1757 Malczewski Suskiemu debet

Actum in Costen feria secunda post Festum Nativitatis Sancti Joannis Baptistae proxima Anno Domini 1757.

Magnificus Melchior Skarbek Malczewski bonorum Oporowo Oporówko cum attinentiis haeres et possessor, sanus mente corporeque existens Recedendo etc. Inscribit in et super bonis suis generaliter omnibus ac summis quibusvis pecuniariis habitis et habendis Generoso Lucae Suski summam 20 000 florenorum polonicalium currentis in Regno monetae, infra hinc in Crastino Festi Natalis Sancti Joannis Baptistae proxime venturo in Anno 1758 hic sive coram Officio Castrensi Posnaniensi sub simili vadio solvendam. A qua summa taliter inscripta, si pro loco et tempore suprascriptis persoluta non fuerit et quam diu penes se <Recognoscentem> vel ejus posteros extiterit, ex tunc idem M Recognoscens debebit suaque cum posteritate tenebitur, pensionem seu provisionem annuam a quolibet Centum per 5 fl.pl. ad manus manualemque aut Officio se aequiparandam quietationem dicti creditoris sui aut eius successorum [s. 331] dare, pendere et exolvere. Eam dictae pensionis seu provisionis annuae solutionem a proxime praeterita crastina die festi Natalis sancti Joannis Baptistae incipiendo eam et singulis annis ac festi praetacti crastinis diebus continuando et explendo, idque sub vadio seu vadiis tam summae originalis quam provisionalis pro aliquo anno retentae correspondenti citatus Magnificus Recognoscens de bonis praefatis Oporowo Oporówko cum attinentibus responsurus peremptorie in Castro Posnaniensi.

(-) Melhior [!] S. Malczewski mp.

Or.: Kościan, grodzka Gr. 101, inskrypcje/protokół, s. 330-331 (nr 480).

M. Melchior Skarbek Malczewski dz-c dóbr Oporowo i Oporówko z przyległościami zapisuje G. Łukaszowi Suskiemu sumę 20.000 złp., do spłaty w ciągu roku.