1711 Ex parte Gnosi Słucki Ensiferri Brestensis Cuiaviae in Przyima Positae Citationis Relatio

Actum in Conin sabbatho ante festum Natalis Sancti Joannis Baptistae [20 VI] proximo anno Domini millesimo septingentesimo undecimo.

Ad officium et acta praesentia castrensia Coninensia personaliter veniens honestus Matthias Sczepanski de villa Brzezno, ministerialis Regni generalis officio praesenti bene notus, sanus per omnia existens libere ac manifeste recognovit se citationem literalem authenticam tribunalitiam [?] Regni Lublinensis [?] pro judiciis Tribunalis Regni Lublinensis editam, tenoris de verbo ad verbum sequentis:

„Augustus secundus Dei gratia rex Poloniae, magnus dux Lithuaniae, Russiae, Prussiae, Masoviae, Samogitiae, Livoniae, Kiioviae, Wołchyniae, Podoliae, Podlachiae, Severiae Czerniechoviaequae, nec non haereditarius dux Saxoniae, princeps et elector.

Vobis, generosis Christophoro, Samueli et Stanislao Gorzewskim fratribus inter vos germanis de bonis vestris generaliter omnibus et summis quibusvis pecuniariis habitis et habendis mandamus, ut in judiciis tribunalitiis generalibus Regni Lublinensibus a data et positione praesentis citationis recte in quatuor septimanis aut tum, dum et quando causa praesens ad iudicandum vocata legitime inciderit, personaliter et peremptorie compareatis, ad instantiam instigatoris judicii nostri tribunalitii eiusque delatoris generosi Francisci Słucki ensiferri Brestensis Kuiaviae, bonorum Bierzwienna et aliorum haeredis actoris. Qui vos, inhaerendo manifestationi coram actis castrensibus Lanciciensibus factae, citat pro eo.

Quia vos in contrarium complanationi certae seu scripto per vos praefato generoso Francisco Słucki ensiferro Brestensi Cuiaviae Petricoviae die vigesima Martii anno praesenti sub securitate judiciorum tribunalitiorum Petricoviensium datae, qua inscriptione seu complanatione submisisti et inscripsisti te generose Christophore Gorzewski nomine suprascriptorum fratrum tuorum ad conscribendum compromissum ratione certarum <rerum> et praetensionum in processu causae expressarum ad acta castrensia Lanciciensia ab actu complanationis in sex septimanis condescendere scripto eodem in se latiori existente.

Cui scripto seu complanationi contraveniendo ad conscribendum idem compromissum non condescendisti seu non condescendistis, per quod scripto eidem contravenistis, actorem suprascriptum elusistis, per quod poenas contraventionis ac vadium in eodem scripto seu complanatione appositum succubuistis et in vos traxistis, pro quibus super vos decernendis et extendendis citamini, ut negotio principali in toto satisfaciatis sitis parituri et ad praemissa judicialiter responsuri.

Datum Lublinii sabbatho post dominicam Rogationum [16 V] proximo anno Domini millesimo septingentesimo undecimo.”

die hodierna actu descripta in lapidea bonorum Przyima in mensa hippocausti lapideae eiusdem, praesente [s. 8] uno ex citatis et familia curiali citationem posuisse et debite notificatam reliquisse, de quo praesens relatio.

Ex actis castrensibus Coninensibus extraditum.

(-) Radecki, mpp.

[in dorso] Ex parte generosi Słucki ensiferri Brestensis Cuiaviae in Przyima positae citationis relatio.

Odp.: Trybunał Koronny Lubelski, Ekstrakty z akt sądów grodzkich konińskich, sygn. 1557, s. 7-8.

Uw.: W transkrypcji pomijam późniejsze dopiski umieszczone na odwrocie odpisu.

Relacja z doręczenia pozwu do Trybunału Koronnego Lubelskiego.

Pozew w sprawie przeciwko urodzonym Krzysztofowi, Samuelowi i Stanisławowi Gorzewskim, braciom rodzonym, na żądanie instygatora sądu trybunalskiego oraz jego delatora, Franciszka Słuckiego miecznika brzeskokujawskiego, dziedzica Bierzwiennej i innych dóbr, powoda.

20 III 1711 przed sądem trybunalskim w Piotrkowie roborowano skrypt czyli ugodę, w której Krzysztof Gorzewski zobowiązał się w ciągu 6 tygodni stawić w grodzie łęczyckim celem sporządzenia szczegółowej ugody (kompromisu) w sprawie pewnych rzeczy i pretensji. Gorzewski nie dotrzymał słowa, przez co podpadł pod karę za niewywiązanie się z umowy oraz pod zapłatę wyrażonego w umowie zakładu. Słucki złożył w tej sprawie manifestację przed aktami grodzkimi łęczyckimi. W związku z nią 16 V wydano pozew do Trybunału Lubelskiego, doręczony Gorzewskim 20 VI w kamienicy (lapidea) dóbr Przyjma. Relację o doręczeniu pozwu składa przed urzędem grodzkim w Koninie woźny sądowy Maciej Szczepański z Brzeźna.