1817 Laboriosa Scholastica de villa Radomicko

Anno Domini 1817 Die Vero Lunae Quarta Mensis Augusti

Coram Illustrissimo et Reverendissimo Domino Clemente Wierusz Walknowski Custode Cathedrali Vicario in spiritualibus et Officiali Generali Posnaniensi comparuit personaliter Laboriosa Scholastica de N. maritata N. oriunda de villa Radomicko et Parochiae ibidem subjecta, Laboriosi Thomae N. de villa Sierpowo oriundi ad Parochiam Radomicensem spectante legitimi Mariti Consors Actrix Principalis,

in termino ex solita judiciorum cadentia et ex actis ac conservatione Causarum, nec non ex Literis Edictalibus iisque tertia vice pro Decanatibus Vschovensi, Smiglensi et Costensi juxta praxim consuetam ex Cancellaria Officii praesentis in ordine ad promulgandum in Ecclesiis Parochialibus supra expressorum Decanatuum diebus Dominicis et Festis ex Ambona coram populo ad Divina audienda congregato contra praedictum Thomam N. ab annis plusquam sex absentem, quatenus si alicubi extiterit ad Consortem suam redeat, aut aliquam notitiam de loco suae commorationis praebeat emanatis

testantibus subscriptionibus omnium Rectorum Ecclesiarum Parochialium in praemissis Decanatibus existentium, alte dictam promulgationem praescripto Instrumentorum Edictalium sufficienter adimpletam fuisse, nihilque notitiae obtinere potuisse, si alicubi existit, aut e vivis decessit, taliterque legitime executis? in diem hodiernam proveniente?, accusata contumacia supranominati citati et moniti in quantum nec per se aut suum legitimum Mandatarium justificationem suae absentiae exhibentis, ac pro termino hodierno comparentis, referendo se ad Literas Missiles primitus ad Illustrissimum Officium praesens per Illustrem Admodum Reverendum Franciscum Xaverium Preuss Ecclesiae Parochialis Radomicensis Curatum sub die 13 Novembris 1816 directas, interponentem petitionem nomine Actricis extraditionis Literarum Edictalium fine deveniendae reperibilitatis absentis Mariti ejusdem ex eo:

Quod dictus Thomas N. provocatus ad servitium exercitus Polonici et jam ab annis ultra sex absens, nescitur quo se divertit, aut si in vivis existit, nullam adusque notitiam de loco suae commorationis praestitit, et taliter Consortem suam deseruit. Ex supra allegata publicatione Literarum Edictalium ut praemissum effectuata minime innotuit aliquod vestigium reperibilitatis absentis qui servitio militari subjectus fuit, et exinde praesumendum venit, aliquo casu fortuito e vivis decessisse.

Ideo inhaerendo Bullae Leonis Papae Decimi ad Regnum Poloniae se regulantis, ob absentiam alterutrius Conjugum arbitrio Locorum Ordinariis sive eorum Vicariis secundas Nuptias posse desertatum celebrare relinquenti et permittenti sibi Actrici in miserrimo statu existenti et manibus victum ad sustentationem vitae quaerenti, facultatem convolandi ad alia Matrimonii vota, salvo etiam si opus fuerit juramento ignorantiae praestando, dari humillime expetiit.

Et Illustrissimus ac Reverendissimus Dominus Vicarius in Spiritualibus et Officialis Generalis Posnaniensis supramemoratus, Termino ex Literis Edictalibus tertiis pro parte Laboriosae Scholasticae N. Actricis contra Laboriosum Thomam N. ejusdem Maritum ex Cancellaria Officii praesentis emanatis, et per subsecutam in Ecclesiis Parochialibus Decanatuum Vschovensis Smiglensis et Costensis ex ambona coram populo ad Divina audienda congregato publicationem, et cum anterioribus binis suo in Judicio productis debite executis citatu? in diem hodiernam proveniente legitimo adinvento, attentaque dictae Actricis intuitu obtinendae facultatis convolandi ad alia Matrimonii vota ad Nos factae Instantia;

Si quidem ex praemissis Literis Edictalibus in Ecclesiis Parochialibus supradictorum Decanatuum legitime promulgatis, de reperibilitate dicti Mariti citati ab annis prope Septem absentis nullum vestigium devenisse constat, imo eundem tanquam servitio militari obligatum aliquo casu fortuito e vivis decessisse praesumitur, et reditus ejus minime sperandus venit, proinde quatenus dicta Actrix pro comprobatione tam diuturnae absentiae quam irreperibilitatis illius juramentum in eam Rotham:

"Ja Scholastyka N. przysięgam Panu Bogu Wszechmogącemu w Troycy Swiętey Jedynemu iako od czasu wzięcia męza Męza (sic!) mego Tomasza N. z Wsi Radomicka na Kanton do Woyska Polskiego, lubom się o nim pilnie dowiadywała, iuz odtąd zadney wiadomosci niemiałam, lub gdzie by się znaydował, i czyli zyie niewiem. Tak mi Panie Boze dopomoz przez Niewinną Mękę Syna Twego Jezusa Chrystusa, przez przyczynę Nayswiętszey Maryi Panny i Wszystkich Swiętych Amen."

praestet injunxit, quod quidem juramentum, quoniam suprascripta Scholastica Actrix judicialiter incontinenti praestitit, ideo conformando se Bullae Leonis Decimi Papae, eidem facultatem convolandi ad alia Matrimonii vota praeviis tribus Denuntiationibus ac Servata in reliquis forma Sacri Concilii Tridentini dandam et concedendam esse duxit, prout /: salvo regressu ad priorem Maritum in casu illius reditus reservato :/ dedit et concessit per praesentes.

Praesente Me Casimiro Stefanski Cancellariae Consistorii Posnaniensis Regente et ad Actum hunc Substituto Notario.

Ex Actis Consistorii Generalis Posnaniensis extractum et Sigillo praelibati Illustrissimi ac Reverendissimi Domini Vicarii in Spiritualibus et Officialis Generalis Posnaniensis communitum.

/-/ Clemens Walknowski Officialis Generalis

Negotium Pauperum.

Kop.: Parafia Radomicko, Liber Copulatorum 1795-1820, AAP sygn. PM 245/03, f. 239c