Stephanus Rola Skrzebowski, utriusque juris doctor, archidiaconus
Pscevensis, vicarius in spiritualibus et officialis generalis
Posnaniensis.
Perillustri et reverendissimo Antonio Boncza Miaskowski, ecclesiarum
metropolitanae Gnesnensis primicerio, cathedralis Posnaniensis
scholastico, parochialis Neomestensis praeposito, sive de licentia
ejus cuipiam alteri presbytero saeculari, ut in matrimonium
per verba de praesenti, praemissa una banna, duabus vero omissis et
per nos ex causis justis et legitimis dispensatis, servata in
reliquis forma juxta praescriptum Sacri Concilii Tridentini
statutoque a jure tempore, generosos Michaelem Gorski et
Margaretham Zborowska virginem, neosponsos, nullo aliquo
detecto impedimento canonico, de quo sub onere conscientiae quam
diligentissime inquirat, in facie ecclesiae formalis non alias nec
aliter, nisi cum scitu et voluntate parentum tam sponsi quam sponsae,
libere et licite conjugere possit, authoritate ordinaria
licentiam et facultatem impertimur per praesentes, ita tamen,
ut huic sacro matrimonio adsint testes fide digni, nominaque eorum et
cognomina simul et contrahentium, tum et praesens indultum, in
metricam dictae ecclesiae parochialis Neomestensis inscribantur vel,
si id commode fieri poterit, ipsum originale in eandem metricam
insuatur. In quorum fidem etc.
Datum in cancellaria consistorii generalis Posnaniensis die 23
Decembris anno 1774to.
(-) Martinus Josephus Olbrych, utriusque juris doctor, canonicus
cathedralis Posnaniensis, judex surrogatus.
Źródło: Parafia Nowe Miasto
nad Wartą, AAP sygn. PM 193/06, s. 422-423 (strony stanowią jeden
arkusz).
Dyspensa od dwóch z trzech zapowiedzi przedślubnych dla urodzonych:
Michała Górskiego i Małgorzaty Zborowskiej.
Brak komentarzy:
Prześlij komentarz