1750 Oblata Literalis Legitimi ortus pro parte N Żabicki

Oblata Literalis Legitimi ortus pro parte N Żabicki

Actum Grodzisci Feria III post Festum Sanctae Annae proxima Anno 1750

Ad Officium et acta praesentia advocatialia Grodziscensia personaliter veniens F N., obtulit eidem Officio ad acticandum, et actis hisce ingrossandum Oblatam quandam, in actis Castrensibus Capitanealibus et Novae Civitatis Korczen, Literalem legitimi ortus pro parte N Żabicki sigilloque Castrensi communitam salvam et illaesam de tenore tali:

"Ad Officium et acta praesentia Castrensia Capitanealia et Novae Civitatis Korczen personaliter veniens Nobilis N. obtulit eidem Officio praesenti et ad acticandum porrexit literas testimoniales legitimi ortus ex Ecclesia Parochiali Dąbroviensi emanatas, manu AR Stanislai Będzienski Comprovisoris Dąbroviensis propria subscriptas, et sigillo communitas, petens eosdem literas a se offerente suscipi, et in acta praesentia inserere, admitti.

Cujus affectationis Officium praesens annuendo, easdem literas a se offerente suscepit, et actis suis connotare mandavit tenore tali:

Universis et singulis, quibus expedit cujuscunque status fuerint praesentem notitiam habituris notum testatumque facio, quod veniens personaliter ad me G N. petiit a me dari sibi literas testimoniales legitimi ortus, cujus petitioni libenter annui, et dedi hasce praesentes?, quibus predictum N. attestor natum esse in villa Dąbrowa ex Nobilibus Parentibus utriusque videlicet N. et N. conjugibus vinculo sancti matrimonii juxta instituta Sanctae Romanae Ecclesiae rite et legitime copulatis, ibidem in Ecclesia Parochiali Dąbroviensi de Sacro Fonte Baptismi in Anno 1658, die vero 14. Februarii lavatum per R Stanislaum Słowieyski Parochum protunc Dąbroviensem, Assistentibus eidem Fonti Baptizmi Domino N. et Domina N. de genere Nobilis Patrinis, prout de hoc acta Baptismorum in Ecclesia praedicta fusius obloquuntur. Quare eum, cujuscunque favorem et gratiam expetierit, omnibus commendo, digne? (si opus fuerit) petitioni benigne succurrere. In quorum fidem praesentes manu mea subscriptas et scriptas illi tradidi.

Datum in Dąbrowa Anno 1686, die vero 14 mensis Maji. Stanislaus Bedzienski ad praesens Commendarius Dąbroviensis manu propria. Locus sigilli. Non residente Perillustrissimi et AR DD M Casimiro Bidecki Praeposito Dąbroviensi Philosophiae Doctore et Professore.

Originale vero earundem literarum idem offerens rursus ad se recepit, et de recepto Cancellariam praesentem quietavit. Actum in Castro Novae Civitatis Korczyn Feria III ... 1686. Locus Sigilli. Correxit Zagorski."

Originalem vero oblatam rursus idem offerens N. ad se recepit et de recepta sibi acta praesentibus quietavit quietatque praesentibus.

Grodzisk Wlkp., Akta wójtowskie i radzieckie 1746-1756, sygn. 1515, r. 1750, f. 15