1539 Paczinowska bonorum paternorum qwith

Paczinowska bonorum paternorum qwith

Constitutus personaliter coram judicio terrestri seu ad acta terrestria districtus Calissiensis nobilis Albertus Paczinowski obtulit rescriptum papireum quietationis seu satisfactionis recognitionem continens ex libro castri Ostrząszowiensis, sigillo domini capitanei eiusdem Ostrząszowiensis sufficienter munitum et obsignatam de data feriae quartae post Conductum Pasche proxime [16 IV] anni Domini millesimi quingentesimi trigesimi noni, petens hocipsum exscriptum in librum terrestrem Calissiensem ingrossari et acticari. Cuius quidem rescripti tenor de verbo ad verbum sequitur estque talis.

„Actum in castro Ostrząszowiensi feria quarta post Conductum Pasce proxima [16 IV] anno Domini millesimo quingentesimo trigesimo nono, in presentia generosi Andreae Myomski vicecapitanei Ostrząszowiensis et aliis fidedignis circa premissa existentibus.

Constituta personaliter ad acta presentia nobilis Dorothea consors nobilis Mathiae, filia vero nobilis Alberti Paczinowski legittima heredis de Paczinowicze, habens penes se nobilem Mathiam maritum suum legittimum ad infrascripta sibi consencientem, recedens a suo proprio districtu in quo resident, coram actis presentibus recognovit publice.

Quia sibi satisfactum est de bonis paternis ipsius per nobilem Albertum Paczinowski patrem suum legittimum, de qua satisfactione et bonis suis paternis ipsum nobilem Albertum patrem suum quietat et se de prefatis bonis paternis suis abrenunctiavit prout presentibus abrenunctiat, et ipsum patrem suum prefatum de prefata satisfactione presenti inscriptione inperpetuum liberum mittit. Super quo nobilis [k. 440] Albertus Paczinowski memoriale solvit.

Ex libris castri Ostrząschowiensis anno, die quibus supra, sub sigillo generosi domini capitanei eiusdem castri.”

Et dominus judex terrestris cum dominis judicio presidentibus, audita ipsius Alberti digna et racioni consona postulatione, ipsam quietationem superscriptam iuxta illius totum tenorem libro presenti inscribendam admisit et admittit presentibus. Super quo ipse Albertus Paczinowski prefatus memoriale juditio solvit.

Or.: Kalisz Z. 20, rezygnacje/indukta, 1505;1507;1509-1515;1518-1519;1522-1530;1532-1535;1538-1539, k. 439v-440.

N. Dorota żona N. Macieja a córka N. Wojciecha Pacynowskiego dz-ca z Pacanowic kwituje tegoż z dóbr ojczystych. Zapis z księgi grodzkiej ostrzeszowskiej, oblatowany w księdze ziemskiej kaliskiej.