1766 Relatio Tribunalis Regni Bidgostiensis ex parte Magnificae Gronowska contra Generosum Domiechowski

Relatio Tribunalis Regni Bidgostiensis ex parte Magnificae Gronowska contra Generosum Domiechowski

Ad Officium et acta praesentia Castrensia Costensia personaliter veniens Providus Jacobus Swierkowski de villa Swierkowo Ministerialis Regni Generalis Authenticus sanus existens palam Recognovit se

Citationem Literalem Tribunalitiam Regni Bidgostiensem authenticam infrascriptam tenoris talis.

„Stanislaus Augustus DEI Gratia Rex Poloniae, Magnus Dux Lithuaniae Russiae Prussiae Masoviae Samogitiae Kijoviae Vołhyniae Podoliae Podlachiae Livoniae Smolensciae Severiae Czerniechoviaeque.

Vobis Magnificis Adamo Kołaczkowski judici, Joanni Chłapowski subjudici, Petro Drwęski notario Terrestribus Posnaniensibus Causae infrascriptae judicibus, tum Generoso N. parti adhaerenti bonorum Rogaczewo haeredi et possessori. De Officiis? bonisque vestris generaliter omnibus mandamus, ut in judiciis nostris Ordinationis Generalis Tribunalis Regni Bidgostiensis recte in quatuor septimanis seu tunc? dum et quando causa praesens ex regestro publico sibi Competenti ad judicandum vocata inciderit, personaliter legitime ac peremptorie compareatis.

Ad Instantiam M Franciscae … M Joannis Gronowski... consortis in competenti assistentia agentis actricis. Quae vos insistendo motionibus suis citat ad videndum et audiendum complanationem? quandam in bonis Rogaczewo die 17... anno 1763 sub tractu condescensionis mente decreti Tribunalis Regni Petricoviensis assignatae et acsi decreto condescensoriali corroboratam sine comparitione suae actricae? et sine constitutione massae substantiae tam paternae Domiechovianae quam maternae Mierzescianae cum summo praejudicio suae actricae? confectam quam et Decretum Terrestre Posnaniense Feria II … 1765 praejudiciose prolatum ad authenticam? quietationem in Castro Posnaniensi Feria II … 1765 vigorem ejusdem Decreti Terrestris subterfugiendo pro re G Domiechowski de summa 10 550 florenorum polonicalium acsi in vim dotis assignatum? et levata recognitam ex rationibus in Termino Termini inferendis cassari, Quibus cassatis ac actricae in Jus Naturae restituta transactiones et inscriptiones per olim Generosorum N. parentem pro re G olim N. matris confectas approbari, solutionem summae maternae 10 000 fp. per olim G matrem suae actricae inscriptae decretoque Castrensi Posnaniensi adjudicatae? una cum provisionibus ab actu Transfusionis injungi.

Quo vero spectat restantis Exdotationis Condescensionem in fundum bonorum? Rogaczewo in ordine Constitutionis Massae Substantiae paternae et maternae assignari, Ad haec et alia citamini sitis parituri et judicialiter responsuri. Datum Bidgostiae Feria II... 1765.”

In Officina bonorum villae Rogaczewo districtus praesentis super sella hippocausti praesente coquo feria III … anno praeterito 1765 posuisse et reliquisse.

Źródło: Kościan, grodzka Gr. 191, relacje/protokół, f. 15v (7357)