1595 MM. Ruszoczkie plenipotentem inscribunt

Anno Domini millessimo quingentessimo nonagessimo quinto, die vero 29 Decembris, coram offitio dominorum proconsulis et consulum oppidi Cazimierz videlicet Mathiae pellificis proconsulis, Andreae vero Dubiel, Martini Matiska, Jacobi Mierzich, Thomae Medro consulum etc.

Constituta personaliter magnifica domina Catherina de Ruszocice, magnifici olim domini Nicolai Ruszoczky castellani Biechowiensis filia, magnifici vero olim domini Gregorii Krethkowski palatini Brzestensis relicta vidua, sana mente ac libera per omnia existens, habens circa se nobilem Joannem Gorynsky tutorem ad actum presentem assumptum, palam, publice, libere et per expressum recognovit.

Quia omni meliori modo, via, forma, styllo, quibus de iure et consuetudine melius et efficatius potuit et debuit, fecit, constitutus [!] et solenniter ordinavit in suum verum et legittimum plenipotentem ultimum scabinum civitatis Posnaniensis in judicio bannito ordinario civitatis eiusdem protunc sedentem, cuius hic nomen et cognomen vult habere expressum,

ad resignationem juridicam, perpetuam et irrevocabilem sortis suae heraeditariae et quovis modo se concernentis domus et eius attinentiarum in anteurbio Posnaniensi inter claustrum monialium ordinis sancti Francisci ex una et Jacobi Kostrzewa cantrifusoris hortum ex altera partium [!] sitis [!!] in eodem judicio bannito ordinario civitatis praedictae monialibus in dicto claustro ordinis sancti Francisci nunc et pro tempore existentibus faciendum, cum omni iure, dominio et proprietate sortis praedictae suae eiusdem domus, nihil pro se et successoribus suis ibidem reservando [s. 88], ita late et circumferentialiter, prout ea sors hereditaria et quovis alio modo se concernens domus et eius attinentiarum se extendit, et prout eandem ipsamet habuit, tenuit et possedit,

tum ad alia circa praemissa agendi, gerendi et constituendi, quae usus et styllus fori illius postulare videbitur in forma sufficientissima, promittens ea omnia quae per dictum plenipotentem suum in praemissis acta, gesta et constituta fuerint, rata et grata se esse habitura perpetuo.

Similiter ad hoc ipsum offitium anno, die quibus supra constitutus personaliter magnificus dominus Stanislaus Ruszocky castellanus Szathecensis [!], magnifici olim Nicolai Russoczky filius, sanus ac liber per omnia existens palam, publice, libere et per expressum recognovit.

Quia omni meliori modo, via, forma, styllo, quibus de iure et consuetudine melius et efficatius potuit et debuit, fecit, constituit et solenniter ordinavit in suum verum et legittimum plenipotentem ultimum scabinum civitatis Posnaniensis in iudicio bannito ordinario civitatis eiusdem protunc sedentem, cuius hic nomen et cognomen vult habere expressum,

ad resignationem juridicam, perpetuam et irrevocabilem sortis suae heraeditariae et quovis alio modo se concernentis domus et eius attinentiarum in anteurbio Posnaniensi inter claustrum monialium ordinis sancti Francisci ex una et Jacobi Kostrzewa cantrifusoris hortum ex altera partium [!] sitis [!!] in eodem judicio bannito ordinario civitatis praedictae monialibus in dicto claustro ordinis [s. 89] sancti Francisci nunc et pro tempore existentibus faciendum, cum omni iure, dominio et proprietate sortis praedictae suae eiusdem domus, nihil pro se et successoribus suis ibidem reservando, ita late et circumferentialiter, prout ea sors hereditaria et quovis modo se concernens domus praedictae et eius attinentiarum se extendit, et prout eam ipsemet habuit, tenuit et possedit,

tum alia circa praemissa agendi, gerendi et constituendi, quae usus et styllus fori illius postulare videbitur in forma sufficientissima, promittens ea omnia quae per dictum plenipotentem suum in praemissis acta, gesta et constituta fuerint, rata et grata se esse habiturum perpetuo.

Praesentibus nobilibus Stanislao Woliczky, Jacobo Przepełkowsky, Wenceslao Komorniczky et aliis quam plurimis fide dignis.

Or.: Kazimierz Biskupi radziecka, 1588-1620, indukta, AGAD sygn. 1, s. 87-89.

MD. Katarzyna z Rusocic wd. po Grzegorzu Kretkowskim wojewodzie brzeskim oraz MD. Stanisław Rusocki kasztelan santocki, córka i syn MD. olim Mikołaja Rusockiego kasztelana biechowskiego, wybierają na swego plenipotenta najstarszego ławnika natenczas zasiadającego w sądzie miasta Poznania. Plenipotencja uprawnia do wieczystego powzdania przed sądem gajonym poznańskim działów dziedzicznych ich domu wraz z przyległościami klasztorowi franciszkanek w Poznaniu na przedmieściu. Dom stoi z jednej strony w sąsiedztwie tegoż klasztoru, z drugiej strony przy ogrodzie Jakuba Kostrzewy konwisarza (cantrifusor).