1622 Droszewskiego et Mycielskiego Mielęcki consensus

Termini terrestres particulares Calissienses feria secunda post festum sancti Michaelis Archangeli proxima [3 X] anno Domini millesimo sexcentesimo vigesimo secundo Calissiae celebrati sunt, in quibus generosi Stanislaus Rudnicki iudex, Matthias de Pigłowice Maniecki subiudex, Venceslaus de Wranca Zaiączek notarius terrestres pallatinatus Calissiensis iudicantes praesidebant. Praesentibus generosis et nobilibus Nicolao Domaniewski pincerna pallatinatus Lanciciensis, Joachimo Wierusz Stolecki, Luca Orzelski, Ludovico Karnkowski, Alberto Bogusławski vicecapitaneo castrensi Wysogrodensi, Stanislao Jemiolkowski, Martino Slaboszewski, Alberto Zychlinski, Paulo Lancki, Alberto Stolecki, Joanne Scytowski, Alberto Pawłowski, [k. 395] Alexandro Kwasniewski, Alberto Wilczycki, Matthia Wieczkowski, Petro Rogozinski, Joanne Przespolewski nec non ministeriali Regni generali provido Luca Derlabek de Przedzyno et aliis quam plurimis fide dignis.

Actum in terminis terrestribus particularibus Calissiensibus feria secunda post festum sancti Michaelis Archangeli proxima [3 X] anno Domini millesimo sexcentesimo vigesimo secundo Calissiae celebratis.

Droszewskiego et Mycielskiego Mielęcki consensus

Coram judicio et actis praesentibus terminorum terrestrium particularium Calissiensium personaliter comparentes generosi Joannes Droszewski olim Matthiae filius et Albertus Mycielski olim generosi Christopheri Mycielski filius, amici de linea paterna generosae Zophiae de Buzenin Marszewska generosi Samuelis Mielencki consortis legitimae consanguinei proximiores, quos ipsa existens eo nomine a judicio praesenti requisita pro amicis lineae paternae prioribus consanguineis agnovit, sani mentibus et corporibus existentes libere et benevole recognoverunt.

Quia ipsi, satisfaciendo inscriptioni actorum castrensium Posnaniensium per generosum Samuelem Mielencki generosis Lucae Pigłowski et Annae Mysłkowska coniugibus ratione infrascriptorum factae, in et super resignationem reemptionalem castrensem Posnaniensem per eandem Zophiam Marszewska de Buzenin eiusdem generosi Samuelis Mielencki consortem, praefatis generosis Lucae Pigłowski et Anna Mysłkowska coniugibus totarum et integrarum sortium villae et haereditatis Daleszyno in districtu Costensi consistentium ipsamque ibidem vigore quorumcunque [?] iurium spectantium in [k. 395v] summa trium millium florenorum Polonicalium in vim reemptionis resignatarum factam consentiunt eamque resignationem in toto prout in se sonat approbant et ratificant, non secus ac si in praesentia praefatorum Joannis et Alberti per ipsam Zophiam Mielencka recognita esset, contradictione ulla ac praescriptione quavis praemissorum minime obstante.

Or.: Kalisz Z. 48, rezygnacje-inskrypcje-relacje/indukta, 1593-1599;1602-1604;1606;1608-1611;1613-1624;1629, k. 394v-395v.

GG. Jan Droszewski s. ol. Macieja i Wojciech Mycielski s. ol. Krzysztofa, krewni bliżsi z linii ojczystej G. Zofii z Bużenina Marszewskiej ż. G. Samuela Mielęckiego zezn. iż, czyniąc zadość inskrypcji gr. poznańskiej przez tegoż Mielęckiego GG. Łukaszowi Pigłowskiemu i Annie Mysłkowskiej małż. zeznanej, aprobują zapis wyderkafowy gr. pozn. przez tę Zofię tymże Pigłowskim małż. wszystkich działów wsi Daleszyn w pow. kościańskim w sumie 3.000 złp.