1749 Consensus celebrandi Missae Sacrificium in Oratorio Congregationis Gostinensis

Josephus comes de Werbno Pawłowski Dei et Apostolicae Sedis gratia episcopus Niochensis, in ecclesia cathedrali archidiaconus Pscevensis, vicarius in spiritualibus et officialis generalis Posnaniensis.

Universis et singulis quorum interest, intererit aut quomodolibet interesse poterit praesentibus significamus. Expositum nobis pro parte et ad instantiam congregationis oratorii sancti Philippi Nerei loci Gostinensis, qualiter cum ejusmodi sacri instituti presbyteri et congregatistae in animo quam majorem gloriae augem et devotionem regulis sui instituti conformem promovere proposuerint, hinc ne etiam valetudinarii ac infirmi ecclesiam adire non valentes suis debitis frustrentur officiis, nobis proinde supplicatum est, quatenus ipsis in oratorio immediate dictae congregationis Gostinensis ab ecclesia in situ distincto, decenter tamen extructo ac exornato, in quo alias meditationes spirituales peraguntur, sacro sancta missae sacrificia absolvendi facultatem dare et concedere dignaremur.

Nos ejusmodi supplicationi annuendo in praedicto oratorio congregationis sancti Philippi Nerei Gostinensis super altari decenter extructo et exornato, cereis candelis accensis, diebus ferialibus et festivis ad populum celebribus, exceptis tamen primae classis seu alias juxta dispositionem praepositi seu superioris toties dictae congregationis pro exigentia rei et devotionis, unum tantummodo missae sacrificium absolvere petentibus authoritate ordinaria, qua hac in parte fungimur, consensum nostrum impertimur. In quorum fidem etc.

Datum in cancellaria consistorii generalis Posnaniensis die prima Februarii 1749.

(-) Joannes Krall U. J. D., canonicus cathedralis Posnaniensis, judex surrogatus, mpp.

(-) Stephanus Skrzebowski apostolicus et consistorii generalis Posnaniensis notarius, mpp.

[in dorso] Consensus celebrandi missae sacrificium in oratorio congregationis Gostinensis.

Źródło: Święta Góra, Józef Pawłowski wikariusz i officjał poznański zezwala na odprawienie Mszy św. w oratorium poza kościołem Kongregacji Oratorium św. Filipa Neri w Gostyniu, sygn. B/25.

Gostyńska kongregacja filipinów złożyła w konsystorzu poznańskim prośbę o zgodę na odprawianie mszy w klasztornej kaplicy (łac. oratorium), aby chorzy i słabi kapłani, którzy nie mogą przebyć długiej drogi do kościoła, mogli spełniać swoją posługę. Oficjał generalny poznański przychyla się do wniosku wskazując, by mszę odprawiać przy ołtarzu należycie zbudowanym i przyozdobionym, przy świecach woskowych. Można to czynić w dni powszednie jak i w święta, w które zwykło się odprawiać mszę dla ludu, z wyjątkiem świąt I klasy, chyba że przełożony (superior) zadecyduje inaczej. Codziennie można odprawić w kaplicy tylko jedną mszę.