam capitaneatus [s. 80] Mederecensis datam, non autem extenuatam modernis actoribus solvant et enumerent, inquantum vero persolvere renuerint, sciant se ad instantaneum [!] summae praefatae exolutionem decreto judicii praesentis stringi et compelli, citantur citatione ipsa sua cum copia in se de praemissis latiori existente.

Judicium officii praesentis castrensis Posnaniensis judicialibus partium praefatarum, actoreae quidem magnificarum Franciscae et Annae Radomickich olim illustris et magnifici Joannis a Radomicko Radomicki palatini Junivladislaviensis, Majoris Poloniae generalis, filiarum succestricum legitimarum per generosum Paulum Chamski, citatae vero magnificarum Christinae et Mariannae Sapiezanki, magnifici Georgii Sapiecha capitanei Vilcoviensis filiarum uti olim illustris et magnifici Mathiae Radomicki succestricum legitimarum et magnifici Georgii Sapiecha per generosum Stephanum Janowski inscriptum plenipotentem, coram se comparentium in praemissis factis beneque exauditis controversiis,

ad objectam paenam bannitionis feria sexta in vigilia festi Natalis sancti Joannis Baptistae anno praesenti, ex instantia illustris et magnifici Denhoff succamerarii Magni Ducatus Lithuaniae, super magnifico Georgio Sapiecha capitaneo Wilkoviensi, ratione contraventionis decreto judicii terrestris Posnaniensis in puncto non solutionis summae quingentorum Reys talerorum circa manifestationem,

ad objectam quoque [s. 81] paenam bannitionis feria secunda post dominicam Cantate anno Domini millesimo septingentesimo trigesimo in terminis particularibus terrestribus Costensibus, ex instantia magnifici Boianowski subdapiferi Calissiensi, super magnifico Sapiecha capitaneo Wilkoviensi,

ex regestro paenalium obtentas et publicatas.

Teneri docere magnificum Sapiecha de loco standi, judicium censet non posse his rationibus constituere sibi magnificum Sapiecha locum standi, sententiavit sententiatque praesentibus, tandem subjiciente se moderamini judicii sui decrevit judicialiterque decernit.

Quatenus magnificus Sapiecha capitaneus Wilkoviensis in constitutionem loci standi et quidem pro objecta ex parte illustris et magnifici Denhoff condemnatione ex contraventione decreto terrestri obtenta, paenam quadruplicem quatuordecem marcarum Polonicalium parti, judicio vero duplicem; pro objecta quoque ex regestro paenalium obtenta paenam simplicem quatuordecem marcarum Polonicalium parti et judicio totidem, salva pro condemnatione ex regestro paenalium obiecta exolvendarum in constitutionem loci standi paenarum luitarum apud objicientem generosum Ryszewski repetitione in instanti solvat et amputata iterata ad regestrum paenalium remissione judicium causam praesentem ad satisfactionem rejecit rejicitque decreto praesenti mediante.

Tandem quoniam parti et judicio satisfactum, proinde judicium constituto loco standi partibus experiri mandavit mandatque per praesentes [s. 82] in cujus causae experimento non posse partem actoream terminum peremptorium habere censuit eidemque super parte citata paenam contumaciae obtinere permisit permittitque praesentibus. Proinde suprascripta pars actorea superius nominatam partem citatam per honestum Albertum Rybski Posnania ministerialem Regni generalem, judicii oficii praesentis apparitorem ter vel [?] ultra juris formam quater ad hoc idem judicium vocatam et non tamen per se aut suum quemvis legitimum plenipotentem comparen(te), imo contumacem existen(te), ministeriali praefato jus reddente id ipsum iudicialiter attestante in paena contumaciae iudicialiter condemnavit et juri memoriale solvit.

Exportatae vero citationis et positae feria secunda post festum Sanctissimae et Individuae Trinitatis proxima in curia bonorum villae Parzenczewo terraque ante hollodium, praesente generoso Ciszewski eorundem bonorum possessore, per honestum Casimirum Talbierski de villa Kubaczyn ministerialem Regni generalem, coram actis castrensibus Costensibus, sabbatho post festum sanctorum Petri et Pauli Apostolorum proxima [!] anno eodem est recognita relatio.

Ex actis castrensibus Posnaniensibus extractum.

(-) Koscielski regens terrestris Posnaniensis, mpp.

Lectum cum actis.

[s. 83, in dorso] Illustres et magnifici Sapiechy ex parte magnificorum Radomickich contumaces.

Źródło: Akta prawno-majątkowe Stanisława Wincentego i Doroty z Broniszów 1v. Radomickiej Jabłonowskich i ich syna Antoniego Jabłonowskiego, sygn. BK07842, s. 79-83

W sprawie z pozwu Doroty z Broniszów, 1 voto Radomickiej, 2 voto Jabłonowskiej wraz z sukcesorami z pierwszego małżeństwa, przeciw Jerzemu Sapiesze i jego spadkobiercami z niegdy Radomickiej o 80.000 zł z dzierżawy starostwa międzyrzeckiego, sąd ogłosił kontumację.