Comprychta attestatio.
Actum in Grodzisko feria secunda in vigilia festi Conceptionis
Beatissimae Virginis Mariae [7 XII], anno quo supra [1654].
Ad officium spectabilis domini Lucae Kosny advocati civitatis
Grodziscensis actaque praesentia venientes personaliter infideles
Simon Rabin tum et Samuel atque Marcus seniores Judaeorum nostrorum
Grodziscensium, in vim verae ac fidelis relationis suae retulerunt
recognoveruntque
satisfactum esse infideli Juska Judaeo similiter Grodziscensi a Paulo
Compricht socio ipsius praesentium literarum ostensore, anno proxime
elapso 1653 ante festum sanctorum Simonis et Judae Apostolorum, in
totali ac plenaria persolutione repositioneque septingentorum
quinquaginta et sex florenorum Polonicalium, in dimidio scilicet
pretio ex summa originali mille quingentorum et duodecim florenorum
Polonicalium perillustri et magnifico domino Gerneto1 burgrabio
Thorunensi ad chyrographariam inscriptionem pro lana iisdem
ambobus per suam magnificentiam concredita contractorum,
recognoscendo nihil de sorte eiusdem Pauli Comprich ex praefato
debito perillustri eidem magnificentiae restare, quod [s. 299]
ab eo amplius successoribusque illius jure aut alio quovis modo
repetere possit ac valeat.
Quod ut firmius sit, actis hisce connotatum est.
Źródło: Grodzisk Wlkp., Acta Spectabilis Advocatialis
Officii..., 1651-1661, indukta, sygn. 1503, s. 298-299
Pierwopis: Grodzisk Wlkp., Prothocollon Spectabilis Advocatialis Officii...,
1652-1655, sygn. 1505, s. 196
Starsi gminy żydowskiej w Grodzisku kwitują Pawła Komprichta z
połowy (756 zł) należności za wełnę. Te pieniądze Żydowi Juskowi winien był Gernet, na podstawie pisemnego zobowiązania.
1 Friedrich Gernet (zm. 1667), rajca i burmistrz toruński (por.
http://books.google.pl/books?id=FxpbAAAAcAAJ&printsec=frontcover&hl=pl
s. 50)
Brak komentarzy:
Prześlij komentarz